أنا سودانية.. و الزول الهناكـ هندي..و داكـ من جنوب افريقيا..فيها حاجة..؟
السلام عليكم
كيف حالكم ان شاء الله بخير^^"
عذرا العنوان باللهجة السودانية لأجذب الانتباهـ..
حبيت أطرح موضوع عن ..
{ الاستهزاء بجنسيات الآخرين و شعوبها}
في هذا الزمن كثير ما انتشر الاستهزاء بالشعوب و أهلها و لهجاتها و عادتها و تقاليدها..إلخ
مع اني ما اعرف شو الداافع المنطقي و المقنع لها الاستهزاء التافهـ الي مالهـ معنى..
لا و البعض صاير يطلق نكات ماشاء الله..
السودانيين كسلانين..؟؟؟؟؟؟كيف أبي جواب منطقي و لو واحد عـ الأقل..!
اشلون صاروا السودانيين كسالى بناظركم..؟ انتوا رحتوا السودان و شفتوهم اشلون عايشين عشان تقولوا عنهم كسالى..؟والله أمركم عجيب
الهنود وش فيها واحد هندي أسمر لهـ لغتهـ الخاصة البعض يراها مضحكة..!
يعني لغتكـ أفضل من لغتهـ..؟!
وتعاملوهم أذل و أحقر معاملة..!
و الآفارقة السود بشكل عام تقعدوا تعيبوا عليهم
شووف هذاكـ اشلون أنفهـ وع><"..!
هذا أسود ملامحهـ مو باينة حتى ههههههههه..!
و هذيكـ ماشاء الله دبة ايش تااكل عشان تصير بها الشكل خخخخ..؟
يعني استهزاء و سخرية مالها داعي الصراحة
ومسويين مسلمين هااه
شو دينك:مسلم
وكما قالت أختنا ملاكـ الورد في موضوعها..
من قدوتكـ:الرسول صلى الله عليهـ و سلم..
و اشلون تأكد لي انك مسلم:أسوي الي بديني و أمي و أبوي مسلمين...إلخ
تسوي الي بدينك هااه..!
بس مو بشكل صحيح..
[حرآم] الاستهزاء بخلق الله..
{ يا أيها الناس إنا خلقناكم من ذكر و انثى و جعلناكم شعوبا و قبائل لتعارفوا إن أكرمكم عند الله أتقاكم إن الله عليم خبير }
كل من في الأرض هو من شعب و قبيلة محددة و بلدهـ أو قبيلتهـ له عاداته و تقاليده الخاصة..ما خلقنا الله كذا إلا عشان كل دولة تكمل الدولة الثانية بعاداتها و تقاليدها..!
و انتوا :لاااا عاداتنا أحلى و أحسن و ارحم مدري اشلون هذولهـ عايشين بها الطريقة..!
بعدين أمـ و أمي و أمهـ و أبوهـ و أبوكـ و أبوي آدم و حواء عليهما السلام..تعاملوا
وتغتابوا و تتمسخروا على اخوانكم من نفس أصلكـ..!
أيا كان دين الثاني هو أخوكـ بالنهاية هذي معاملتكـ لهـ..!
يكفي قرقرة لغاية هنا..
أبى أشوف أراءكم و اعتقاداتكم و ردة أفعالكم لها الموضوع..
رجاءً الي يبي يناقش بدون جرح مشاعر أي عضو و بأدب تتناقش..
كما تعلم هنالك آداب الحديث يا مسلمين..!
اضافة رد مع اقتباس
.. 
.. 
...
... 
المفضلات