ماسنجر بلس ... موضوع للنقاش... تفضلوا

[sweetygirl]

السلام عليكم ورحمة الله و بركاته

كيفكم يا اعضاء و عضوات مكسات المحترمين

من زمان عنكم .... اقصد من زمان ما نزلت مواضيع >>>> طبعا اللي ما يعرفني انا عضوة قديمة شوي بس كنت مختفية لفترة

المهم موضوعي اليوم عن ظاهرة موجودة في تقنيتنا الحديثة

و عشان ماطول عليكم رح اتكلم اليوم عن ماسنجر بلس

طبعا مين مايعرف Windows Life Messenger

اللي كل يوم يتحفنا بنسخة جديدة من نسخ الماسنجر

و اخر شيء اتحفنا بالماسنجر بلس او اقدر اقول البلوة بلس

طبعا انا نزلت الموضوع لانه محد اتكلم فيه لسه

ماسنجر بلس عبارة عن برنامج يركب على الماسنجر 8 او 9 و فيه خواص جديدة و حديثة عشان تزيد تواصل الناس ببعضهم و تخلي العالم قرية وحدة >>> هذا التعريف بالمختصر المفيد

طبعا انا لمن ركبت الماسنجر بلس كان فيه خاصية من خواصه العديدة و اللي شدت انتباهي مررررة

و هيا انك تقدر تحفظ المحادثات اللي بتجريها مع اصدقائك

طبعا هذي التقنية لو فكرنا فيها اكتر فهيا سلاح ذو حدين ليش

لانه لمن انت تسيف محادثات اصدقائك فانت رح تتعدى على خصوصيات كتيرة كيف ؟؟؟

اول شيء لو في ولد حاب يلعب على بنت فهذي التقنية الحديثة رح تسهلوا مهمتوا مرة كتير

يعني مو كفاية البالتوك و البلوتوث و الان عشان يكملوا بقية الطقم اصبح الماسنجر كمان

طبعا الماسنجر بلس رح يسجل المحادثة باليوم و التاريخ و الساعة و الشهر <<< الظاهر يبغوا يريحوا الشباب

طبعا ممكن نستخدمها في شيء كويس

مثلا:

انت بعيد عن اهللك و تكلمهم بالماسنجر فانت تقدر تحفظ المحادثات و تتذكرهم بيها " يعني مجرد ذكريات"

بس طبعا الغالبية العظمى على ماعتقد رح تستخدمها بشكل سيء جدا

و هذا شيء معرووووف او متوقع غالبا

يعني لو قلنا واحد شاب يبغى يلعب على بنت زي ما ذكرت فوق فرح تتسجل المحادثة تلقائيا في المجلدات

و يلا ممكن يوريها بعد كده لاصحابه و ممكن ينشرها في النت لو يبغى

يقدر يعمل فيها مية حاجة و حاجة >>>> كل واحد و مخيلته

و بكذا ينتشر الفساد اكثر ماهو منتشر


او مثال 2:

وحدة زعلانة مع صحبتها " صديقتها" زعلة قوية و تبغى تنتقم تنشر الكلام اللي بينهم و الاسرار اللي بينهم >>> طبعا من مخيلتي ما سويتها

و بكذا تنشتر فضايح البنت و تسوء سمعت البنت و تؤدي الى مشاكل اكبر



طبعا لمن تجي تركب البلس ده و تحذف الخاصية دي

رح يعملك البرنامج انه بريء و يعمل انه هو حذف الخاصية دي

و بعد فترة رح تلاقي في المجلدات تبعك اللي هيا ال Document انه فيه ملفات فيها كل محادثاتك اللي بينك و بين اصدقائك يعني ما نحذفت الخاصية و مهما حاولت تمسحها رح ترجع مرة تانية


