بلاك بيري(الأكسجين الذي يتنفسه الشباب و الفتيات)

وأقدم شكـــــري أيضا لـــ:-
سيسلي
توايلا
أحــ moonـــلى
Yesung Lover

لتشريفهــــم الموضوع

البلاك بيري :rolleyes:..

هوا بالنسبه ليا جهاز حالو حال اي جهاز تاني ..
بس من ردود بعض الاعضاء معطينو اكبر من حجمو ::مغتاظ::..
ومو كل من ملك بلاك بيري صار ضايع و انو راح يستخدمو غلط ..
في ناس فيهم الخير :سعادة2:..

انا افكر اغير جوالي وافكر اشتري البلاك بيري بس مو عشان النت والمسن موجودين فيه ..
ما يهمني وجود النت والمسن وحتى لو اشتريتو ما راح استخدمهم :p..
بيدي راح يكون البلاك بيري زي اي جهاز ..
ويمكن ما اشتريه اروح لجهاز تاني :رامبو:..

بس اللي ابغى اقولو .. لا تتهمو الناس كلهم انو ضايعين و ما فيهم خير ..
والبلاك بيري زيو زي اي جهاز :rolleyes:..

وشكرا على الموضوع الرائع ::جيد::..

في امان الله |

من يوم ما نزل و هوة مو عاجبني والى دا اليوم ما افكر اني اشتري واحد مضيعة للوقت و الفلوس

بلاك بيري موضة مثلة مثل كل شي ثاني

يهبون فيه الناس و بعد فترة بسيطة محد يبيه

و الاشخاص اللي يستخدمونه اغلبهم مراهقين و ما يستعملون المميزات الللي فيه

بس شاريينه عشان الكشخة

انا عن نفسي مابيه حتى لو كان ببلاش

انا احب التلفون الصغير و العملي مو البلاك شكبرة جني حاطة طابوقة بالجنطة :تعجب:

تقبل مروري :)

الــسلام عليكم و رحمة اللـه و بركاتــه

انــا من الناس اللي امـلك بلاك بيـري و ها الجهاز حاله حال اي جهاز و للعلم الجهاز موجود من زمان بس شركات الاتصال هم اللي خلوا الناس يفكرون بها الجهاز

ها الجهاز كموضه او شكل .. انا اعطيه صفر لانه شكله بالمره مب حلو ..

و كاتصال ... بصراحه .. النوكيا و السوني اركسن و يمكن اتعب موبايل يكون احسن عنه .. لانه ارساله صفر و بطاريته مدتها تعيسه .. و ما ينفع اتخليه كجهازك الرئيسي ..

بس الشيء الوحيد الزين فيه خدماته و طبعا يعود الفضل لشركات الاتصال .. لانه هم يحطوون العروض و يحفزون الناس ...

و اللي حلو فيه .. انه تقدر تتابع الايميل من اي مكان و تتصفح النت و تستعمل الماسنجر بدون ما تحمل معاك اللاب توب وين ماسير و تروح ..

و خاصتا للناس المغتربين ... و المسافرين يفيدهم بالاتصال مع الاهل ..

و عن الناس اللي تستعمله بالسوالف اللي مامنها فايده او المعاكس و الموضه .. فهاييله بعدهم صغار العقل و انا اقول الناس اجناس و كل شيء فيه الزين و الشين ..

و ها الضجه اللي صايره الحين .... لها فتره و بتنتهي حاله حال اي شيء قديم ... مثل موبايلات النوكيا و الويندوز موبايل .. و اللي حين طالع .. الايفون ...

كل موبايل و له ميزات و عيوب ... فيه اخ قال htc احسن و الثاني ايفون .. و كل واحد على مزاجه

مثلا htc فيه نظام وندوز ... و النظام نوعا ما معقد للناس و خاصتا الصغار و احس انه عملي للناس اللي يبون التطبيقات .. و المشكله الاكبر انه شركات الاتصال ما تحط له خدمات مبسطه مثل البلاك بيري و الايفون ..

