' ثقـــــافة الإختــــــلاف ~
بسم الله الرحمن الرحيم ,,
ثقــــــــــــــــــــــآفهـ الـآختـــــــــــــــــلآف ,,
لكل شخص رأيه و هواياته و ذوقه و فكره .. ليش ما نحترم هالشغلة ؟ ..
ليش بالنقاشات اللي تصير بين الناس يبون يجبرون الطرف الثاني إنه يقتنع غصب بكلامه ؟؟ ..
و إذا ما اقتنع بكلامه ، يبدي التطنز و التمسخر عليه ..
هل كان الرسول – صلى الله عليه و سلم – يستخدم هذا الاسلوب في النقاش ؟؟ .. لا ..
رسولنا – صلى الله عليه و سلم – كان راقي جدا بالحوار و النقاش .. ليش ما تتعلم ؟؟ ..
ليش النقاش يتحول إلى شجار و استهزاء و عقبها قطع علاقات و نفوس شايلة بقلبها ؟ ..
هناك مقولة شهيرة تقول:
” رأيي صواب يحتمل الخطأ ، ورأي غيري خطأ يحتمل الصواب ”
هذا معناته ان لازم النقاش يكون بأسلوب ، و يكون بهدوء و تفكير و عقلانية .. حتى لو ما اقتنعت بكلام الطرف الثاني ، لازم تحترمه .
و هناك مقولة أخرى تقول : ”الاختلاف في الرأي لايفسد في الود قضية ”
للأسف مو قاعدين يمشون مثل هالمقولة .. يستخدمون اساليب تخلي السالفة تكبر و تفرّق بين الطرفين !! ..
من الأسس اللي لازم نستخدمها في الحوار :
1- التحلي بالأخلاق و الآداب الاسلامية
يعني ما يصير تطنز و تمسخر و استهزاء و احتقار و قلة أدب.
2- الإنصاف و عدم احتكار الحق المطلق
يعني الإنسان لازم يفكر عدل بكلام الطرف الثاني، مو شرط يكون صح 100% لكن قد يكون فيه جوانب من الصح ! .
3- المحافظة على الكرامة الإنسانية
إذا ما عجبك كلام الطرف الثاني، مو معناته تتمسخر و تستعبط عليه. ترى اهو إنسان حاله حالك ، مثل ما انت عندك مشاعر ترى اهو بعد عنده .
4- الحرية و الإصغاء
عطه الحرية في الكلام ، خل يقول كل اللي عنده .. و يطلع اللي بقلبه .. اصغِ إليه .. بعدين ناقشه .. لا تقاطعه بالكلام .
5- عدم التعميم في إطلاق الأحكام و عدم الخروج عن الموضوع بهدف الترقيع
لما نتكلم عن قضية ، ما يصير نعمم على الكل ، مثلا ما يصير نقول ( كل الشيوخ كذا و كذا ) و الا ( كل الحزب الفلاني أهمة كذا و كذا ) . لازم يكون النقاش بحدود الموضوع بدون تعميم . و عدم الخروج عن الموضوع اللي قاعدين يتناقشون عنه عشان يلاقي حجة ثانية يرقع فيها !! ..
الله يصلـــح حـآل الجميـِـِـِـِـِـِـِـِـِـِـِع ,,
