مصدر ابداعي حزني ..
عجيبه هالدنيا وغريبه تزيد بألامي
وقهري بداخلي يزيد حرقه
والله دنيا تضحكني وتبكيني وتشعل بداخلي استفهام وتعجب
وشلون حزني يكون هو مصدر ابداعي
احزن واعاني واكتب كلام بعيوني صعب فهمه
ارسم على الورق اصعب حروف
حروف نازفه من قلبي
وتتردد اصوات اللي حولي مشكوره واصلي ابداعك
على ايش تشكروني
على جمع شتات حروفي
واي ابداع اواصله
تبوني اواصل حزني لجل قلمي يبهركم
بجمع الحروف
غريبه انا هنا اعيش الحزن
والمارين يصفقون لي ويشجعوني اواصل نزفي
وهذا أنا اتبع صفقاتكم
وارسم حزني لجل تسعدون بمروركم على كتاباتي
اللي تنتظروها مع كل جرح جديد ينولد بداخلي
وهذا أنا هنا اكتب لكم آلامي
لجل اقول لكم بقلم اوهام
قلمي اللي يهون عليا مصيبتي وتهون
وانتظر منكم مروركم
اللي يشجعني على نزف الم جروحي على الأوراق
انتظر منكم يسلمو اوهام
واصلي نزف قلمك ..
المفضلات