قصة عن النت للعبرة

مرة كان لي صديق (و كان يعني انه مش خرج يكون صديق لذا قطعت علاقتي به) كانت عادته ينزل كل ليلة إلى مقهى النت القريب ويظلو تشات لعدة ساعات منيح؟ المهم تعرفلو مرة على بنت أجنبية أصلها عربي وشوي أوروبي عايشة بكندا بتعرفش تحكي عربي، وظل معها تقريبا شهر يحكو كل ليلة، مرة لقيت ايميله مضوي على المسنجر تبعي فقررت امزح معه شوي، طلعت هاي البنت معطيها الباسورد فتعرفت عليها وصارت تسألني عنه ليش بطل يشبك عالنت قلتلها علمي علمك، المهم قعدنا ندردش عن الأفلام والأغاني وبعد كم مرة أتصادف أنا وياها طلبت مني اني احكي تلفون معه أقله يشبك فسويت زي ما طلبت راح قلي زحلقها يعني احلقلها يعني اشحطها يعني تخلص منها، طبعا انا استغربت انا كنت افكر انو العلاقة كويسة بيناتهم المهم حكيتلها انو تلفونه مغلق راحت طلبت مني اروحله على بيته واحكيلو انها بتستناه قلتلها ليش هالقد مستقتلة عليه، قالتلي كلمة صدمتني قالت انها بتحبه، طبعا انا اول شي فكرتها بتمزح بعدين حاولت اراجع صورته في مخيلتي قلت لحالي والله انو الشب ما بنحب على شكله على الأقل وعقلاته زي هذيك الشغلة أجلكم الله، قلتلها انتي أكيد بتمزحي ليش بتحبيه، قالتلي انه وسيم وشخصيته حلوة ومدحتلي ياه تخيلتها بتحكي عن مهند، وهو الأمانة ما أعطاها صورة غير صورته وكان يشغللها كاميرته مشان تشوفه بس ما صار تصرفات لا أخلاقية، على كل حال قلتلها انتي مجنونة اشي؟ كيف بتحبي سطور بتطلعلك عالشاشة وقعدت أفهم فيها وأنصحها تنساه وفي الأخير عالجتها بالصدمة النفسية لما اعترفتلها انو هو ما بدو ياكي، طبعا هي انجنت وبطلت أشوفها عالنت، العبرة من القصة انو لما تنشأ علاقة عن طريق النت فهي غير جدية خاصة من طرف الشب، وانو الناس بتحاول تحط كل ما تتمناه في شريك الحياة في الشخص الرقمي اللي تعرفت عليه عن طريق النت، واللي غالبا شخصيته بتكون مخالفة تماما لما وصله للطرف الآخر، وما حداش يقوللي النت جزء من حياتنا وكل هاي الترهات، النت بظل وسيلة معلوماتية ومش حياة ثانية فما تغطوا كثير في النت وعيشوا في الواقع