وش رايكم الي يترززون كل يوم ..بصورهم وضارينها مكياج وحمره
السلام عليكم
مساء الورد والكادي والياسمين والفول والمراعي الخضراء على قلوبكم الطيبه النقيه ..
بصراحه من تفحيطي في المنتديات ..وخبرتي الغير القليله ولا الكثيره ..بين وبين ..لاحظت..شيء
موكويس ..عند بعض الشباب وبعض الصبايا ..يجيك بعضهم الله يهديم . مسوي مشروع حصاد بوجه .ذكرني حصاد القمح والشعير ..الله يالدنيا يوم شرينا حصاده ، فرحه كبيره عمت الحاره بل كل الأماكن ..والقرينات والزوايا حتى القدور والدروج .. ههه
المهم نرجع لموضوعنا ؟؟ وش كنا انقول !!
ايه تذكرت الشباب الي الله يهديهم يسون مشروع ازالات المطبات والحفر الي في خدودهم ..
ثم(ن) يحطون حمر الشفاه ..والبودره ..و..و..ويرحون للمصور ..والا ليش مصور بالجوال يصورون ويدخلون شوي تأثيرات على الصوره ..وتقول وش هالقمر وش هالزين وش هالحمر العطر تقول شامي من ضرب المكياج بس الشفه غاديت(ن ) حمرا من ضرب المالبورو ومعسل ابو حسن عفوا ابو هيثم ..لو دخلت في فم احدهم تقول مجاري الله يكرمكم ..ايه مجاري لا تستغربون ..وقاذورات بعد ..الله لا يبلانا انا ابي عرف هذولاء كيف تتحمله زوجته وعياله صدقوني تحصل البيت كله يدخن فنايله وسراويله وثيابه وهدوم عياله يفتح له محل عطورات مالبورا احسن له عفوا مبيدات حشريه ..انسان اناني بس همه نفسه ومتعته ما يفكر بالامراض الي راح تجي لبيته من وراء هالمخزي
المهم ويجون في المنتديات ويرززون بصورهم في تواقيعم ..قولتنا يا بنات انتبهن لنا ..
والبلاء والجلا ان بعضهم متزوج يادافع البلاء ..
اقول الله يصلحكم ترى الرجل مو بشكله ولا بشفايفه الحمر الرجل بعقله وثقله ورزانته واحترامه ..
وش رايكم بهالأشكال ..؟؟
تحيه لكم
نسيت والا هالبنات اللي يحطن صور نساء شبه عاريات ..وش تقولون لهن الله يهديهن
