لـيـــــ؟؟!!ـــــه

[masterahmed]

لـيـــــ؟؟!!ـــــه





تقدروا تقولولى ليه ...؟؟ ... وأزاى الواحد يتعامل مع ال(ليه) دى؟؟
وأزاى أصلا الواحد يكتشف ال(ليه) دى ... ؟؟... وهل ليها حل ...؟؟ وياترى هلاقى حد يفيدنى والا كلكو بتعانوا منها ....؟؟
طبعا كل واحد الفضول بيقتلوا دلوقتى عشان يعرف ايه ال(ليه) دى .... صح ...؟؟؟!!!
بس معلش أستحملونى شوية .... وتعالو أقولكوا على حاجة
عارفين أيه هى مشكلتنا ؟؟؟؟ ... مشكلتنا أن كل واحد عنده حل لمشكلة غيره بس معندهوش حل لمشكلته ...عشان كده لو قلتلكوا ايه ال(ليه) دى ... هلاقى مليون حل ... بس ياترى لو اى حد فيكو هوا اللى بيسأل السؤال دا ..هيلاقى نفس الحل اللى قالهولى....... معتقدش
لاننا دايما بنلاقى حل لمشاكل غيرنا ومبنلاقيش حل لمشاكلنا ............. تعرفوا ليه؟؟؟؟
لاننا بنفكر بقلبنا لما بنقع فى اى مشكلة
طبعا هييجى واحد ذكى يقولى طب اشمعنى بنفكر بعقلنا وبنلاقى حل لمشاكل غيرنا؟؟
هقولو لانها مبتبقاش مشكلتك يا خفيف

طب هسألك سؤال ....... فاكر آخر مرة كان عندك فيها مشكلة عويصة ومش لاقيلها حل ؟؟
فاكر عملت ايه ؟؟؟ ..... طبعا هتسرح وتعمل نفسك مش فاكر صح ؟؟؟؟؟
بلاش أفكرك أنا .... حسيت أن صدرك طابق عليك وإنك مهموم جدا ومش عارف تنام وعندك قلق والأكل ملهوش طعم وممكن حتى تنزل تتمشى لوحدك أو تعد لوحدك كتير فى أوضتك طبعا فى الضلمة وطبعا لازم يكون فى الضلمة لزوم العيشان فى الدور برضو ،، دا غير انك بتعد تفتكر مين من صحابك ممكن تحكيله وتاخد رأيه بس يكون كويس وبيحبك وأمين على السر وهيفيدك ومش هيبصلك بصة وحشة لو أنت غلطان.....
وأساسا ممكن تكون مبتكلمش صاحبك دا كتير ولا بتسأل عليه غير لما يكون عندك مشكلة
بس فى ناس مسخّرة فى الدنيا دى عشان تحل مشاكل غيرها ......... دا قَدَرهم
المهم أنك تروح لصاحبك دا وتحكيلة مشكلتك وتقعد تضخم فيها أوى وتصعبها مع الأخذ فى الأعتبار أنك بتحذف الأجزاء اللى غلطان فيها أو ممكن تقول الأجزاء اللى غلطان فيها أو بتحكيله أجزاء منها مش كلها طبعا وممكن تضيف أجزاء من عندك برضو لزوم التحابيش ........ المهم ...... ييجى صاحبك الشملول دا ... يفكر شويتين بتمعن .. ويهرش فى دقنه شوية ويكشر ويرفع حاجب وينزل التانى ويقولك ......... بص يا سيدى
احنا لازم نحلل الموضوع من الاول .... ويقولك بقا كلام منطقى وكلام كبير اوى وحلول جامدة جدا تلاقى نفسك بقك اتفتح لوحده ولسانك دلدل بره مترين ........... فى حين انك لو قعدت تفكر شوية بتركيز مع نفسك وحللت نفس المشكلة أو جبت ورقة وقلم ورتبت افكارك هتلاقى نفس الحل ويمكن احسن كمان .... بس المشكلة أن الواحد مبيحبش يواجه نفسه وعشان كمان هيفكر بقلبه قبل عقله ،،
وطبعا دا ميمنعش انى بعمل كدا برضو ........ بقوم بالدورين طبعا .....
دور حلال المشاكل ودور المسكين المغلوب على امره اللى مش لاقى حد يساعده
وكل دور فى وقتو طبعا ........ ماهى المشكلة أنى زيكوا
مبعرفش احل مشاكلى بس عند مشاكل الناس تلاقينى برفيسور

الاكيد بقا ان كلكوا نسيتوا اصل الموضوع وانى كنت بسأل (ليه) ......... صح ؟!!!!
بس اللى انا قولتوا دا بيجاوب على ال(ليه) دى وطبعا كل واحد بيشوفها بطريقته ...... ولو حد عنده حل تانى ياريت يقولهولى بس ابوس ايديكوا يكون حل جديد
............................................. .