اش رايكم في التقنية دي بعد اللي ذكرته


طيب عندي دحين شوية اسئلة للنقاش

انت بتستخدم الماسنجر بلس؟؟

اش رايك في التقنية دي؟؟ حلوة و مفيدة او سيئة؟؟

طيب اش اقتراحاتكم عشان نستخدم التقنية دي؟؟ظ

اذا عندكم اي اضافة فتفضلوا بطرحها؟؟


طبعا من وجهة نظري الشخصية انه نقدر نستخدم التقنية الحلوة دي بس بحذر يعني نكون امينين مع انفسنا

و ما نسيف المحادثات الخاصة بيننا و بين اصدقائنا

ارجو انه الموضوع ينال على اعجابكم

دمتم في حفظ الرحمن

[dhomi]

وعليكم السلام ورحمة الله وبركاته..

مشكورة على الموضوع الرائع..

أنا أستخدمه..

لكن انا أكره شركة مايكروزفت وبرامجها كلها..

المشاكل كثييييرة جدا فيها

ومو مصبرني إلا الـgame

وبعدين Windows Life Messenger ملقووووف

إذا كان عندك أي خطأ في النظام يتقفل

أو إذا كانت الساعة مو مضبوطة يتقفل..ومشاكلة قد شعر راسي << تراني أصلع خخخ امزح

ولولا القيم كان رحت لماك على طوووووول..

وشكرا’’

[sweetygirl]

وعليكم السلام ورحمة الله وبركاته..

مشكورة على الموضوع الرائع..

أنا أستخدمه..

لكن انا أكره شركة مايكروزفت وبرامجها كلها..

المشاكل كثييييرة جدا فيها

ومو مصبرني إلا الـgame

وبعدين Windows Life Messenger ملقووووف

إذا كان عندك أي خطأ في النظام يتقفل

أو إذا كانت الساعة مو مضبوطة يتقفل..ومشاكلة قد شعر راسي << تراني أصلع خخخ امزح

ولولا القيم كان رحت لماك على طوووووول..

وشكرا’’

مشكور اخوي dhomi على مرورك

ومن جد هو وجع راس بس لا غنى عنه

[Kivanc Tatlitug]

لذلك السبب انا لا اضع المسنجر بلس

حتى لا يتم اكتشاف امري

خصوصي انو ابي يرفض تعاملي مع البنات

وقد تكتشف جميع المحادثات

وحان وقت ردي على الاسئلة

انت بتستخدم الماسنجر بلس؟؟

لا

اش رايك في التقنية دي؟؟ حلوة و مفيدة او سيئة؟؟

هي حلوة بس سيئة بالنسبة لي

طيب اش اقتراحاتكم عشان نستخدم التقنية دي؟؟ظ

ان نكون امناء مع نفسنا كما ذكرتي

اذا عندكم اي اضافة فتفضلوا بطرحها؟؟

لا للاسف ماعندي اضافات

شكرا وفعلا موضوع sweet لان لااحد تكلم عن البلس ابدا

[لفته]

..هلآ خيتوووو

...وشـ علموكـ؟؟؟!!

المهم...

...جوابي ع الاسئله بيكفي...

انت بتستخدم الماسنجر بلس؟؟
..اكييييد استخدمهـ

اش رايك في التقنية دي؟؟ حلوة و مفيدة او سيئة؟؟
..لا هيحلوه ولا مفيده ولا سيئه..يعني هذا يرجع ع مستخدم
طيب اش اقتراحاتكم عشان نستخدم التقنية دي؟؟ظ
..هي تقنيه حلوه ولها مميزات مره حلوه..وعن المحاثات تقدرون تحذفونها وما ترجع ابد وانا مجربه واذا رجعت بترجع فاضيه يعني مجلد محادثا فاضي..واذا مررره رجع تقدرين تحطين كلمة مرور لمحادثاتك انتي وما حد يقدر يخترقها الا اذا كانت ضعيفه و اذا كان المستخدم الثاني عنده محادثتك واروع شي سرقة صور الي عندك..خخخخ<<فقرانه صور...
اذا عندكم اي اضافة فتفضلوا بطرحها؟؟

..اظن ببساطه ذكرتها بسؤال الي قبل..ونسيت بعد تقدرون تغيرون شكل المسن عندكم..فلللهـ..واشياء كثيير..

..لآهنتيـ..شوكرن ع موضوع..

:

[ρίηҝ]

(( بســــم اللهـــ الرحمن الرحيم ))

السلام عليكم ورحمة الله و بركاته

وعليكم السلام ورحمة الله وبركاته

كيفكم يا اعضاء و عضوات مكسات المحترمين

أنا الحمد الله بخير ونعمة

كيفك إنت اختي الغاليه؟

إن شاء الله بخير

من زمان عنكم .... اقصد من زمان ما نزلت مواضيع >>>> طبعا اللي ما يعرفني انا عضوة قديمة شوي بس كنت مختفية لفترة

ههه أنا ما اعرفك ^^

المهم موضوعي اليوم عن ظاهرة موجودة في تقنيتنا الحديثة

و عشان ماطول عليكم رح اتكلم اليوم عن ماسنجر بلس

ايه والله من زمان كنت انتظر هذا الموضوع..

والحين تحقق حلمي ..

شكلك تقرين افكاري ..

ايه ايه لا يكثر ههه

طبعا مين مايعرف Windows Life Messenger

اللي كل يوم يتحفنا بنسخة جديدة من نسخ الماسنجر

و اخر شيء اتحفنا بالماسنجر بلس او اقدر اقول البلوة بلس

طبعا انا نزلت الموضوع لانه محد اتكلم فيه لسه

أكيد كلنا نعرفه لأنه اشتهر شهرة مو هينه ..

الله يعطيك العافية على الموضوع المميز..

و هيا انك تقدر تحفظ المحادثات اللي بتجريها مع اصدقائك

ايه اكيد كلنا نعرف..

لأن هاذي الخاصية مميزة..

بس انا ما اظن ان ماسنجر بلس المشكلة..

ترى حتى الابتوب يحفظ المحادثات تلقائياً..

اما الكامبيوتر لا

إلا إذا اضفنا البلوة بلس .>> على قولتك هه

لانه لمن انت تسيف محادثات اصدقائك فانت رح تتعدى على خصوصيات كتيرة كيف ؟؟؟

لا حبيبتي انا ما اوافقك الرأي ..

اول شيء لو في ولد حاب يلعب على بنت فهذي التقنية الحديثة رح تسهلوا مهمتوا مرة كتير

حبيبتي المفروض إننا ما نحذر من بلس..

نحذر من الشباب..

يعني لو كان مثلا ماسنجر عادي وما تنحفظ المحادثات..

يعني نروح نحادث شباب لا طبعا..

طبعا الماسنجر بلس رح يسجل المحادثة باليوم و التاريخ و الساعة و الشهر <<< الظاهر يبغوا يريحوا الشباب

هههههههههههه الله يعين من المصايب الجاية ><

انت بعيد عن اهللك و تكلمهم بالماسنجر فانت تقدر تحفظ المحادثات و تتذكرهم بيها " يعني مجرد ذكريات"

بس طبعا الغالبية العظمى على ماعتقد رح تستخدمها بشكل سيء جدا

و هذا شيء معرووووف او متوقع غالبا

هههههههآآآآآآآآي

حبيبتي ضحكتيني ..

والله ما اظن اي احد بيستخدمه بهاذي الطريقه ههه

يعني لو قلنا واحد شاب يبغى يلعب على بنت زي ما ذكرت فوق فرح تتسجل المحادثة تلقائيا في المجلدات

و يلا ممكن يوريها بعد كده لاصحابه و ممكن ينشرها في النت لو يبغى

يقدر يعمل فيها مية حاجة و حاجة >>>> كل واحد و مخيلته

و بكذا ينتشر الفساد اكثر ماهو منتشر

والله يا حلوة احسن خليها تنفضح..

محد ضربها على يدها وقالها كلمي شباب ..

