~][.. Million Dollar Baby ..][~

[واحد من الشباب]

السلام عليكم ورحمه الله وبركاته ^^
شلونكم ؟ شخباركم ؟ عساكم بخير

اليوم رحت فلم مميز في السينما ، الصراحه دخل قلبي واندمجت وياه وايد
وقمت افكر ... من زمان ما حطيت موضوع ... ليش ما اكتب تقرير عنه
وخلاص قررت وخلصنا

يالله نبدا

~~ Million Dollar Baby ~~

بطولة :

Hilary Swank في دور Maggie Fitzgerald

Clint Eastwood في دور Frankie Dunn

Morgan Freeman في دور Scrap
نوع الفلم : دراما
فاز بست جوائز اوسكار: Actor in a Leading Role - Clint Eastwood
Actor in a Supporting Role - Morgan Freeman
Actress in a Leading Role - Hilary Swank
Directing
Film Editing
Writing
سنه الانتاج : 2004 لصالح شركه Warner Brothers
مده الفلم : ساعتان و 17 دقيقة
السن القانوني لمشاهدته : 13 سنه فما فوق
تقييم النقاد : +A
بعض المقتطفات من التقييم ...
"...a masterpiece, pure and simple, deep and true." من Chicago Sun-Times
"Brave, smart, and excellently paced..." من E! Online
"...Swank is memorable, almost remarkable " من filmcritic.com
"...a knockout punch of shattering force." من Chicago Tribune
نبذة :
Maggie ـ Hilary Swank ـ لم يبقى لديها ايه امل في العثور على وظيفة جيده فهي تعمل كنادلة لاحدى المطاعم وذهبت في احدى الايام الى نادي Frankie ـ Clint Eastwood ـ لتتدرب عنده لتصبح ملاكمة محترفه ولكن رد Frankie كان سلبيا فقال لها انه لا يدرب الفتيات واصرت على ان يدربها فأصبحت تذهب الى ناديه كل يوم وتتدرب حتى ساعة متأخره من الليل كي تقنعه بتدريبها وكان Scarp ـ Morgan Freeman ـ يعيش في النادي فرأها تشقى في التدريب وتهلك نفسها اكثر من اللازم فعلمها بعض الحيل بعد ان حذره Frankie من تشجيعها وقد كان Frankie على وشك الحصول على اللقب العالمي لمصارعه اللذي كان يدربه الى ان اتى المصارع وقال انه يريد الانتقال لمدير آخر ، بعدها كان عيد ميلاد Maggie وكانت في النادي تحتفل باهمال اهلها وسجن اخوها وغيرها ... وكانت على وشك ابكاء الى ان Frankie هدأها ووافق على تدريبها بشروط فماذا اصبحت بعد تدريبها وهل استطاعت الوصول للقب العالمي و هل يعقل بأن فتاة ما تستطيع هزم الكثير في بدايتها ... لن افسد عليكم متعه الفلم ...

رأيي الشخصي :
فلم رائع جدا من كل النواحي والتمثيل كان ممتاز من قبل الجميع ولكن الذين اعجبني تمثيلهم اكثر هم Morgan Freeman و Hilary Swank وكان تمثيل Clint Eastwood جيدا ايضا والقصه كانت ممتازة ومؤثرة بشكل كبير والصراحه "اندمجت" في الفلم كثيرا وفعلا ادركت انه يستحق الاوسكار لافضل فلم

بعض الصور :


















اتمنى محد يفوت مشاهدة هذا الفلم لانه حقا فلم مميز ما يظهر الا مره كل 10 سنوات
وان شاء الله عجبكم التقرير البسيط اللي سويته لكم
وسامحوني على القصور

واحد من الشباب

the end

[squal]

يسلمووو واحدووو على التقرير الكووول ..وينك من زمان عن الموفي

على العموم هالتقرير يضاف الى رصيدك العامر بالمواضيع الممتازه ..وما انسى طبعا اخوي انجل لانه بعد سوى تقرير عن نفس الفيلم
انا للحين ماشفت الفيلم ...<<<لان هاليوم خصصته حق فان هلسنج مع اني شايفه من قبل بس في السينما غير
وان شالله باجر الظهر بشوووفه

يعطيك ألف عافيه على الصور الكشخه وعلى رايك الشخصي في الفيلم...