[ghost eyes]

والله لسه متكلم في الموضوع دا مع واحد صحبي قريب
فعلا بنعرف نجد حلول لمشاكل الاخرين لكن نلاقي حلول لنفسنا ! >> دي صعبه
مع ان ممكن نجد حل لمشاكل آخرى اعقد بكتير من مشكلتنا
لكننا نعجز عن حل اصغر المشاكل اللي بنواجهها
دي طبيعه النفس البشريه او الانسان نفسه .. في ناس كتير فيهم الموضوع دا
وفي ناس تانيه بيعرفوا يفكروا صح ويخرجوا نفسهم من اي مأزق

عجبتني جمجمتك .. شكرا على الموضوع .. جامد جدا على فكره

[masterahmed]

والله لسه متكلم في الموضوع دا مع واحد صحبي قريب
فعلا بنعرف نجد حلول لمشاكل الاخرين لكن نلاقي حلول لنفسنا ! >> دي صعبه
مع ان ممكن نجد حل لمشاكل آخرى اعقد بكتير من مشكلتنا
لكننا نعجز عن حل اصغر المشاكل اللي بنواجهها
دي طبيعه النفس البشريه او الانسان نفسه .. في ناس كتير فيهم الموضوع دا
وفي ناس تانيه بيعرفوا يفكروا صح ويخرجوا نفسهم من اي مأزق

عجبتني جمجمتك .. شكرا على الموضوع .. جامد جدا على فكره

شكرا على مرورك الجميل والله فرحت بتشريفك ليه .......

[tahani.h]

أولا أوجه شكر كبير لصاحب الموضوع (ليه)
لأن الموضوع مشكله نعاني منها في حياتنا (ليه)
لأن الأنسان خبرته قليله في الحياه (ليه)
لأنه الثقافه صارت 0%(ليه)
ماصار في تشجيع على حب الأستطلاع(ليه)
أهمال دون سبب أو حتى لو كان سبب.... حبيت الموضوع(ليه)
لأنه مميز(ليه)
لأني أنا شخصيا من دون ليه هاذي أموت و لأن الليه هاذي صفه فيا أنا دائما أسأل كثير هع أتورط بعض الأحيان
سلمت أناملك المبدعه على الطرح المميز
تحياتي أختك:Dr.1

[الفتى الاصيل]

موضوع في قمة الروعة تعرف ( ليه )
لأن من قلم منير صاحب فكر مستدير

الشكر لقلمك الرائع المثير

اخوك الفتى الاصيل

[masterahmed]

ايه يا جماعة ؟! الموضوع مش كده خالص

لو كسلتوه تقرئوه عادى بس قوله منعا للاحراج!

[kamil Queen]

سوري احتاج مترجم لهاي اللغة لحتى افهم

اتمنى تكتب مواضيعك بالعربية الفصحة لحتى الكل يفهم

نصيحة لا غير

[masterahmed]

سوري احتاج متجرم لهاي اللغة لحتى افهم

اتمنى تكتب مواضيعك بالعربية الفصحة مشان الكل يفهم

نصيحة لا غير

متجرم

مشان

لا افهمك ........!

[tahani.h]

ايه يا جماعة ؟! الموضوع مش كده خالص

لو كسلتوه تقرئوه عادى بس قوله منعا للاحراج!

لا والله
بس شكلي للي فهمته من فهمي أنا غلط هع المهم حبه حبه أستفهم كل كلمه تقولها >>>>>راح أزعجك ألين أفهم كل كلامك كلمه كلمه و أيش تقصد فيها اوكيه فهمي بطيء

[kamil Queen]

لا افهمك ........!

عملت تعديل هلأ بتفهم

[masterahmed]

لا والله
بس شكلي للي فهمته من فهمي أنا غلط هع المهم حبه حبه أستفهم كل كلمه تقولها >>>>>راح أزعجك ألين أفهم كل كلامك كلمه كلمه و أيش تقصد فيها اوكيه فهمي بطيء

لا فهمك ليس بطىء بالطبع لا

الاختصار المفيد

اننا نحل مشاكل الاخرين ببراعة

حتى لو كانت اعقد من مشكلتنا

ولا نستطيع حل مشاكلنا نحن

متشكرين على عودتك

[masterahmed]

عملت تعديل هلأ بتفهم

المختصر المفيد فى المشاركة القبلى

و كنت فاهم بس بستعبط

اسف على ازعاجك اهم شىء سعادتك

[masterahmed]

عملت تعديل هلأ بتفهم

لهجة مختلفة وفهمتها ليست لغة فصحه

الكلا م ليس صعب

كلنا عرب ونفهم جميع لهجاتنا

وفى الاول والاخر سعادتك بالدنيا

[kamil Queen]

اوك انا كنت بس بدي شارك لو كنت فاهمة

سوري على الإزعاج

[masterahmed]

اوك انا كنت بس بدي شارك لو كنت فاهمة

سوري على الإزعاج

لالالالالالا ما فى ازعاج ابدا

انا من ازعجتك

متشكرين الحقيقة على المرورو الجميل

اراكى فى المواضيع القادمة باذن الله

[tahani.h]

لا فهمك ليس بطىء بالطبع لا

الاختصار المفيد

اننا نحل مشاكل الاخرين ببراعة

حتى لو كانت اعقد من مشكلتنا

ولا نستطيع حل مشاكلنا نحن

متشكرين على عودتك

هع يعني اللي فهمته صح بس شكلي عبرت عنه بطريقه غلط بحيث انها بعدت عن المقصود
و مشكووور مره ثانيه على الموضوع المتيمز
تحياتي أختك:Dr.1
لاتحرمنا من جديدك^^