وحدة زعلانة مع صحبتها " صديقتها" زعلة قوية و تبغى تنتقم تنشر الكلام اللي بينهم و الاسرار اللي بينهم >>> طبعا من مخيلتي ما سويتها

و بكذا تنشتر فضايح البنت و تسوء سمعت البنت و تؤدي الى مشاكل اكبر

مع شاب ممكن تنفضح..

اما مع بنت ما اظن بنتفضح لدرجة كبيرة..

وحتى لو انفضحت اظن كل المعلومات اللي في النت كذب في كذب..

يعني ما تعرف شكلها وماتعرف اسمها وما تعرف عمرها..

يعني بتنفضح من كلامها فقط لا غير الا إن كانت البنت معطيتها معلومات حقيقية عنها فهاذه ممكن تسمى فضيحة صغنونة ...

انت بتستخدم الماسنجر بلس؟؟

ما استخدمه ولا بستخدمه ..

طبعا انا مرتاحة على الماسنجر العادي

ليه اودي نفسي في داهية واركب بلس ..!!

اش رايك في التقنية دي؟؟ حلوة و مفيدة او سيئة؟؟

والله حلوة عند بعض الناس وسيئة عند بعضهم يعني السالفه ذوق..

انا عن نفسي هي سيئة لأني ما احب اي احد يفتح كامبيوتري يشوف سواليفي مع صديقات ههه

طيب اش اقتراحاتكم عشان نستخدم التقنية دي؟؟

طبعا الواحد لو كان واثق من نفسه راح يركب بلس..

انا طبعا واثقه من نفسي بس ما احب احد يشوف سواليفي ..

وبعضهم يركبون بس عشان الفضايح او شي كذا

يعني تختلف الأذواق..

اذا عندكم اي اضافة فتفضلوا بطرحها؟؟

ما شاء الله عليك كفيتي ووفيتي..

ارجو انه الموضوع ينال على اعجابكم

صراحة الموضوع مرة مرة عجبني ..

تسلمي حبيبتي على الموضوع..

اتمنى تتقبلي رأيي بوجه رحب ^^

دمتي بود

p!nk

[Fantasy Land]

وعليكم السلام .. أهلا أختي كيفك
انت بتستخدم الماسنجر بلس؟؟
ايوا وما اقدر استغني عنو ^_^
اش رايك في التقنية دي؟؟ حلوة و مفيدة او سيئة؟؟
بالنسبة لي مرهـ حلوة
طيب اش اقتراحاتكم عشان نستخدم التقنية دي؟؟ظ
هممممـ لا ماعندي اي اقتراح ^^
اذا عندكم اي اضافة فتفضلوا بطرحها؟؟
بصراحة انا من النوع الي احفظ جميع محادثاتي سواء مع الأصدقاء او مع عايلتي او اقاربي عندي مجلد المحادثات من عام 2007
بعض الاحيان احس بطفش واقراها واحس بفرح وبهجة بس مدري ليش
شكرا اختي عـ موضوعك الحلو ... في امان الله

[مايكل الرياض]

اول شي اشكرك .. على فتح الموضوع

و ثاني شي .. بالتكيد .. استخدم ماسنجر بلس ..

و اعتقد بعد قصيره جداً سيتوجب على الكل استخدامه ..مشان البلس .. الاكواد حقته غير ..

المهم .. صحيح .. تقنية تسجيل المحدثات .. مثل ما قلتي .. بس احب اقولك .. انو هذي الخاصيه .. موجوده في ماسنجرات القديمه .. يعني ماسنجر العادي بدون بلس .. بروضو تقدر تسجل في المحادثه .. يعني هذا الشي مو جديد

و البلس .. هذا كان في عيوب .. له فواد اكثر بكثيييييييييير .. ما تنعد حتا .. و يمكن نطور الماسنجر .. بالبلس هذا

و بعدين .. اللي يستخدمون تسجيل المحدثات .. بطريقه سيئه .. اعتقد انهم قليلون .. يعني .. انا متئكد .. انو اكثر المستخدمين .. مستفدين من هذي الخدمه .

