عرض للطباعة
قلادة و خاتم
ودي ولا ودي وودي وودي
ما تمت البسمات بس البكا تم
الحفلة اللي نصفها نسل جدي
كنها على جرحي تعزم وتعاتم
ذبحلها جفني مسامات خذي
أزوالها ضيفان والدمع حاتم
أصد بدموعي وأكابر بقدي
ما ودي انطلق على البعد شاتم
وشاحك الأبيض بعيني يبدي
الخوف والرهبه وحزن المياتم
أنتي توفقتي بشوف المقذي
وأنا توفقت بسواليف شاتم
أنا أعترف أني خسرت التحدي
ما أبكي وبكتني قلاده وخاتم
الحوت الراقدة
أسجد لوجهك يربي يا مزيل الهموم
يا كافل العبد من قدهو ألا لاقده
ياللي تشع بجلالك موضيات النجوم
و ياللي تسبحك الحوته و هي راقده
يا رب أجرني من النار و لهيب السموم
و من معضلات الزمن و العالم الحاقده
و من حاجة ما تهون الابمنه و لوم
ومن نقدة اللي لو أخطا ماني بناقده
ومن زلة ماتحملها و ساع السلوم
و من كلمة لفتعالات الغضب واقده
ومن شرهة الطيبين و سخريات الرخوم
و من رفقة اللي لو أقفا ماني بفاقده
يار ب أجرني يربي يا غفور و رحوم
يا كافل سعد من قدهو ألا لاقده
الدرهــــم
ياطول صبري وياهمي ويا شيـبي
من مبهم شفته بعيني وهو مبهم
يطلبني أحظا وهو بالحظ يدربي
اليا تباشرتها وضحا تجي مجهم
وش عاد لو ما تلفت في مناديبي
منته بكيف الخوا ولا انت بالملهم
رفقة هاذي تعلميني عذاريبي
أرهم الصادقة فيها ولا ترهم
من كبر حظك ومن فعلي ومن طيبي
أسرى علاشان كسب الطايلة وأجهم
وش عاد أسويبك الا ويش أسويبي
تضاربت في عيوني بورصة الاسهم
الناس تقبلبي بعينك وتقفيبي
وموقف بس لا تفزع ولا تزهم
حتيش والدون لو حشو عراقيبي
وما فيه طيب بكسب الطيبه يتهم
وكان الرجا في رضا شيخ المعازيبي
ماني بمدلج على وصله ولا مدرهم
قلة يليت أيتعلم من أساليبي
مفهمه لاكن أنه ما يبي يفهم
فعيون وضنون خوانه الاصاحيبي
وأذا معك درهم أنت تساوي الدرهم
الكوكب
يا حض كوكب الأرض بين الكواكب
و يا ذبح مشرف فيك يا محلي الذبح
ليه أنشغل فحداث غيرك وواكب
و غيرك خسارة و انته مشاهدك ربح
كنك البحر و المغريات المراكب
و انا و غيري عندنا عقدة الشبح
ما غير نشبح فيك لا صرت ساكب
نشبح و لا جمع تواصيفك الشبح
لان الحرير اذا بيوت العناكب
يكبح جماحه بس ما فاده الكبح
عاتقك جمع غايبه بالمناكب
مثل الفجر لا جمع الليل بالصبح
و عودك يزفه للعذارى مواكب
كنه يبرهن جودة الزين للقبح
الــــوداع
أنت بتسافر حبيبي نعم سافـر و غيـب
بس تكفا سم الله علـى عقلـي لا مـاع
لان ماني قادر آوادعـك و انتـه قريـب
كيف و انت بعيد تبغاني أقـول الـوداع
بس لحظه قبل لا أنسى لا تنسي ياللبيـب
قل لما تملكه من مغريات و مـن متـاع
اني احبك و أحبك و أحبك ليـن أشيـب
يعني لين اموت و انـا احبـك للنخـاع
أحشمك و أغليلك بالحيل و الشي الغريب
أني اكره كـل فكـره تقـودك لنصيـاع
كان مال لمشكلة و صلنا الآحـل عيـب
كب حبيلك و سمـه متاهـات و خـداع
لأني اطهر من بيخسر على الدنيا حبيـب
ولأنك أنقا من وطت بطن رجله ظهر قاع
كثر ما يدعوني أهل الهوى ولا استجيب
كثر ما اسفط علـى بعـدك ذراع وذراع
آه لا وقفت من بين بتصيـب و تخيـب
بين يدين المواليـف و أفـواه السبـاع
و آه لامني ذكرت أن كـل لـه نصيـب
و آه لامني ذكرت أن على وجهك قنـاع
أشعر أنه منخلق من عسل ورد وحليـب
و أشعر أني كل ما أذكره مجموعة جياع
ليت مالك في حياتك خـوي و لا طليـب
كان باخشك وسط خافقي و أقـول ظـاع
أمحق الله سعوولف الهيام و قطع صيـب
من يبكي مقلتين الشجاع أبـن الشجـاع
لو على البحرين شرهه و دمعات و نحيب
كان ما خلتك تقفي عـن حـدود الرفـاع
ولو جنيف أتحس في جرحي المر العطيب
كان ماتاخذك منـي و تعطينـي ضيـاع
حســـافة
ياحسافه
اللي هالدنيا بهلها ماعليها أصلا ً حسافه
ياحسافه..
ياشعور الشاعر وفكره وقافه
ياصداعه ياشعافه
ياحسافه..
يامجسّم حلم متقوقع من أيّام الخلافه
ياحسافه..
