يسعد لي مساكم/ وصباحكم :D
اليوم حابه أتكلم عن مفهومنا للحرية وأتباع الموضة:محبط:
أنا راح أتكلم عن شي شفته وواقع لمسته بمجتمعنا وأصبح يستفز بطريقه مالنا فيها أي يد ::مغتاظ::
سواء بالاصلاح ولا ابداء الرأي فيها أو التذمر منها حتى نتجنب ردة فعل الأغلب
بتكلم عن الموضة ...
اللحين اعزكم الله فئه أنتشرت من البنات
طريقة نقابها ذكرتني ببنطلون طيحني وماادري شنو
يعني نقاب شوي ويطيح ليه لابسته ماادري كذا ديكور
والعبايه الله عليها تخصيره ولابدلة رقص ؟؟ العذر من التشبيه:لقافة:
انتي رايحة مجمع يعني شباب وزحمة لابسه عباية مخصره راسمة جسمك .. يعني طالعوا
وميك آب كأنها رايحة عرس
والمشكلة على طريقتها كنها شبح من الميك آب
ورقبتها تتكسر من الخز والمطالع يمين ويسار
والمشية شوي شوي خطوة خطوة
واذا احد تحرش فيها أكلته أكل بالسب
زين أنتي شجعتيهم بلبسك وضحك واصل اخر المجمع ؟؟؟
يعني لو محترمة نفسك مااحد قرب لك
وبعدين
أنا ماني ضد الضحك والسوالف بس بصوت هادي واحترام للموجوديين مو ضحكتك توصل لآخر المجمع
لاتقولون لي خليهم هذي حرية شخصية ليه مهتمة؟؟!!
للأسف الكل فاهمها غلط الحرية
يعني لو بتجرأ وبجاازف وأسأل أحد منهم بيقول لي حرية شخصية
ليش مفهومنا للحرية اني اسوي اللي ابيه من غير لا اتعدى على حدود غيري
زين شلون ما تتعدى على حدود غيرك؟؟
يعني لما يجي واحد لابس شورت فوق الركبه ويقول حرية شخصية
وما تعديت على احد ؟
إلا تعديت على حريتنا
أولاً عورت الرجال من فوق الركبة وانت مطلع عورتك
يعني خادش الحيا يعني تعدي على الناس
تجي تلبس تي شيرت عليه شعار اكبر شركة دعارة
وتقول حرية شخصية؟
لا أنت على غلط والناس اللي يطالعونك
انت تسوي دعاية حق هالشركة وتكابر بالغلط
وتفتح عيون هالمراهقين>>>>احنا
على الغلط وأنه الوضع عادي
وشغله بعد لفتت نظري كنت داخله مجمع وجت عيني صوب
الـ السحب الالي للبنك وكان فيه طابور شباب وجتهم بنت
ماخلوها تعدي ؟؟
وجلست تنتظر لين خلصوا قلت لأختي معقوله كذا مخلينها تنتظر وراهم ولا أحترموا أنها بنت ومو حلوه تنتظر بينهم
وين الذووق وين الشهامه
وأكملها لكم سالفة السلم المتحرك اذا صار عندهم ذووق وخلوها
تطوف قبلهم على طول لزقوا وراها ليه كذا بالله؟؟
والله لو بتكلم ماراح أخلص من هالمواقف
أنا اللي أبي أوصل له التالي هالمفهوم الغلط للحرية
وأنه كل واحد يتصرف ولايهتم للي حوله..!!
العذر على الاطالة بس تعرفون دخولي للقسم هنا
من شوفتي لشي يحرك مافينا من غيره
على بناتنا وشبابنا من تصرفات طايشة
ربي يهديهم ويصلح حالهم
تحياتي
غرۈر آنثى ¬».}
