-
ضحايـــــا العيـــــد
الدمـوع اللـي أحبسهـا طـوال السنـين ،،
كلهـا فـي ضحايـا العيـد نزلتهـا
واللـه أنـي جريـح وواللـه أنـي حزيـن ،،
وليـت حزنـي طبيعـه كـان بدلتهــا
مـير حزنـي مـن الصـده وطـول الحنـين ،،
وخيبـة آمالـي اللـي فيـك أملتهــا
ياموقـف علاقتنـا مابيـن ومابيـن ،،
لاتراجعـت منها ولا كملتهــا
كـان مرخصنـي اللـه مايرخـص ثمـين ،،
وكـان جافـي زعـل تـراك طولتهـا
عايـدوك المسيحيـين والمسلمـين ،،
وأنـا روحـي على معايـدك عللتهــا
ياحسافـه على الرفقـه وطـول السنـين ،،
حـتى " كـل عـام وأنـت بخـير " ما قلتهـــا
-
الحظيــــــــــظ
مآ الحظيظ اللي ملك روس الاموال
الحظيظ مسلم قلبه مبرد وعينه راقده
من عوام الناس ولا يغاض ولا يغيض
ومادخل في عالم العالم .. المتعاقده
بري حالي بري عودٍ تحت هباب قيض
ممحل وقافيه حطابه اللي بياقده
مايخلي الناس توصل لمرحله الحضيض
كون تمجيد النفوس الصغار الحاقده
ومايصغر في نظر عيني الكون العريض
مثل نظرات الرفيق البخيص الناقده
ومايقدر قيمة العافيه الا المريض
ومايقدر قيمة الغالي .. الا فاقده !
ومايقدر قيمة العافيه الا المريض
ومايقدر قيمة الغالي .. الا فاقده
-
عصفــــور ؟!
لأنه عصا .. وفر سمـوه عصفـور
وياكثر عصفـارة كبـار الاسامـي
كل ماتضيق عقول تستاسع صـدور
سنة مـن سنيـن الزمـان الهلامـي
ولا ازداد سعر النفط نتزايـد فجـور
سنة مـن سنيـن الزمـان الهلامـي
ودايم وراعي الحق مهجـا ومحـذور
سنة مـن سنيـن الزمـان الهلامـي
وبيقاله بكره تـرى منـت مجبـور
وباقول للي قالهـا : يـا عظامـي..
الصبـح لو مـا يدحـر الليـل بالنـور
تعيـش عمـرك كلبـوه فظـلامـي
سجل ياتاريخ الشعر أصدق سطـور
أنـا سعـد علـوش والمجـد زامـي
اعيش عيشة فقـر وآمـوت مقبـور
ولا احنـي راسـي وأغيـر كلامـي
شاعر وأقود جيال وأعطـش بحـور
عصامي وشعري سواتـي عصامـي
ماكدبـه علـى نساويـن وبــزور
احفظ مقامه مثل مـا احفـظ مقامـي
ومن قبل حتى اكون شاعر ومخبـور
لي رايـي المطلـق ولـي أهتمامـي
واضح وأمثل خيرة النـاس واثـور
لامـن سمعـت أن التغافـل تسامـي
فـيارب لا تجعلني أسكت على زور
واجعل حسناتي مقاصيـص آثامـي
ولا تفرشنـي علـى كبـد ممـرور
ولا تعرضبـي لـسـان انتقـامـي
لان الحقيقه سـم واظهارهـا جـور
علـى القلـول ام الجهـل والتعامـي
وانا حقيقي فكـر وشعـور وظهـور
ومانيب أجـر كشرتـي وابتسامـي
فـباقولها وبيصير هالقـول مأثـور
مع عـدم شكـري وبالـغ سلامـي
المجتمع غالبـه رجعـي ومغـرور
وفارغ من الدخـل وسـاذج ونامـي
ابناء القبايل وآهـل السيـف والكـور
قتالهـم علـى المسجـات حـامـي
لو هالملايين انفقـت بـر وطهـور
على البنى عـم الجيـاع الضوامـي
ماشفت شحاذيـن وديـون وعثـور
بين القابيـل هـاه ويـن التحامـي؟
صفو يا آخر جيل فالشعـر طابـور
قدامكـم ليـل ووراكـم حـرامـي.
بالـدور بالله اوقفـوا زيـن بالـدور
ويلقي الكوميدي قبل يلقـي الدرامـي
والكل منهي فـي وقوفـه ومأمـور
الوقـت ضيـق والتقـيـد لـزامـي
وماهو مهم يكون لك فكـر وشعـور
أهـم شـي تكـون شاعـر نظامـي
ولافيـه لجنـه ولا فيـه دسـتـور
الاسم سامي طالمـا المسـج سامـي
ياصاحبـي ياشـاعـر يامغـمـور
ماهكـذا تعـرف وتشهـر الاسامـي
شالفايده تصيـر شاعـر و مشهـور
اذا انـت تبعـي موهبـه وانهزامـي
لان اللي يطلب من رعاع العرب شور
ماهـوب اهـل للمعرفـه والتسامـي
ادري بتزعل نـاس وتلـف وتـدور
وبتقوول فيني قول جـارح ودامـي
وبتجي ردود العالم العمـي والعـور
مثل الخريـش اللـي بليـا خطامـي
لكن عزاي اني مع الحـق مسـرور
لو تزعل أخوالـي وتزعـل عمامـي
عن قول كلمة حق مانيـب معـذوور
مبـادىء خلفـي وقبـري أمـامـي
عادي اخسر اصحاب واخسر جمهور
أهم شي اني مـا اخسـر احترامي
-
زرعت فرحة
زرعت فرحه ..بس خذهـا غيابـك
وماتجتمع في قلب فرحه مع اغياب
كنت احسبك واحسب حساب لحسابك
الا الهجر ماكنت حاسبلـه حسـاب
اذا الحزن في يوم نحـس التوابـك
انا غزاني عقبك اسـراب واسـراب
كنت احسب اني تربةٍ مـن ترابـك
ولقيتني واحد من الناس الاغـراب
اخطيت او ما اخطيت يبقـى جنابـك
اكبر من أخطائي ..واكبر من عتاب
مااملك اسأل عن ذهابـك وأيابـك
بس اعرف انك اعظم الناس ترحاب
لو فيه سائل يسألـك عنـد بابـك
ابسألـك ..بالله بتسكـر الـبـاب؟
