تعليق على موضوع المقارنة بين ليو و براد
هاي ياولاد عاملين ايه ؟ انا بصراحة ماكانش ليا مواضيع مسبقة في القسم ده الا واحد بس وبصراحة شد انتباهي الموضوع بتاع المقارنة بين ليوناردو ديكابريو وبراد بيت من ناحية الوش وبصراحة انا ليا وجهة نظر واقبل النقد عليها
مش عشان انا حاطط صور ليو في توقيعي او الصورة الرمزية يبقى انا من معجبينه لا بس انا بختار الصور الattractive
المهم.......بصوا مادام الاغلبية لبراد بيت يبقى هواللي يفوز وهو ده العدل بس ياجماعة المقارنة ظالمة بين ليو وبراد من ناحية الوش بالذات لانهم من نوعين مختلفين ماينفعش نقارن بينهم زي مثلا لما تقارنوا بين بنت هندية جميلة واخرى اوربية جميلة برضه وليو وبراد مش من نفس الstandard والمفروض ان ليو الاحلى اقولكوا ليه
لما تحبوا تعملوا أي مقارنة بين شخصين من ناحية الوش بصوا للملامح كلها فمثلا براد بيت:
1- عينيه حلوة اوي اوي ولونها خطير ونظراتها جذابه ولكنها بالنسبة لمساحة الوش صغيرة
2- الوش مساحته كبيرة اوي ولكن تقبل المساحة بحكمه راجل بس هي كبيرة اوي
3- الانف مش حلو نهائي واللهم لا اعتراض
4- البق برضه مش حلو من ناحية الشفايف لكن الضحكة حلوة
ليوناردو ديكابريو:
1- العنين عاديه جدا وطفولية شويه
2- الانف عادي بس بيدخل في نطاق الحلو
3- البق جميل سواء شفايف او ضحكة
4- مساحة الوش عادية (وهو في عز شبابه ايام روميو وجولييت)
لكن لما مساحة وشه كبرت زي ماهو دلوقتي ماعدش وسيم زي الاول برغم ان فيه ناس بتحب شكله الحالي واكيد طبعا في ناس بتقول ان وش ليو طفولي والكلام ده كله لكن اثبت خبراء التجميل ان الوش البرئ الطفولي اقرب للنفس ومن الوشوش البريئة ايضا توم كروز وبصراحة من غير فخر انا اشبه ليو خالص بس مش ده سبب دفاعي عند ولا مبسوط اني شبهه انا كنت نفسي ابقى شبه توم كروز حبيب قلبي ونور عيني اللي مالهوش حل وعالعموم الكلام اللي بقوله ده بناء على دراسة لاني واخد كورس في الرسم ودراسة تقاسيم الانسان وارجو عدم الزعل وعشان كده اللي قال : ( الاتنين حلوين) يبقى برافو عليه وطبعا من ناحية القوام مش محتاجة مفهومية طبعا هو براد قوامه حلو اوي ومثالي هو وتوم كروز بس بالنسبة لي براد عشان براد طويل
براد بيت:188 سم ليوناردو:183 سم توم كروز:178 سم
وانا طولي :202 سم واوعى حد يعيب على طولي سامعين اياكوا تقولوا عليا البرج الاهبل وانا اسف جدا جدا جدا على الاطالة وعالعموم الراجل مش مطلوب فيه الجمال