يا أبتسامات السخافه
ياثقافة جيل مايدري وش أساس الثقافه
أيتثقّف شعر .. من بيّاع دكّان الصرافه
أسف أنّي في زمنهم ...
بس لحظه ماني منهم ..
يعني لو أوصفك في لحظه مثلهم لاتصدّق
يافراشة نور؟.. والاّ آقوللك.. بلا سخافه
بري حالي بري عودٌ لفّه اللاّهوب وأسفابه وطافه
__
أيه أبيك
وذبلت عيوني وهي تبكي عليك
مابي دمعك .. ولا شمعك .. ولا حلم أنّك شريك..
ابي بس آجيك قبل تروح وآسلّم عليـــك....
جعل يساق يومني لامن بغيت اجيــك ...
آكلّم وأجيك
..
البارحه كنت منّا وأنا منّاك .. صغار.. واليا أنمطرنا لمّنا كــوت
واليوم .. لنتب هنا ولاني اهناك.. ماغير أصوّت عليك ويرجع الصوت
ياقطع كبدي على ذكرك ولاماك.. يابايع التــــوت ليه اتبيّع التــوت
وقّفني السجن والتفكير وارضاك... وخذوك منّي هل افلــوس وهل ابشـوت
والحين لو أووصلك من عقب فرقاك؟.. مثل اللذّي ينتحر خايف من المــــــوت
..
قلتلك صدّقني انها
يـاحسافه
لاكن أذكرني بدون أية تفاصيل وكلافه
مستقيمٍ دوّخ العالم بشعره وأنحرافـــه
تكفى أذكرني وقول أسمي بتجريــد ولطـافه
كل ماتفتح شبابيكك..
وتسقي الورد
وينتشرون ...
عمـــــــــال النــظــافـــه
العـــــالم
اليا بكى رجل يبكي حوله العالم
. ليت الأماني .. بشر .. وأقضي حوايجها
آخر جروح السنه واولها ياسالم
هي هي .. ياسالم ومنتجها ... منتجها
الواقع الشرس بكى الشاعر الحالم
ونفخ على شمعته وأغتال واهجها
الناس والحب بيقفونبي مالم
ينقذني اللي لياضاقت يفرجها
تصدق احيان احس اني انا الظالم
أحد نفسي على العسرات وأحرجها
أحسب نوض الغلا ترحيب ومسالم
شيــــن الجماله ليا خابت نتايجها
تدري متى الجرح. يبطي وقعة ويالم
لأجاك من ناس أنت الي تعالجها
ماينفع انك تكون سنافي ومسالم
ماينفع العالم الآ من يحاججها
على كبار المصايب قلبي معالم
الا الآخيره هذي .. عجزت ادرجها
حبيبتي روحت يادمعي الوالم
وياليت من يقضي لنفسي حوايجها
وياليت مابه فوارق بين هالعالم
وأن اللي اتحبها ؟.. فـ الآخر.. تزوجها
أجمل حظ سيء
با ارحل وباتي . إذاني اقدر آتي
بس آخاف ارحل ولا عاد اقدر آتي
لأن هذا حظي ، وهذي صدوفه
يكره استقراري ويغلي اشتاتي
وعاد عقلي كل ماجيت اتشتت
يحسب اشتاتي على قدر امنياتي
والبلا . ان كل ماعقلي تمنّى
ماحصل لا في اشتاتي ولا ثباتي
يمكن ان وضعي وضع سيئ ويمكن
ماتحمّل جسمي كبار اشهواتــي
والدليل ان ودّي ماارحل وشفني
اربط اشلائي بمحزم ذكرياتـي
ياحبيبي ليتني ماكنت احبّك
لاجل احبّك دبل واسوي سواتي
يعني كل شي حطّة فـ عقلك وحاته
إلا بخصوص انّي احبك . لاتحاتي
لمّني وامسح دموعك .وابتسم لي
وحبني منّا ،، ورتّب حاجيـــاتي
واعرف انّي ماودي اتكلم ولا ابكي
بس دايم دمعي يحرّك سكاتــي
شي واحد قبل لا ارحل بقولــه
انت.. اجمل حظ سيئ في حياتي
الشـوراع
يابوسبا .. يوم إن قطف الزماليق
انا مع الشيخان فاكك وصارع
كبرت فيوم الريق يدور الريق
وقدمت يوم ان الرخوم اتقارع
لولا البناعم .. وطموح الشواهيق
ماشفتني وأنا ثقيل اتسارع
علم رديين البخوت المطافيق
أني على تحمل الظـالم .. بارع
ولو ما فوجهي دم وفخاطري ضيق
لقيت لي بيتين في كل شارع
مسامحك يابو الطعون المشانيق
لأن الحقيقة درع والذكر دارع
ولو تفتح صدور الرجال المغاليق
لقيت خلق الله عليها تصارع
والغيث لو فرح عيون المخاليق
أحياناً يبكي عيون المزارع
يابوسبا والحب حب المطاليق
ومدينته مانيب منها اتوارع
أدلها طريق طريق طريق
ولاني انجرحت؟ أشوم عن كل فارع
تدري وش اكثر مايهز المعاليق ؟
جرح البوارع من يدين البوارع
لامن غدا أعز صديق .. صديق
صديقتي .. وأنا صديق الشوارع
الخـــــــوف
ماتورد الابل هكذا يابن أخي
الحُب ماهو صدفة شعور وظروف
الحُب فن الدرب والجري والضي
وتشوف قدامك ولا كنك تشوف
