مقاله أعجبتني عن الأم .....
مساكم الله بالخير
هذي المقاله قريتها واعجبتني لمبدعه سمت نفسها ساره عبد العزيز ...
وقالت هالكلمات بالتعليق على مقالة سعد الدوسري بمنتدى بجريدة الرياض
وهذا نص التعليق
اتمنى انكم كلكم تقرونها وتستمتعون بها ....
أبدااااااااااااااااااااااااااااااااااااااااااااااا ااع
********************************
في الديره في قريتي القديمة موطن آبائي وأجدادي سكنتي في حارة الطين بطفولتك وأول شبابك ويوم نظجتي وأكتملت أنوثتك قطفك أبوي من بيت أهلك كنتي بريئه بنظراتك وخديك متوردة من الحيا وظفايرك طويله , زفتك دقات الدفوف وأهازيج الفرح من أهلك وجيرانك وأحبابك وصلوك لبيتك ترعاك دعواتهم لك بالتوفيق والسعاده والذريه الصالحه, يــــمــه ليتني كنت معكم عشت فرحتكم ذقت أيامكم ببساطتها وطيبها ليته يـمـه كانت حياتك جميله مع أنك ياما حرقتي غداك وماعرفتي تخيطين ثوبك بس عشتي سعيده مع أبوي كان طيب وحنون ,وبيوم تعبتي وتألمتي وأخفيتي أمرك وزرتي جدتي وسألتيها يمه أشكي معدتي والأكل ماأقبله ضمتك أمك بقوه وضحكت وهي تبشرك يابيتي هذا الحمل يمه أوله صعب وتاليه صعب بس اخره فرحه وسعد لاتخافين, تدرين من حملتي؟أنا حملك جنين ببطنك أسبح داخل رحمك أتغذى من دمك وأدفى بضمة أحشائك وكبرت وتعبتي أكثرياليتني ماتعبتك ولا سهرتك ولا المتك بس هذا قدرك يمه تسع شهور تزيد أيام كنتي عند النار تخبزين حتى بتعبك ماترتاحين صرختي وأرتفع صوتك وفزعت جارتك وأخذت لغرفه بأقصى الدار وطمنتك هذي اعراض الولاده تصبري وناأختك بيفرجها ربك تألمتي كثير وساعات وأنتي تعانين وبلحظه فرجها الرحمن وطاعت روحي من أغلى روح منك يايـمــه كنتي تبكين وكنت أبكي تبكين فرحه وألم وأبكي خوف من الدنيا, ضميتيني لصدرك وأسقيتيني أعذب غذى منه ماتشيع روحي , وكبرت شوي وصرتي تلاعبيني تناغيني تحرظيني على الكلام ونطق فمي بأعظم أسم مــــامـــا تبسمتي وضحكتي وحضنتيني بقوه أكثر وبكيت من حبك يايمه , عودتيني أذا أظلم الليل بدفى حضنك تاخذيني وعلى لحن صوتك تنوميني كبرت وعيونك تراعيني ومشيت أول خطواتي ويدينك بيديني علي كنتي تخافين وتسهرين وماتنامين اه يمه كيف أجازيك؟ كبرت وأتلفت أعصابك وبأول أيام المدرسه تعلقت بثوبك مابغى افارقك أبي دنياك مابي غيرها,وبالقوة درست وسنه تجر سنه والصغيره كبرت تذكرين يمه سالتيني مره فلاته خطبتك لولدها شرابك بابنتي خنقتني عبرتي وتلعثم الحرف وما قويت أطالعك وتكلمت روحي أناأتزوج أتلركك ؟كيف؟ وبسرعه تدور الأيام وبليلة زواجي أخفيتي دموعك عني وأظهرتي البسمه لجل فرحتي تكمل كنت أداري دموعي وأشغل خاطري يمه فستاني زين؟ مكياجي مناسب؟ اه يمه بعد ساعه زفتني عيونك وصوتك الحنون داعب اسماعي تدعين بقلبك وتودعيني تدرين يمه شعوري بهالحظه ودي أني صغيره مافارق حضنك ولا دفى روحك أناراحتي بقربك ,ودعتك وناخافقي يصرخ اه يــــــــمـــــــــه.كيف أجازيك؟
وشـــــــــــــــــــــكرا..............
السلام عليكم ورحمة الله وبركاته ,,,
يُمنع الرد على المواضيع القديمة، وهي المواضيع التي مرّت سنة على آخر رد غير مخالف فيها.