انا ماصدقت نفسي يوم شفت نبذه عن الفيلم في الجريده... <<<يقولون تم تصويره في 6 اسابيع

ومشالله خذ جوائز اكثر من اللي تم تصويرهم على شهور ..بس والله يستاهل ومو خساره فيه

<<<بيه كأني صرت نفس رانزي..ردي طويل ...انتقلت العدوى

يلا باااااااايوووو

[LYM]

يسلمووو واحدووو على التقرير الروعه


وأنا شفت الفيلم بالسينما وحده عجـيب ..


وثانكس مرثانية ..

[Sassy]

مشكور عالتقرير واحد عجبني ..^_^..
والفيلم عجبني شكله اوكي
ان شاء الله اقدر أشوفه

[NO THING]

تسلم اخوي على التقرير

و الصراحة الفلم يستاهل

No Thing

[واحد من الشباب]

~][.. squal ..][~

يسلمووو واحدووو على التقرير الكووول ..وينك من زمان عن الموفي

العفو يالشريك ... انا موجود بس مافيني نشاط

على العموم هالتقرير يضاف الى رصيدك العامر بالمواضيع الممتازه

اخجلت تواضعي شكرا

..وما انسى طبعا اخوي انجل لانه بعد سوى تقرير عن نفس الفيلم

بيه فشيله يعني الموضوع يعتبر مكرر بطريقة ما

انا للحين ماشفت الفيلم ...<<<لان هاليوم خصصته حق فان هلسنج مع اني شايفه من قبل بس في السينما غير

انا عندي فان هلسنج بس للحين ما شفته

وان شالله باجر الظهر بشوووفه

اتمنى لك مشاهده ممتعه

يعطيك ألف عافيه على الصور الكشخه وعلى رايك الشخصي في الفيلم...

الله يعافيك سكوال ^^

انا ماصدقت نفسي يوم شفت نبذه عن الفيلم في الجريده... <<<يقولون تم تصويره في 6 اسابيع

ايه صح نسيت اقول هالنقطة ... انا بعد شفت النبذة من زمان

ومشالله خذ جوائز اكثر من اللي تم تصويرهم على شهور ..بس والله يستاهل ومو خساره فيه

اي والله يستاهل يستاهل ^__^ .. وراح تتأكد لما تشوف الفلم

<<<بيه كأني صرت نفس رانزي..ردي طويل ...انتقلت العدوى

لا عادي اصلا خلاص كلنا تعادينا منها

يلا باااااااايوووو

الله معاك وتسلم على الطله في موضوعي المتواضع

~][.. Sarah Gellar ..][~

يسلمووو واحدووو على التقرير الروعه

العفو العاشقة او سارا جيلار

وأنا شفت الفيلم بالسينما وحده عجـيب ..

ما فهمت شلون وحده عجيب

وثانكس مرثانية ..

العفو وشكرا على المرور بالموضوع

~][.. Sassy ..][~

مشكور عالتقرير واحد عجبني ..^_^..
والفيلم عجبني شكله اوكي
ان شاء الله اقدر أشوفه

^__^ والله يحصل لي الشرف لان التقرير عجبج
^__^ ان شاء الله تيي لج الفرصة وتشوفينه
وشكرا على المرور بالموضوع

~][.. NO THING ..][~

تسلم اخوي على التقرير

و الصراحة الفلم يستاهل

No Thing

العفو
اي والله يستاهل يستاهل
وشكرا على المرور بالموضوع

[رانزي الساحرة83]

أهليـ^_^ـن واحد
حاط تقرير بالموفي؟! وتقرير وايد حلو بعد وينك عن الموفي من زمان^_^

السلام عليكم ورحمه الله وبركاته ^^
شلونكم ؟ شخباركم ؟ عساكم بخير

وعليكم السلام ورحمة الله وبركاته^^
الحمدلله بخير - صج إنكم كلكم طلعتوا وتميت أنا بروحي جني ساحرة! -اوه نسيت! أنا أصلا ساحرة! - بس الحمدلله على كل حال - الساعة الآن 3:46 >>> على ما أخلص ردي بتكون طافت الـ 4 ! <<< مو مشكلة يمكن على حزتها تدخلون!
الله يخارجني! كل هاي رد على السلام عليكم بس؟! - يا ويلي من سكوال!

بعض المقتطفات من التقييم ...
"...Swank is memorable, almost remarkable " من filmcritic.com

هاي أصغر ممثلة تفوز بالأوسكار مرتين على ما أعتقد!

"...a knockout punch of shattering force." من Chicago Tribune

كلمات تناسب قصة الفيلم!

ووافق على تدريبها بشروط فماذا اصبحت بعد تدريبها وهل استطاعت الوصول للقب العالمي و هل يعقل بأن فتاة ما تستطيع هزم الكثير في بدايتها ... لن افسد عليكم متعه الفلم ...

همممم.. nice

رأيي الشخصي :
فلم رائع جدا من كل النواحي والتمثيل كان ممتاز من قبل الجميع ولكن الذين اعجبني تمثيلهم اكثر هم Morgan Freeman و Hilary Swank وكان تمثيل Clint Eastwood جيدا ايضا والقصه كانت ممتازة ومؤثرة بشكل كبير والصراحه "اندمجت" في الفلم كثيرا وفعلا ادركت انه يستحق الاوسكار لافضل فلم

والله شكثر ناس مدحوا الفيلم - غير أنه ماخذ الأوسكار!! - حيرتوني! أشوفه؟ما أشوفه؟! أدري فيني ما أميل لهالنوع بالأفلام - خاصة بالسينما - بس أشوف وايد تأثروا فيه!

اتمنى محد يفوت مشاهدة هذا الفلم لانه حقا فلم مميز ما يظهر الا مره كل 10 سنوات

شنو الفيلم اللي طلع يوم كان عمرك 3 سنين؟

وان شاء الله عجبكم التقرير البسيط اللي سويته لكم
وسامحوني على القصور

بالعكس وايد حلو التقرير وافي ومنسق وجذاب...بس <<< كولن!
مثل ماقال squal ! أخوي A.N.G.E.L هم بعد كتب عنه تقرير^_^ - وتقريراتكم أنتو الاثنين رائعة

وينك من زمان عن الموفي

شدراني عنه؟!

انا للحين ماشفت الفيلم ...<<<لان هاليوم خصصته حق فان هلسنج مع اني شايفه من قبل بس في السينما غير
وان شالله باجر الظهر بشوووفه

لا يكون أنت وأنا كنا بنفس القاعة؟! هي هي هي!
كان في واحد مزعج قاعد بنفس الـ row!
لا بس هذاك كان ياهل بالابتدائي - خسارة ما عطيته نظرة من نظراتك البريئة! هي هي هي!

<<<بيه كأني صرت نفس رانزي..ردي طويل ...انتقلت العدوى

ولا يعيب على طول ردودي بعد!

انا عندي فان هلسنج بس للحين ما شفته

شوفه بالسينما واحد! كشخة!

لا عادي اصلا خلاص كلنا تعادينا منها

ما يندرى هاي بنظركم شي زين ولا مو زين؟!

هي هي هي! تتذكر واحد يوم أول مرة ترد على موضوع من مواضيعي برد طويل؟! قلت: بل! هاي أطول رد كتبته! ايدي عورتني أحس ما تركب علي الردود الطويلة!

لا والله تركب ونص! جذيه وايد أحلى وأحسن!

الساعة الآن : 4:05 !! <<< مو قلت لكم!
* وبعد التنسيق والتعديل والاستعراض صارت 4:13

مشكور واحد عالتقرير الرائع تسلم ^_^ ولا تحرمنا من هيك تقارير

[squal]

لا يكون أنت وأنا كنا بنفس القاعة؟! هي هي هي!
كان في واحد مزعج قاعد بنفس الـ row!
لا بس هذاك كان ياهل بالابتدائي - خسارة ما عطيته نظرة من نظراتك البريئة! هي هي هي!

هي هي هي!
غريبه يارانزي
شصار في نو سينما يوم الخميس
اشوفج رحتي

ولا يعيب على طول ردودي بعد!

بباااااي

[جـــورج كلوني]

الله يغربل ابليسك

انا شفت الفيلم امس <<عكس سكوالو

اليوم رحت فلم مميز في السينما ، الصراحه دخل قلبي واندمجت وياه وايد

صاج والله فيلم جداً مميز

وفعلا ادركت انه يستحق الاوسكار لافضل فلم

تسلم واحدو على التقرير
والله يعطيك العافيه

[blue angle]

هلا واحد ... شهالتقرير الفانتاستيك

السلام عليكم ورحمه الله وبركاته ^^
شلونكم ؟ شخباركم ؟ عساكم بخير

و عليكم السلام و الرحمة
نسأل عنك

اليوم رحت فلم مميز في السينما ، الصراحه دخل قلبي واندمجت وياه وايد
وقمت افكر ... من زمان ما حطيت موضوع ... ليش ما اكتب تقرير عنه
وخلاص قررت وخلصنا