مثل مرجعت بعض الاشياء .. و تكون مكتوبه .. في المحادثه ..

انا عن نفسي .. ما احتفظ بالمحدثات .. امحسها .. بعد كم يوم .. و كذا .. ما يكون عندي اي مشاكل

____

و اخر شي .. اتئسف على التطويل .. و اسف من الحين .. اذا قلت اي شي ازعجك ...

و شكراً لكي على الموضوع ثاني مره

باي باي

[§§2 كازوها 2§§]

ياحبيبتي...

والله كنت باقول نفس الكلام اللي قاله اخوي مايكل الرياض

انا من زمان كنت احفظ محادثات مع اني استخدم ماستجر 7 ومدري كم المهم

ضروري احفظ المحادثات عشان اراقب محادثات اخوي الصغير (لأنه مراهق ولازم نعرف ماوراه ودونه)

يعني حفظ المحادثات سلاح ذوحدين مب الماسنجر بلس...وبس

يعني فيه ناس يحفظون المحادثات عن حسن نيه<<مثلي مع اخوي

وفيه ناس اللهم ياكافي...

يحفظونها من حبهم للشر...

...

وفي الاخير...

موضوع ممتع جداً

تشكرين عليه

[ρίηҝ]

الماسنجر العادي تقدرين تحفظين فيه المحادثات هذا إذا اخترتي هذا الخيار من الخيارات ..

اما ماسنجر بلس من دون ما تحطي شي هو يحفظه تلقائياً..

وشكرا ^^

[o0o كايووو o0o]

الماسنجر بلس ... اسوأ برنامج شفتهـ ملقوووووف
يسجل المحادثات غصب انا اول ما ركبته قلب اخوي
البيت عليي يقول ما لقيت الا ذا هههههههه

انت بتستخدم الماسنجر بلس؟؟
لا ومستحيل استخدمه
اش رايك في التقنية دي؟؟ حلوة و مفيدة او سيئة؟؟
اسوأ تقنيه

طيب اش اقتراحاتكم عشان نستخدم التقنية دي؟؟

انهم يحذفونها ما لابوها اي داعي


وألف شكر على طرح الموضوع الراااائع بانتظار جديدك
^ـ^ تحياااااااتي

[sweetygirl]

لذلك السبب انا لا اضع المسنجر بلس

حتى لا يتم اكتشاف امري

خصوصي انو ابي يرفض تعاملي مع البنات

وقد تكتشف جميع المحادثات

وحان وقت ردي على الاسئلة

مشكور اخي Kivanc Tatlitug

على مرورك اللطيف و ردك على الاسئلة



لفته

..هلآ خيتوووو

...وشـ علموكـ؟؟؟!!

علومي زينة

..هي تقنيه حلوه ولها مميزات مره حلوه..وعن المحاثات تقدرون تحذفونها وما ترجع ابد وانا مجربه واذا رجعت بترجع فاضيه يعني مجلد محادثا فاضي..واذا مررره رجع تقدرين تحطين كلمة مرور لمحادثاتك انتي وما حد يقدر يخترقها الا اذا كانت ضعيفه و اذا كان المستخدم الثاني عنده محادثتك واروع شي سرقة صور الي عندك..خخخخ<<فقرانه صور...

للاسف انا الملفات ما ترجع فاضية ترجع مليانة بكل الاحاديث

عشان كده منرفزني البلس مع انه فيه مميزات جدا رائعة

مشكورة اختى على مرورك اللطيف



ღ P!NK ღ

كيفك إنت اختي الغاليه؟

إن شاء الله بخير

انا بخير و عافية تسلمين

ههه أنا ما اعرفك ^^

طيب و دحين

ايه والله من زمان كنت انتظر هذا الموضوع..

والحين تحقق حلمي ..

شكلك تقرين افكاري ..

ايه ايه لا يكثر ههه

ايه عندي الحاسة السادسة انا ما قتلك

حتى انا كنت مستنية احد يتكلم عنه و ما لقيت

ايه اكيد كلنا نعرف..

