مرحبا فيكم اخواني واخواتي :
عندي موقف صار معي واتمنى اشوف ارائكم .. وهل تفكيري ورايي صحيح ام لا ...
كنا انا وصديقاتي نتكلم عن الامتحانات وعن الغش اللي يصير فيها ... وحده من صاحباتي قالت :
ابن خالتها كان في الامتحان وكان المدرس المراقب من النوع المتساهل (يعني مو متشدد) وكان الطلاب يغشون .. هذا اللي يطلع ورقه .. وهذا اللي يرد الحل لصديقه .. وهكذا .. وفي بعض الاحيان المدرس نفسه يراهم ولا ينكلم ... (طبعا جزء من المسؤليه يقع عليه لانه سمح لهم) .. المهم البنات صاحباتي قالوا : يلا خليهم يغشون ما فيها شي ... طبعا انا ما رضيت على كلامهم وقلت لهم ان هذا يعتبر غش .. وهو بالتالي حرام .. وكانت ردة فعل البنات علي شديده ... وقالوا : مادام المدرس شافهم وما تكلم لا يعتبر غش ... فرديت عليهم وقلت لهم : حتى لو سمح لهم بذلك .. فيجب ان يكون الطالب مراقب عن نفسه قبل ان يراقبه المعلم او المدرس ... والله مراقب عليه ..
اتعلمون ماذا قالوا لي حينها وهو اللي صدمني : يقولون لازم اغير نظرتي للحياة ... وان تفكيري غلط ..!!
وطبعا هذا رايهم بالاجماع .. يعني حتى ما اعطوني مجال ان اتكلم ...
اصدقائي ما رايكم .. هل انتم معي .. ام معهن .. ارجو رايكم بكل صراحه ... واذا كنت على خطا اوضحوا لي خطاي اين هو ؟؟؟
ارجو التفاعل معي والاجابه على موضوعي ... حتى اعرف اين الصواب ..؟؟
اضافة رد مع اقتباس
المفضلات