السلاااااااام عليكم ورحة الله وبركاته ..
كييف حال الجميع اتمنى ان تكونو في اتم الصحه ..
السعاده تغمرني هذه الايام ..والابتسامه مشققه شبرين من الاذن للاذن . .(قل اعوذ برب الفلق )...
وعلى قوله تيمون وبومبا ..اتونا بطاطا ..
هههههههههههههه
بصراحه لا اعرف كيف ابتدي موضوعي
فهذه الاجازه كانت وعلى غير عادتها مليئه بالغرائب والعجائب والمواقف الطريفه والتي لم تخطر على بال بشر خخخخ ..بالنسبه لي طبعا
مبتدئه بموقف العريس الاهبل ههههههههه ..ودي اقلكم عالسالفه يابنات لولا اني تذكرت الايه الكريمه ..لايسخر قوما من قوم ......><
ومنتهيه بهذا الموقف السعيييد .....
في يوم الجمعه وليله السبت تحديدا.. الموافق لاول يوم دراسه في السعوديه
رن الهاتف >>وخير ياطير
مصعب ::محبه كلمي التلفون
واخذت رجلييييني وطرت عالتلفون ..بس مالقيته بالغرفه
تبعت السلك ليقودوني لحوش المنزل احم ..
محبه لاختها ::مين تكلمييين
اختي ::وحده تبغاكي ..وتقولي ان اسمها OceanBreeze
محبه.. بنظره مدلخه ::هااها عن الدلع اكيد هدي صالحه ولا دلال ياربي هذولا البنات مايشبعون تريقه
اختي ::مدري خدي واسمعي بنفسك
محبه :: الو
المتصل ::السلام عليكم>>قالتها بلهجه مصريه
محبه :: وعليكم السلام ..مييييييييين ؟؟
المتصل ::انا اوشن بريز انتي محبه ؟؟
محبه :: هاااااا ..أي نعم
المتصل ::والله انا اوشن بريز تبين دلييييل؟؟؟
محبه ::؟؟؟…….!!!!
المتصل ::فديت الي يحبني واحبه كثر حبه لي وزوود
محبه ::=====================لاتسالو عن حالي دموع غزييييييره ممزوجه بضحكات متعبه وصوت صراخي يدوي في ارجاء المنزل وانا اقول اهئ اوشن بريز لا لا ماصدق اهئ ههههه اهئ ههههه والله اوشن والله اوشن>> الله يستر مايكون الجيران سمعو صياحي اصلي نسيت اني في الحوش
ومامرت ثواني الا والعيله الكريمه حولي ..
اختي هدت الوضع مافي شي يالله انقلعو ..وتستمر المحادثه
اوشن بريز ::ههههههههههههههههه شوي شوي حبيبتي لاتصيحي
محبه ::لاوالله مو مصدقه اهء اهئ هههه..انتي اوشن مستحيييل ومين اعطاك رقمي وليش متصله عالتلفون وليش تتكلميني بلهجه مصريه مو انتي اماراتيه وووو
اوشن :: هههههه أي والله انا اوشن ..رقمك عندي من زمااان من ثلاث سنوات لما وحده من صحباتك اعطتني رقمك
محبه ::ايوه تذكرت ..ماشاء الله يعني بعدك محتفظه بالرقم طول هالمده
اوشن:: ههه ايوه وكنت بتصلك من زمان بس والله شويه ظروف وكدا وبعدين انا مو متعوده اكلم بنات من النت وهذي والله اول مره اسويها
محبه ::حبيبتي والله تسلمين عثقتك ..والله ماتتصوري ايش كثر انا فرحانه بسماع صوتك
اوشن ::لاني احبج واالله احبج في الله في الله يامحبه >>احبك الله كما احببتني فيه
بعدين تعالي تحسبيني مصريه
محبه :: ايوه ليش تكلميني مصري ؟؟
اوشن ::لا انا بس ابغى اتكلم سعودي بس ماعرفت اخاف اكلمك بلهجتي ماتفهميني
محبه ::ههههههههه على بالك انا حجازيه ..لا حبيبتي حفهمك ..الناس كلهم في كفه والامارتيين عندي في كفه ثانيه >>فدييت الاماررررررات واهلها
محبه::اقدر اسالك اسمك الحين ..
اوشن :: اكيد بس طبعا امانه مابي احد يعرف لانه ...........
محبه ::ولايهمك عيوني سرك في بييير
^______________^
طبعا" يمكن نصكم اذا ماكان كلكم مايدري مين هي اوشن بريز ؟؟ولاحتى مين هي محبه ..
كل الي اقدر اقوله باختصار ..هذي عضوه عرفتها بهاالمنتدى تقدرو تعرفو قصتها في هالوصله ..
http://www.mexat.com/vb/showthread.php?t=63984
حبيتها كثييير واحترمها اكثر..عمري ماسالتها انتي مييين او من وين ؟وهي نفس الشي
هي ماتعرف عني غير اسمي وبلدي .وانا ماعرف عنها شي ابد سوى انها اماراتيه من لهجتها بالمنتدى ..وبالرغم قله دخوليي للنت وبالرغم اني لااملك ايميل مستقر الا ان صداقتنا مازالت مستمره بفضل انها مازالت تستخدم نفس الاميل منذ سنوات ..ولكن حتى عندما غيرته مؤخرا استطعت الحصول عليه من احدى العضوات القديمات ..
بعد انتهاء المحادثه ..بكيت واحترقت بكاء ..لااعلم ان كانت هذه دموع الفرح التي اسمع عنها دائما ..ولكني كل مااعرفه اني بكيت بكاء فقيييد
ادري بتقوووووولوون واحنا ويش علينا عشان تدويشينا بهاللقصه
ولكن ..اميلي ولوليتا وتاتوووو قيرل وابل او مالينا ويمكن كوثر وكاتي وانترنال سعودي وبلاكي وكاسح بك طبعا" ..وكل عضو قدييم يعرف اوشن بريز حيفهم سر فرحي
غريبه هالصداقات الي تصير بهالمنتدى صح ؟؟^_______________________^
كل الي اعرفه اني قلبي تعب من هالصداقات الالكترونيه خلاص لحد هنا وكفايه
ايميلي ولوليتا حشينا فيكم انا واوشن سامحونا ترى والله بالخيير ههههه
واخيييييييرا ..دمتو بالف عافيه
وعسى ربي يجعل كل ايامكم فرح وسعاده ...
اختكم ..
الاستاذه محبه >>الله يعينا على بنات الثانوي
المفضلات