شو بالنسبة لوضعنا ؟ الى متى ؟
السلام عليكم و رحمة الله تعالى و بركاته ...
تقبل الله طاعاتكم و كل عام و أنتم و الأمة الاسلامية بألف ألف خير بمناسبة عيد الفطر السعيد أعاده الله علينا و عليكم بالخير و اليمن و البركات ... اللهم آمين ...
و أكرمنا و اياكم الله في فراق رمضان بالعتق من النار ... اللهم آمين ...
شو بالنسبة ؟!؟!
كلمة كتييييير تعودنا نسمعها ... بس معبرة أحيانا ... متل موضوعي لليوم ... أنسب عنوان هو : شو بالنسبة لوضعنا ؟
يعني مش عارفة ... شو بالنسبة لباب الحارة مثلا ... هو استسخاف للمشاهد العربي و لا شو ... بستسخفوا عقولنا بهل المسلسل الغبي - عفوا بس هاي الحقيقة - ... يعني صاروا يبنوا الأحداث حسب طلعة الممثلين ... و غير عن القصة الميتة الي ما الها علاقة بالحياة ... و اللي فيها أحكام شرعية خاطئة بالأغلب ... هاد غير انه بجيبوا الممثل مقدس و بخاف الله و هو مش تارك مسلسل فاسد الا و مثل فيه ... و بضحكو على العالم الفهمانه و بحكو ... مسلسل اسلامي ... مشاااااااان الله يعني مش لهدرجة من اللامبالاة وصلنا ... جد مسسلسل غبي ... هاد عدا عن انه بضيع بركة رمضان و صلاة التراويح ... بعرف موضوعي اجا متأخر بس هالموضوع مش بس لباب الحارة ... كمان لكل المسلسلات في كل المواسم ... يعني صاروا يغزونا غزو فكري بالمسلسلات و اسمحولي اسميها تافهة ... التركية و الايرانية وغيرو ... بصراحة المسلسلات الاجنبية صارت اشوا و اخف والله ... هاد عدا عن ضياع الوقت ... و لا طاش ما طاش ... يعني بصراحة كانو اول مواسم حلوين بس هلأ لأ ... لأنه حاليا معظم حلقاته اساءة للاسلام ... أنا و الحمد لله ما بحضر هيك أشياء بس بحب انوه و ابلغ العالم النايمة ... انه هالأشياء بتفقد رمضان بركته ... و المؤمن تقواه ... و غيرو من اللي ما بيسمعو أغاني ... طيب الدنيا رمضان ... على الأقل ما تسمع هلأ ... أو الدخان أو غيرو ... على فكرة ... الصيام مش بس عن الأكل و الشرب ... يعني اذا بتسمع أغاني و بتتكلم بلغو الحديث و بالغيبة و النميمة ... و ما خليت بنت أو ما خليتي شب من شرك ... يعني شو فايدة الصوم ... رح افطر احسنلك ... او يللي بضلو نايم ... مش عارفة وين الصيام بالموضوع ... كمان شغلة التواقيع بالمنتديات ... ليش ما نستغلها لخدمة الاسلام بدل ما نحط صور ما الها أي معنى ... أنا ما بحكي انه تقلب كل حياتك صلاة و صيام ... لأ ... بس كمان في اشي اسم توسط و اعتدال ... و الحمد لله ... ديننا دين يسر مش عسر ... و فهمكم كفاية ...
ما بعرف ... يمكن أو حتى أكيد انه هالموضوع مش رح ينال اعجاب الكل ... و أكيد في نقاد ... و أنا برحب بأي نقد و مستعدة تماما للرد بإذن الله ... و يمكن يغلق ... و يمكن ... ما بعرف المهم انه انا عملت ياللي علي و الباقي عليكم ... و بحب أذكركم بقوله تعال : "" ألم يأن للذين آمنوا أن تخشع قلوبهم لذكر الله "" و ايضا : "" و اتقوا يوما ترجعون فيه الى الله "" ...
فكر بالموضوع ... تخيل نفسك و انت عم تعمل منكر من هالمنكرات ... و اجالك ملك الموت ... شو رح تعمل ... رح تحكيلم ممكن شوي تستنى و ما توخذ روحي لبين ما أتوب ... فكرو بالموضوع و رح تلاقوا وجهه نظر ...
و والله أنا بطبيعتي ما بحب أنتقد أو أهاجم ... بس كل ما في الأمر اني حبيت أطبق الأية الكريمة : "" و لتكن منكم أمة يدعون الى الخير يأمرون بالمعروف و ينهون عن المنكر "" ...
و أنا تعمدت أني أختار هذا القسم لهذا الموضوع ... لأنه هذا الموضوع مش موضوع ديني زي ما بفكر البعض ... هذا الموضوع بيرسملنا مستقبلنا و الطريق اللي بدنا نبني عليه حياتنا و حياه أولادنا و أهالينا ... و أنا متأكدة لو حطيته بقسم نور و هداية ... فأن قلائل القلة ياللي بيدخلو هناك و بيقرأو المواضيع اللي في ... و أكيد الكلمة الطيبة صدقة ... و ما بتعرفو مين ممكن يهدي الله على ايدكم بس يقرأوو هذا الموضوع اذا نشرتوا كمان ...
الأ هل بلغت ؟ ! ؟ ! ... اللهم اشهد ...
عفوا ممكن اكون انفعلت زيادة بس والله من غيرتي على الاسلام و من قهري على الأشياء اللي بتسيء اله ...
شكرا لحسن تفهمكم ...
Senchi Kodo ..." AKA "... Kito_Kid_21[/COLOR][/B][/CENTER]
