نضف جهازك البلايستيشن بنفسك

سلام عليكم ..


وبعد السلام..




بما اني لاحظت الكثير اللي يخسر مبالغ طائلة في تنظيف وتغيير العدسة

هذي الطريقة ان شالله مضمونة
....

الاحتياجات

اولا :- يجب توافر لديك علبة من المفكات بمقاييس مختلفة .

ثانيا :- قلم تلوين سائل تقدر تكتب على الجهاز (( يفضل قلم سبورة لانه يممسح ))

ثالثا :- كرتون مناديل كااامل و كاس ماء كاامل

الخطوات

أولا :- تبدأ بترقيم فتحات المسامير بالقلم السائل بالترتيب ليسهل عليك فهمها وهم 8 فتحات

ثانيا :- ابدأ بفك المسامير واحدة واحدة من على سطح الجهاز ويجب انك تترك مساحة فاضية تحط المسامير بالترتيب اللي مكتوب عندك بالارقام لأن كل فتحة لها مسمارها الخاص بالطول الخاص ويجب انك ما تلخبط بينهم

ثالثا :- بعد ما فكيتهم روح افتح الفتحة اللي بالخلف في الجهاز وشيل اللزقة الموجودة بالخلف لاتمام عملية الفك

رابعا :- افتح الجهاز بحذر لوجود شريط ملتزق بالقطعتين العليا والسفلا وانتبه لا ينقطع الشريط لانه مهم واذا فتحته وخلصت وكل شي تمام الحين راح تشوف شرايح خضراء كثيرة وخضرا امسك المنديل بدون ماء لأنه حساسة هالمنطقة ووشيل الغبار منها كليا

خامسا :- راح تلاقي صندوق اسود محاط بكمية من السامير الصغييييييييييييييييييرة جدا افتح هذي المسامير بقياس اخر من المفكات وافتحها بحذر لأن العدسة داخلها تكون

سادسا :- الان يأتي الحذر الشديد جدا راح تشوف العدسة وكل شي داخل الصندوق ابدأ بوضع طرف منديل بالماء وبكل حذر ابدا بتنظيف العدسة ولازم تاخذ منك وقت وانت تنظفها ولازم ما تقوي يدك عشان ما تتغير العدسة مكانها الحين اذا انتهيت من العدسة ونظفتها راح تشوف مكانها متغير بعض الاحيا انت رجعها لمكانها الصحيح وهو جمب محرك السي ديات

سابعا :- حول العدسة يوجد عمودين حديديين انت ابدأ بتنظفهم بالمنديل والماء وايضا نضف الشريط البني اللي موجود داخل الصندوق ونظف كل شي يقع بعينك داخل الصندوق نظفه بالمنديل والماء

ثامنا :- الحين ابدأ بتنشيف العدسة باستعمال منديل بدون ماء وبكل حذر و رجع الصندوق واغلقه بالمسامير وابدأ بتنظيف الشكل الخارجي للجهاز وبعد تنظيف كل جزء امسح الماء بالمنديل الناشف

تاسعا :- ركب الجهاز من جديد وكل مسمار في مكانه وامسحه في كل اتجاهاته بالمنديل والماء ومن ثم جفف الجزء والان امسح الارقام بعد ما ركبت الجهاز لتذهب الارقام


مبرووووووووك جهاز جديد ونظيف ولم يأخذ من مالك فقط اخذ من وقتك مدة نصف ساعة تقريبا



مع تحيات منوووووع::سعادة::::سعادة::::سعادة::

مشكوووووووووووووووور ( بس الطريقة قديمة )

تحياتي

مشكور على الموضوع ;)

^_^

شرا على الموضوع

بس حبيت نــــــــــــــــــستفيــــــــــــــــــــد

مشكور ع المعلومة

و إن شاء الله يوم أجرب و أسوي

و بس أنا المشكلة حظي نحس ,

كل ما أسوي شيء ما يزبط !!

إن شاء الله العملية هاذي تزبط . :)