-
السلام عليكم
ذي ممكن اول مشاركه لي بس انجبرت اكتب لاني شفت اخوان يعارضون فكره الابتعاث لان فيه في بلدان الابتعاث مايلهي اوا نوادي ليليه وكذا
اخوي ابي اقولك شي لعلمك حنا وممكن كم دوله معنا الي ماعندنا نوادي ليله علشان تكون في الصوره يعني النادي الليلي مايضيع الواحد مع اني ماوويد الي يروح له بس الاجانب يروحون له بشكل دوري كل سب وكل خميس الي هو ليله البنات ولا ضيع لا دراستهم ولا شي بس حنا الي نحط قدامنا عوايق وكذا وانها هي الي ضيعت شبابنا
بعدين لعلمك الحياه براااا غير مو زي ماتسمع انك تقدر تسوي اي شي ياعزيزي لعلمك الكحول في امريكا ماتباع الا للي اعمارهم فوق 21 وماتدخل نايت كلوب الا هو نادي لليلي الا فوق 21 علشان تكون في الصوره
من ناحيه الدراسه هناك مراح تلقا فن اوا فله الا في الدراسه يعني راح تركز في دراستك وتبي تتزود في اللغه علشان تتواصل مع الناس لانك بدون لغه هناك كالصنم بس سااكت اوا تاشر بيدينك
يعني ترغم على المذاكره ومحاوله مخطابه الشعب وتحاول تتكلم بلغتهم
فيه شي مهم جدن ترا الدراسه بالخارج تخليك تعتمد على نفسك وتوزن فلوسك تعرف وين تحط فلوسك يعني تطبخ في البيت وتغسل ملابسك في نفسك يعني توزن نفسك من الفوضويه الي حنا عايشينها لان كل شي موفر لنا اذا طحت تعبان لقيت اهلك يااخوي انا اطيح اسبوع ماحد يدري عني ولا اقدر اتحرك لين ادق على الاسعاف وهي بس سخونه مو شي ثااني
انا الحمد لله ادرس في امريكا لي 4 شهور والحمد لله طالع من السعوديه يله اعرف الحروف الانقليزيه والحين اتكلم وافهم واقدر اسافر اي دوله والحمد لله عندي فوق الالف كلمه واطبق القرمر واحاول اتعلم اكسنت واضح ولله الحمد على كل حال
خلاصه الكلام ترا حنا الطلاب الي برا ترا نتعب
ترا الابتعاث شكله يعجبك بس يوم تصير مبتعث تتعب نفسيا يعني لا تفكر انها فله تراها اتعب الف مرا من الدراسه في بلدك
وذا ختام كلامي سوري لاني طولت وكلامي مو منسق
-
اكيد مع
مايحتاج اتكلم من ناحيه علمية
بناء شخصية افضل الاعتماد على الذات بشكل كلي نسبيا
وغيرها كثير
-
فريره اتفق معك بكل شيء كلام سليم
-
أنا أؤيد إذا كان بقصد العودة للوطن, لكن اذا انتهى بك الأمر ان تترك بلد فبصراحة لا اعتبره عادلاً أن تنفع بعلمك الآخرين...
موضوع جميل, سلمت يداك
-
انا اؤيد الابتعاث و كنت ارغب ان احصل على بعثه بعد الثانوي لكن لم احصل لاني صراحه تهاونت النيه موجوده لكن العمل غير موجود
لكن طبعا الابتعاث له مضاره و لن ازيد عما قاله
و لكن ايجابياته هو انه يعود الشخص الاعتماد على النفس و طبعا تاخذ العلم من اهل العلم و ليس من مناهجنا العتيقه و الدكاتره المخبولين ( الا من رحم ربي)
لكن طبعا هناك المغريات كثيره و حتى لو كان الشخص ذاهب بنية العلم و التعلم فمزال هناك خطر عليه من ان يفتن
و شكرا على الموضوع الرائع
تحياتي
-
أنا من مؤيديه للأسباب التالية
أولا : أنا أرغب في تخصص الفيزياء النظرية و هي غير متوفرة في بلدي (المغرب)
ثانيا : الكفاءات الأكاديمية شتان بين أوكسفورد أو كامبردج أو ماساتشوسس مع جامعة غير معروفة مع أساتذة لا يملكون حتى درجات أكادمية مشرفة
ثالثا : ما الذي يوفره بلدي هذا حتى أفضله على الخارج و هو بلد من العالم الثالث ؟؟
-
المرفقات 1