تستأرض من اللهفه وفي رجا الري
وتطوف أشيا قبل ماكانت تطوف
وعمك يحب وحب عمك ماهو بغي
وهذا البلى لاصرت عاقل ومعروف
مصايبك واجد ولو إنها شوي
وملقوفك يجي عن ثمانين ملقوف
وأنا يابوك أحب وشعوري سخي
شف قلبي مشقق متاهات وحسوف
مالك ومال الحب والجرح والكي
ملئانه الدنيا خيارات وشفوف
غامر بذوق وجرب الشمس والفي
وإن نفت طحت وطيحتك عقبها نوف
وتعلم تعايش ظروفك كما هي
ولا تكلف دام منته بمكلوف
ولا ترخص دموعك ولا تجادل العي
ولا تسرق البسمات من وجه مألوف
الطيب اللي يسخي بذي وبذي
يضحك ولو في صدره رماح وسيوف
والحي ماهو اللي لأجل حاجته حي
الحي من يطفي ضما كل مشغوف
والخوف ؟ ماهو بإنك تخاف من شي
الخوف هو الخوف من طاري الخوف
انســــان
يارب ياقادر على كل قادر
يامكرم الإنسان على الحيوان
اجعل لي من هبات عفوك مصادر
وارزقني مع العفو نظافة لسان
عبدك واجاهد بك واكافح وابادر
وقاضب الشوشه مع كل شيطان
أوي يالدنيا ويا كل هادر
فناء ياوجدي .. على كل ماكان
جروحهم وريد والدمع صادر
ياصدري اللي كنه باب ابن شرعان
الحال مامن حال والحيل فادر
والنفس صارت مـ الوساويس نفسان
احس باقي لي ليالي وأغادر
عشانني أنسان ضاقت بي أوطان
إذا شرفهم بإمتلاك النوادر
أنا يكفيني شرف إني أنسان
الذيبــة
يالله يارب يارحمن ياعالم سدي وغيبه
بيديك تدويرة الازمان ومطلاعه العمر ومغيبه
حتى اللي ماحل ولاحان تعرف وشهو وتدريبه
ياذروة الجاه والسلطان والعفو والملك والهيبه
ملوك الانس وملوك الجان تشفق لمدك وتشفي به
سبحان سبحانك وسبحان عظمك واسرار اساليبه
تذل امه من الطغيان وتقدر المسلم الشيبه
عليك تبيحة الكتمان لانها على غيرك معيبه
الارض جردا وانا بردان والسبع حدد مخاليبه
ومابشع من فراسة الجمعان وتسحبه من عراقيبه
إلامرضاك يالزعلان وحضور يشابه الغيبه
شتان لكننا سيان بالفعل والذكر والطيبه
اقلنا شان لاجا شان يصرف على قومه من جيبه
والان والان ليت الان ماجى ولاجى بتعذيبه
تقول ماكنا اخوان كلن عناده مقفي به
بعض الاماني طول عنان تجمع الامل بالخيبه
ياليت مانيب ولد فلان اللي ربوعه تماريبه
ياليتني حارث في بستان ومسلم بلاشكه وريبه
إن عاش مايعمل إلا احسان وان مات محدن بداريبه
يالله يامنزل القران وفاتحته السبع المهيبه
سجلني مع الندم ندمان واصلح لعبدك عذاريبه
كتاب وان كان له عنوان شريف وايامي صعيبه
يمرني العارض الهتان وترد العرب مشاريبه
واصد منه وانا عطشان شين الجموح وقطع صيبه
المرجلة في بعض الاحيان تودي الرجل في مصيبه
ياجعلني طمعة الشفقان لوتاكل عظمي الذيبه
لاني مجرب ولي برهان في كل وادي اغني به
الحاجه اللي ورى الرديان ابشع من الموت في عيبه
الارهــاب
عليك من ربي خشوع المصلين -- يادار ابو متعب معنز رفيقة
يامهبط الوحي النقي والحرمين---اللي بها محال المشاعر حديقة
يامنبع الشيخان والمحترمين---عليتس من ربي صكوك ووثيقه
الاوله جعل البخت دايما زين---وجعلي ليا من قلت قلت الحقيقة
اقول هل الارهاب ذولا مساكين---هل الشقيق يجوز يذبح شقيقه
لاهيب فالدنيا ولاهيب فالدين---جديدة ونار الخوارج جديدة
طيب ذبحت وغرت وطقيت بعدين---مالك مفر من السباع المويقه
يابوي ذي دار الملوك السلاطين --شف نجد وتعرف اهله من طويقه
وين انت رايح طرت ؟ وقع على وين -- الظلم ؟ نشاب الصديق فصديقة
الله خلق عبده يعبده بيسرين -- ماحمل المسلم بما لايطيقة
الاسلام دين المسلم واللطف واللين -- ماقالك ولع فنفسك حريقة
هذا جنون الله يحشر المجانين -- والله يضيق كل جلاّب ضيقة
سلام يابن باز ويابن عثيمين---ماخلو العميان الاريا طريقه
ويحيا ملكنا الفيصلي قولو امين---جعلي من اللي يفتدي به رفيقه
بيـــروت
بيروت يامجمل شوارعك بالليل
قلة صخب وانفاس شوق وهداوه
كنك تشبين الاماني قناديل ..