الايفون .. موبايل ملتميديا .. للناس اللي تحب الافلام و الاغاني و الالعاب و فيه برامج حلوه بس مشكلته انك لازم تستعمل برامج خاصه له عشان يتصل مع الكمبيوتر و ها الشيء يعقد عليك اذا كنت طالعو تبي توصله على كمبيوتر احد من اصحابك او العمل ... الخ ..

البلاك بيري .. طبعا مع دعم الشركات له .. فايدته الوحيده الايميل و المسنجر بس .. كموبايل ما ينفع بس جود بالموجود

و النوكيا و السوني اركسون ... كموبايل و استعمال بسيط يكونوا بالمقدمه من كل النواحي .. الارسال .. البطاريه .. الخ ...

و ها الكلام قلته من استعمال .. استعملت البلاك بيري و الايفون و اكسبيريا ( وندوز موبايل ) و النوكيا

و مثل ما قالوا الشباب التطور و التكنولوجيا ذو حدين و الانسان هوه اللي يختار طريقة الاستعمال


:: The Sherk ::

السلام عليكم ورحمة الله
في الحقيقه استمتعت بـ قراءة الموضوع لاسيما ان
ردود الأعضاء متفاوته كُلٍ بحسب عمره ومستواه الإجتماعي :D

رأيي كالجميع بأن غالب مستخدمي الجهاز
هم من صغار السن وان لم نبالغ تحديداً فئة [الأطفال]

القيم بوي والآي بود والأكس بوكس اتى من يكمل سلسلتها
ويجمع شملها في جهاز واحد مع اضافة بعض المميزات :o

الطريف في الموضوع مقولة اوباما بأول موضوعك
وكأنه مانقصنا الا رأيه بالجهاز !

الله يوفق جميع الـ عرب لكل خير:D:D

مشكوووووووووووور

طبعا انا ما عرف البلاك بييري هذا

بس هو جهاز تلفون يعني حيجي بعده جهاز ثاني وشكل جديد
والموضوع عند الشباب والبنات مسأله موضه وفشخرة على قولة بعض الاخوة

وإذا كان في إيجابيات وسلبيات ومضار ومنافع
فالموضوع على المستخدم مو على الجهاز

الخير والشر والصح والخطأ داخل الانسان مو داخل الأجهزة
وبكذا
لا تظلموا الأجهزة
وعاتبوا الناس اللي تستخدم الأجهزة

صح او انا غلطانه ؟

سلااااااااام

مشكورhttp://www.3rbe.com/smiles/data/22/3rbe.com_048.gif

انا اشوفة هدر للمال و مضيعة للوقت كنت افكر آخد واحد بس سمعت عنة اشياء كثيرة ما ترضيني

الحمدالله مااخدت والله لا يحوجني اليه منتشر بسرعة نفس الطاعون

اعوذ بالله وش هالفلسفة ياخي جواال جديد انهبلوا عليه الناس وبس.

مـــــــــــــــــــــــشــــــــــــــــــــ كــــــوووووووو ر

مررحباا.

ما عندي بلاك بيري

ولا بي اس بي ولا لاب توب

أنـا عندي كمبيوتر بالصاله الكبيره

والحمد لله شرو لي موبايل وهالموبايل حق البيت وانا اقول لرفيجاتي انه مالي هع هع

والبلاك بيري ما يعجبني لان تلفون عندي وكمبيوتر عندي ليش البياخه ..؟

ويقـال ان ::البلاك بيري يسبب العقم

فأنا اتخذ الحذر منه

ليش اعرض نفسي للخطر بعد انا مو ناقصه

آريجـاتوو

السلام عليكم ورحمة الله وبركاته ..

شكراً ع الموضوع .. بس ما اعرف اش سبب حب الناس في هذا بس اهم شئ يكون مع الموضه ><..

