هل أنت/ي ذو نظرة سطحيـة !!!!

{.. السـلام عليـكم ورحمـة الله وبركـاته

كيفـكم أعضـاء المنتدى ..
ان شـاء الله تكونـوا بأحسـن حال ..
بدخل بالموضوع علطـول .. لأهميتـه :نوم:


تخـيل/ي


كنت في دولـة غربيـة الي حولكـ كلهم غربيين .. وانت الوحيد العربي
كنت في موقف تفتيـش عن الهويات وماشابهـها .. زحمـة والناس متضايـــقة حدها ..
وانت واقف منتظر يجـي دوركـ وتوريهـم بطاقتك ..
فجأة تسمع صـوت أحدهم من الخلف .. وووووووهـ بسرعـة فكـونـا احنـا مو عــرب عشان تفتشونا كذا


ايش يعنـي هذا !!! على ايش يدل !!!
مما يعنـي ان العـرب موضع شكـ وخوف .. :نوم:


حينها كيف يكـون شعـوركـ انت وانتـي ؟!!!
تتضايق - تزعل - تعذر هذا الشخص أو ماذا


قبـل لا تقـروا التالي قولوا شعـوركم بكـل صراحـة
لأني بكتب الي تحت كتجربـة شخصيـة صارت لي اليوم ..
وهي مشابهـة لما ذكرتـه سابقـاً .. مشابهـة في نفس النظرة العنصـرية


اليـوم وأنا كنت واقفـة في مدخـل الجامعـة
بين عدد كبيــــر من البـنات .. والمشـرفات يفـتشـوا عن البطاقات الجامعـية
وكان المكان زحمـة والبنات متضـايقـات ..
الا وأسـمع من ورا وحدة من البنات تقـول بصوت مسموع للكل:
احنـا مو يمنيين عشـان تأخرونـا كل هالتأخيـر
>> علمـاً بأني اليمنيـة الوحيدة بينهم تقريباً :)


وقتهـا لا أقول لكم اني ما تضايقت
ع الأقـل القـليل حز في نفـسي .. من النظرة السطحيـة التي ينظر بها البعض
وليس الكل


ولكن استغـرب في كثيـر من الأحيـان .. ليش اليمنيين موضع الشك في كل الأمور
قـبل حتى الحوثييـن ..


لو فيه سرقـة .. سببها يمني
لو فيـه قـتل - قطـاع طرق - نهب سببهـا يمني
وأنـا أتكـلم عن الي يصـير حولـنا بالسعـوديـة


ليش !!!
في السـعودية كلـها مافيهـا سرق ولا نصابين ولا قطاع طرق ولاناس تخاف الله
في أي دولـة مو بس السعـوديـة ..
كل دولـة ولها فسدتـها الي من نفس البلد ..


ليش كل شيء يرجـع لليمنـي في السعوديـة
بس أبغى مبررات لمثل هذي النظرة المتخلفـة



فهـل أنتي ذات نظرة سطحيـة أيضـاً !!


بانتظاركم


:)

أهلين

أنا سعودي ومغترب بأمريكا

بس والله يشهد على ما أقول

ما شفت من الامريكان عنصرية ابد

بالعكس يعاملوني زي الامريكي بالظبط<<<اتكلم عن الشعب طبعاً

هذولي و هم مهم مسلمين :o

أما بالسعوديه فمعاكي حق

احنا في السعودية للاسف سيئين مع الاجانب

معليش عالتعميم بس أغلبيتنا كذا

اذا جينا نسب نسب ياا هندي يا بنقالي ولا يا عبد<<<وكلنا عبيد الله

اللي تسب باسمه هذا عنده عيال وتاركهم وجاي يشتغل هنا

ويمكن هو احسن منك عند الله

والله فشلتونا..حتى بأمريكا :mad:

لدرجه انو بروفيسور أمريكي قدامي يقول لواحد سعودي " r u indian"

السعودي جاوبه: لا. رد عليه البروفيسور: ايه عارف انك سعودي بس

بالسعوديه "هندي" عندكم سبه :(


المفروض ما نطالع بجنسيات الناس ولا اشكالهم و الوانهم

المفروض نعامل الناس سواسيه :o

و أعتذر لك عن اللي صارلك بما اني سعودي :)

و أحب اقول انو مو كل السعوديين كذا


وبالنسبه لسؤالك

إقتباس:

---

فهـل أنتي ذات نظرة سطحيـة أيضـاً !!

