المرحلة الثانوية × الأهل والحرب النفسية .... (< شارك برأيك >)
مرحبااا بالكل...مشرفين والله
طبعا مع بداية المدرسة
حبيت أحكي بهالموضوع
أكيد كلنا بنعرف الضغط الواقع عالطالب بالثانوية
يعني واجبات ومشاريع ودراسة ومراجعة وامتحانات
وأشياء وأشياء وأشياء وما بنخلص
أنا مو جاية أحكي عن هالأشياء طبعا
لأنو أكيد الكل دايق مرارة المدرسة
موضوعي عن الضغط النفسي يلي بيعملوه الأهل عالطالب
متل:"هالسنة مافي كمبيوتر ولا تلفاز إلا بالعطل"
وكمان:" لازم هالسنة تسجل معهد وتحضر مدرسين خصويين بكل مادة"
طب يا بابا أنا ما بعرف افهم إلا باسلوبي الخاص
وكمان:"هالسنة لا تسجل نشاطات بالمدرسة ما في وقت إلهم"
ووو:"طلعات مافي" وجمعات مع رفآتك مافي"
وكمان وكمان وكمان من أساليب المنع والحرمان
لحتا الواحد فينا يطبق صدرو ويقعد بغرفتو مخنوق
ما عاد يقدر يكمل
ما في ولا نوع من أنواع الترفيه
والكتب كلها كلام بكلام وبقواعد بمسائل
بتصير بالاخر مع الولد حالة نفسية,,,,,ولحقوه عالمشفى يا ماما وبابا
يا أما ضايق نفسو...يا أما صار يصرخ...يا أما بدأ ينتف شعرو
لا تستغربو..قصة تنتيف الشعر صايرة مع ارفيئتي
وبالنهاية بعض الأهل ما بتعجبون درجات ولادهون
مع انو درجاتهوم بتكون معقولة كتير
-----------------------------------
أنتو شو رأيكون يا شباب ويا صبايا؟؟
شو رأيكون بهالاسلوب القاسي لبعض الأهالي؟؟
بتعتقدو اعطاء طالب الثانوي شوية ترفيه رح يأثر بدرجاتو؟؟
ضيفو شي من عندكون ازا حابين...
-----------------------------------
انشالله يكون النقاش حامي
عم استنا ردودكم
اضافة رد مع اقتباس
..
..
او ...
المفضلات