لأن هاذي الخاصية مميزة..

بس انا ما اظن ان ماسنجر بلس المشكلة..

ترى حتى الابتوب يحفظ المحادثات تلقائياً..

اما الكامبيوتر لا

إلا إذا اضفنا البلوة بلس .>> على قولتك هه

بس الاب توب تقدري تتحكمي فيه اما هذي الخاصية على قد ما حاولت يمين شمال فوق تحت ما تنحذف

ترجع مرة تانية

حبيبتي المفروض إننا ما نحذر من بلس..

نحذر من الشباب..

يعني لو كان مثلا ماسنجر عادي وما تنحفظ المحادثات..

يعني نروح نحادث شباب لا طبعا..

ايه معاكي حق في دي

بس احنا نعمل تحذير لانه مو كل البنات زي بعض

و في بنات لسه صغار ما يفهموا في الحاجات دي

مع شاب ممكن تنفضح..

اما مع بنت ما اظن بنتفضح لدرجة كبيرة..

وحتى لو انفضحت اظن كل المعلومات اللي في النت كذب في كذب..

يعني ما تعرف شكلها وماتعرف اسمها وما تعرف عمرها..

يعني بتنفضح من كلامها فقط لا غير الا إن كانت البنت معطيتها معلومات حقيقية عنها فهاذه ممكن تسمى فضيحة صغنونة ...

يا بنتي اليوم حتى اقرب الصديقات تنقلب عليكي فجاة

و ممكن تفضحك هو انتي نايمة في العسل

و ترى ياما شفنا وحدة تكون مرة قريبة منك و اعز صديقة لكي و فجاة ينقلب الحال

لا تستهوني بالبناات ان كيدهن عظيم

صراحة الموضوع مرة مرة عجبني ..

تسلمي حبيبتي على الموضوع..

اتمنى تتقبلي رأيي بوجه رحب ^^

دمتي بود

شكرا حبيبتي على مرورك الجميل

و طبعا رايك حلو وكل واحد له وجه نظر لازم يعبر عنها

ولو اسعدتيني بوجودك

دمتى في حفظ الرحمن



Fantasy Land

بصراحة انا من النوع الي احفظ جميع محادثاتي سواء مع الأصدقاء او مع عايلتي او اقاربي عندي مجلد المحادثات من عام 2007
بعض الاحيان احس بطفش واقراها واحس بفرح وبهجة بس مدري ليش

و الاخت pink تقولي ماعاد فيه احد يستخدمه بهاذي الطريقة

يدرون اصحابك

على العموم شكرا على مرورك الجميل

[sweetygirl]

اول شي اشكرك .. على فتح الموضوع

و ثاني شي .. بالتكيد .. استخدم ماسنجر بلس ..

و اعتقد بعد قصيره جداً سيتوجب على الكل استخدامه ..مشان البلس .. الاكواد حقته غير ..

المهم .. صحيح .. تقنية تسجيل المحدثات .. مثل ما قلتي .. بس احب اقولك .. انو هذي الخاصيه .. موجوده في ماسنجرات القديمه .. يعني ماسنجر العادي بدون بلس .. بروضو تقدر تسجل في المحادثه .. يعني هذا الشي مو جديد

و البلس .. هذا كان في عيوب .. له فواد اكثر بكثيييييييييير .. ما تنعد حتا .. و يمكن نطور الماسنجر .. بالبلس هذا

و بعدين .. اللي يستخدمون تسجيل المحدثات .. بطريقه سيئه .. اعتقد انهم قليلون .. يعني .. انا متئكد .. انو اكثر المستخدمين .. مستفدين من هذي الخدمه .

مثل مرجعت بعض الاشياء .. و تكون مكتوبه .. في المحادثه ..

انا عن نفسي .. ما احتفظ بالمحدثات .. امحسها .. بعد كم يوم .. و كذا .. ما يكون عندي اي مشاكل

____

و اخر شي .. اتئسف على التطويل .. و اسف من الحين .. اذا قلت اي شي ازعجك ...