مو بس اليوم كل يوم ان شاء الله

Clint Eastwood في دور ]Frankie Dunn

دام كلينت ايستوود في الفيلم أكيــد بيطلع حلوو

نبذة :
Maggie ـ Hilary Swank ـ لم يبقى لديها ايه امل في العثور على وظيفة جيده فهي تعمل كنادلة لاحدى المطاعم وذهبت في احدى الايام الى نادي Frankie ـ Clint Eastwood ـ لتتدرب عنده لتصبح ملاكمة محترفه ولكن رد Frankie كان سلبيا فقال لها انه لا يدرب الفتيات واصرت على ان يدربها فأصبحت تذهب الى ناديه كل يوم وتتدرب حتى ساعة متأخره من الليل كي تقنعه بتدريبها وكان Scarp ـ Morgan Freeman ـ يعيش في النادي فرأها تشقى في التدريب وتهلك نفسها اكثر من اللازم فعلمها بعض الحيل بعد ان حذره Frankie من تشجيعها وقد كان Frankie على وشك الحصول على اللقب العالمي لمصارعه اللذي كان يدربه الى ان اتى المصارع وقال انه يريد الانتقال لمدير آخر ، بعدها كان عيد ميلاد Maggie وكانت في النادي تحتفل باهمال اهلها وسجن اخوها وغيرها ... وكانت على وشك ابكاء الى ان Frankie هدأها ووافق على تدريبها بشروط فماذا اصبحت بعد تدريبها وهل استطاعت الوصول للقب العالمي و هل يعقل بأن فتاة ما تستطيع هزم الكثير في بدايتها ... لن افسد عليكم متعه الفلم ...

قصة الفليم حلوة و مشوقة ... و ان شاء الله اشوفه باقرب فرصة

[

افكر اصير ملاكمة >>> مو ناقصين

اتمنى محد يفوت مشاهدة هذا الفلم لانه حقا فلم مميز ما يظهر الا مره كل 10 سنوات
وان شاء الله عجبكم التقرير البسيط اللي سويته لكم
وسامحوني على القصور

يسلموووو واحد على التقرير الحلو و الشامل
و يعطيك العافيـة

[Sarah Lover]

الله الله ياواحد اش هالتقرير الرائع

والله الفيلم شكله حلوانشالله اني اشووووووفه

اكييييييييد حلو مادام فيه ممثلين رائعين مثل مورغان وكلينت

وانا كثييييييير عجبني تقريرك وحمسني اني اشوف الفيلم

مشكوووووووووووووووور على الموضوع الــــ

[واحد من الشباب]

~][.. رانزي الساحرة83 ..][~

أهليـ^_^ـن واحد

^^ هلاتين رانزي

حاط تقرير بالموفي؟! وتقرير وايد حلو بعد وينك عن الموفي من زمان^_^

اي حاط تقرير بالموفي اخجلتيني رانزي بنت روينزي

الحمدلله بخير - صج إنكم كلكم طلعتوا وتميت أنا بروحي جني ساحرة! -اوه نسيت! أنا أصلا ساحرة! - بس الحمدلله على كل حال - الساعة الآن 3:46 >>> على ما أخلص ردي بتكون طافت الـ 4 ! <<< مو مشكلة يمكن على حزتها تدخلون!

ههههه انا تعرفين اني ماقدر اطول وايد على النت عيل انا شاقول >_< قعدت على النت احضر حق التقرير الساعه 9:45 وما خلصت الا 10:30 تعبت وايد

الله يخارجني! كل هاي رد على السلام عليكم بس؟! - يا ويلي من سكوال!

ههههههه لا عادي ^^ انا اصلا استانس اذا اشوف رد طويل في موضوعي اقدر اعلق عليه وايد

هاي أصغر ممثلة تفوز بالأوسكار مرتين على ما أعتقد!

ايه صح اعتقد انها فازت في فلم مادري شسمه Boy's Don't Cry اعتقد

كلمات تناسب قصة الفيلم!

اوف كورس

همممم.. nice

u r nicer

والله شكثر ناس مدحوا الفيلم - غير أنه ماخذ الأوسكار!! - حيرتوني! أشوفه؟ما أشوفه؟! أدري فيني ما أميل لهالنوع بالأفلام - خاصة بالسينما - بس أشوف وايد تأثروا فيه!