حاوه وزادك نور عيني حلاوة
ابو الدلع وابو الرموش المظاليل
وابو تفاصيل الغلا والحفـاوة
احلا من الرمان واعذب من الهيل
كله ترف على شوية طراوة
مسميٍ بالله من شدة الحيل
كن بينه وبين القساوة .. عداوه
حضاري إالا بالحكي والتفاصيل
حكي بدوي مايعرف البداوه
مســاء قطر
مــسا قطـر وقلوب يملاها الايمان
ومـسـاء خير جعل ربي يديمه
ومسـا الرجـال أهل الوفا اطـوال الايمان
ومسـاء نون النـسـوه المستقيمة
ومسـا الحضاره والتطور والإتقان
ومسـا التمسك بالأصول القديمة
ومسـا التعلم والتقدم والإمعان
وزرع التسالم في العقول السليمة
ومسا العديد ورأس لفان ودخان
والدوحة التي ماتثمن بقيمة
ومسا الوجبة والتسامح والإحسان
وشيخ الشيوخ اللي يفك الظليمة
عطاه متغرشي فقراء وشيخان
وسياستة خلت خصيمة نديمة
زعيم بـ اطباعه وبأخلاقه انسان
ويمناه براقي ويسراه ديمه
ماهي غريبة لاتميز ولازدان
عظيم لأن وراه زوجة عظيمة
الله يديمك ياقطر أمن وأمان
والله يحفظ أهل القلوب الرحيمة
ابنك البار
ياقلبي اللي ثعا فيـك ابنـك البـار
ماخربك .. بس ماعـادك بصالـح
يـزل .. وتألـف لزلاتـه اعـذار
وتقـدره تقديـر عبـدالله و فالـح
أنشهد انـك كبيـر فعالـم صغـار
وانشهد انك عـن التقصيـر جالـح
وانشهد انه غبي وضعيف و( تكرمون )
من قاس قـدر المشايـخ بالمشالـح
لو ماالوجيه لنوايـا النـاس معيـار
ماشفت وجه(ن) يشع و وجه كالـح
ياقلب هذا زمـن جاحـد و غـدار
مافيه حب الفديـع و طيب شالـح
قنـن محبتـك .. والبـوار بـوار
لو كان تعطيه شهد ؟ قـال مالـح
مادمت .. على شفا حفرة من النـار
درء المفاسد ... ولا جلب المصالح
الحيــــــــاة
في فن علم النفس وانماط الحياة
مصيبتك طلّع وراها فايده..
لاينتثر فكرك على كذا اتجـاه
الخصخصه فن العقول الرايده..
وان ساد من حولك شعورالاشتباه
خذ لشعورك منطقه محـايدة
الثقه سقف العقل والناقص ذكـاه
من حسسك بأن فيه حاجه زايده
والابداع؟ماهو لعب شد الانتباه
على حساب الغاء فكره سايده
والضيق ضيق الافق واكظام الشفاه
وفهم الحياه على انها مزايده
افضل وسيله للسعاده والنجاة
سهله على الراغب ولا هي كايدة
توحد الله صدق وتقيم الصلاة
وجعل الفواحش عن حدودك نايدة
وتكف يدك وتحمد الله على الغناة
وتخشّر هنودك معك في المايده..
ولاتخاوي لاشيوخ ولا رعاة
خاو اصدقا تفكيرك وفرايده..
والشيخ من تواضعه يسبق عطاه
يتعودون الناس من عوايده
والحب ذروة كل شي ومنتهاه
ومحلا من وضوحه سوى مكايدة
يبكي الرجال ويبحّث خفاه
ويعلمه شرح الحظوظ البايده
واللي يحب احد(ن) ماهو في مستواه
يبطي وعينه بالمدامع جايدة
ياوجد حال الشاعر ويا امه واباه
وجود من هاوش لأخوه وصايدة
اللي اتمنى اعيش واتوفى معاه
حتى فعيده ماقدرت أعايده
الحزن طاقه للدعاة وللطغاه
وانا طلعت من الجروح بفايدة
ان لم تزد شيئا ً على هذه الحياة
فتأكد انك انت حاجه زايـــدة
العيـب
الشعر كانه بيّن بشخصك العيب ْ
انا جلسلي بإحترام ووقفلي ّ ..
لأني أحشمه وأبتكر فيه أساليب ْ
أضفتله جمهور عقلي ّ واضفلي
ّ
حسد ْ اغلب أقرابي ّ وحب الأجانيب
اللي اتعرف عني قبل لأ اتعرفني ّ
وتعرف لو نجوم السمـآ كلها طيب
ان به ..نجم علويّ وبه نجم سفلي ّ
وإلا انت صاحب غير عن كل الاصاحيب
ادل حسدك حتى لو ما انوصفلي ّ ..
بتشوف نفسك ؟ فأنت ذيب ولد ذيب
ماني بظالم درهمك لآ انصرفلي ّ
بس في الشعر لو يطلع برآسك الشيب
بتنجرفلي ّ .. يعني بتنجرفلي ّ
بتغيب ؟ بتقطع معي رفتقك غيب ْ
بتخوننيّ .. تأثيري ّ بينتصفلي ّ
العيب ماهي غيبتك لكن العيب ؟
انك تقلدني .. ولا تعترف لي
ما هــو بــودي
يارب اجرني من الدنيا وبلاويها
ومن شوفتي للعما .. اللي يقدي مقدي
ومن شهوة المغريات وما يواليها
ومن اني افقد شعوري وأوصل لحدي
ياقطع كبدي عليها من عراويها
اللي كفرت في غلاي وبيحت سدي
احبها احيان واحياناً ما أدانيها
واموت فيها دبل لاوقفو ضـــدي
العالم اللي مسارحها مضاويها
اللي ماهم بكفولي وماهم بقدي
الموت لاصار حاميها حراميها
لاعاد تدري من يجيب ومن يودي
محبوبتي ياأول ادروبي وتاليها
ويش آآخر من الكلام ويش بابدي
انا رجل لابدا الاشياء ينهيها
ولا أدو عشاشيق كذب الليل مايدي
لو كل حاجه على بالي بسويها
ماكان شرفت اسم خالي واسم جدي
تعلمي مني وروحي وقوليها
ولاجاك مني الكلام الصادق استدي
كم حاجة ماجت بيدي وانا أبيها
وكم حاجة مالي ابها وجات في يدي
والله لو تخرب الدنيا بمن فيها
ماتذرف دموع عيني من على خدي
ماتذرف دموع عيني من محانيها
الا اني اجبر على شي مـاهـو بودي
قهــــــر
كل يوم أقول اني من ذنوبي بتوب
وللحين وانا اذنب ويومي شهر
مافيه اسود من من سوادك يالذنوب
ومافيه أبيض من بياضك يالطهر
الدنيا إرهاصات وتكرار ودروب
لو تجمد بها سنين لازم تنصهر
فجعل إنصهار الطيبين من اللغوب
ماهوب من حاجه ولاهو من قهر
يالله جعلني أموت مانيب مغصوب
واجمعني مع أبواني فروضة زهر
متحاوليني كلهم من كل صوب
ومن فوقنا ديمة وساقينا نهر
وجعل الزمان يزين والجامد يذوب
وياجعل سوق أهل الردا مايزدهر
وجعل الرفيق إن ضاع له ضيعه يعود
ولا .. يكمل بس لايطعن ظهر
وجعل اللي خليته على الروح محسوب
مايخفي جروحه ولا يبكي جهر
يابري حالي كل ماهبت هبوب
بري العويد اللي مبريه الدهر
من شوفتي للدمع في وجه الشحوب
وجه ماهو مخلوق من شان السهر
ياصاحبي شهر مجانين الغروب
يقول راعيها ياليته ما انشهر
ليت الفروق اصغار وعيوني تحوب
لاحب راس أمك وأقدمها مهر
يعوضني الله فيك ياعز محبوب
والله يحفظك عزه وصون وطهر
ويالله جعل حوبة دموعي ماتحوب
لامن تذكرتك وحسيت بقهر
اللـــــــوبي
الراس بيت شيوخ والحلم جاسوس
للنفس يقطع من تركها ثواني
خذني وطلعني ولو الهوى كوس
ابا أتنفس شي.. صافي وهاني
داخل تصادم فكر ومزاحم نفوس
على فتافيت الغوى والغواني
في هاللوبي كل شي ضايع ومعكوس
ما كن في هالكون رب واماني
اثاثه الغامق وتصفيفة الكوس
تدل على ذوق راقي وداني
شفهم وشف كيف الفشل يجعل
الروس اشيا .. كماليه مابين الاذاني
وشف كيف هذا ثمل ويعثر ويدوس
على مسمى جده الاولاني
وشف كيف هالشايب برغبته محبوس
تحت شعار ان آخر العمر فاني
احس عنده عيله وبنت عروس
تخجل من ابوها كثير وتعاني
وشف هالجمال اللي مدثر ومحيوس
مثل الكلام اللي بليا معاني
فتاه تعرض جسمها الغض بفلوس
ويبيعها في اليوم عشرين زاني
وشفت الثنين هناك ؟ تراهم جنوس
رجال بس رجال من نوع ثاني
ضحايا نفط وقل طاعه وناموس
والام كانت طيش والاب اناني
كل الزوايا طافحه قبح ونجوس
تسبح وفي الركن الاخير المواني
واحد يغني وعنده حثاله جلوس
كأن ما في هالحياة الا اغاني
ياوخز قلبي وخزة الجرح بالموس
ياعالمن ما فيه حلم وتفاني
في هاللوبي ما فيه ريس ومريوس
الكل بايع نفس والكل جاني
والكل عنده عذر واهي ومدروس
لوقلت ليه انت كذا قال اعاني
انا اللي اعاني من القوس للقوس
هاذا مـهـب جوي ولا هو مكاني
بركض وابي يركض معي الف فانوس
الى صباحات الغلا والتفاني
روح معي والواقع احيان كابوس
وانا ما احط اللوم على زماني
احمد ربي كل ما دق ناقوس
واعرف حدودي واستحي من كياني
واصمت ليا جا للحكي روس وعسوس
واضحك ولو وجهي من البكي حاني
لو كل شي محسوس ياخوك ملموس؟
شليت آخر جرح بين المحاني
كويتــي
أميرة وفعيون ناسك أميره
ياللي على ادراج القلوب ارتقيتي
يا الاوله لايمكن انك اخيره
تبدين لكنك حشا .. مانتهيتي
من يومني صغيّر وأشوفك صغيرة
ربيت بك وانتي بقلبي ربيتي
حتى كبرت وصرت اشوفك كبيرة
ياللي عطيتي ضعف ما انتي خذيتي
ابعد واسافر عن هواك وعبيره
ويذوب بالي كل مانتي طريتي
