عذيب (Go)...أمسك قردك لإيجيك أقرد منه
عذيب (Go)...أمسك قردك لإيجيك أقرد منه
يا إخوان
السلام عليكم ورحمة الله وبركاته
أولاً: اللي ماشترك بعذيب (Go) نصيحة لوجه الله لايشترك
تعالوا ندردش شوي...عن هالنصب
صرح مصدر من طرف عذيب في البداية بأن التحميل غير محدود
وأشترك لمدة وخذ مثلها مجاناً
العالم صارت صافه سرى على نقاط البيع مثل سرى الفول والتميس عصرية أيام رمضان في مكه
كلن يبي يلحق على العرض المغري والسرعة الصاروخية
بعد مانصبوا على 15 ألف مواطن قالوا التالي:
ماتقدمه شركة اتحاد عذيب للإتصالات "جو GO" هو تحميل لا محدود
يختلف حتماً عن الباقات المحددة مسبقاً سواء كانت 1- 20 جيجا، اكثر او اقل
المتعارف عليه عالمياً في سياسة التحميل اللامحدود، هو تطبيق سياسة الإستخدام العادل
وبشكل لايؤثر سلباً على بقية المشتركين أو مستخدمي الخدمة
حيث تقوم بضمان جودة الخدمة المقدمة للعملاء وعدم تؤثرها سلباً لأي استخدام جائر
وشلون لامحدود وإستخدام عادل؟
تناقض وخربطيشن وتدليس ولعب بالألفاظ وقلة حيا وإستخفاف بعقولنا
يعني حمل على كيفك بس خاف ربك لاتمصخها
ياخي مالك شغل ...كم أحمل!!!
أنت قلت لي غير محدود
خلاص لو أحمل مليون ترليون تزليون بايت (مصطفى الآغا...صدى الملاعب) ماهو شغلك لاني إشتركت بناء على كلمة (غير محدود) وإلا كان تميت على موبايلي كونكت
اذا كانت شركة جو اعلنت ان التحميل لا محدود فليس من حقها ان تعود لتقول ان هناك سوء استخدام من بعض العملاء وانهم يستخدمون الانترنت استخدام غير عادل وبما انها صرحت بأن الاستخدام غير محدود يعني غير محدود
تخيل إذا كان الإستخدام العادل = 20 قيقا بالشهر
لو وصل التحميل 20 ميقا خلال 10 أيام ...خلاص إشتراكك هالشهر باااااااااااااااااااااااااح بتجلس 20 يوم بدون نت
والله بربسه
كله كوم ومناطق التغطيه كوم
يقولون لك الحي الفلان متغطي
يوم تجرب الجهاز تحصل برج واحد من أصل 5 أبراج
يقولون لك بسبب عوازل البيت
ياعمي طلعت السطح وشبكت ماطلع لي إلا برج..لاتستهبلون علينا يارمم
لا شف عاد اللي يقهر.....كله كوم ويوم نصبوا علينا بالأول كوم
اليوم إتصلوا علي وكانت هذه المكالمة أكتبها لكم بالحرف
الو: المخفه فلان؟
نعم معاكم الدبشه
انت إشتركت وعطيناك جهاز بس مافيه واير لس...ونزلنا جهاز فيه وايرلس
متى
من قريب
طيب انا مشترك أمس حرام عليكم كان عطيتونيه من الأول بدال مارد لكم اللي معي
على العموم الله يعيني راح أمر عليكم وأبدله...مشكورين على التنبيه
لا لا سيد فلان العرض مش مجاني
كييييييييييييييييييييف
مبلغ بسيط
كم
220 ريال
أمرنا لله...مع إني مشترك بس أمس
اوكي حابب تشترك
خلاص بشترك مافرقت على هالميتين ريال
كم المده
وشو كم المده
الإشراك
أقولك أمس مشترك 6 شهور+6 شهور مجانا
يوم من أصل سنه
لا سيد إذا حابب تشترك وتاخذ الجهاز راح تدفع حق 6 شهور ونعطيك شهر مجانا
طيب وإشتراكي حق سنة اللي أمس
لا ياسيد
أقلب وجهك يارمه لابوكم لابو من يدعمك ويستغفلنا ياحوش لاعاد عمري أشوف رقمكم بشاشة جوالي
شفتوا كيف النصب ياشباب
خلاص حنا عندهم دلوخ مانفهم مخفات
لاحد يشترك ويتورط حتى يوضحون لنا ويعتذرون بعد