هي هي هي ! والله انا ماعتقد انج تبين تفوتين فرصة مشاهده هالفلم مادري عاد يعجبج ذوقي ولا لا

شنو الفيلم اللي طلع يوم كان عمرك 3 سنين؟

هي هي هي ! عاد لا تدققين وايد هاي مثل ما يقولون عنه "مجاز"

بالعكس وايد حلو التقرير وافي ومنسق وجذاب...بس <<< كولن!

بس شنو

مثل ماقال squal ! أخوي A.N.G.E.L هم بعد كتب عنه تقرير^_^ - وتقريراتكم أنتو الاثنين رائعة

اقول لج عشان جذي انا متفشل

شدراني عنه؟!

اقول لج انا موجود بس ما فيني نشاط وايد

لا يكون أنت وأنا كنا بنفس القاعة؟! هي هي هي!
كان في واحد مزعج قاعد بنفس الـ row!
لا بس هذاك كان ياهل بالابتدائي - خسارة ما عطيته نظرة من نظراتك البريئة! هي هي هي!

هههه لا تذكريني بالفشيله السينيمائة

ولا يعيب على طول ردودي بعد!

ههههه

شوفه بالسينما واحد! كشخة!

حاضر عمتي

ما يندرى هاي بنظركم شي زين ولا مو زين؟!

لا اكيد زين ليك شو عم بتئولي

هي هي هي! تتذكر واحد يوم أول مرة ترد على موضوع من مواضيعي برد طويل؟! قلت: بل! هاي أطول رد كتبته! ايدي عورتني أحس ما تركب علي الردود الطويلة!

ههههه شلون ما اتذكر

لا والله تركب ونص! جذيه وايد أحلى وأحسن!

بالنسبه لج انتي جذي بس الاعضاء الباقيين ..............

الساعة الآن : 4:05 !! <<< مو قلت لكم!
* وبعد التنسيق والتعديل والاستعراض صارت 4:13

بنشوف في الرد الثاني << اذا كان في رد ثاني >> شكثر بياخذ

مشكور واحد عالتقرير الرائع تسلم ^_^ ولا تحرمنا من هيك تقارير

العفو آنسة رانزي <<< شالسالفه مره عمتي ومره آنسه
وانتي لا تحرمينا من مرورج الحلو ^^

[واحد من الشباب]

~][.. squal ..][~

هي هي هي!
غريبه يارانزي
شصار في نو سينما يوم الخميس
اشوفج رحتي

هههه شدراني عنها

بباااااي

بباي ^^

~][.. جـــورج كلوني ..][~

الله يغربل ابليسك

بل من اولها

انا شفت الفيلم امس <<عكس سكوالو

ليكون انا وانت كنا بنفس السينما

صاج والله فيلم جداً مميز

مميز وبس ....

تسلم واحدو على التقرير
والله يعطيك العافيه

العفو ^^ وشكرا على طلتك الحلوة بالموضوع ^^

~][.. blue angle ..][~

هلا واحد ... شهالتقرير الفانتاستيك

هلا فيج بلو فنتاستك تقريري انا ...

و عليكم السلام و الرحمة
نسأل عنك

سألت عليكم العافية ^^

مو بس اليوم كل يوم ان شاء الله

آمين

دام كلينت ايستوود في الفيلم أكيــد بيطلع حلوو

اي والله بس بالنظر حلو ^^

قصة الفليم حلوة و مشوقة ... و ان شاء الله اشوفه باقرب فرصة

شوفيه وعطيني رايج

افكر اصير ملاكمة >>> مو ناقصين

ههههه

يسلموووو واحد على التقرير الحلو و الشامل
و يعطيك العافيـة

العفو بلو الله يعافيج
وشكرا على الطله ^^

~][.. Sarah Lover ..][~

الله الله ياواحد اش هالتقرير الرائع

المراقبه بنفسها داخله موضوعي ^^

والله الفيلم شكله حلوانشالله اني اشووووووفه

ان شاء الله اتيي لج فرصة وتشوفينه ^^

اكييييييييد حلو مادام فيه ممثلين رائعين مثل مورغان وكلينت

وانا كثييييييير عجبني تقريرك وحمسني اني اشوف الفيلم

حصل لي الشرف انه عجبج ^^

مشكوووووووووووووووور على الموضوع الــــ

العفو وشكرا على المرور ^^

[A.N.G.E.L]

شكرا اخوي على التقرير الرائع

اقول لج عشان جذي انا متفشل

ما عليك تقريرك احسن من تقريري بوووووايد
انت شايف الفلم وكاتب التقرير انا ليحين ما شفت الفلم
وانت مختفي ابد ما تبين