و شكراً لكي على الموضوع ثاني مره

باي باي

اهلا اخوي مايكل الرياض

اسعدني مرورك فعلا و طرحك الجميل

بس احب اقولك انه في الماسنجرات القديمة انت تختار هالشيء

لكن الجديد هو يفرض نفسه عليك

يعني مثلا انا من الناس اللي ماحب اسيف المحادثات بس القيها سارت تتحفظ اتوماتيكي

و على قد ماحاول احذف الخاصية دي ترجع

المشكلة قبل فترة كنت اشتغل على لاب توب اخوي و اكتشتفت الشيء ده

بركة لحقت على عمري و حذفت المحادثات اللي لقيتها بيني و بين صديقاتي

و الا كانوا صحباتي دبحوني

و طبعا هو في النهاية كل واحد و امانته مع نفسه اذا يحفظ المحادثات او يمسحهم

شكرا اخوي على مداخلتك اللطيفة

و اسعدناوجودك معانا

ياحبيبتي...

والله كنت باقول نفس الكلام اللي قاله اخوي مايكل الرياض

انا من زمان كنت احفظ محادثات مع اني استخدم ماستجر 7 ومدري كم المهم

ضروري احفظ المحادثات عشان اراقب محادثات اخوي الصغير (لأنه مراهق ولازم نعرف ماوراه ودونه)

يعني حفظ المحادثات سلاح ذوحدين مب الماسنجر بلس...وبس

يعني فيه ناس يحفظون المحادثات عن حسن نيه<<مثلي مع اخوي

وفيه ناس اللهم ياكافي...

يحفظونها من حبهم للشر...

...

وفي الاخير...

موضوع ممتع جداً

تشكرين عليه

شكرا اختى كازوهاعلى مرورك

و زي ماقتل لاخوي مايكل

هذاك الماسنجر القديم اختياري

و الجديد غصب يعني يحفظ حتى لو انتي ما تبغي

و بعدين زي ماقلتي سلاح ذو حدين

بس حلوة الحركة اللي تسويها عشان تراقبي اخوكي

بس المفروض انتي توجهيه و تراقبيه من بعيد و انشالله هو مارح يغلط

مشكورة على مداخلتك الجميلة

الماسنجر بلس ... اسوأ برنامج شفتهـ ملقوووووف
يسجل المحادثات غصب انا اول ما ركبته قلب اخوي
البيت عليي يقول ما لقيت الا ذا هههههههه

انت بتستخدم الماسنجر بلس؟؟
لا ومستحيل استخدمه
اش رايك في التقنية دي؟؟ حلوة و مفيدة او سيئة؟؟
اسوأ تقنيه

طيب اش اقتراحاتكم عشان نستخدم التقنية دي؟؟

انهم يحذفونها ما لابوها اي داعي


وألف شكر على طرح الموضوع الراااائع بانتظار جديدك
^ـ^ تحياااااااتي

اهلين اختي كايو

ههههههه الله يعينك اختي

شوفي هو الماسنجر بلس فيه مميزات مرة حلوة

بس هالخاصية ماعجبتني

انا ماني عارفة ليش الشركة ضايفتها

يعني اش هدفهم من ورا هلاخاصية

اخاف يجينا يوم يحفظ المحادثات دي و ترجعلهم و يقعدوا يقروا احنا نسولف في ايش >>> امزح

على العموم شكرا على مرورك اللطيف

[مايكل الرياض]

العفو ..

لاكن اختي ... ترى يمكن ان تلغي هذي الخاصيه .. مثله مثل اي خاصيه اخرى ..
و بلس يخليك مثلاً .. تخلي الخاصيه هذي مفعله مع شخص معين .. و ثاني لا ..

يعني يحفظ محدثه بيني و بين واحد .. و ثاني ما يحفظ ..

و شكرا ً لك على كل شي

[.:GENERAL:.]