---

أعتقد انو السؤال موجه للبنات بس :D



شكرا..

المشكلة في النظرة السطحية هي تربية الاهل اولاً
لانهم يزرعون هذا الاحساس داخل اولادهم منذ الصغر
لو كانوا ربوهم على مبدأ الإخاء والمحبة
ما كان صاروا بهذا الاسلوب

صبراً جميلاً اختي والله المستعان

معك حق تزعلي يعني فوق الحر و الزحمة تواجههي غلاضة بهذا الشكل!!

أنا لا أريد اني أبرر لهذه الفتاة .. لكني أأكد لك انها غلطانه..

و كل من يعامل الناس بعنصرية مخطيء

في النهاية كلنا عند الله سوى

آسف
خطأ في الرد

و عليكم السلام و الرحمة ^^
كيفكـ منامي ؟
ان شاء الله تمام يا حلوه :أوو:
نبدأ بالمهم :لقافة:

بالنسبة للعنصرية في هذا الزمان صارت مو بس بين الأبيض و الأسود
الا بين البلاد .... لو رحتي مثلا بلد ( حتى بعض الأحيان في البلاد العربية )
و عرفوا انك عربية و مثلا فلنقول سعودية .. بيعاملونك بطريقتين ..
1- احترام زائد و رفعه فوق مرتبته بزيادة كأنه ملك
2- مثل معاملة بعض الشعوب الأجنبية للعرب (تطنيش - تسفيه )
:تعجب:

بالنسبة للموقف حق المطار فهذا أشوفه شيء عجيب ::مغتاظ::
لذي الدرجة خايفين منا :تعجب: و الله احنى طيبين و لزيزين قدا :ضحكة: <- على قولة اخوننا المصارية :سعادة2:
اللي رح اسويه اني اسكت و أقول حسيبي ربي فيكم :D

مثل مرة شفت منظر في التلفزيون يقطع القلب :بكاء:
كانوا مسويين خطة يبغوا يعرفوا الأمريكان عنصريين أو لأ :نوم:
جابوا حرمة عربية محجبة و اتفقوا مع صاحب البقالة انه يصارخ عليها قدام الناس
جات و طلبت منه تفاحة اعطاها و قالت له اعطني الباقي قام هو يصارخ عليها
( قادم رجل طبعا )
قام الرجال يقول : انت على حق نعم نعم للنصرة :غول:

ذاك الوقت نار الحقد بدأت تغلي في دمي .. بغيت أنط ع التلفزيون و أضربه
و بالنسبة لموقفك :نوم:
فاليمنيين أخواننا ايش هذا :غول: .. أصلا أقول لك من اللحين العنصريين عقلهم صغنن :D
الله يهديها هالبنت :نوم:

إقتباس:

---

فهـل أنتي ذات نظرة سطحيـة أيضـاً !!

---

لا و الحمد لله :rolleyes:

سانكيو مينامي على طرح مثل هذا الموضوع الرائع :أوو:
دووم طلاتك الحلوة يا حلوة ::سعادة::
في حفظ الله و رعايته .. }

والله شي يزعل

لا لست ذو نظرة سطحية ...

لكني سأجيب عن سؤالك..

أعتاد العالم >العربي< خاصة اتهام اليمن بكل مشاكلهم حتى التافهة لما يحدث بها ...

من اكل القات حتى الاطفال يأكلونة .. من الحكومة الفاسدة والتي تنهب أموال الشعب لتأكلها هي ..

ومن تخلف الشعب ابذي لم يواحة الحكومة و إذا فكر بمواجهتا فأنة يواجهها بتخلف كما في صعدة..

وللعلم حرب صعدة هي حرب لأجل السلطة والحكم!!!!

أنهم لا يفكرون بمصالح الدولة بأنها تحتاج حاكماً ليرفعها بل إنهم يفكرون بأنفسهم فإن كنت حاكما

سأحصل على كل ما كنت أتمناه!!!!

