بسم الله الرحمن الرحيم ..
اول شي ندخل بالموضوع وبعدين اقول لكم وش دخلن العنوان بالموضوع ..
بالبدايه طبعا كلكم عارفين وش يعني بويه ..
وماعتقد احد ابدا مايعرف معناه .. بس انا بوضحه للي مايعرف ..
يقولك البويه هو مسمى اطلقه المجتمع على النساء المتشبهات بالرجال سواء باللبس
او التعامل او الأخلاق او التصرفات طبعا تكون كلها تصرفات ذكوريه ..
هالظاهر هذي انتشرت كثير وشفناها كثير بمدارسنا ويمكن أكثر بالجامعات والكليات من المدارس
بدأ الانتشار وبشكل ملحوظ جدا من المشاجرات والخلوات وغيرها الله يكفينا الشر ..
بصراحه ظاهره تضيق الصدر .. تحسين باشمئزاز لما تشوفين البنت بكل شي ( ولد ) .. حتى الاسم بعد
طبعا البويات عندنا ماترضى ان وحده تكلمها على انها بنت ولازم تختار له اسم ولد او احد المعجبين فيها
يختارون لها اسم وخلاص تمشي على هالإسم ..
بتصرفاته ولد تمشي بشكل رجولي الصدر على قدام الكتوف مشدوده النظره حاده تمشي مشية واحد عربجي
طبعا موب بعيد تمسك عصا وهي تمشي وهذي شفته انا بالجآمعه ,,,
نجي للصوت حتى بالصوت تكون ولد تحاول انه تخشن الصوت وتثقله لازم عشان يركب مع الإسم
( مسترجله ) ..
طبعا شخصية المسترجله تكون شخصيه قويه ( اللي انا اشوفه انه على نفسه بس ) واذا تختار لها حبيبه
او احد يعجب فيها لازم تكون هي اللي تفرض عليها امور لانه هي الولد .. وشفت هالشي كثير ..
يعني تكون شخصية الطرف الآخر ضعيفه ..
وأعتقد الظاهر هذه هي ظاهره سلبية في المجتمع ترجع إلى عوامل أسرية واجتماعية وباعتقادي تحتاج
الى علاج نفسي باشراف طبي متخصص وطبعا مساعدة من الاهل اذا يعلمون عن امرها ..
انا والله مااعرف سبب انتشار هالشي غير انه ضعف ديني وحرمان من عاطفي ..!!
نجي للاسباب الاجتماعيه .. ممكن ان البنت تكون وحيدة امه وابوها والبقيه ذكور ممكن تتأثر بتصرفات
اخوانها بالبيت وتتصرف مثلهم ويمكن والديها يعاملونها انها ولد ويحسسونها انها هي المسؤوله عن كل شي
بالبيت او يقولون لها مده مثل قولة ( أنتي عن عشرة رجال ) ..!!!!
أو يُعتمد عليها بكللل شي كـ أن يطلبون منها انها تتكلم مع عامل بالبيت في ضل غياب الأب أو انها تتعود
على ان تطلع برا البيت وتخلص شغلات المفروض تكون على ظهر الأخ وليس الأخت ..
وأكيد هي بالحاله هذي بتعجب بدوره وتتقمص هالتصرفات هذي بالمدرسه والجامعه ..
تجيك هنا بالمجتمع التعليمي تلعب هالدور هذا وتلقى كطل البنات ( وااااو ) وهو بالأصل شي تشمئز منه النفس
والله شي غبي مع احترامي ..
الله خالقك بنت وش حولك تجين تقلبين ولد .!!!
الشكل بناتي الجسم احيانا الصوت وتجي تستغل هالأشياء في انها تكون ولد ..!!!
طيب بقول لكم شي شفته باحد الايام بالجآمعه ,,
دخل تركي وقابل صديقاته .. المهم قالوا له صديقاته تركي تعال وهو توه داخل من الباب ..
قال اصبروا بودي عباتي واجي ..
اول مره اشوف تركي يلبس عبايه ..
حدث ولا حرج عندنا ناصر وتركي وفارس .. الوان واشكال ..
انتم يالعيال عندكم نوف وساره ولينا .؟
انا اشوف كم بويه الصبح تجي من البيت تفسخ العبايه < ادري انه ماتجي بس امسحوها بوجهي هع
تجي وتدخل دورات المياه الله يكرمكم عشان المرايات وينفشون الشوشه هناك تقول باخن بوجيههم بس
يعني مادري اذا اهلهم يعرفون عنهم هالاشياء هذي ولا لا ..!!!
لدرجة ان وحده تفاجأنا انها كانت اول بويه وتحولت بيوم واحد بس لبنوته تجنن شعرها طوووويل
وكانت نعومه حيل عرفت ان اول كانت ترفع الشعر وتلبس باروكه ولادي ..
وربي شي يقهر كنت دايم اقول لصديقاتي ماحب اشوفها شكله سبحان الله بالولادي قبيح .. انا ما اتطنز
بخلقة الله سبحانه لكن هي اللي سوت هالشي بشكلها ولا الله معطيها شكل انوثي وتروح تستغله بشي ثاني ..!!
انصحك لا تلبسين الباروكه وربي فيها تطلعين قرف .. وبدونها روعه ماشاء الله
اذكر بعد موقف شفته بالجآمعه كانت البويه تمشيهي وصديقتها ( البنت ) وكانت البويه تظرب بنات خلق الله
بكتفها ..!!
يعني تمشي وتميل للبنت عشان تظرب الكتف وربي شي طار عقلي منه والله ماكنت اتوقع انها تسوي هالشي ..!!!!
والمصيبه ان البنات ساكتين بعذرهم طايرته بوهتهم من هالتصرف الغبي ..
عاد انا ماخلي النجاسه هنا يجي دوري
كنت امشي ورا البويه بسبقها بشوف تسوي لي شي ولا لا .. ماكنت بمد يديني عليها لانه عارفه الظرب عمره مافاد
بس كنت بعطيها كلام قوي تستحي على نفسه وتعرف ان هالشي اللي تسويه غلط وبقوه .. لكن وانا امشي
شافوني بنات فلاااااانه واعصب ههههه ورجعت للبنات اللي نادوني ..
..
فوق هذا كله اللعن يا عالم ..!!!!
[ لعن رسول الله المتشبهين من الرجال بالنساء والمتشبهات من النساء بالرجال ]
كلكم طبعا تعرفون اللعن اللي هو الطرد والإبعاد عن رحمة الله وفيه حديث ثاني اللي هو [ لعن النبي
المخنثين من الرجال والمترجلات من النساء ] والمترجلات من النساء يعني اللي يتشبهن بالرجال في زيهم وهيئتهم ..
وهي ملعونة على لسان رسول الله لا ينظر الله إليها يوم القيامة نظرة رحمة ابدا ولا تدخل الجنة
قولولي بس وش أكبر من هالذنب ..؟؟؟ وما اقبحه من جرم ..!!!
..
عذرا على الاسلوب الجميل ..
وانا مانويت اكتب كل شي عن هالظاهر هذا شي مبسط جدا عن اللي اعرفه ..
اتمنى انه ينآل اعجآبكم يآرب
اضافة رد مع اقتباس
مشكوره ويسلمو على الموضوع
المفضلات