السلام عليكم ورحمة الله وبركاته...
كيفكم اعضاء مكسات ..؟
ان شاء الله تمام..
من زمان على قسم الدروسعشان مافي تصاميم مبتكرة او افكار جديده
على العموم حبيت اعمل درس يشرح الخطوات الاساسية لعمل توقيع اتحرافي..
يعني الي بنلاحظه دحين في دروس التواقيع انها كلها بس حط خامه فوق خامه وغير المود وحط الرندر...
مافي ابداعات او ابتكارات...
والدرس يمكن يكون شوية طويل لكنه سهل ومناسب للمبتدئين..
وكمان عملت الدرس على دا التصميم بالذات لانو صديقتي الصدوقة طلبت مني اعمل درس عنه..
اول شي النتيجه هنا ..
الادوات
هنآآ
نبدأ بسم الله...
اول خطوة نعمل الخلفية وما نكثر فيها من الخامات والفرش وغيرها من الادوات لانو نبا التركيز يكون كلو على الرندر
تاني شي نختار فين يكون محل الرندر ونعمله زي الخلفية الصغيرة الخاصه بيه ونعملها يا بفرش السبلاتر او خامات ضوئية او غيرها من الادوات مثل ماني عامله
تالت شي نضع الرندر في محله المناسب وطبعا نصغره وما نغطي كل الخلفيه الي وراه
نبدأ نضع بعض الخامات الصغيرة حول الرندر او فرش او خامات ضوئية عشان يبان انه الرندر مندمج مع الخلفيه وكل الخامات والادوات تكون حول الرندر عشان لا يكون التصميم مبعثر
بعد ما نخلص من الرندر والخلفية نجي للتكست.. كتير من الاعضاء يحسبو ازا كان التكست مزخرف وكبير يطلع حلو .. بس في الحقيقه لا لانه احنا ما نبغا يكون التركيز على التكست نبغاه على الرندر وطبعا التأثيرت ولون الخط ناخدها من لون في التصميم مثلا في تصميمي ناخد يا اللون الرمادي او الاسود وما ناخد الاصفر لانه التصميم مع التأثيرات راح يسير مصفر فلازم يكون في لون مخالف له
بعدها نجي للتأثيرات وما نخليها كتيرة بحيث انها تطغي على جمال والوان التصميم فقط تأثيرات بسيطه وتكون مناسب لونها للتصميم
الخطوة دي احسها مهمة بالنسبه لي كتيير ... لانو الاسود بالنسبه لي احسه جميل في كل شي ولا تصميم من عندي يخلو من دي الخطوة ... لكن لاحظت انو معظم الاعضاء ما يحبو السواد من خلال تلبيتي لطبات الاعضاء
ثامن شي الإضاءة وتكون من زاويه مناسبه من حيث الرندر وتكون خفيفه مو مسوية زي الدائرة البيضاء
آخر خطوة وهو الحد هادا انتو ابدعو فيه
اخر شي لمن تحفظو التصميم دائما احفظوه بصيغة png حتى ولو ما كان بخلفية شفافة.. لانها افضل وانقى صيغه
_____________
بس هنا انتهيت من درسي...
هناك طرق كتييرة غير دي الطريقه لتظهرو توقيعكم بشكل احترافي...
نصيحه ادخلو موقع ديفاينت ارت وشوفو ملفات ال psd راح تشوفو طرق عجيبه لصنع التواقيع...
مو يعني سويت توقيع وحطيت اضائة وسمدجه وسي فور دي سار توقيع احترافي ...!!
امنيتي انو تتقلل دروس التواقيع وتكون دروس عن تصاميم مبتكرة وفكرتها جديده ..
على الاقل لو كانت دروس عن تواقيع تكون مبتكرة ورائعه ما تكون تقليد للتصاميم الغير..
اتمنى اعجبكم الدرس..
تحياتي.
silvia
اضافة رد مع اقتباس
..~ مع شوية اغلـاط 
المفضلات