شكرا مره ثانيه على التقرير

[واحد من الشباب]

~][.. A.N.G.E.L ..][~

شكرا اخوي على التقرير الرائع

العفو اخوي انجل والله اني مفتشل منك

ما عليك تقريرك احسن من تقريري بوووووايد

لا تقول جذي

انت شايف الفلم وكاتب التقرير انا ليحين ما شفت الفلم

ان شاء الله اتيي لك الفرصة وتشوفه ^^

وانت مختفي ابد ما تبين

انا موجود ^^ بس ماحط مواضيع وايد

شكرا مره ثانيه على التقرير

العفو وسامحني ماكنت ادري انك كاتب تقرير عنه

[رانزي الساحرة83]

السـ^_^ـلام عليـ^_^ـكم

هي هي هي!
غريبه يارانزي
شصار في نو سينما يوم الخميس
اشوفج رحتي

ألم أقل لك بأني كنت أشعر بالإحباط منذ عدة أيام يا فتى؟
وحالما طاحت عيناي على بوستر فيلم Van Helsing اشتطيت للذهاب خاصة وأنه رعب وأردت أن أشحذ خيالي لكتابة تكملة القصة فيما بعد .. أعرفت الآن لماذا حاشني الخبال ورحت ذاك اليوم المشؤوم المزدحم؟ ولو أن الحق يقال - استمتعت بالفيلم لولا سندارة الجالسين يمي من اليهال

^^ هلاتين رانزي

^_^ثلاث هلاتات واحد

اي حاط تقرير بالموفي اخجلتيني رانزي بنت روينزي

أنت على مشاهدتك وروحاتك السينمائية – سواء بفشيلة أو بدونها! هي هي هي! – المفروض من زمان حاط تقارير مو تقرير بس!

ههههه انا تعرفين اني ماقدر اطول وايد على النت عيل انا شاقول >_< قعدت على النت احضر حق التقرير الساعه 9:45 وما خلصت الا 10:30 تعبت وايد

هي هي هي! أنا رد واحد أطول فيه أكثر من جذيه! الله يخارجني!

ههههههه لا عادي ^^ انا اصلا استانس اذا اشوف رد طويل في موضوعي اقدر اعلق عليه وايد

يعني لا تقلق من ناحيتي!

ايه صح اعتقد انها فازت في فلم مادري شسمه Boy's Don't Cry اعتقد

correct - لكن هي Boys بدون الـ ' >>> ما يصير اعتبرها حرقة؟

هي هي هي ! عاد لا تدققين وايد هاي مثل ما يقولون عنه "مجاز"

بس شنو

من قدي؟! حتى بالموفي إهداء

هههه لا تذكريني بالفشيله السينيمائة

جني ذكرتها فوق من شوي!

حاضر عمتي

شاطر يا ولد أخوي! – ابيه! بعدين يصدقون من صج! هي هي هي!

لا اكيد زين ليك شو عم بتئولي

شو بيعرفني؟! يبعتلي توم كروز إن شاء الله!

بالنسبه لج انتي جذي بس الاعضاء الباقيين ..............

شدعوه واحد؟! ولو أنت واحد مو أي واحد !

بنشوف في الرد الثاني << اذا كان في رد ثاني >> شكثر بياخذ

آخ! نسيت أحسب من البداية..بس خل نشوف..همممم
الحين الساعة: 10:32

العفو آنسة رانزي <<< شالسالفه مره عمتي ومره آنسه
وانتي لا تحرمينا من مرورج الحلو ^^

شدراني عنك؟! هي هي هي!
وأنت هم بعد لا تحرمنا من تقاريرك الأحلى^_^

هههه شدراني عنها

لو سمحتوا لا تحشون فيني أنا للحين موجودة ما طلعت

ما عليك تقريرك احسن من تقريري بوووووايد

زين A.N.G.E.L حتى أنت تقريرك رائع ولو!


