السلام عليكم ورحمة الله وبركاته
اخوانى الاعزاء
اثناء تصفحى على النت وجد موقع يقوم بطرح مشاكل الناس وبيقوم الاعضاء بابداء ارائهم والمساعدة .
فأحببت ان انقل بعض المشاكل ونقوم بحلها سويا وليكن كل يومين او كل يوم مشكلة شكل
أصل المشاكل كتيييير
وهتكون المشاكل متنوعة
وسوف أبدأ بأول مشكلة
عنوان المشكلة
أريدا حلا ساعدونى
والان مع المشكلة
(السلام عليكم ورحمة الله وبركاته
اخواني اريد منكم حلا لمشكلتي هذه
ريحوووووووووووني الله يريحكم دنيا وآخرة
مشكلتي او قصتي بدات من هنا
من اول مرة اسجل فيها في المنتدى
في البدايه كانت مشاركاتي في المنتدى نفسه لكن بعدين بعد ما اضافه التشات على المنتدى سجلت فيه
تعرفت على ناس وتكلمت معاهم بس ماكان احد يعرف اني بنت يعني سجلت باسم ولد
في يوم من الايام دخل احد المشرفين على التشات اول ما شاف الاي بي ومن وين انا اتصل سالني اذا كنت شيعى ام سنى
من اي مذهب انا
المهم عرف عني كل حاجه بعد ما تكلمنا ع الخاص
مع هذا كله لم اخبره بالحقيقه واني مش ولد
والله فضلنا مع بعض يمكن اسبوع واحنا على هذا الحال
صراحه انا حبيته مش من اول مرة لا من بعد ما تعرفت عليه كويس وعرفت هو مين وبيفكر ازاي
على فكرة هو اصغر مني ب6 سنين
يعني انا عندي 25 وهو 19 سنه
في البدايه لم اكن اعرف انه صغير كنت فاكره عنده 32 سنه والله لو كنت اعرف ان عنده 19 ما كنتش استمريت معاه بس هقول ايه اكتشفت ده متاخر جدابعد ما وقع الفأس في رأس
والله انا حبيته بجد ومن كل قلبي وحاولت اسيبه اكتر من مرة بس ما قدرت يعني مو بايدي والله
المهم بعد كم يوم كده قالي على وحده هو بيكلمها ع التشات يا فلان انا بحب وحده هنا ممكن تساعدني قلت له فالك طيب يا خوي راح اساعدك بقوله كده وبتقطع والله والنار قايده في قلبي عارفه هتقولوا انت تفكيرك زي العيال او وحده مراهقه
بس اعمل ايه مش عارفه حد يساعدني
والله حبيته ومش شايفه غيره
المهم بعد كم يوم كده قلت له انا عندي سر وانت لازم تعرفه بس بعد ما خلص مشكلتك مع اللي بتحبها قالي لا
لازم دلوقتي فضل مصر على كلامه لغاية ما عرف كل حاجه
واستمرينا على هذا الحال لغاية هذا اليوم يعني حبينا بعض جدا على فكرة هو من بلد وانا من بلد تانيه وبعيييده جدا عن بلده
اللي محيرني ومتعبني فرق السن اللي بينه والتشات اللي تعرفنا على بعض منه والله انا خايفه لا يحصل بعدين مشاكل
هو بيقول انا مش فارقة معايا السن
وعلى فكرة هو حاول يسبنى بس كل مرة بيرجع ليا تانى مبيقدرش يسبنى
ولما بسؤاله ليه عايز تسبنى بيقولى عشان كلامنا حرااام
طلبتكم لا تردوني ساعدوني عطوني حل)
وانتظر حلولكم يا شباب لهذه المشكلة لنعرض اخرى
أرجوا تثبيت الموضوع
والسلام عليكم
ملحوظه :المشكله اتحلت بس انا حطيت المشكله عشان اعرف انتو تفكركو عامل ازاى ايه الافكار اللى عندكم ايجابيه ولا سلبيه ؟
واي حد عندو مشكله مشابهه بس مكسوف ممكن يبعتلى رساله وانا اعرضلو مشكلتو
بدون قول اسم الشخص
وعلى العموم انا فى ناس عملت الموضوع ده فى منتديات كثيره وحليت مشاكل كثير مع ناس
وانا لسا عندى كتير بس خلينا فى ديه الاول
وانتظر افكاركم والى اللقاء
اضافة رد مع اقتباس
المفضلات