غريبـة هذه الحيآه ...

الســلأآم عليكم جميعـآ .. كيف حالكم انشاء الله تمام .. انا الحقيقه .. عندي موضوع وحاب اطرحه واصلآ انا بالعاده ماكتب مواضيع بس في موضوع مأثر في مره وكل مافكر فيه احس ان الدنيا كلها تظلم من حولي واحس اني من جد استحي يوم اقوول ان انا مسلم او عايش ببلد مسلم ... الحقيقه موضوع جدآ حسآس وانا ماحبيت اتكلم فيه يمكن عشان موضوع ماهو مألوف او موضوع النقاش فيه دايمن يتخذ اشكال مختلفه .. ماني عارف من فين ابدى او وين انتهي .. مستعد اسووي اي شي بهالدنيا مستعد ارحل واجووب العالم مشي وادور الكره الارضيه على رجوولي لاجل بس احاول اغير بهالموضوع انا عارف اني ماراح انهيه او اضع حد له او احدث اي فرق .. بس يمكن من خلالكم اقدر اشاركم ويمكن واحد منكم . بيحدث الفرق بيوم من الايام ؟ ... شي من جد حاز بخاطري ومخليني اعيش بهم فووق الهم الي انا فيه .. مادري اذا الموضوع ذا لما تعرفوونه مادري وش راح تقولون او تظنون لأنه ممكن يكون قاسي جدا للي تعرض لمثل هالمواقف او عشان سمعتوا قصص كثيره عنه .. انا بتكلم عن ظاهره التحرش .. بس مو بشكل مألووف وبالشكل الي احنا عارفينه .. لا تحرش من نووع مقزز لابعد الدرجاات ومشين لاقصى الحالات ..
عايشين بهالعالم يبان لنا ان احنا عايشين بأمان وحب وسلآم .. عايشين ممكن كل واحد منشغل بحياته وبروتينه .. عايشين هذا يروح الدوام وهذا يروح للجامعه وهاذي تروح للمدرسه وهذيك تشتغل بالمستشفى .. والناس كلها ماشيه بنسق مألوف ومعرووف بالحياه الخارجيه .. بس وحنا بطريقنا للامور ذي كلها يعني بطريقنا للدوآم,للنزهه,للسوبر ماركت , للسوق او للمطعم سمو الاشياء الباقيه عاد .. وحنا ماشين ومارين من هالاماكن الي اتعودنا ان احنا نعتاش عليها او اتعودنا على وجودها بحياتنا .. نمر من خلال بيوت وطرق انا تركيزي عالبيوت هاذي .. وشهي بالنسبه لكم .؟ عباره عن مبنى من طووب واسمنت واشكالها حلووه من برى ومعتقه باحلى الاحجار او ممكن تكون شعبيه ان اختلفت اشكالها بتختلف الحياه بداخلها .. داخل هالبيوت بتصير اشياء غير مألوفه واغرب من الخيال .. اغرب حتى من العالم المألوف عندنا او حتى غير المألووف .. بهالبيوت تصير مواقف واحداث لو الله سبحانه وتعالى مو رحيم بنا ولايغفر الذنووب صدقووني كان خسف باكثر البيوت الي حنا نشوفها ذي .. الحمدلله انه في رب يشووف ويحسب كل صغيره وكبيره ويعرف كل شي يدور بهالبيوت .. سبحان الله فيكم تتخيلون انه ممكن يصير شي زي كذا ؟
يعني تسمع ان بنت اصبحت ضحيه لبراثن التحرش .. بس من مين .. لا من واحد تعرفه ولا واحد من العالم الخارجي لا .. من العالم الداخلي .. العالم الي تظن انه هو الامان وهو الملجأ لها من بلاوي الدنيا الزرقا الي نشووفها بعالمنا الخارجي .. بعالمها الخآص او بعالمه الخآص ( اتكلم عن بنت او ولد ) في البيت ذا بدل ماتكون جالسه ونايمه وآكله وشاربه بأمان وحب وعطف من الكل حواليها .. لا تتعرض للتحرش من اخووها .. او ابووها .. او عمها او خالها ايآ يكوون .. فيكم تتخيلون قد ايش المعاناه الي ممكن تمر من خلالها هالبنت .. او هالولد .. ؟ تتخيلون قد ايش بتتغير نظره هالشخص لما يعرف ان مكانه الآمن الوحيد صار مكاانه الوحيد الي يبي يخرج منه .. يبي يختفي من زواياه .. يبي يتلاشى من ذكرياته .. يالله للهدرجه عالمنا الداخلي كذا صاار ليش طيب .. للهدرجه العقوول وصلت بالدناءه والانحطاط للهدرجه وصلت بتحقير النفس والنزوول لدرجه حتى الحيواان مايرضى يكون فيهآ ... ياخوان الله عطانا عقل نفكر فيه وعطانا اسلام ودين نتقيد فيه .. برأيكم لي هالشخص . يسوي هالشي الشنيع .؟ لي الاب يتحرش ببنته .. لي الاخ يتحرش بأخته .. ليه وليه وليه .. ؟ هذا الاب والا هذا الاخ ماشاف بنته وهي صغيره .. لما كان يربيها هذا لو هو رباها .. ماشااف اخته وهي تاكل وتشرب وتلعب معااه وتغسل حوايجه او تكويها .. ماشااافها لما تجيب له الاكل ماشاافها لما تغطيه وهو نايم .. مشاااف الاب البنت لما كبرت بين ايديه هذا لو وفر لها هالشي بعد .. ماشافها لما كانت تلعب بالبيت .. ماشافها اول يوم مشيت فيه .. انا صراحه ماقدر اعبرلكم عن الحرقه والشي الي بداخلي لما اسمع بهالقصص .. يالله يجيني نوع من الاحباط اني اعيش بهالعالم .. اقسم بالله اني اكتب لكم الموضوع ودمووعي بعيني .. يعلم الله ان في نفسي حقد وكره للاشكال ذي بشكل جنوني ... انا عارف اني تكلمت باشياء انا المفروض اني ماحكم عليها او اتكلم فيها .. لان بالاول والاخير مين انا حتى اطرح موضوع زي كذا .. بس ارجوا منكم انكم تقبلون موضوعي المتواضع ذا .. وتنتاقشوون فيه .. تناقشوا فيه هنا بالمنتدى تناقشوا فيه محل مارحتوا .. ابحثوا عن الاسباب عن الحلول .. عن الاجوبه .. انصحوا الي حولكم لو كان يمر بنفس الحاله ذي .. حاولوا تحتوونه .. تنورون عيونه عالحقيقه قولولهم انه لا يخرب حياته عشاان مثل هالاشخاص الي دمروا معنى السعاده والبرائه وحب الحياه بعيونهم .. خلوهم يشوفون الدنيا ظلام ودهاليز ضيقه .. لايخربون حياتهم ويقولون خلاص انا مدمر والا محطم شوف وش صار لي دام اقرب النااس سوا فيني كذا مابقي شي خير بهالدنيا .. صدقوني اي احد تعرض للمواقف ذي صدقووني بيكوون من اميز الشخصيات واقوواها .. بيشووف الدنيا بمنظور اخر .. بيشوف العالم بمنظور اخر .. بس هالشي يبيله وقت .. والاهم من ذا كله يعرفون ان في رب شايف كل شي .. الله سبحانه وتعالى بيعوض عن كل هالاشياء الي صارت بدعائك ورفع يديك له .. اتمنى اني ماطولت عليكم .. واعذورني عالاسلووب واعذروني على ركاكة الموضوع ... اتمنى التوفيق لكل شخص .. والله يسعدكم .. موفقين خير .