حوار بين شاب وشيخ كبير في السن

السلام عليكم
كل سنة نسمع بتطور جديد وهدا التطور يتبعه انفتاح اكثر قد يكون هدا الانفتاح ليس في الطريق السوي وفي يوم من الايام:مندهش:نهدرز مع شيخ كبير في السن علي الفرق بين زمان وتوا وزمان كيف يخطبوا و يتزوجوا قالي انتم توا ظالمين روحكم قعدين لعند الثلاتينات هو العمر قداش فيه الصراحة اسنوني تكسروا من كلامه بس يحساب مازال في نساوين(بنات) يتحملوا عيشة العيلة (العائلة)قالي كل شي ملحوق عليه الا العمر كان مشي معادش يرجع" مافيش كيف ترد العداد زي ماايديروا في السيارات توا" .قعدت نجادل فيه كيف توا مافي حد ترضي تسكن مع عيلة(عائلة) وسلفات زوجات الاخوة تانيات وهو مسكر رأسه قالي تلقي اللي تبي قلتله اهو بندير موضوع في منتدي من المنتديات ونشوف توا يطلعوا كلهم يبوا حوش بروحهم وميحبوش ام الزوج متاثرين بالتلفزيون والحرب الطاحنة بين الزوجة وام الزوج وهذا نتيجة الاعلام ومكانش قبل كانوا اكثر من عائلة يسكنوا مع بعض زي الخوت لكن الحاج مستغرب شني اللي صاير المهم الحاج يبي يعرف شني اللي تغير وشني اللي صاير توا في وقتنا المهم نصحني نصيحة :
قالي غير اعرف وين تحط رجليك كلامه كله معاني وقالي اللي يلبس طاقية اكبر من راسه تلعب في رأسه تعرف كلامه نص جيل توا مايفهه.
وبعدين عرجنا كيف يخطبوا ويختاروا رد عليا قال " خود لولدك خال " " كان تبي ولدك بين العرب يسما فكر بخاله قبل ماتجيب امه "
تبوا الصراحة كلامه مافي ما يتلوح
قلنا خلينا نسالوه علي الجمال كان لقينا ذوقه حلو ويفهم نبيه يخطبلي رد عليا " قال جمال شنو اللي انت جاي تقول عليه هما النساوين في الظلام يتساوا
يحسابه زي قبل توا بفضل شركة الكهرباء ديما منورة:confused: زعما كان زي زمان ظلام خير ؟؟؟
خلاص ادهشت
وراهو ردودكم بنقول عليها للحاج (الشيخ) ونشوف تعليقاتكم والحوار مع الحاج مستمر

وعليكم السلام ورحمة الله

أهلا أخوي

أعيب على موضوعك أمر وهو أنه مكتوب باللغة العامية وليس باللغة العربية واللغة العامية صعبة الفهم لأن

مصطلحاتها تختلف من مدينة إلى أخري بخلاف اللغة العربية التي تكون معروفة عند كل شخص يتكلم العربية ويفهمها

المهم أخوى

موضوعك هو الفرق بين وقتنا الأن ووقت أجدادنا أو ما يعرف بـ (( الفرق بين الحاضر والماضي ))

طبعا هناك الكثير من الفروق خوي سواء في الدين أو في العرف أو في اللغة

ففي الدين كانوا في ذلك الوقت لم يكن لديهم هذه الفتن التي لدينا الأن لذا كان الإلتزام لديهم ليس بالأمر الصعب

لدينا الأن إذ أن الشخص الملتزم الصحيح الآن من الصعب جدا أن تجده أخوى خاصة في هذا الوقت الحالي إلا من رحم ربك

المهم أنت موضوعك بالأخص عن الزواج زمان والزواج في هذا الوقت ....

أريد القول بعض النقاط أخوى

زواج أهل زمان كان يختلف عن زواج الحاضر حيث أن زواج زمان كان أقل تكاليف من زمان هذا الوقت

أهل زمان لم يكونوا ينظرون إلى المرأة مالها وجمالها ولكن يريدون الزواج من أجل إنجاب الأولاد الذين

يحملون إسمهم ويكون لهم إرثهم من بعد ما يموتون وأهل هذه الأزمان يتزوجون من أجل المال والجمال فقط

ولا يفكرون في الأولاد أو في من يحملون إسمهم من بعدهم

هذا ما لدي أخوى

وياريت المواضيع القادمة تحاول إحضار كلمات عربية فصحي أكثر ليفهم المعني

والسلام عليكم ورحمة الله وبركاته

هههههههههههههههههههه تي من الاخير قوية يا ليبي أصيل

واضح من دوتك ليبي

عذرا يا جماعة الولد موش فاهم شئ

إسمع يا شريك المختار حاول تكتب اللغة العربية الفصحى ههههههههه قوسطو جو حقيقة انتا ^^"

الموضوع راااائع لكن في مشكلة كاتب باللهجة العامية لبلدك ولو كتبت بالفسحى كان احسن

فعلا لو كتبتها بالفصحى كان أحسن:p
بس أنت ذكرتنا بالحاجات القديمة يلي نحن ما نعرفها
صح كان في شوية تخلف بس نحن نستفيد من حكمة الكبار ولو القليل
و بالنسبة للزواج فالرسو صلى الله عليه و سلم قال : (بما في معنى الحديث )
اذا جائكم من ترضون دينه و خلقه فزوجوه
,يسروا و لا تعسروا
أما في الوقت الحضر .........................................
فهمكم كفاية :p

شكرا على مجهودك الرائع وعلى الفكرة ...
الي تطرقت لها بالموضوع.... لكني لم افهم بعض ...
الاشياء....

مشكورين على ردودوكم وتعليقاتكم انا متعمد كتبتها باللهجة العامية وحاولت نوضح بعض الكلمات ووضعتها بين قوسين
ويريت اللي مش فاهم الكلام يقول شني الكلمات اللي مفهمهاش ونوضحها
ومشكورين مرة تانية ونعتدر مرة تانية وهذا واقع اختلاف اللهجات لا مفر منه
المرة الجاية ان شاء الله يكون الكلام واضح اكثر

شكرا

مافيش كيف ترد العداد زي ماايديروا في السيارات توا"

هههههههههههههههه سمحه

بجد موضوعك روعه

وحق من النادر تلقي وحده توا ما تبي تسكن بروحها يعني مش مع هلها

واكيد من النادر انك تلقي وحده خوها ملاك يعني ما عمره دار شيء غلط

المهم ربي يهديهم وان شاء الله تلقي بنت الحلال يلي تتمناها

ويسلموو ايديكـ ع الموضوع الروعه ودير بالك تنسي سلملي علي الشيخ ^^