واحن لك حن العشير لـ عشيره
اضحك لضحكك وابكي ليا بكيتي
ياكويت ياروح المحب وضميره
لايابعد ناسي وحيي وميتي
لاشفت ضيم الناس في كل ديرة
اسجد لربي اللي خلقني كويتي
قــاطع طريـــق
النفـس خزنـة ملـك.. والحـزن قاطـع طريـق
والجرح؟ .. يوجـر عليـه المسلـم اليـا أحزنـه
وأنا مـن العـام .. وآنـا أشعـر بيبسـان ريـق
يفـرج سجينـي مــع عيـنـي وأرد أسجـنـه
مـن بيـن طيّـات صـدرٍ شـل مـالا يطـيـق
لا جـاع حزنـه؟ .. تعشّـا جـروحـه المزمـنـه
مجسّـم أنسـان مـن داخـل رمـادة حـريـق
وقـودهـا المغـريـات .. ونفـسـي المؤمـنـه
أحيانـاُ.. أبكي مـن الخشـيـة لحـد الشهيـق
وأحيانـاُ أقـبـل عـلـى الآذان .. ولا أذّنــه
مـا عاد.. أنـا.. أيّـاي.. ياللـه لاتخلّي عويـق
عاقتبـه عـيـون روس مدلبـحـه .. وألسـنـه
كتل هـوامـش بشريّـه .. تـنـام وتفـيـق
رديـان وحتّـى الـردى .. بالظبـط .. ماتتقـنـه
لكـن علـى كل حـال الطلـق يبقـى طلـيق
لـو عاينتـه العـيـون .. وضـدّتـه الأزمـنــه
عـذر السنافـي معـه والعـذر حبـلـه وثـيـق
لـو حـس رعبوبـتـه .. والاّ جـفـا موطـنـه
رعبوبتـي ,,, يـا وجودي يـا غـلاك العتـيـق
عنـه مكـانٍ لقيـتـك فـيـه عـامـا .. عـنـه
يـوم الشجر صاير ..لوجهـك مشجّـع فريـق
مـن ويـن مـا أفتـرّ.. تتغيّـر معـه الأمكـنـه
للحـين باقـي بدربـه من رحيقـك رحيـق
وللحيـن أيتمتـم حكينا الـعـذب .. ويدنـدنـه
يوم أنّي أشّـر علـى صدري وعينك تويـق
وآقـول أنتـي هنـا .. وأتقولـي .. أنتـا هـنـه
الهاء .. فآخـر كلماتـك بـصوتٍ رقيـق
تشطـب علـى برمجـة سمعـي .. وتستوطـنـه
منتي بشر جعل مـن جابك .. ضحيّة زريـق
شارعـك يحسبـ لـك بالأمـتـار .. يا مفتـنـه
اليا أنتصفتيه؟ يضيـق .. وكل مالـه يضيق
كنّك ..كوكاييـن .. وأرصفتـه خشـم .. مدمنـه
رعبوبتي؟ .. ماخبرت أنّـه تحـرّك طويـق
شاعـرك مجـنـون خلـقـه والشـعـر جنّـنـه
قولي لهـم ينتـهـون ولا يطـول الزعيق
الميـسـرة ميـسـره .. والميمـنـة ميـمـنـه
وقولي لهـم للعراقة .. راس صبيٍ عـريـق
يـا كم سـرٍ يعـرفـه .. بــس ما يعلـنـه
نواخذ البحـر .. ولا أرسـي ..بجال المضيق
والشي بالـشـي؟ .. لا عيـبـه ولا أستحسـنـه
الاّ الرفيق اللّـي يستـغل طيـب الرفـيـق
هـذي اللّـي ما هيب مقبـولـه ولا .. ممكـنـه
يا صاحبي؟ كان لك مـال الشقيـق ال شقيق
والحيـن جـمّـع بقايـا ما مـضـى وأدفـنـه
ويا قلبي اللّي وساويسـك تنـجّـي غـريـق
الله لا يـصـغـر أبلـيـسـك .. ولا يلعـنـه
ما هو فخر في سنه .. تعرف لك مية صديـق
الفخـر ؟ تتعـرّف بصـديـق .. لمـية سـنـه
سوالــــــيف
اخر حركات التدلع والغنا
اللي اسمها(مها)وفالدلع(مهاو)
فرفوره تسلف الشمس السنا
مغويه ويطرد ثراها كل غاو
ان وقفت كل شي متباعد دنا
وكل شي متلخبط مع الوقفه تساو
واليا مشت؟قال النمل:الله لنا
تقاو ياصبري على جوعي تقاو
ذروة ترف..ذروه غنج..ذروه هنا
جمال مايستوعب وماينتقاو
مخلوق لامنه انثنا يعني انثنا
كل الزوايا تستقيم اليا تزاو
في جنبها:سـاره وعبير ومنا
شباب...وعند البل وكشختهم فراو
يابوي شي لايوصف ولا ينجـنـا
يسبب لك جروح لايمكن تداو
مثال:لاجاعت وطال ابها العنا
كل الحلاو اللي على هالارض جاو
هي جايعه؟؟!يارب تاكلني انا!!
هذي سواليف الحلاو...مع الحلاو
واليا خذت اطرف حلاوه من هنا
باقي الحلاو يشوفها ويقول((وااو))!!!
البطولـة
الشعر وهبه رب ماهو تدراس
وأنا بفضل الله أقوله وأعوله
أجذب جماهيره مثل جذب الألماس
وأقعد بزوره ووأوقف كهوله
أفصحه وانبـــطه وانثره كــــاس
واسكـــــره وأفض بكــره بتوله
وألياأعلنوا شعار ساحته الإفلاس؟؟
صكيتله في بنك مخي عموله!!
الشاعر اللي فيه هيبه ونوماس؟؟
مايخذل الجمهور لاصفقوله..
يارب ياللي خالق أعبادك اجناس
ياربنا يالي عظمتك مــــهوله..
يامـــالك ملكك بلاحد وقياس
الأدراك. . لو تناوله. .ماينوله..
يسبحلك النمل في ليل الاغلاس
ويخاف بطشك فاسد وشيخ دوله
يــاعالم تعلـــم بذرات الأنفاس
علـــــــمٍ عـلماء البشر وما اوصلوله
ياجاعل شيطان شاغل وخناس
ومخشره قــلـــب البنادم وزولــه
ياخالق الكرمان بيضان الالباس
ويمدمر أقرى المترفين بسهوله
يادامج الأسياف في جال الأطعاس
ويامفني العشبه. .ومبقي الجلوله.
