قلبي ابيض واعيش في هذا العالم الغريب ..."رساله برودكاست,او غيره"
بسم الله الرحمن الرحيم
السلام عليكم ورحمه الله وبركاته
كيف احوالكم اخواني واخواتي ان شاء الله باحسن حال ...
بصراحه فيه موضوع ودي اتكلم فه وتقريبا مو واضح في العنوان المغزى المطلوب
بصراحه انا ودي اتكلم عن فئه معينه خاصه في البلاك بيري وفي غيرها مثل تويتر وفيس بوك و و و
تجيني رسايل كثير : قلبي ابيض لكن الناس ماترحم , ماعمري اخطيت على احد وانا متعمد , و و و مليون رساله بنفس المعنى الطيب هذا وكان مافيه اي شخص سيئ .
وتقريبا 85% من اعضاء المنتدى يعرفون ايش السوالف الي تصير الحين في البلاك بيري والتويتر وكلها تتكلم عن المغنيه احلام
احلام فيها وفيها و و و
كلام بصراحه كثير وما اقدر اقوله يتكلمون ويضحكون عليها وعلى خلقتها والسبب يقولون ليه تتكلم على السعوديين ...؟ او ليه طلعت الشاب السعودي الي في عرب ايدول
كيف يقول على نفسه قلبي ابيض وجالس يسب ويضحك على خلقه احلام لثلاث اسابيع والى الحين وهم مالين الجوالات بالرسايل عن احلام
طيب الى متى ؟؟
ارسلت رساله وقلت فيها راح الكل يحاسب على كل كلمه قالها ولا تفكرون ان احلام مسكينه مثل مايقولون الكثيرين والله ممكن تلاقي حسنات من الكلام هذا الي جاها
ياعالم والله حاجه تقهر كيف تقولون على قلوبكم انها طيبه او تقولون لانفسكم انكم مسلمين وهذي افعالكم كذا وتضحكون على خلقه الله
كثير كثير كثير يتكلمون عن الطيبه وهم مايعرفون معناها الحقيقي
انا كتبت الموضوع من غير تنسيق ولا كلام مسبق لكن بصراحه حاجه تعور القلب اذا تشوف الكلام هذا كله يقال في انسان وكيف اذا كان انثى ..؟؟
احلام انثى ما بتتحمل مثل الرجال
بصراحه انا ماني من مؤيدين احلام ولا احب الفنانيين ولا عرب ايدول كذلك ولكن الحق ينقال ويبقى لكل شخص احساس فياليت الناس تهدي شوي وتفكر قبل ما تضحك وتكتب ان هو بنفس موقفها
اسف على الاطاله لكن اتمنى ان الموضوع يكون له فايده وانكم ياشباب وبنات ماتروحون وترسلون مثل الرسائل هذي