ومشكور واحد مرة - ثالثة على ما أعتقد! - تسلم ^_^

الساعة الآن : 10:43

[واحد من الشباب]

~][.. رانزي الساحرة83 ..][~

السـ^_^ـلام عليـ^_^ـكم

وعلـ^_^ـيكم السـ^_^ـلام << تقليد

ألم أقل لك بأني كنت أشعر بالإحباط منذ عدة أيام يا فتى؟

بيه احباط ليش

وحالما طاحت عيناي على بوستر فيلم Van Helsing اشتطيت للذهاب خاصة وأنه رعب وأردت أن أشحذ خيالي لكتابة تكملة القصة فيما بعد .. أعرفت الآن لماذا حاشني الخبال ورحت ذاك اليوم المشؤوم المزدحم؟

هي هي هي ! انا عرفت وعرفت ان الاحوال الرانزياويه ممكن تتغير حسب تغير لمزاج <<< خووش استنتاج

ولو أن الحق يقال - استمتعت بالفيلم لولا سندارة الجالسين يمي من اليهال

اي والله اخس شي اللي يسولفون مايخلون الواحد يركز في الفلم لا وبعد ياريت يشوفونه خلهم يقعدون في بيوتهم ويعزمون ربعهم ويسولفون على كيف كيفهم

^_^ثلاث هلاتات واحد

أنت على مشاهدتك وروحاتك السينمائية – سواء بفشيلة أو بدونها! هي هي هي! – المفروض من زمان حاط تقارير مو تقرير بس!

ههه اما الفشيله انا كل روحاتي معظمها تفشل الله يخارجني من مواقفي

هي هي هي! أنا رد واحد أطول فيه أكثر من جذيه! الله يخارجني!

ههه بعد لازم الرد القوقازي يكون فيه لمسه سحرية

يعني لا تقلق من ناحيتي!

مره انجليزي مره عامي مره فصحى ماعرفنا لج

correct - لكن هي Boys بدون الـ ' >>> ما يصير اعتبرها حرقة؟

لا طبعا ما يصير لان الانجلش مايدخل ضمن الحرقات مب لغتنا الام

من قدي؟! حتى بالموفي إهداء

اي موفي شالسالفه اي اهداء <<< يسوي روحه ما يدري

جني ذكرتها فوق من شوي!

جنج

شاطر يا ولد أخوي! – ابيه! بعدين يصدقون من صج! هي هي هي!

هههههه ثانكس عمتي

شو بيعرفني؟! يبعتلي توم كروز إن شاء الله!

الحين شدخل تومو في السالفه

شدعوه واحد؟! ولو أنت واحد مو أي واحد !

انا واحد من الواحدين الموحدين الاواحد

آخ! نسيت أحسب من البداية..بس خل نشوف..همممم
الحين الساعة: 10:32

هي هي هي !

شدراني عنك؟! هي هي هي!
وأنت هم بعد لا ترحمنا من تقاريرك الأحلى^_^

بحاول

لو سمحتوا لا تحشون فيني أنا للحين موجودة ما طلعت

<< صج مايركب

ومشكور واحد مرة - ثالثة على ما أعتقد! - تسلم ^_^

العفو ^^ وثانكس على الرد الثاني

الساعة الآن : 10:43

بل 10 دقايق على هالكلمتين صج انج ساحرة

[رانزي الساحرة83]

السـ^_^ـلام عليـ^_^ـكم

وعلـ^_^ـيكم السـ^_^ـلام << تقليد

حلالك بابا – ماركة قوقازية مسجلة!

هي هي هي ! انا عرفت وعرفت ان الاحوال الرانزياويه ممكن تتغير حسب تغير لمزاج <<< خووش استنتاج

بيه! على أيام ما كان طالع براسي شي حق رومانيا! الله لا يعيد ذيكي الأيام هي هي هي!<<< مالت الاحباط !
يلا عاد خلصوا امتحانات عشان نرد لمغامرتنا الصمرقعية

لا وبعد ياريت يشوفونه خلهم يقعدون في بيوتهم ويعزمون ربعهم ويسولفون على كيف كيفهم

ايه والله! شدراني عنهم؟ فاتحين ديوانية!>_<

ههه اما الفشيله انا كل روحاتي معظمها تفشل الله يخارجني من مواقفي

توني قارية شكتبت بموضوع The Ring Two الله يخارجك!

ههه بعد لازم الرد القوقازي يكون فيه لمسه سحرية

ايه أنت بعد ردودك قوقازية عجيبة هي هي هي! إن شاء الله دوم

مره انجليزي مره عامي مره فصحى ماعرفنا لج

اللي يطلع وياي بلحظتها

لا طبعا ما يصير لان الانجلش مايدخل ضمن الحرقات مب لغتنا الام

ايه هاي واحد من قوانينكم الامعية – ما أذكر هل هو البند رقم 1 أم 2 أم 3 ؟!

