لا تقول مااعرف ..حدد هدفك

السلام عليكم

كثر الكلام في موضوع تحديد الأهداف وخطوات تحديد الأهداف أنواع هذه الأهداف

اول شي اقوله انه للأسف 95% من الناس عايشين حياتهم شغل أو دراسة ..بيت..أكل ..نوم ثم زواج وبعدين موت
طيب ايش حتترك؟ ايش هدفك؟
معظم الناس الي انا سألتهم شخصيا قالوا مانعرف
طيب انت عايش ليه؟ تبغى توصل لايش؟
اهو عايش وخلاص

ربنا سبحانه وضعلنا هدفين كبيرين احنا مخلوقين عشانهم:
1- العبادة
2- إعمار الأرض
واي هدف في الحياة يندرج تحت عنوان كبير الي هوا اعمار الأرض...
فأهو ربنا رسملك حدود شاسعة امشي في زي ماتبغى
حدد هدفك زي ماتبغى
اختار نواع الهدف الي يناسبك بس خلي عندك هدف

الموضوع حيكون عبارة عن أسئلة وأجوبه وطبعا انا مني عالمة ومني جايبة على قولهم آخر العلم فياريت تضيفوا

كيف أختار هدفي؟؟
اختر هدف منطقي قابل للتنفيذ ويستاهل العناء المبذول من أجله وكمان هدف تستطيع تحقيقه بنفسك
قسمه إلى مجموعة أهداف صغيرة
وحدد الوقت المطلوب لتنفي هذا الهدف
تقسم الأهداف من ناحية الوقت المطلوب لتنفيذها إلى:
1- أهداف قصيرة المدة
2- متوسطة
3- طويلة
والكلام في هذ الصدد يطول
ولو اي احد حاب يتوسع في فكرة كيف تحدد أهدافك أكثر أنا موجودة ::سعادة::

كيف أنفذ هدفي؟
ببساطة قسم هدفك وليكن شراء بيت مثلا ((وهذا الهدف لضرب المثال فقط)) إلى أهداف صغيرة
1- أبحث عن وظيفة:
عن طريق اني اعمل CV :يحتاج عمل الـcv ليومين متلا
أقدم في المحلات : 1- 2- 3- يستغرق التقديم اسبوع
أقدم على الإنترنت مثلا في 10 مواقع وهيا .... يحتاج الأمر اسبوعين

تحقق الهدف الجزئي الأول وهوا حصولك على وظيفة

2- عمل جدول بالمتطلبات الشهرية الحالية عشان تعرف كم تقدر توفر
ياخد حوالي اسبوع
جرب الجدول هذا ولو ما مشي عدل عليه فلامانع من التعديل على أهدافك الجزئية أو حتى الهدف الأساسي

3- ابدأ بالتوفير :قد يستعرق مثلا سنتين توفير

4 انت الآن قادر على شراء المنزل

هذا كان مثال مبسط وأنا ما استغرقت فيه كثير بس ان شاء الله المعنى يكون وصل

ومن أهم النقاط الي لازم نراعيها في الأهداف الجزئية وجود البديل دائما
يعني بفرض انه المحل الفلاني مغلق لازا أدور على بديل أو بفرض اني مالقيت الوظيفة فأحاول ابدأ مشروع صغير خاص بيا وهكذا

ما أهمية تحديد الأهداف؟
شوف حولينك اي شخص ناجح او حتى اقرأ عن اي شخصية ناجحة على مر التاريخ حتلاقي انه لازم ولابد حيكون حدد هدفه

ماذا أحتاج لأحدد هدفي؟
الإرادة ثم الإرادة ثم الإرادة :
اكتب هدفك على ورقة وعلق الورقة في مكان يكون دايما قدامك عشان دايما تشوفه

العلم:
لكل هدف متطلباته
الدعوة إلى الله تحتاج إلى العلم في بعض أمور الدين وكمان بحال وثقافة الشخص الي بدعيه..
التجارة تحتاج إلى تعلم مهارات الإتصال والإقناع..
إدارة شركات مثلا تحتاج إلى تعلم مهارات القيادة .....الخ

النية:
اجعل نبيتك خالصة لوجه الله تعالى انه انت اي شي بتعمله بتعمله من باب إعمار الأرض


والواجب الي اتمنى من الكل انه يحدد هدفه ويحفره في دماغه ويقول انه يحدد هدفه ويقولنا هوا هنا