السلام عليكم ورحمة الله وبركاته

شكرا لك اختي سويتي على الموضوع التحفة ^.^ ,,

لا اجد سوى ان اقول انه كلما زادت الرقابة قل الشعور بالأمان ,, بالشكل ده الواحد حيخاف يتكلم مع حد او يهزر ,, حيكون الهزار بحساب >_< لأن ممكن الهزار يتفهم جدا وتنقلب مشاكل ,,

ربنا يستر ,,

واطيب التمنيات

[L A I N]

لي عودة...

[ماتيلدا]

السلام عليكم

موضوع حلو

لي عودة باذن الله

[رُؤيـَا ،]

موضوع أكثررر من رائع

مشكوورة على الموضوع

[sweetygirl]

العفو ..

لاكن اختي ... ترى يمكن ان تلغي هذي الخاصيه .. مثله مثل اي خاصيه اخرى ..
و بلس يخليك مثلاً .. تخلي الخاصيه هذي مفعله مع شخص معين .. و ثاني لا ..

يعني يحفظ محدثه بيني و بين واحد .. و ثاني ما يحفظ ..

و شكرا ً لك على كل شي

و الله اخوي مايكل شوفت عينك

على قد ما لغيتها و لعبت فيها و حاولت احذفها ترجع مرة تانية

انا بالنسبة للخاصية دي مابغاها خير شر

على العموم شكرا على مداخلتك

السلام عليكم ورحمة الله وبركاته

شكرا لك اختي سويتي على الموضوع التحفة ^.^ ,,

لا اجد سوى ان اقول انه كلما زادت الرقابة قل الشعور بالأمان ,, بالشكل ده الواحد حيخاف يتكلم مع حد او يهزر ,, حيكون الهزار بحساب >_< لأن ممكن الهزار يتفهم جدا وتنقلب مشاكل ,,

ربنا يستر ,,

واطيب التمنيات

اهلا اخوي جنرااااااال

مشكور على مداخلتك الجميلة

و على قولتك كل واحد رح يحسب الف حساب قبل لا يتكلم

على العموم مشكور على مرورك


اخواتي ماتيلدا و ليان مستنيتكم ترجعون


مشكورة اختي RREEFF

على مرورك

[ρίηҝ]

انا بخير و عافية تسلمين

دوووم يا رب ^^
الله يسلمك..

طيب و دحين

والله اقدر اقول تقريباً

ايه عندي الحاسة السادسة انا ما قتلك

حتى انا كنت مستنية احد يتكلم عنه و ما لقيت

احــــــــلى عندك الحآآآسهــ السادسة .!!

تووني ادري ^^

اشوى انك تبرعت وسويتي الموضوع هه

بس الاب توب تقدري تتحكمي فيه اما هذي الخاصية على قد ما حاولت يمين شمال فوق تحت ما تنحذف

ترجع مرة تانية

هه صح والله صادقهـ ..

ايه معاكي حق في دي

بس احنا نعمل تحذير لانه مو كل البنات زي بعض

و في بنات لسه صغار ما يفهموا في الحاجات دي

ما نقول إلا الله يعيننا على المصايب ><

يا بنتي اليوم حتى اقرب الصديقات تنقلب عليكي فجاة

و ممكن تفضحك هو انتي نايمة في العسل

و ترى ياما شفنا وحدة تكون مرة قريبة منك و اعز صديقة لكي و فجاة ينقلب الحال

لا تستهوني بالبناات ان كيدهن عظيم

بنتي !! ><

هه اقــــرب الصديقات قالت !!

إذا كانت بنت خالتي سوت لي مصيــــــبة عن طريق الماسنجر وفضحتني كيف تبين الصديقات !!

وبعدين الصديقات هذول ممكن يوكنوا اصدقاء ههه والله ما نضمن ..

شكرا حبيبتي على مرورك الجميل

و طبعا رايك حلو وكل واحد له وجه نظر لازم يعبر عنها

ولو اسعدتيني بوجودك

دمتى في حفظ الرحمن

العفـــــــو..

عيونك الحلوين..

دمتي بود ..