اي موفي شالسالفه اي اهداء<<< يسوي روحه ما يدري

الحين شدخل تومو في السالفه

بس جذيه! بعد توم ما يبيله دعوة

انا واحد من الواحدين الموحدين الاواحد

أحسها كأنها دعاية حق شركة : المؤسسين الرواد الأوائل

بحاول

^_^

العفو ^^ وثانكس على الرد الثاني

العفو وشكراُ عالرد الثالث جني خربت موضوعك – طلعنا من سالفة Million Dollar Baby
ألاقيك بالديوانية

بل 10 دقايق على هالكلمتين صج انج ساحرة

لو صج ساحرة جنه بلمسة من عصاي السحرية كل اللي بالي انكتب وتنسق بدقايق معدودة<<< وبعد شاكة

وشكراُ للمرة الثالثة

[~فراشه~]

السلام عليكم
واخيرا شفت الفلم ..انا انطر اشوف الفلم علشان ارد على هالموضوع ..
المهم شفته في الطيارة ولواني كنت تعبانه حدي وكنت شايفه 3 افلام قبلها بس الا اشوفه

الصراحه فلم عجيب وتقريرك فضيع شوقني علشان اشوف الفلم وشفته في بعض المقاطع حزينه وفي بعضها تونس... استانس لما اتكفخ البنت الثانية واطيحها ...بس اكره شي يوم ينكسر خشمها

فلم حلو ومشكور على تقريرك الكشخه

[واحد من الشباب]

~.][.~ رانزي الساحرة83 ~.][.~

السـ^_^ـلام عليـ^_^ـكم

وعلـ^_^ـيكم السـ^_^ـلام

حلالك بابا – ماركة قوقازية مسجلة!

هي هي ! اشوف كل شي قام يصير قوقازي !

بيه! على أيام ما كان طالع براسي شي حق رومانيا! الله لا يعيد ذيكي الأيام هي هي هي!<<< مالت الاحباط !
يلا عاد خلصوا امتحانات عشان نرد لمغامرتنا الصمرقعية

احم
خلصنا امتحانات والتكمله اليايه حقي

ايه والله! شدراني عنهم؟ فاتحين ديوانية!>_<

هي هي ! خل اييون ديوانيه المنتدى

توني قارية شكتبت بموضوع The Ring Two الله يخارجك!

اي والله الله يخارجني الله يخارجني !

ايه أنت بعد ردودك قوقازية عجيبة هي هي هي! إن شاء الله دوم

بس انتي اعجب

ايه هاي واحد من قوانينكم الامعية – ما أذكر هل هو البند رقم 1 أم 2 أم 3 ؟!

قانون يديد :هي هي ! مافي ارقام للبنود والقوانين بعدين الواحد يتلخبط

بس جذيه! بعد توم ما يبيله دعوة

صج عاد مادري من اهو ! توم كروز ولا توم كروز عشان مايبيله دعوه !

أحسها كأنها دعاية حق شركة : المؤسسين الرواد الأوائل

شهالمؤسسه الفلاوية بعد

العفو وشكراُ عالرد الثالث جني خربت موضوعك – طلعنا من سالفة Million Dollar Baby
ألاقيك بالديوانية

هي هي ! موضوعي مخترب من زمان
حلالج الموضوع ^_^

لو صج ساحرة جنه بلمسة من عصاي السحرية كل اللي بالي انكتب وتنسق بدقايق معدودة<<< وبعد شاكة

لو جنه ولا لو كان

وشكراُ للمرة الثالثة

عفواً منتظرين الـشكراً الرابعة
~.][.~ ~فراشه~ ~.][.~

السلام عليكم

وعلـ^_^ـيكم السـ^_^ـلام

واخيرا شفت الفلم ..انا انطر اشوف الفلم علشان ارد على هالموضوع ..

هي هي ! من قدي يبون يردون على مواضيعي !

المهم شفته في الطيارة ولواني كنت تعبانه حدي وكنت شايفه 3 افلام قبلها بس الا اشوفه

سلامتج ما تشوفين شر << شدخل من قلب

الصراحه فلم عجيب وتقريرك فضيع

احم كم مره اقول فظيع مب اسلوب للمدح هي هي !

شوقني علشان اشوف الفلم وشفته في بعض المقاطع حزينه وفي بعضها تونس... استانس لما اتكفخ البنت الثانية واطيحها ...بس اكره شي يوم ينكسر خشمها

اي والله يعني مزيج حلو بين كل الشعورات - جمع شعور -

فلم حلو ومشكور على تقريرك الكشخه

انتي الكشخة
يعطيج العافية على الرد ولا تحرمينا من تواصلج ^_^