الغرائز الحيوانية ................ الى متى !
السلام عليكم ورحمة الله وبركاتة
اليوم المدرٍسة فتحت موضوع من المواضيع بما اننا كنا فاضين وعلى هذا الاساس حبيت اكتب موضوع اليوم
كانت تتكلم عن الشباب العربي لما يسافر برا وكانت توصف الاغرائات الي يلاقيها الشاب هناك متناسيه او ممكن نقول ناسيه اخلاق الاسلام او موب الاسلام نقدر تقول الفطرة فطرة الاخلاق الانسانيه الي خلقنا الله عليها النقطه الي حبيت اوضحها اوخليني اقول كلامها افضل تتكلم عن شارع او حاره او شيء زي كذا للعاهرات بأرخص الاسعار يجيبونهم اليهود عشان يفتنون الرجال العرب وكيف ان المساكين المسلمين مايقدرون يقاومون اذا شافوا الشقار والبياض على قولتها وانهم يقعون في الفخ بعدين يكون سكران ومسكين يخلون الناس يتفرجون عليه هذا ملخص الي قالته .واضيف من عندي موب بس الرجال او الشباب الي يدخلون هذا الشارع فقط بحسن نية اصلا شبابنا الحين يسافر عشان هذي الاشياء اكثر من النصف اذا ماكانوا كلهم ودايم يكون لهم عذر
كل حياتنا صارت مبنية على معادلة رجل ,امرأة, جنس فقط نسير حياتنا عشان الفاسقين الجاهلين الي مايقدرون يمسكون انفسهم اذا شاف طيف حرمه . في العصور الاسلامية الي قبل كانوا فيه الجواري كانت الجاريه ماتغطي الا عورتها وكانت كاشفه كل شيء وطبعا موب لازم اقول حدود العورة للجاريه لان كلنا عارفينها اتوقع
ولا احد حط لهم عذر او لانها كاشفه هو المسكين صار له و صار له .....الخ
نرجع لنقطة العاهرات.......... اليهودي وهو اليهودي او الكافر ما ينزل مستواه او اخلاقه ماتسمح له يروح لهذي العاهره او الساقطه قلة منهم وهم كفار ويهود هذا عار عندهم عكس احنا الي صرنا نجيب لهم اعذار للشباب المسكين متناسين اخلاق الاسلام او خلينا من الاسلام اخلاق الانسانية, الفطره حتى البوذيين عندهم في اساطيرهم الاخلاق يعني الاخلاق موب بس في الاسلام موب محكومه في دين معين هذي من فطرة الانسان يعني هي المدرسة كانت تتكلم و في عيونها الدموع ومقهورة لاكن التمست لها العذر لان هذا هو الشيء الي تربينا عليه ان الرجال اذا عنده بنت كاشفه لوجهها فقط يحق له يسوي الي يبي ونلتمس له جميع الاعذار اذا هذا الرجال ابو عقل كامل اجل انا الي بنصف عقل ونصف دين زي ماتقولون المفروض يصير فيني الي يصير فيه احنا نسينا كل شيء عن الاخلاق وفائدة " غض البصر " وخلينا الغرائز الحيوانيه هي اللي تمشي حياتنا في كل الامور وهي اللي تقيس لنا كل شيء نمنع الفايده عشان الرجل مايكلم حرمه
نمنع اشياء كثيييييير تأخرنا اجتماعيا واقتصاديا وعلميا عشان الرجال الضعيف المسكين الي مايقدر يقاوم الحرمه ........... وجت المدرسة اليوم وكملتها وحبيت اسمع اراء في هذا الموضوع وافضل راي النساء في هذا الموضوع وشكرا.
ملاحظه هذا مجرد مثال في المجتمع للي يصير في هذي الأمور وقد ايش احنا نلتمس الاعذار للرجال
ومتهاونيين لانه رجل !
لو بتكلم في هذا الموضوع يبي لي صفحات وايام
