حركاااات التماسيح عندالمذاكرررره ....
:cool: حركااااااااااات التمااااااااااسيح عند المذاكرة
________________________________________
السلام عليكم ورحمة الله
هنا بعض حركاااااااااات التماسيح اللي تعودنا عليها وقت الاختبارات ولا إذا فتحو كتاب
تعالوا معي نشووووووووووف
1- الثلاث وجبات الرئيسية لازم يقعد عليها أول واحد وما يقوم إلا آخر واحد (جوعان المسكين ماينلام) ،، وأحيانا يزيد وجبات إضافية إذا كانت المادة دسمة .
2- يقعد يسوي نفسه طفشان وتعبان ويااااااربيه ماني قادر أذاكر مدري وشفيني حاس بكتمة يمه 00الظاهر احد قاري علي وإلا صاكني عين 000 تقعد أمه الضعيفة تسمي عليه وترش ترشه من هالعزايم وموية زمزم000 وتعال ياوليدي أقرى عليك00
كل هذا عشان إذا رسب يقولون عين حايسته ( أنا ما أقولكم إن كل اللي يسون كذا يكذبون لان العين حق بس الغالبية يفقشون (
3- بعضهم ينزل عليه وسواس نظافة أيام الامتحانات يتروش الصبح والليل وقبل كل صلاة وكل ماقالت له أمه ياوليدي بكره اختبارك ذاكر خلاص تقشر جلدك من الترويش قالها يمه إن الله جميل يحب الجمال (وطبعا هالحديث ما يجي على باله إلا وقت الاختبارات) ولا يطيح تلميع وتغسيل بالسيارة وتستيب بالكفرات(مأثرين فيني إخواني عادي لا تستغربون كل واحد يمشي وبجيبه علبه ستوب) لين ماتتقشر بويتها
طبعا هذي من واجباته اليومية مايقدر يتركها عشان يذاكر مايصير
4- وبعضهم تنزل عليه صلة الرحم فجأة يقوم يكلم واحد من أصدقاه القدامى من زمان ماكلمه 000يبي يشوف كان ماعنده شي يبي يمره بعد العصر يسلم عليه يشوف وش صار عليه ويشغله عن المذاكرة 00 ويمر جدته وجده وكل أقاربه يبدأهم زيارات من أول يوم لآخر يوم من الامتحانات وبعد الاختبارات (مسااااااااااااااافر في زمن النسيان)
5- وهذا المسكين اللي من قل الحيلة يوجع القلب لا قفلت معه قضب المخدة ونام لين تصحيه أمه الصبح ويقول يووووووه راحت علي نومه
6- يؤنبه ضميره لازم يدخل المنتدى يشوف من رد على مواضيعه ومن نزل موضوع جديد ولا يترك موضوع ألا ويرد عليه ولا ويطيح رسايل خاصة لكل الأعضاء اللي فاقدهم طبعا هم لهم شهور مادخلو بس توه يجس انه فتقدهم من زود الفضاوه
هذي طبعا بعض الحركات اللي مع الزمن تتطور وتنشر الظاهرة بشكل اكبر