لا

أنا يمني وهاذي القصة صارت

معي من زمان:(

بس مو كل السعودين كذا في ناس طيبين:cool:

مو اليمنين بس بل الفلسطينين والسورين والاردنين :(

وأكثر شي يصير بالمدرسم يكون على المصريين:(

أما السبب لأنهم شايفين نفسهم على الناس:mad:

سلاااااااااااااااااااام

إقتباس:

---

الرسالة الأصلية كتبت بواسطة Kakagito

أنا يمني وهاذي القصة صارت

معي من زمان:(

بس مو كل السعودين كذا في ناس طيبين:cool:

مو اليمنين بس بل الفلسطينين والسورين والاردنين :(

وأكثر شي يصير بالمدرسم يكون على المصريين:(

أما السبب لأنهم شايفين نفسهم على الناس:mad:

سلاااااااااااااااااااام

---

أنا متأسف غلطت في جملة وما قدرت أعدلها :محبط:

أما السبب لأنهم شايفين نفسهم على الناس:mad:

هذي الجملة غلطت فيها أنا ما كنت أقصد المصريين بل كنت الناس العنصريين :بكاء:

أنا أسف:مذنب:

أتمنى محد زعل مني:بكاء:

لا تعليق .....

السلام عليكم
شخصيا لاأهتم أبدا بهذا كله
فلا يهمني من أي جنسية
بالتوفيق ,,

إقتباس:

---

مينآآمي في العآآم :p..~

لي عودهـ ::سعادة::..~

---

Back

السلام عليكم ..~

مينآمي تشآن.. كيفك هالأيآم حيآتي ؟
ومآبسألك عن الجآمعهـ.!!. كلها سنهـ..وان شاء الله تنتقلي لجآمعه تانيهـ فيها عقليآت أرقى من كذا ..

شدني جداّ عنوآن الموضوع في توقيعك ..وأيضاً على ما اعتقد هذا أول مواضيعك في العآم
وان شاء الله يكون فآتحة خير ..~

نجي للموضوع..~

مم أنا شخصياً حبيت اليمنين بعد معرفتي بك وبروحك الحلوه وكمآن لانه
بمجتمعي اليمنى الي بعرفهم نآآس طيبه وسمعتهم حلوهـ.. عشآن كذا مآخذه فكره حلوه عن اهل اليمن::سعادة::

و بشكل عآم عندنا بالحجآز نظرتنا لليمنى تختلف كثير عن نظرة أهل جازآن لهم
ولو ترروحي لمنآطق ثانيه بالسعوديه حتخلف النظره وكمآن في بلدآن تانيه حتختلف النظره
وهذا شيئ طبيعي لآزم نتكيف معهـ..:o

لكن المهم هو طبيعة هالنظره فلو كآنت سيئه فمستحيل تكون كذا من دون سبب
زي مايقولوا مافيه دخآن من غير نآر ..~

مم أكيد أهل جآزآن - السعوديين منهم واليمنين- مستآئين من الأحدآث الي صآرت مؤخراً..
من الحوثيين وشيئ طبيعي يتأثروا
وكون الحوثيين يحملوا اسم اليمن ..فأكيد النظره السيئه حتجمع ..~

زي مايقولوا الخير يخص والشر يعم ..!!

أذكر لما صآرت أحداث 11 سبتمبر أمريكآ أخذت فكره سيئه عن السعوديه وعن العرب والاسلام ككل
لمجرد انه من بين الارهابيين مسلمين عرب وسعوديين..~

من وجهة نظري الشخصيه لكل الي ذكرتهـ فوقـ..^^..:~

ان لما الانسان ياخذ فكره سيئه -في نفسه- عن فئه من الناس بمجرد موقف صآر له مع فرد منهم شيئ طبيعي ويحدث كثير
ولآزم نتفهمه و نتقبله ونحآول تغيرهـ ::جيد::.. من خلال اعطاء صوره طيبه عن أنفسنا حتى نغير من نظرة الي حولنا عن الفئه الي ننتمي لهآ

لكن الشيئ السيئ..!! و الي مستحيل نرضى به ونتقبلهـ - والي يدل على الجهل صرآحه - هو العنصريه في التعامل ضد فئه معينه من الناس لمجرد انه ظهر منها عنصر سيئ أساء بسمعتها

العنصريه سيئه وأكيد مابنتقبلها وتدل على الجهل ..انه أحكم على شخص وأتعامل معه بناء على الأفكار الي احملها عن بلده والمكان الي ينتمي له قمة السخآفهـ.. والجهل

..~

صحيح أحنا أحياناً نحمل أفكار معينه عن بلد معين بنآء على الصفه السائده لأغلب شعب هذا البلد...وهذا شيئ نقدر نقول عنه فطري فينا ما نقدر نمنعهـ..
بس هذا مايخلينا نصغر عقولنا ونعامل الشخص المقابل بعنصرية وننسى ان له كيآن ووجود وانه يمثل نفسه قبل مجتمعهـ..~

البنت الي تكلمتي عنها و قالت السخافات الي سمعتهياا للاسف خلفها فئه من المجتمع تحمل نفس افكارها ونظرتهآ..~
وصرآحه لو جامعاتنا مثل بآقي جامعات العآلم .. كآن قلت حسآفه فيهآ مقعد في الجآمعهـ :(

لانه من المفروض الجامعات تكون أماكن رآقيه للعلم وان الي فيها يملكوا عقليآت متفتحهـ مستقله بذآتها
ومآتكون امعه كيف ما قالوا النآس قالتـ..~

هذا في مايتعلق بصلب الموضوع..~

..~

وأما بشأن بعض العبآرات الي ذكرتيها بموضوعك والي أعتبرها موضوع آخر ربمآ..:مرتبك: ~

إقتباس:

---

ولكن استغـرب في كثيـر من الأحيـان .. ليش اليمنيين موضع الشك في كل الأمور
قـبل حتى الحوثييـن ..

لو فيه سرقـة .. سببها يمني
لو فيـه قـتل - قطـاع طرق - نهب سببهـا يمني
وأنـا أتكـلم عن الي يصـير حولـنا بالسعـوديـة

---

تساؤلك هذا له جوآب..وانا متأكده انه بدآخلك تحملي الجوآب..!!

مم بكلامك تتكلمي عن مجتمعين مجتمع سعودي و مجتمع يمني

السعودي موجود فيه فئه [ عنصريهـ بأحكامها الشموليهـ ]..~
واليمني موجود فيه فئه [ أساءت لنفسها بأعمال سيئه فأساءت لسمعة المجتمع الي تنتمي لهـ ]..~

الفئه الأولى تضايقكم :o
والفئه الثانيه تضايقنآ :(

وبالنهآيه ..~
هما كلهم فئتين والمجتمع السعوودي واليمني بهم من هم أفضل أضعآآف..ولله الحمد
ومابيننا وبين اليمن حدود جغرافيه ولا اجتماعية وكلنآآ أهل وعرب ..~

مم أنا أحس اليمن أقرب بلد قريبه لسعوديه خصوصاً الي بالمنآطق الجنوبية وكمآن الغربيه اشووي

أخيراً شآكره لك روعة طرحك للموضوع و تمهيدك لفكرته وأسلوب عرضهآ ..^^ وكأنك متمرسه في العآم والنقآش ^^

دمتي بــــــود ..~

اولا انا اتفق مع ام ان اس
طبعا هو طبيعي اذا انت عربي وبوله عربيه اخرى انك تعيش هذه المعانا انا ايضا يمر علي هذا الموقف سنويا
بس نقول الله يهدي الجميع ويهدينا ايضا

ودي اصفق لك بكلتا يدي و اصفر لك و احييكي لاختيارك كلمة لطيفة مثل سطحية:p
لان الي تتكلمين عنه ليس سطحية بل هي نظرة احتقار بالعربي الفصيح :ميت:

ترا والله مو كلنا عنصريا ابوي سعودي متزوج يمنيا
عادي انا اقول حتى في اليمن عنصريا
موقف حصل لي من الواقع
كنت في سوق من اسواق اليمن حارس الامن لما شاف كلامي سعودي
قال هنا الفلوس هنا النفط
اش هادا
يعني مو احنا الوحيدين العنصريين
وكمان علبه البيبسي ب60 يمني
يغلوها علي ب100

وعليكم السلام ورحمة الله وبركاته

حياك الله أختي الكريمة :)

أولاً أحب أن أشكرك على تواضعك وكتابتك لموضوع حساس.

النظرة السطحية هي أن يرى الشخص الأمور من أطرافها لا من لبها, أو ذكر السلبي وترك الإيجابي
لكن اللي تقولينه أشد من النظرة السطحية, هي نظرة استهزاء واحتقار أو بمعنى آخر ' النظر من الأعلى '

سأجيب على سؤالك : ليش كل شيء يرجـع لليمنـي في السعوديـة
بس أبغى مبررات لمثل هذي النظرة المتخلفـة .

طبعًا مو كل الأشخاص نظرتهم احتقارية لمن حولهم كل مجتمع وله سلبياته وإيجابياته لايوجد مجتمع في العالم كله مافيه سلبيات " دوام الحال من المحال ".

المبررات بسيطة جدًا, أول شيء, نظرة هذه الفتاة الإحتقارية يدل على ماذا ؟
1 - التربية المهملة او السيئة . 2 - قناعة الشخص وتقبله للفكرة

"من شابه اباه فما ظلم". مثلا الطفل لما يرى والده يتابع مباراة حماسية ويسب لاعب ويلعن لاعب وقد يسب جنس اللاعب وقد يتمادى اكثر , فالطفل عندما يرى أباه الذي باعتقاده أنه أفضل شخص بالكون يفعل مثل هذه التصرفات فأكيد راح يقتدي به ويقلده في كل صغيرة وكبيره.

سواء ذكر أو أنثى, ماتفرق.

بالنسبة للمبرر الثاني, فغالبًا يقتصر على أمرين الإعـــلام و الصداقـــة, غالبًا الشخص يقتنع ويستقبل الأفكار أو الإعتقادات سواءً الصحيحة أو الخاطئة من الصحبة أو الأصدقاء والإعلام. وقد يكون الشخص نفسه هو من يختلق مثل هذه الأفكار وهذا يرجع لشخصيته.

المبررات هذي تعتبر أساسية

فلما ترى مثلا شخص ينتمي لقبيلة كذا وتصرفاته سيئة فهل هذا يعني أن جميع أفراد القبيلة سيئون ؟
بديهيًا لا. فلا تحكم على الجماعة بالفرد الواحد.
وللاسف هذه الظاهرة منتشره.

وإذا أتتك مذمتي من ناقص *** فهي الشهادة لي بأني كامل

آسف على الإطاله
تقبلي تحياتي.

نأسف لإنعدام الذوق في الكلام

ونأسف لوجود هذه النظره إلى الان؟؟



تقبلي مروري

السلام عليكم ×

كيفك يا عسل ،،؟!

ان شاء الله بخير

// المهم

إقتباس:

---

قبـل لا تقـروا التالي قولوا شعـوركم بكـل صراحـة

---

و الله شي مررره يزعل و يحز بالنفس

انا اصلي هندي رغم كذا باين اني هنديه و ازعل يوم احد يقول من باب السخريه و الاستهزاء [ يا هنديه انت خدامه الشعب السعودي ] .. الخ :بكاء:

انا حيوان و انتوا بشر !! :(

المشكله مو فيهم .. المشكله في الاهل الي ما علموهم و ربوهم انو كلنا بشر ومافي احد احسن من احد و انو الافتخار بكونك سعودي مو يعني انك ترفع خشمك ع باقي الاجناس ..

عتصريه سخفاء -__-" >> عصبت :mad:

[لا فرق بين عربي او عجمي الا بالتقوى ]

هذا الشي الي مو قادرين الناس يستوعبوه

يتكلموا و يعملوا شخصيه و لا للعنصريه !!

وهما مربين عيالهم ع النعصريه و رفع الخشم ع الناس و باقي الاجناس

يمكن هذا نوع من التكبر

واتوقع معروف جزاء المتكبر عند الله

المشكله ما راح يعبر الموضوع الا الي مروا بنفس موقفكم يا عسل او اجانب -__-"

بالنهايه اقولك شي .....

[ تعودي ع الحال ]

الله يهدي الجميع ويكبر عقولهم بس ..

و الحمد لله نظرتي للناس [ وحده ]

و العنصريه بكل مكان و في اغلبيه الناس مو في كل الناس و بدوله معينه ^^

ربي يعطيكي العافيه ع الموضوع الاكثر من روعه يا عسل

مشكوره

غاو