بسم الله الرحمن الرحيم
في موضوعي هذا مابي أطول المقدمة و أنوي الدخول في الموضوع مباشرة لأني ملاحظ في المنتدى العام هذا شي خلاني أتعجب فعلا من بعض الأعضاء اللي دايما تكون مواضيعهم مالها حل أو بالأحرى مع احترامي لهم تكون مواضيعم ضارة أكثر من إنها تكون مفيدة...
راح أضرب مثالين من هالمواضيع:
أولهم:تلاقي بعض الأعضاء أكثر مواضيعهم تتكلم عن مصايب و مشاكل و عيوب و نقوصات و تناقضات و بعدين..؟!
لي متى و احنا نحزن نحزن نحزن البعض يقولي هذا واقع الأمة و احنا لازم نعيشه أقوله هذا كلام ناس عايشه الدنيا صارلها ثلاثين أو أربعين سنة،أما منتدى مكسات العام أنا برايي إنه أيضا للاستفادة و المنفعة و عشان تكون لنا مصلحة من الكلام اللي نقراه و المواضيع اللي ندخلها،إذا تبي تطرح مشكلة لازم تكون لنا احنا الشباب لأن أغلب أعضاء المنتدى شباب أعمارهم لا تزيد عن 25 سنة فإذا كانت مشكلة تخص هذي الفئة العمرية أحط الموضوع على راسي والله...
ثانيهم:ظاهرة جديدة ظهرت في المنتدى العام مؤخرا...صار المنتدى العام منتدى الفتوى صار كل واحد عنده مسأله دينية يدخل المنتدى العام و يكتب موضوع و عاد شوف الأعضاء يقلبون مفتين يجوز و ما يجوز لا يجوز و لا ما يجوز أوكي لي متى يعني..!؟ و صدقوني آخر شي الكل بيطلع من موضوع الفتوى هذا و هو ممشي اللي براسه لا استفاد و لا أفاد لا بالعكس ممكن تضرر هو أو أضر بغيره هذا الغير المشادات اللي تصير مرات لتعصب عضو لرايه أو غيره...
شنو النهاية بعد هذا...؟! الإجابة آنا أقولها باختصار بكلمتين..(لاشيء)
و آنا أحب المنتدى العام و هو من أعز الأقسام حق قلبي في مكسات و عشان هذا آنا أبيه يكون راقي بأعلى مستوى و هذا كله لمصلحة المنتدى و أعضاءه اللي دايما يثبون لي و يثبتون لأي شخص إن فكرهم راقي...و دائما احنا نسعى للأفضل...:سعادة2:
ختاما تقبلوا مني موضوعي أخوكم يوتشي هيروما...:تدخين:
