الشات ...... حيث تعلق قلوب الفتيات
السلام عليكم ورحمة الله وبركاته
كيفكم يا اهل مكسات المحترمين
طبعا حاب تشاركوني هاي الفرحة انقبلت في فريق مكسات و بعد كم يوم يصير اسمي ◦°°◦ Şώέέтiέ◦°°◦. :p
لكن قبل كل هذا و قبل لتهنوني بالفرحة هاي
احب ان نتناقش في موضوع الشات الذي لطالما تعلقت به قلوب الفتيات و كما تسميها "تعيش الحب"
الشات : هو مكان للتعارف يتم فيه الكلام بين اثنين وغالبا ما يكون شاب مع فتاه و لسوء الحظ هذه المواقع و الاماكن منتشرة كثيرا و تكون غالبا مقسمة لغرف كل على هواه يختار :نوم:
و هذا المكان في رأيي انا كالغابة التي امتلات بالذئاب الجائعة تبحث عن فريستها و تجد طعامها في الجثث الميتة او المريضة الملقية نفسها على الارض تنتظر من يأتي و يأكلها و ينهش من لحمها الفاسد من كثرة الذنوب او الغباء في الاحرى _ والعياذ بالله_
<><><><><><><><><><><><><<><>
انا لم أكن اعرف هذه الاماكن _الحمد لله_ الى ان جائت صديقة لي و هو ليس بقصدها , تريد ان نتكلم في احدى هذه الاماكن لان مكسات الكلام بها صعب قليلا و ذلك لانك كلما تريد ان ترى رسالة جديدة تعيد تحميل الصفحة
ما عليكم بهذا
المهم
دخلت هذا المكان الفاسد لا ادري عنه شيئا اتبعت الخطوات التي كتبتها لي صديقتي و دخلت
تاخرت صديقتي قليلا
فخرج لي ذئب حقير قال لي
الذئب (ليس هذا اسمه لكن هذا ما اسميه اياه)
: هاي
ممكن نتعرف
انا : طبعا لا ( من غبائي جاوبت المفروض تجاهلتو " ولكن حكمة الله ارادت ذلك")
الذئب : ليش
انا: لا اتكلم مع اولاد
الذئب :طيب انا مش ولد انا رجال بمعنى الكلمة
انا:حتى لو لا اتكلم مع رجال و لا مع اولاد
الذئب: طيب اعتبريني بنت و احكي معي
انا : ما رح نتعرف يعني ما رح نتعرف اصلا انا غلطت الي دخلت هون رح اطلع
الذئب: استني خلص لا تطلعي ان شاء الله اموت و ترتاحي مني
الذئب: بس كنت بدي اياكي تعرفي انو انا بحبك 3>
انا : كذاب احنا لسا تكلمنا عشان تحبني روح يا اخي زهقتني
الذئب: هههههههههه والله
انا: ولا بكذب انقلع (طفشني وطلعني عن اخلاقي :eek:)
الذئب: خلص خلص اعصابك
لم ينتهي فأغلقت الموضوع ....... اقصد الشات :ضحكة:
المهم
خرجت من هذا المكان و غضبت من صديقتي لكنها تأسفت وسامحتها
فهذا الشاب كان أأدب واحد تكلم معي (لا تريدون ان تعرفو مذا قال الباقي _لا حول ولا قوة الا بالله_
صار الشباب في عصرنا مثل شبابا عرينة كل عشرة منهم بقطينة :D هذا مثال امي دائما ما تقوله
قطينة: هي حبة التين المجفف و هذا النوع من الفاكهة كان من ارخص انواع الفاكهة على زمان امي و اجدادها
<><><><><><><><><><><><><>
[/COLOR]اليوم الثاني و هو اليوم :رامبو:
قتلني الفضول هل هذا رأي الشباب حقا في الفتيات هل يحبونهم
_ طبعا انا اعرف الجواب لكن قررت ان أري كل فتاة رأي الشباب الحقيقي
اقسم بالله - حتى تصدقو ولا تقولو هذا من تأليفي -
دخلت الشات مرة تانية لكن باسم ولد و اخترت احدى الغرف فكل الغرف كانت مليئة الا هي
طبعا ما حدا فتح معي لانو كل بنت كانت مشغولة بالشاب الذي يتكلم معها
فتحت مع واحد
وقلت له
انا: مرحبا
هو: اهلين