سخافه بكل صراحه .. المهم انه جوال يتصل وبس :) ... انا ما اهتم للسخافة هذي ..

والحمدلله ع النعمة العقل اللي فيها :)

ممم آآنآآ معآآي بلاك بيري ومررررررهـ دآآخل مزآآجي ..
مسســن سسوآآلف آآششوف الآيميلاآآت اللي وآآصلتني .. <~ مرهـ يصلح للمرآهقين :d
بسس مششكله النآآسس اللي تسستعمله بطريقه خآآطئه :مغتاظ:
عالعموم مثل مآآ قلتوا كل جهآز له ايجآبيآت وسلبيات
مششكوووورين

بالبدايه لم يعجبني البلاك بيري لإني منتشر بين جميع الناس و أيضا أشعر أنه يضيّع الوقت
و هذا لما رأيته من قريباتي ... فهو يضيع الوقت من دون ان تشعر ,

و لكن أخي و أمي إشتروه لي كهديه قبل يومين , فهو ليس ممتعا
و يبدو أني لن أستعمله إلا بنهايه الدراسه لإني لن أضيع وقتي عليه , فدراستي أهم بالنسبه لي

شكرا لك ع الموضوع ^ ^

إقتباس:

---

ويقـال ان ::البلاك بيري يسبب العقم

---

؟؟؟؟؟؟ هه ؟؟؟؟؟؟؟
أختي من قال لك أنه يسبب عقم , إنه هاتف خلوي فحسب , ما دخل العقم به ؟؟؟!!!!!
أظن أن هذه المعلومه خاطئه

:

الشعب العربي والشباب خصوصاً متخلفين ..
أي جهاز يمكن أنه يكون بلاك بيري ..
حط به ماسنجر واشبك فيه واقل تكلفه من اشتراك البلاك بيري :مغتاظ:
ومن زمان معظم الناس يستخدمون هالطريقه ..
لكن الناس مع الخيل يا شقرا ..
ومسوين منصدمين من كل شئ ..
مو هذا هو نفسه هذا بس مخوخ العرب متنحه خخخ ..
عالعموم البلاك بيري والمسنجر مضيعة للوقت ..
وهذا احلى جهاز بيخلي الناس حتى ما تشوف شنو امامها ..

الحمدلله ع العقل :d

:

وعليــكم السلام و الرحمة ..

موضوع بوقته ما شاء الله xD ..
وحدة من صديقاتي صجتنا بهالبلاك بيري .. اشوفه شيء عادي و افكر حتى اجيبه :تعجب:
كبيــر لدرجة عبيطة حبتين :ضحكة:
امممم و سالفة سلاح ذو حدين فاللي يحدد هذا الشيء مستخدمه ...
لو كان شخص يخاف الله و مستخدمه بشيء يرضيه هذي التقنية اكيد مفيدة ...
بس للأسف الأغلبية ماخذينه لعبة + موضة و ما استفادوا من اغلبية مزاياه الي كم شيء ::مغتاظ::

مرة من المرات تعلمني صديقتي تقول :
كنت رايحة لاستراحة و كان فيه بنت اصغر مني بسنتين قعدنا نسولف عادي فجأة سألتني :
البنت : عندك بلاك بيري ؟ :رمبو:
صديقتي : لأ :تعجب:
البنت تقولها بشهقة : هاااا في احد ما عنده بلاك بيري :eek:
صديقتي : طيب انتي عندك لاب توب ؟
البنت : لأ :موسوس:
صديقتي : هاااا في أحد ما عنده لاب توب :p
طبعا قالت هالكلام عشان تقولها انه مو مهم لذيك الدرجة .

في بداياته كنت احسه ينفع لرجال الأعمال و اللي يحتاجوا يكونوا متصلين بالنت بكثرة ..
و استغربت لما انتشر بين الشباب و البنات ... :موسوس:
في النهايو هو مجرد جهاز لا قدم و لا أخر من عمرنا :لقافة:

في آمــان الله ..