يامنزل الفرقان جلاي الأعماس
ترضي به نفوس الــعباد الزعوله
أجنبني الشرك وعمل عمل الأنجاس
وفقهني فدينك وسنة رسولــــــه
أنا فوجهك لا يجي في وجهي الباس
في يوم تعرا فيه حتى الخجولــــه
البارحه ماغمــض الجفن بنعـــاس
غدابي التفكير صـــوله وجــــــوله
ف الناس وف الدنيا وفالهم والياس
وفي سرعة أقدام الليال العجوله
العمر يمشي والمقادير جــــــلاس
والحـــلم يا قصره ولو هو يطولـــــه
والقلب هذ ا كل ما هب نســــناس
شدد معاليقه و دقـــق طبـــــــوله
والحزن طعمه طعم وأجراسه أجراس
لا جـــــــاب دمع إيجيك على أصـوله
والدمع لونقص ضــعيف وبــلاس
مانقص أرجال المواقـــــف رجـــــــــوله
بالعكس اشوفه بوح راقي و نبراس
في وقت شحت فيه حتى..الطفولة
الفلسفة ومعالج الجذع بالفاس
خذت من اثمن بحر ماسه ولوله
و الإثم و الفعل الردي و التغلاس
يرث عقد جما وأنفس ملوله
والإنسان بالفطرة مناقض للأدناس
لو يشتهي قلبة .. وتجرا رجولة
و اللي يدوس النفس ما هوب منداس
لو اوقفوله خبرته واقعدوله
و مدينة ماهيب تبنى على ساس
مالوم ماطرها لا وقف هطولة
ياليت مادون الثمينات حراس
ومادونها باب تقفل قفوله
وياليت مالي اسم من بين الأقواس
وياليت كفي باخله .. ومغلوله
وياليت ما عندي مشاعر ولا احساس
الله .. يا كم شي خافي بقوله
ويالتني انسان من ساير الناس
لأني تعبت اعيش دور البطوله
الحكم لله و المسجل بكراس
بيصيبني لو ان ماني بحوله
الله يعز الساس ويشمخ الراس
ويشيل ابعير المحامل ..حموله
القلــب النبيــل
الحيـا مـن اللّـي خـلـق هالعـالـم ومغنيـهـا
السّمـا هـذا سمـاه .. القـاع هــذي قـاعـه
وجعـل نفـسٍ تستمـر فـي معصيـة باريـهـا
تبطـي وهـي بيـن ظلعيـن الحـنـك نـزّاعـه
لاجفتـك الـديـره وظـاقـت بــك وباهليـهـا
وجـاك مـن جيـش الهمـوم اثعالتـه واسباعـه
وفسقـة العالـم .. ونـاقـم خبلـهـا صاحيـهـا
وحكيـة الرّويبضـه .. وانبـطـروا الـزّرّاعـه
غط خشمـك فـي التّـراب وقـول : يـا مفنيهـا
افننـي وانـا مسبـحٍ لــك بسـمـع وطـاعـه
راكـب اللّـي ضمّـر مـن اسهابـهـا جنبيـهـا
أولـف مـن الجـد .. ومـن ظلالهـا جـزّاعـه
لااوقـفـت رزّت قواصيـهـا عـلـى دانيـهـا
ولامشـت يطـري عليـك الـهـوش والفـرّاعـه
لـون مقدمهـا ( صبـاح الخيـر ) يـا راعيهـا
ولـون موخرهـا مـثـل ماتشـعـل الـولاّعـه
فـي نحرهـا المجـد والخيـر الرّضـي قافيهـا
وفـي وسطهـا غـاروا الشّيـخـان والفـزّاعـه
ايعقـب سوّامهـا .. قـبـل ايخـسـى شاريـهـا
مــا تجـمّـع عنـدهـا الــدّلاّل والبـيّـاعـه
مـن مرابـط عـز وراعيهـا مهـوب مصخيهـا
مايودّعهـا الـمـودّع عـنـد اخــوه اوداعــه
امخشوشـه ليـن ياتـي فـي السِّبـق طاريـهـا
ولااظهـرت لفّـت رقـاب العـالـم الطّمّـاعـه
كنّهـا فـي موكـب ( الـسّـوّاس ) وامباريـهـا
بنـت اميـرٍ مـن كثـر طيبـه تحشـم اتبـاعـه
وكـن الارض تقـول فيهـا : يـا اللّـه اتحيّيهـا
جعلـه ابـرك يـوم جيتـي فيـه وابـرك ساعـه
ولاابتدى المركـاض وجتـك الخيـل مـن تاليهـا
جاتك أوّلها .. تقـل فـي ذيلهـا ( درّاعـه ) ..!!
