(السلام عليكم ورحمة الله وبركاته)
تنتشر الظواهر في أي مجتمع من المجتمعات
و المجتمع الإماراتي كغيره فيه الكثير من الظواهر الخاصه فيه
و هذه الظاهره هي ظاهرة كشف الوجه او احياناً عدم لبس الحجاب ( أو الشيلة )
عند الأقارب الشباب ( يعني ولد الخال ,ولد الخالة , ولد العم أو ولد العمة و إلخ ... ) , و الكلام معهم و الضحك و السوالف
و أحياناً الجلوس في مكان واحد , يعني مثلاً يجلس ولد الخال مع بنات عمته و يسولف معهن عادي
و احياناً يكون فيه حواجز حقيقية و أحياناً حواجز وهمية كالخيط الرفيع الي ممكن ينقطع في أي لحظة و أحياناً من كثر الميانة تلغى هالحواجز
و هالشي تحت مرأى و مسمع الأهل , و الجميع يقنع نفسه بداخله بحجة إنهم أهل و بمثابة الإخوان
و إنه ماله داعي هالتعقيد و التخّلف و التحجّر
بس هل تناسوا أن ولد الخال او العمة مب من المحارم , يعني بدوافع اجتماعيه زائفه نلغى قيم و ثوابت دينيه تصل لـ للمحرمات
نقاط هامة قبل النقاش :
- تعريف الظاهرة : هي الأمر الي يظهر و يشيع بين مجموعه من الناس تقل او تكثر , تبقى في النهايه ظاهرة , لها مستويات , يحكمها مدى انتشارها ..
- للجميع الحرية في قول الي يبيه في هالموضوع , بس في إطار القضية , بشرط ما يخرج عن الموضوع لمواضيع ثانيه , و مناقشة الرأي المطروح من الآخر , مب مناقشة أسلوب و شخصية الآخر ..
فا ياليت تقولون لنا هل فعلاً هالشي موجود أو لا
و آرائكم الي راح تثري الموضوع لنخرج بفائده
الموضوع يستاهل النقاش ..