وعليكم السلام ورحمة الله وبركاته

بدايةً انا بصراحه حبيت هالجهاز مع اني ما اعرف كيف أستعمله

فطلبت من ماما انها تشتري لي واحد

وقالت لي صبري صبري

مع ان ماما ما تتأخر في تلبية طلباتي >>>> فديتها

ومر تريباً 6 شهور وانا مُصرة أشتري البلاك بيري

وقالت لي: ليه ما تشترين لاب أحسن لك ؟

فقلت لها لا مانع ويوم شريت لي الجهاز

وسألتها ليش هي ما رضت

قالت لأن اغلبية الناس يذمونه وما استفادو منه وثانيا له اضرار واذا دخلتي الأنترنت تكون الشاشة صغيرة مو زي اللاب

ومن بعدهــــــآإ كرهته بمعنى الكلمة

وهو حق رجال الأعمال بس الأمر تحول صار رجال الأعمال هم اللي ما عندهم والمراهقين البطالين هم اللي عندهم

واتمنى اني ما طولت في الحديث

Thanks
::جيد::::جيد::::جيد::::جيد::::جيد::

السلام عليكم
اعتقد بان هذا الجهاز مناسب لأشخاص يعيشون في ظروف معينه
مثل الأشخاص المغتربين ورجال الأعمال
أما بالنسبه لمراهقون صغار يستخدمونه لضياع الوقت و إفساد أنفسهم
وهذا يرجع للاهل فالشخص المراهق لا يحتاج مطلقا لبلاك بيري وحتى لو كان يستخدمه في اشياء مفيده
لأن مصادر المعرفه متوفره وكثيره
فجهاز جوال عادي يناسبه
لأن ليس له مبرر في استخدامه

في أمــــ الله ـــــان

Life was much easier when BlackBerry was just a fruit ... :تعجب:

هههههه مشكور على الموضوع

السلام عليكم بعد التحية الحقيقة جهاز البلاك بيري جهاز متطور جدا ولكن الاستخدام

من بعض الشباب والفتيات قد يكون في المسن فقط وايضاً خدمة البي بي هو جهاز تواصل

وليس لعب ولهو و طرح النكت وهو جهاز يخص اهل القيمة الخاصة من رجال الاعمال هذا راي الشخصي

اولا شكرا ع الموضوع الرائع اخي

صدق كلامك البلاك بيري موضه حاليا و بتخلص موضوته <-- احسن d=

وشكله اسااسا مقرف بس روعته في المسن و بس والحمد الله مو عندي

و الله يقينا شره :)

حنا كذا مجتمعانتا كل شي جديد يطيحون فيه واللي ماعنده يقولون غريبة :eek:

بس مو حلو كل شي نقلده صح::جيد::

على قولتهم موضة وبتروح وبيجي احسن منه هاذي حال الجوالات دوام الحال من المحال:ميت:



والله يعطيك العافية على الموضوع اللي في الصميم:)

( حلم صيفي) يسلمووو كلام رائع

عندما ظهر البلاك بيري كجهاز لم أهتم به كثيراً غير أنه [ كبير في حجمه ] :تعجب:
+
وظائفه تناسب [ ناس مهمين وراءهم شغل مو ناس تدور وقت تضيعه في الوقت بدل الضائع ]

لكن عندما رأيت الكم المهول لإنتشاره بين الناس .. صدمت لاني لم اتوقع أننا حقاً [ نلهث ] كثيراً وراء التقنيات وبهذا الشكل الممل :تعجب:
إذ لم أكن في حاجة إلى جهاز مثله فلماذا اشتريه ؟!! .. صحيح أني أحب أن أقتني جوالاً جديداً وذا مواصفات عالية
لكن ليس لتلك الدرجة .. واعتقد أن اغلب [ الفتيات ] أشترينه لأجل أنه [ الموضة الحالية ] لا حباً في جماله وحجمه الكبير وكأنه كف

عموماً كأي تقنية سلاح ذو حدين .. وربما مازلنا نهول الامر لكني كما ذكرت لا احب اللهث وراء الصرعات الحالية
ولا سيما مالم نستفد منه وسوف نؤثر الجانب السلبي فيه كما أثرنا الجانب السلبي في البلوتوث في أول عصوره

مأخذ أخر عليه .. أننا مدمنون على النت والعالم الموجود فيه
وعندما نخرج أو ننشغل ننقطع جزئياً عنه .. فكيف نجلب بأيدينا جهازاً يزيدنا إدماناً فوق هذا الإدمان :تعجب: وياليت إدمان مفيد .. حقاً عجيب أمرنا :تعجب:

في قاموس [ نصف ] مستخدمي البلاك بيري
* تضيع الوقت في محادثات لا طائل منها ..


انا كمااااان اوأيد اختي الكريمه (حلم صيفي) تسلمييين على كلامك دررررررررر ^.^
ماراح ازود على كلامها شي فكل الكلام الي كنت ابغى اقوله قالته الله يخليها يارب

يسلمووووووو على الموضوع الجميل......
تحياتي

يعطيك العافية البلاك بيري من اروع الاجهزة المتواجدة بالاسواق

البلآكـ بيري شيء حلو ومسلي بنفس الوقت
بس كل شيء وله حدوده يعني اذا زاد الشيء عن حده انقلب ضده :d
النآس الطبيعين يستخدمونهـ بوقته يعني اوقات الفراغ اوقات ماتكون جالس مع اشخاص والكل يسولف
وانت ماسكه وتسولف فيهـ
بس فيه ناس للاسف مايمسكون شيء يعني يكرهونك بالشيء :d
الحين البلاك بيري وصل حد العمال الهنود ..~

وتشكرآأتـ لطرح الموضوع
ونترقب موضوعك عن الاي فون
لانهـ افضل بكثير من البلاك بيري واحسن تقنيات ومو كل احد يمسكه :d

مشكـــــــــــــــوووور

شباب أنا باقلكم حاجة ,,,, أنا مني حاقد على هذا الجوال ,,,, بس زي ماسمعت من بعض الشباب

إن لو تقرا كلمة Black Berry بالعكس تصير yrreb kcalb الي عارف معناها يقلي ,,,,,تحياتي.

منور علي الموضوع

شكرا اخي على فتح النقاش لكن انا ارى انو مو ضروري يكون معي بلاك بيري وهيني عايش انا معي نوكيا 1600
وراه مناسب
وتقبل المرور

شكراً جزيلا لك أخي على الموضوع.....

بصراحة كنت أتحدث أنا ووالدي بشأن هذا الجهاز بالأمس.....
فاتحته الكلام بسؤالي..
لماذا يهتم الناس بهذا الجهاز؟ الذي أراه أنا سخيفاً....
أنا لا أفكر بتاتا باقتنائه.......

بالنسبة لي ما اهتم بالبلاك بيري ... كل الي فيها شات

عندي ايفون و فيها مسنجر + في برنامج محادثة تقدر تتكلم مع اصحاب البلاك بيري + htc
ايفوني في له pin

اشوف الايفون افضل منه
و وين ما اكون اقدر اتصل بالنت عن طريق الـ3g

كنت اتمنى ان يكون عندي هذا الجهاز ولكن الان نسيته بعدين الجوال للمكالمات فقط يعني اخذ ابو كشاف احسن واوفر وتقبلوا مروري ملك العز

شكراً على الموضوع

بصراحة البلاك بيري هذا غزى العالم

وبما أنه لم يدخل مزاجي ..>..إذاً العالم بخير :ضحكة: هههههههه

أزين شيء انه يشغل في السفر

ما كنت متوقع الاهتمام بالبلاك بيري بصراحة لما اشوف شكله ما اتوقع ان احد يشترية شكله مرة موحلو
وانا اقول لايمكن حتي افكر اشتريه