فِـــلــســطــيـــنـــيـــآآت...الأهازيج الفلسطينية...{~كي لا ننسى~}..!

بسم الله الرحمن الرحيم
السلام عليكم والرحمة..
كيف حالكم ..؟! ان شاء الله تكونوا بأتم الصحة ووافر العافية..:)

اليوم حبيت اقدم موضوعي الجديد{فِـلـسـطـيـنـيـآآت}

كنوع من المحافظة على التراث والتاريخ الفلسطيني...لكن من زاوية اخرى جميلة تتحدث عن واقعنا المعيش :مذنب:
أقدم لكم الأهازيج الفلسطينية..وردة من باقة الفلكلور الشعبي الفلسطيني..

ولكن بدون اي روابط تحميل...
ف هنا تمعن في الكلمات لقراءة الحكايات...
فلتُطرَبوا معنا ايها السادة...
ف هنا اهازيج الافراح.. واهازيج ثورة ايضاً
وغيرها الكثير
وهذا كله ...{~~كي لاننسى~~}

[ملاحظة: أرجو عدم نقل الموضوع فهنا لا يوجد اي روابط ولااقدم اناشيد او غيرها
اظن ان هنا مكانه الصحيح..
ولكن اللي تشوفوه رح يصير بالتأكيد
كل التقدير والاحترام لكم:مرتبك:..]

فلنبدأ بهذا انها الأحب الى قلبي

هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين
في بلعا و وادي التفاح … ريح الثورة يا عالم فاح
واستشهد فيها الفلاح … حط السنجة في المرتين
هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين

يوم وقعة بيت مرين … تسمع شلع البراكين
ومشيناها من جنين … لنوصل وادي التفاح
هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين

انتشر الخبر بجبل النار … دشعوا الناس صغار كبار
بمعركة متلها صار… بتشبه لوقعة حطين
هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين
نقطع النهر بأمان … والغاصب شاهد عيان
أرَخ عندك يا زمان … ظلم وغدر الغربيين

هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين

دلعونا

على دلعونا وعلى دلعونا....لارحل واجاور سود العيونا
عشط البحر لانصب شباكي...واتصايد سمك انا وياكي
وان طحتي في البحر لطيح وراكي....نزلني عالبحر علمني العوما


جفرا
جفرا وهي يالربع...وتقول يا عمامي
مابوخذك يالنذل ....لو كسروا عظامي
ولطلع عراس الجبل واشرف على الوادي...واقول يا مرحبا نسم هوا بلادي:d:d

آويها وافتحوا باب الدار
آويها وخلوا المهني يهني
آويها انا اليوم فرحانة
آويها والحمد لله يا ربي


اويها والحمد لله صبرنا وما يئسناشي( بالخليلي)
اويها صبر الطريق عالخيال والماشي
اويها وياما بكينا ودمع العين رشراشي
اويها والحمد لله صبرنا وما يئسناشي

لولولوووووووووووووووووليش

اويها الحمد لله صبر قلبي وما قصّر
اويها وانقطع حبل الجفا بعد ما تعثر
اويها وفرحولي جيراني وخلاني
اويها وانا على هاليوم بتحسر

لولولوووووووووووووووووليش

اتمنى ان تكون الفكرة نالت اعجابكم..:مرتبك:
فمازال في جعبتي الكثير ف هناك الأوف والدلعونا والعتابا...
لنا لقاء أخر بإذن المولى
ادعوا الله لي ولكم بالتوفيق
^^
ف إلى حينها...
في حفظ الرحمن والسلام عليكم ورحمة الله وبركاته
^^
:نوم::نوم:

و على دلعونا و على دلعونااا ... فلسطين بلادنا و جوا عينينااا ::سعادة::

إقتباس:

---

الرسالة الأصلية كتبت بواسطة K A Y O

و على دلعونا و على دلعونااا ... فلسطين بلادنا و جوا عينينااا ::سعادة::

---

:d

إقتباس:

---

الرسالة الأصلية كتبت بواسطة عربية الهوية

اتمنى ان تكون الفكرة نالت اعجابكم..:مرتبك:
فمازال في جعبتي الكثير ف هناك الأوف والدلعونا والعتابا...
لنا لقاء أخر بإذن المولى
ادعوا الله لي ولكم بالتوفيق
^^
ف إلى حينها...
في حفظ الرحمن والسلام عليكم ورحمة الله وبركاته
^^
:نوم::نوم:

---

لِنُكمِل

http://center.jeddahbikers.com/uploa...3095852981.jpg




من الاغاني التي كانت تغنى عندما كانت تحنى العروس

سبل عيونو وماد ايدوا يحنول
غزال زغير بالمنديل يلفولو

يا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو

ايويها... بحنة مكة جيت احنيكي
ايويها... يا بدر ضاوي وألحلى كلو ليكي
ايويها... ما بتلبق الحنة إلا لايديكي
ايويها... يا سماح زينة العرايس لمحمد اوديكي

ايويها... يا شعرك شعر السلسبيلي
ايويها... ويسلمي هالكم الطويلي
ايويها... ريتو يحرصك الله
ايويها... من عين الحاسد والعزولي



http://center.jeddahbikers.com/uploa...3095850091.jpg

http://center.jeddahbikers.com/uploa...3095854471.jpg

الاغاني التي كانت تغنى للعريس حين يأتي الحلاق ويقوم بحلاقة شعره وذقنه

إحلق يا حلاق بالموس الفضية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق بالموس الذهبية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق ومسح بشاشاتو احلق يا حلاق
تمهل يا حلاق لا ييجو عماتو تمهل يا حلاق
إحلق يا حلاق ومسحلو بكمو إحلق يا حلاق
تمهل يا حلاق لا تتيجو امو تمهل يا حلاق
احلق يا حلاق احلقلوا لحالو احلق يا حلاق
تمهل يا حلاق تييجوا خوالو تمهل يا حلاق
احلق يا حلاق ونعملو على خدو إحلق يا حلاق
تمهل يا حلاق لييجو ولاد عمو إحلق يا حلاق
إحلق يا حلاق ونعملو شعراتو إحلق يا حلاق
تمهل يا حلاق لييجو رفقاتو تمهل يا حلاق
أحلق يا حلاق تنشوف حالاتو احلق يا حلاق
تمهل يا حلاق تييجو خياتو تمهل يا حلاق

ايويها ... بمقص الذهب قصلوا يا بشارة
ايويها... لزينة الشباب وزينة الحارة
ايويها ... ان وصفت بالوصف ما وفيت
ايويها ... أمير صغير وتلبقلوا الامارة.

ايويها... ضليت أركض ورا الجواد لناسبهم
ايويها... هب الهوى ورماني على مصاطبهم
ايويها... دعيت رب السما ينصرهم
ايويها... نصره عزيزة تجبر بخاطرهم

ايويها ... اسم الله عليك
ايويها ... عين الله عليك
ايويها ... عين الحاسدة تعمى
ايوها ... والي ما تسمي عليك



http://center.jeddahbikers.com/uploa...3095850091.jpg

http://center.jeddahbikers.com/uploa...3095857281.jpg

http://center.jeddahbikers.com/uploa...3095857282.jpg

أغاني الزفة في العرس الفلسطيني
بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود


http://center.jeddahbikers.com/uploa...3095860011.jpg

ايويها... ريتو هالفرح مبارك
ايويها... سبعة ثمان بركات
ايويها... كما بارك محمد
ايويها... على جبل عرفات

ايويها... يا قاعدة على المراتب قعدة البنا
أيويها... والكحل بعيونك زقفتلوا غنا
أيويها... حط القدم على القدم ما اسمعتلو رنا
ايويها... ويجعل البطن يلي حملك مسكنو الجنة

ايويها... صبر قلبي وما قصر
ايويها... وانقطع حبل الجفا بعد ما تغير
ايويها ... افرحولي يا جيراني وخلاني
ايويها... وانا عها اليوم بتحصر.

ايويها... جيت اغني وقبلي ما حدا غنا
ايويها... بقاع وادي فيه الطير يستنا
ايويها... وريتك با محمد بهل العروس تتهنا
ايويها... وتضل سالم ويضل الفرح عنا

http://center.jeddahbikers.com/uploa...3095860013.jpg

http://center.jeddahbikers.com/uploa...3095864121.jpg

عند اخذ العروس

قومي اطلعي قومي اطلعي ما يهمك
ع شروط ابوكي وعلى شروط عمك

قومي اطلعي قومي اطلعي من حالك
على شروط ابوكي وعلى شروط خالك

يخلف على ابو العروس يخلف عليه في الاول
طلبنا النسب منو اعطانا غزال مصور

http://center.jeddahbikers.com/uploa...3095864122.jpg




في الطريق إلى بيت العريس

حيوا ابونا
حيو ابونا
خيرين لا ترعبونا

من الشارع الضيق مرقنا
داخلين عليك يا سيد تحمي جملنا

يوم طلعنا ع الزفة رشينا العطر ع الطربوش
تستاهلها يا عريس و التاكسي ع باب الحوش

يوم طلعنا ع الزفة رشينا العطر ع العقال
تستاهلها يا عريس و التاكسي ع باب الدار

صلوا ع النبي يا للي في الشارع
صلوا ع النبي و العريس طالع
صلوا ع النبي يا للي ع البلكون
صلوا ع النبي على زفتنا اليوم

