الحقيقة كانت اجراءات الدخول في المنتدى شوي طويلة.
فالواحد ما صدق خبر انه قبل ... إلا جاي على طول يقول رحبوا بي ..
وكأني ولا ناجح في اختبارات قبول البترول والمعادن ...
هه .. شقَتَناي ( بالياباني يعني وش الحيلة ( طبعا وش الحيلة بالسديراوي(تعرفون سديراوي ولا لا ؟))) ..
لأنه بيني وبينكم مهب من عادتي إذا كنت عضو جديد اقول رحبوا بي ...
فبما إني جديد .. من حقكم اعرفكم علي ..
أخوكم مناحي !! .. أووه قلت اسمي ..
تكفون لاتعلمون أحد
جودَن جودَن (بالياباني يعني تراها مزحة يابو ( طبعا يابو أضافة من عندي)) ..
أنا المقرقع
لا تسألون ليش هالاسم .. ماأدري بس أحس أني إذا ما قرقعت جاني شد عضلي في مخي ( حلها عاد )
عندي لغة عربية ونص انجليزية وعشر يابانية .
العربية : لأني عربي
والانجليزية : لأني انجليزي : .. قصدي لأني أدرس انجليزي .
والياباني : من هالانميات .. حسبي الله عليها .
أخوكم في الله عزوبي وعنده ثلاث عيال (هههه شلون تجي)
جودَن جودَن
طبعا توي مازلت ابحث عن شريكة الحياة ..
فياليت تدعولي اني اتزوج .. لأنها مسخت معي من العزوبية ..
عموما سالفتي الطويلة ..ولا نبغى نطول عليكم ..
فياليت نتعرف عليكم ..
بس بالله واحد ورى واحد .. (( جودَن جودَن ))
المفضلات