السلام عليكــم ورحمـة الله وبركاتــة ،،
اليوم حبيت اني اسلط الضوء على بعض المواهب و الرياضات المدفونه ..
او بالاصح مواهب ماحد يهتم فيها .. ومافي احد يتبناها او يحاول يطورها ...
راح اختار من هذي المواهب والرياضات , رياضة التزلج .. او الاسكيت ..
رياضة التزلج او الاسكيت : طبعاً راح اعرفها بمفهومي الخاص .. هي عباره عن التزلج بواسطة حذاء خاص اما ان يحتوي الحذاء على :
1- قطعه حديديه بالاسفل : ويستخدم للتزلج فوق الجليد .. ويسمى ice skate وهذي صوره توضيحيه
2- او يكون اسفل الحذاء عجلات وهذي لها عدة انواع :
a- اما تكون العجلات كل عجلتين متقابلتين ...quad roller skate هذي صوره توضيحيه
b- او تكون العجلات في نفس الخط .. ويسمى inline skate وهذي صوره توضيحيه له
وطبعاً هذي النوعيه ايضا لها نوعين لكن ماراح ادخل في التفاصيل اكثر ..
الان بعد ما عرفنا هذي الرياضه وعرفنا انواعها الان راح اتكلم عن فوائدها :
فالبدايه راح اعرض لكم فوائدها من ناحية حرق السعرات الحراريه حيث اكد د.كارل فوستر منسق للطب الرياضي وعلوم الرياضة
لفريق سكيت السرعة الأمريكي (speed skating) بأن هنالك الكثير من الفوائد المؤثرة نتيجة الرولر سكيت. فقد برهنت دراسته بأن
الشخص العادي الذي يتزلج بشكل عشوائي وعادي فهو يحرق لمدة 30 دقيقة معدل 285 سعره حرارية.
أما المتزلج (الاسكيتر) المحترف فهو يحرق حوالي 450 سعره حرارية في نفس الـ 30 دقيقة.
ايضاً من فوائد هذي الرياضه :
1- تقوية العضلات خصوصاً عضلات الرجلين..
2- تقوية الروابط الاجتماعيه واقامة صداقات وتعارف بين المتزلجين ..
3- تطوير التوازن لدى اللاعب .. ولو تتابعون لاعبين التزلج راح تشوفون قدرات مذهله في الاتزان..
4- زيادة اللياقه لدى اللاعب..
وهناك الكثير من الفوائد كباقي الرياضات..
الان بعد ماعرفنا فوائدها .. ابغى اتكلم في الجزء الاهم من الموضوع .. وهو نظرة المجتمع لهذي الرياضه و مدى انتشارها عندنا فالسعودية ..
للأسف الكثير من الناس يتصور ان هذي اللعبه للصغار بس وان الكبار مو لازم يلعبونها .. لكن فالحقيقه هذي رياضه مثل باقي الرياضات وهي للجميع ومالها سن محدد
لو تشوفون البلاد الاجنبيه مثلاً راح تشوفون ناس كبار يستخدمونها احيانا مو للتسليه والرياضه بس لكن حتى للتنقل من مكان لمكان ..
الشي الثاني في مجتمعنا .. ان بعض الناس يتخيل ان لو لبسها راح يتكسر كأنه طايح من الدور الرابع وبعض الاباء يخافون على اولادهم منها .. يتعاملون مع هذي
الرياضه كأنها شي خطير .. ومعجزه ان الشخص يمشي فيها ..
ايضاً من المشاكل اللي يواجهها اللي يتزلجون خصوصاً لو كان فالشارع .. يتعرضون لمضايقات باشكال عديده .. بعضهم يلفون على اللي يتزلج بالسياره يبغى يخوفه ..
وبعضهم يضايقه بالكلام ... والاكبر من كذا اذا طاح اللي يتزلج قدام الناس .. تشوف كيف الناس تتشمت فيه وتضحك عليه وهذا خطأ ==>> صارت لي اول ما بديت اتزلج ههههه
وفي اشياء كثيره .. عن السكيت
وأي أحد عنده سؤال أو إستفسار عن هذي الهواية والرياضة
أنا حااضرة راح أجاوب لكم عن أي شي
وترا في كمان أنواع سكيتات ثانية لكن أتوقع ماراح تهتمون
إذا ودكم تعرفونها راح أحطها عشانكم
وسلاامز
