-
هلا اختى نانا... وانا اعتذرلك عن الغلطه الغير مقصوده... وانشالله ماتزعلين...
ج1: اممممم... حالياً ماعندي اعز صديق غير ابناء خالتي.. كان عندي.. بس القلوب تغيرت.. وحالياً اعز اصدقاء بعد عال خالتي هو لانسر واخوه..
ج2: كنت الوحيد بالمدرسه اللي يحب الكارتون... وبعدين لما كلمته لاول مره بالصدفه.. تبين لي انه يحب الكارتون مثلي.. وبعدين تمت صداقتنا في حدود معينه.. وبعدين.. انتقلنا الى نفس الكليه.. وتعرفت عليه اكثر.. وعجبني.. واحس ان حالته شابهه لحالتي في بعض الاشياء..
ج3: اكثر شخصيه اكرهها هي (( إكابود)).. طويل وهبل.. مايعجبني بالمره..؟!!
ج4: حتى الوالد احبه.. وله معزه كبيره في قلبي... بس تبقى الام في حياة الولد اغلى واهم.. حتى الرسول كان يفضل امه على ابوه.. بس ابوي انسان عظيم في نظري... والله.. واتمنى اني اصير مثله بالمستقبل.. اما عن باقي الاسره.. فأنا عندي اخت وحده واخ واحد صغير.. بس اختي اقرب لي من اخوي.. لانه صغير.. وماقدر افضفض له اللي في قلبي.. فأختي اقرب لي في العمر.. وتحس فيني.. وتفهمني.. ودايماً نتشارك في نفس الهوايات.. يعني صديقين.. اما اخوي الصغير.. فأنا احبه بعد.. بس يحرق اعصابي وايد... خاصتاً لما اقوله شي.. ومايسويه.. ساعتها احبالي الصوتيه كلللللها تتقطع..!!
ج5: انا اكبر واحد في العائله... يعني الكللللل في الكلللل..!!
ج6: مشكوره نانا..وانا رسام عادي... مش محترف.. وللاسف انا مارسم وايد.. وما أنمي موهبتي ابداً.. بس إذا مزاجي رااايق... امسك الورقه والقلم.. وابتدي ارسم.. حالياً.. كل رسماتي في هذا الموضوع.. اعتقد انكم شفتوها..
ج7: هااااه... طويل ولا قصير.. امممم... غيرو السؤال احسن..لالا اتغشمر معاك.. عادي.. تكت ايزي.. انا اكره الطول.. ومثلي بالحياه (( كل طويله هبيله)).. هاااه.. فهمتو شنهو اقصد..ههه... انا مش طويل.. قصير شوي.. بس طولي تمام... مش قزم..بس تمام.. يعني متوسط.. فهمتو اشلون.. ووزني...اه..اه... عادي.. وزني 49.. يعني جسم عارضة ازياء..هههه..!!
ج8: والله موقفهم من ولعي بالكارتون.. دايماً اشوف امي تضحك علي..؟.. وتقول انته ماكبرت؟.. وابوي يقول لها.. خلي الولد على راحته.. اما اختي فعادي عندها..شافت ولا لا.. بس عندي تعليق صغير عن امي... مره انا كنت مار بالصاله... وشفتها قاعده تتابع (( الكابتن رابح)) يووومياااً. ولما اقولها...هاااا.. صدتك.. تقول لالا مافي شي يحطزنه غيره..هههه... مين علي ابنك..؟؟
ج9: مواصفات فتاة احلامي.... حلوه...مثلي بالطول..متوسطه يعني.. لاهبله ولا قزمه.. ودايماً تكشخ لي.. وتسوي هالحركات..خصل حمره صفره.. وتكون هادئه.. ولسانها مش طويل.. ومتعلمه على الاقل شهاده الثانويه.. ودايماً تضحك.. يعني مش نكد في نكد.. واهممممم شي... واهم من الجمال والعلم... انها تصلي..!!
-
مشكوووور واااايد على ها الردود الحلوة ... واللي تثبت فعلا أن دمك خفيف
وأنا مو زعلانة منك :) وأتمنى لك النجاح والتوفيق وأن تحقق جميع أمانيك في الحياة :cool:
شي أخير :
أنا ماراح أتنازل عن طلبي أبي أشوف وحدة من رسوماتك ... عاد لاتفشلني
-
-
