الرسالة الأصلية كتبت بواسطة * Sawako *
السلام عليكم و رحمة الله و بركاتة
أول شيء عنوان الموضوع :rolleyes: << واخده من البداية خااالص :p
هل سنحصل على ما نريد ؟!
حتى لو الشرطة وقفت المظاهرات و حتى لو منعوا التجمعات أكيد هتكون في طريقة نحصل بيها على مطالبنا ,, الموضوع بدأ و أكيد في نهاية و هي الحصول على القليل مما نريد على الأقل =="
موضوع مبارك و السياسة و الكلام ده ممكن يكون صعب تغييرة _ مع الأسف الشديد _ لكن أقلها من حق شعب مصر أنه يعيش كويس ,, مش تكون الحاجة غالية زيادة و المرتب قليل و هيعمل أيه يعني الراجل الغلبان علشان ياكل , يسرق !
و هم كل اللي يهمهم أنهم أخدوا فلوس الدولة و أطمنوا ,, خلاص الشعب بئه يبقي في داهيه ::مغتاظ::
و الله حرام و ظلم و الراجل ده هو و الحكومة اللي معينها أكلوا البلد ,, أي واحد غيره هيكون أحسن ,, بس أي واحد الشعب يختارة مش هم اللي يختاروه :)
هههه ده على أساس أن الأنتخابات دي عادلة و مش مزورة و اللي أحنا هنختارة هو اللي هيمسك الحكم ! :p
و الله لو عملوا زي فيلم ظاظا و يجيبوا واحد من الشعب هو اللي يمسك هيكون أحسن حل :ضحكة:
موارد أية اللي قليلة ؟! ,, فين الفلوس اللي بتيجي من قناة السويس ؟ فين موارد و خيرات مصر من مناجم و الحاجات دي ؟ في موارد كثير في مصر لعلمك بس شوف بئه بتروح فين ؟! ;)
لا الصراحة هو مبارك مفيش حاجة قالها زي كده:لقافة: ,, بس في رأيك الناس بتنصب على بعض ليه ؟
ههههه في طريق المدرسة بتاعتي الزبالة مرمية في كل حته ,, بس لية ؟! علشان ببساطة مفيش حد بيهتم أنه يأخدها , لما تكون صناديق الزبالة مليانه على الأخر و محدش بيشيلها هيرموا فين ؟ :rolleyes:
المهم من الأخر الأستاذ مبارك عايز يفضل ,, يبقى يتكرم و يتنازل شوية و يخلي في عدل في بلده ,, يشوف فلوس البلد بتتسرق تروح فين ؟
الفرق الشاسع بين الفقراء و الأغنياء ,, الأغنياء اللي بيتعاملوا كأن البلد ملكهم و أحنا مش لينا حق في مواردها ~.~
زي ما ثورة 1919 نجحت و ثورة عرابي ,, إن شاء الله أحنا كمان ننجح ^__^