*******************

الى هنا..
ونكمل في سلسلة اهازيج اخرى باذن الله:نوم:
ف الى حينها
في امان الله
^^

و عليكم السلام ورحمة الله وبركاته

مرحبا أختي ^^
شكلو الظاهر كان عندكم عرس :d
ماعاد يذكرنا بهيك شي غير الاعراس بظل الخنقة

يعطيكِ العافية على تجميع الأهازيج =)

إقتباس:

---

الرسالة الأصلية كتبت بواسطة The Lord of Dark

و عليكم السلام ورحمة الله وبركاته

مرحبا أختي ^^
شكلو الظاهر كان عندكم عرس :d
ماعاد يذكرنا بهيك شي غير الاعراس بظل الخنقة

يعطيكِ العافية على تجميع الأهازيج =)

---

اهلين لورد
لاوالله ولاعرس ولاشي
بس انا بحب هالاهازيج القديمة التي لطالما أمي دائماً ما تذكرني بها...
حتى اعراس هالايام ماظنيت بيذكرونا كمان...
لانو كلو عالاغاني الحالية..
عموماً نورت لورد
والله يعافيك ربي
^^

السلام عليكم ورحمة الله وبركاته
مرحبا أختي الكريمه
ما شاء الله موضوع جميل::سعادة::

إقتباس:

---

{~~كي لاننسى~~}

---

:eek: لاننسى ماذا؟؟
لا تخافي يا أختي إن شاء الله النصر أتي لا محاله:)

ما شاء االله الاهازيج خطيره

إقتباس:

---

في الطريق إلى بيت العريس

---

حلوه ديه::جيد::
عليه الصلاة والسلام
وحلوه الصوره اللي قبليها
هما بيركبوا حصان::سعادة::

مشكوره على الموضوع
وبإنتظار باقي الاهازيج
والى حيناها
في حفظ الرحمن^_^

إقتباس:

---

السلام عليكم ورحمة الله وبركاته
مرحبا أختي الكريمه
ما شاء الله موضوع جميل::سعادة::


:eek: لاننسى ماذا؟؟

---

وعليكم السلام والرحمة
اهلييييين خيتو...
لاننسى..! حتى لاننسى تراثنا وتاريخنا وماضينا الذي لطالما ثابر اليهودوعمل على طمسها ومحيها ....
اتنكرنين انك نسيتي..؟!

أظن انك فلسطينية أليس كذلك..!

إقتباس:

---

لا تخافي يا أختي إن شاء الله النصر أتي لا محاله:)

---

ان شاء الله لكن متى...!؟!.!!

إقتباس:

---

والى حيناها
في حفظ الرحمن^_^

---

:d

مشكوورة جدا لمرورك اللطيف ونورتيني بطلتك قلبوو^^
اجعليها عادة ولا تقطعينا هآ:لقافة:

في امان الله

إقتباس:

---

وعليكم السلام والرحمة
اهلييييين خيتو...
لاننسى..! حتى لاننسى تراثنا وتاريخنا وماضينا الذي لطالما ثابر اليهودوعمل على طمسها ومحيها ....
اتنكرنين انك نسيتي..؟!

---

وهل يستطيع أن ينسى أحد فلسطين بتاريخها وتراثها؟

إقتباس:

---

أظن انك فلسطينية أليس كذلك..!

---

ان أكون فلسطينيه يكون شرف لي ولكني مصريه

إقتباس:

---

ان شاء الله لكن متى...!؟!.!!

---

الله وحده أعلم ولكنه لامحاله أتي بإذن الله^^

إقتباس:

---

مشكوورة جدا لمرورك اللطيف ونورتيني بطلتك قلبوو^^
اجعليها عادة ولا تقطعينا هآ:لقافة:

في امان الله

---

العفو خيتو^^
ان شاء الله:d

في حفظ الرحمن:رامبو:

إقتباس:

---

الرسالة الأصلية كتبت بواسطة H I N A T A

وهل يستطيع أن ينسى أحد فلسطين بتاريخها وتراثها؟


ان أكون فلسطينيه يكون شرف لي ولكني مصريه


الله وحده أعلم ولكنه لامحاله أتي بإذن الله^^


العفو خيتو^^
ان شاء الله:d

في حفظ الرحمن:رامبو:

---

اهلين قلبو..
لستِ فلسطينية..:eek: ظننت انك كذلك..
ومالو برضو ماالصريين اخوتنا:p

ان شاء الله يكون النصر قريب
مشكوورة لمرورك
في امان الله
^^