انا: ممكن اسئل كم سؤال بدورو بخاطري و نفسي ألقالهم جواب
هو: تفضل
انا: انا شاب بس ما عمري حبيت اي بنت واليوم انا داخل اتعرف بس قبل حبيت استفيد من خبرتكم انتو
هو: طيب
انا: البنات شو بعنولكم
هو: ولا اشي تسلاي
انا:بس
هو:يعني بالله عليك بنت بتحكي معها لاول مرة و انتا مو شايفها اصلا كيف بك تحبها
انا:طيب عمرك حبيت
هو:اكيد
انا:طيب مين
هو: وحدة شريفة ما بتحكي مع حدا وانا انشاء الله ناوي اخطبها
انا: طيب البنات الي بتقابلهم بالشارع عنجد بتحبهم ( حبيت اعرف عنهم اكتر من الشات)
هو: ولا هدول بنات قليلات حيا
انا:طيب ممكن نلاقي حدا بحب اي وحدة بحكي معها عنجد
هو:ممكن الدنيا ما تخلا من العجائب بس للان ما شفت حدا متل هيك
انا: طيب شو رايك لو قلت لك انا بنت
هو: مش فاهم
انا: انا بنت
هو :حلو
انا: بس كنت بدي اعرف رأيكم فينا
هو: هههههههه لقيتيها
انا: اه ههههههههه
هو:طيب باي
سكرت معو
فتحت مع واحد تاني <<<< البنت فاضيه :ميت:
انا:رحبا
هو:شو بدك
انا:انا ولد ممكن اسئلك كم سؤال
هو: بسرعة مشغول عم بحكي مع وحدة مش فاضيلك كتير
انا: مش حطول عليك
انا شاب جديد و حاب اتعرف على اولاد يعلموني من خبرتهم
الحب بالشات حقيقي ولا لا
هو: شوف ما في بنت بتستاهل تعطيها قلبك
بس احنا بنتسلى بتعرف الواحد طفشان وبدو يتسلى
انا: اوكي ما بدي اطول عليك خليك مع البنت الي بتسسلى فيها
مع العلم انا بنت بس كنت بدي اشوف نظرتكم لئلنا
هو : ههههههههههههه لا خدعتيني بسهولة بس مش مشكلة انتي وحدة من مليون في الف وحدة مو عارفة
هاد الشي و لسا عم تحكي معنا يعني ما خسارنا شي هههه
انا: فعلا انك صداق مع السلامة
هو: باي
<><><><><><><><><><><><>
في النهاية ارجو من كل فتاه تقرأ موضوعي تفتح عينيها على الواقع هذا هو واقع الشباب
تقولي انتي انك بدك تتسلي برضو
لكنك تقعي في الحرام وهذه هي الزنا في الانترنت بعينها
فحاولن اخواتي ان لا تقعن في هذه الامور
و ان وقعتن فليست النهاية التوبة هي الحل الامثل و العديد من الفتيات هنا يسلوكن
والكلام معهن كالعسل والله
<><><><><><><><><><><><>
اعتذار للشباب :o
مش كل الشباب متل هيك فالكثير منهم وهم ايضا موجودون هنا يتحلون بصفات رائعة
لكن الذين اتكلم عنهم فئة قليلة و ان كثرت تبقى هذه البئرة منحصرة في الاماكن الفاسدة
<><><><><><><><><><><><>
وكما اقول دائما بالاحرى والدي :p - بضلو مرجعي الاول والاخير :) -
الي بدور عالشر بلاقيه والي بدور عالخير بلاقيه اكيد
<><><><><><><><><><><><>
[/COLOR]و الدنيا نصفين منها ما هو جيد و منها ما هو شرير
انتي اخيتي حكمي عقلك جيدا و كوني من الاذكياء اللواتي لا تتحكم بهن قلوبهن وعواطفهن
ليس كل من يلقي لك وردة او رسالة يحبك حقا
لربما زهق من صديقته القديمة و اراد ان يرفه عن نفسه :(
اخر نصيحة من اخت مجربة : تذكري كلما كان قلبك منشغلا و ممتلا بذكر الله اكثر كلما اعمى الله قلبك عن هذه الامور ^^
<><><><><><><><><><><><>
في الختام نرجو من الله حسن الجزاء
فنعم المولى و نعم النصير
اختكن بالله ◦°°◦ Şώέέтiέ◦°°◦. :p متشوقة لهذا اليوم :ضحكة:
