موت الهام الفضالة ++ اشاعة ++
لقد دار هذا الحوار بين جريدة الانباء الكويتية والهام الفضالة بعد سماع اشاعة موتها ....
انتشرت امس شائعة وفاة الفنانة الهام الفضالة ....
عندما هاتفنا النجمة الصاروخية بادرت ضاحكة :
اسم الله علي مافيني شي , امس طالعة وزايرة الاهل ورفيجاتي وكنت وايد مستانسة وياهم , وهم كان عندي اجتماع ويا المؤلف عبدالعزيز الطوالة والمخرج محمد دحام الشمري لاستلام نص مسلسل يريد ان اشارك فيه مع ايمان محمد علي , احلام حسين , جاسم النبهان , غازي حسين , واهو اجتماعي تدور احداثه في 15 حلقة .
وتابعت الهام : تصدقون اني ما نمت من امس , لان موبايلي وتلفون البيت ما بطلوا دق من الفجر , والكل يسأل عن تفاصيل الحادث !
من وين طلعت السالفة ؟
والله مادري , كل اللي عرفته اني سويت حادث ومت – اسم الله علي – والحقيقة اني اخترعت في البداية , وبعدين قعدت اضحك ورحت ادق علي الاهل اطمنهم اني زينه ومافيني شي ,لا سويت حادث ولاهم يحزنون .
تعتقدين شنو اسباب الشائعة ؟
مادري , وقاله يقولون كل سنه عقب رمضان والعيد يموتون فنان او فنانة في حادث او ريمة قتل . لكن يمكن ان تكون هذي ضريبة النجاح والشهرة مثل ما يقولون .
ليش انت هالمرة ؟
اعتقد لاني نجحت نجحت وتميزت في مسلسل (( دنيا القوي )) اللي انعرض على 9 محطات فضائية , وعقبها قدمنا مسرحية ناجحة في البحرين (( اسطار اكاديمي )) والحين عندي مسلسل يديد وفيلم سينمائي بعنوان ((اجازة سعيدة )) وراح نصوره في لبنان , واهو من انتاج سكوب سنتر واخراج بسام الذوادي .
وانا قلت من قبل مليون بالمية اشاعة ...
كاثرين
