لطالما كنت افرح عند زيارة جدي وانا صغير ..
http://www.mexat.com/vb/attachment.p...&thumb=1&stc=1
لكن منذ دخولي للجامعة في منطقة بعيدة .. رافقني وعاش معي بضع ايام في السكن الملئ بالفئران والأشياء الآخرى "صدمة الانتقال لحياة مختلفة على الإطلاق" ..
وفعلا لما تعرف انسان وتزوره غير ما تعيش معاه .. ومجبر اخوكم لا بطل ..
كرهت نفسي .. وحياتي خلال تلك الأيام .. لكن الأمر ينطبق كذلك على كافة كبار السن ..
انا جالس بامان الله .. وهو يكلم .. ولازم اسمعله غصب عني ..
كله انتقادات .. واني مدلل لأني حصلت شقة "بالدور الخامس بسلالم وبدون مكيف او حتى دهان للحيط والحمام >< وريحة >< " .. لأني رفضت سكن الطلبة "اربع طلبة بغرفة واحدة صغيرة X_X " ..
يااااه يبدو انه يكون ليا غرفة لوحدي دلع ما توقعته ؟!! .. مع اني اللي ادفع مش هو ..
ويتريق على نظافتي ليه لما ارفض اكل شئ ما غسلته .. او اكل مع ناس بنفس الطبق "صراحة ما اتخيل مشهد اني اشارك حد بنفس الطبق ><" ..
هذا غير : ليه ده هنا .. وليه ده مش هنا .. وليه تلبس ده وما تلبس ده ؟!! وانت ما تعرف ومهمل و و و ..
ومرة فردة شراب "جوارب" كانت مرمية عالأرض إلا المحاضرة اللي سمعتها ..
غير شكوته عني امام خالاتي واهلي .. وهو يكلمهم بحسرة عن سلبياتي الكثيرة اللي يشوفها فيا .. وهم يقولولي لا تزعله ومش حالك "هم عارفينه تراه ابناءه وذاقوا منه خخخ" ..
المشكلة أن اجدادنا يقارنوا حياتهم القديمة ومعاناتهم بحياتنا احنا ..
:
وأنا احاول ارضيه لأنه يصعب عليا لما يعصب كل شوية بسببي !!
.: قلت أوافقه واسايره :.
قلت لنفسي خلني ذكي اوافقه بكل حاجة ..
وتحملت اني اكون منافق "ياااه كلامك صح يا جدي + ابتسامات تأييد كتيرة + حاضر حاضر حاضر " ..
وياريت في فايدة الموضوع مازال مستمر .. فلا زال انتقادات ويحكيلي نفس قصته لما اعتمد على نفسه من عمر 8 سنوات ................... لين آخر قصة كفاحه ..
وبالآخر يقولي : أنت تاخذني على قد عقلي ؟!! << تراه كشفني كمان :ميت: خخخ
.: قلت اسكت وما أرد عليه :.
وانا ساكت .. ودودودودو .. ولازلت ساكت ..
قلت اروح محلات النت وأتأخر بره بحيث ما اشوفه كتير ..
والنهاية انه لما روح .. قال لكل الناس اني مطنشه وما اكلم معاه << صراحة صعب علي .. واتصل عليا خالاتي كلهم "ليييه مزعل جدك زعلان خالص" .. وانا مندهش لأنه اصلا تهربت من الكلام معاه X_X ..
:
.: لكن جزاه الله خير .. وفيهم الخير والبركة :.
فلا أنسى فضله علي رغم قسوته .. وشخيره بالليل اللي ما اقدر انام بسببه >_< ..
فقد قدم لي العديد من الخدمات في حياتي .. والأجداد يحبون احفادهم لكن نظرا لاختلاف الثقافة تحدث خلافات شديدة بالرأي .. المشكلة انهم يعتبرون انهم صح بكل شئ واحنا مدللين .. معا اننا بزمن الله يعلم بيه ..
عالأقل بزمنهم كان الخير كثير "حتى بدون فلوس" .. والناس قليلة والزواج سهل ومافي تعقيدات .. اما نحن لازم ندرس لين تطلع عينا عشان ناخد وظيفة بفلوس يدوبك تكفي وبعد مديونين ونجري ورا لقمة العيش >< ..
وان كنت اعتب عليه لا اقصد انتقاده .. لكنني اشير إلى ان كبار السن من تجاربي مستحييييييييييييل ترضيهم .. مهما كنت ذكي .. كانهم اطفال ..
فهل تواجه\ين مشكلة في التعامل مع كبار السن ؟!!
والله يكفيكم شر الأجداد ^^ :d.. واحلاماً سعيدة ;)