ضـرب يدّيهـا علـى البيـدا قـبـل رجليـهـا
ضـرب أصابـع فـارعٍ تطبـع علـى طبّـاعـه
تنحـر اللّـي يعـرف القصّـه قبـل لااحكيـهـا
بـس .. ابحكيهـا عليـه وبـارفـع السّمّـاعـه
الرّجـال اشكـال وعاليـهـا عـلـى واطيـهـا
فيهـم الأدنـى .. والأدنـى .. والدّنـي بانواعـه
وفيهـم اللّـي لا بغـى لـه حـاجـه ايسوّيـهـا
مـايـردّه عـقـل ولا تحتـمـيـه أطـبـاعـه
وفيهـم اللّـي لا رمـى الـطّـولات مايخطيـهـا
كـل ماهبّـت هبـوب الطّيـب فــل اشـراعـه
وفيهـم اللّـي يـاخـذ الحسـنـه ولا يجزيـهـا
وهذا ابشع شيء .. واردى نوع .. واكبـر راعـه
وفيهـم اللّـي جاتـه الدّنـيـا وهــو هاويـهـا
حظّـه ايكسّـب لـه اللّـي مـا كسبـه اذراعـه
وفيهـم اللّـي علّتـه فــي جوشـنـه كانيـهـا
ماتسولفـهـا زوايــا خافـقـه لـاظـلاعــه
وفيهـم اللّـي شـل هــم الـنّـاس ومحاتيـهـا
ومافلح في اوضاعهـم .. ولا التفـت لـاوضاعـه
وفيهـم اللّـي لا حكـى كلمـه مهـوب يثنيـهـا
وفيهم الزّيزوم .. ووجـه الخيـر .. والطّرقاعـه
والحيـاه .. أشيـاء تتراكـم عـلـى بعضيـهـا
مـا يفـرّق بعضهـا الاّ مـن يحسـب اوجاعـه
واللّـه انّـي صـرت لا ابغضـهـا ولا ادانيـهـا
معتبـر نفسـي متـاجـر والـصّـلاة بضـاعـه
لان قلبي مـن عـرف وش فـي الصّـلاة وفيهـا
غاديٍ كنّه وهي .. ( البزر ) و ( المرضاعه ) ..!!
ووالـلّـه يــا رجــلٍ يجنّبـهـا ولا يدّيـهـا
إن مالـه خانـه .. ومافـي عـمـره اطمـاعـه
وانـت لـو زلّيـت عـنـدي زلّـتـك ناسيـهـا
وجعل كبـد اللّـي مهـوب يغليـك سـم اللاّعـه
صاحـبـي ماتـعـرف الانـفـس ولا خافيـهـا
النفـوس مـن النفـوس الخافـيـه .. ملتـاعـه
صاحبـي مـرّ اللّيالـي مـن سـبـب حاليـهـا
صاحبـي انـزع مـن القلـب النبـيـل قنـاعـه
ما انت بـ( امكوّش ) علـى الدّنيـا ولا محصيهـا
انشـد اللّـي لاعـب الدّنيـا بـراس أصبـاعـه
ستـه 26 وعشريـن عـام افلّـهـا واطويـهـا
صبحـهـا رغّـابـه وفــي ليلـهـا منّـاعـه
صاحبـي جـنّـب حراميـهـا قـبـل حاميـهـا
صاحبي .. صاحبك مـن صدقـه يهـل ادماعـه
بـانصـحـك نصيـحـةٍ ماعـادنـي بثانيـهـا
دام عمـرك ساعـه .. اجعلهـا لربّـي طـاعـه
زحمـــة سيــوف
صاحبي..مامن الدنيا ولا الناس خوف
دام جاه الله معزب,وذكره...محتوي
والدليل أنها لا قربتك الظروف
رحت ماكنني مشفق ولا محتوي
آتباعد ولا اشوفك,على شان اشوف
اني الظامي اللي مايبي يرتوي
لأني اجلس وسط عينك واخاف الوقوف
وطبعا اخاف من بعد الوقوف...اهوي
ما ابي اكون دمعة حزن بين الكفوف
لاني اكبر من ذراع الزمن واللوي
خلني جامد فبعدك ومنلاف لوف
لاجل لاشفتك اتناثر له وانطوي
آه..من نظرك لا وزعتني صفوف
جل منهو مسوي شي مايستوي
كن عينك دجا ليله..وزحمة سيوف
اركزوها هل العليا فـ راس محوي
تقتبس كل تحفه من وصوفك وصوف
ليا وجهك,ولبا كل مايحتوي
فيه من نوف ابو الطيب على الناس نوف
وفيه فسقات متحضر..وحزن بدوي
ليه تحزن ياعمري والضياع مخلوف
شوفني مبتسم والناس تكوي كوي
لان عندي دراية في الزمن...ومعروف
السوي اللي يسبه شخص ماهو سوي
تدري ليه ابتسم لا اشتموني ضعوف
لان شتم الضعوف يدلل اني قوي
القلوب البيض
متعب الحنجين لامنه ضوى
زرفل برجلي على شين الدروب
ولا خذ الا أنا من الهم اعوا
تضرب أنفاسي بسمعي هوب هوب
هوب كانت قبل لا أعاني هوا
بس صارت بعد ما أعاني هبوب
كل عرق بخافقي المرهق ذوا
كن خفاقي على جسمي مغصوب
دامني الصادق وأنا مالي لوا
ابك ياصادق وعيّد يا كذوب
حتى في حكيي مع نفسي اغوا
صار بيني وبين ماعندي أسلوب
الا في الشعر أبقى شيخ المستوى
أحترق لأجله وانا ادري اني اذوب
ما هو شعر اللي الى قلّ ارهوا
اما شربوا خمر ولا أكلوا حبوب
عزّتي لي واشهد أن حالي طوى
طوي زلّ المصمكي قبل الغروب
ما هي بلحية ولع ولا جوا
أعوذ بالله العرب شبوا شبوب
كل ما تعطي مجرّحهم دوا
كنّك تعطيهم من ذنوبك ذنوب
القلوب البيض ملعونة ثوا
لا تشل ولا تزل ولا تتوب
ويش أقول وويش أعيد ووا .. ووا
أخذها من كف صاحب ومحسوب
بيّض الله وجيه سمحين النوا
ولعن الله أبو سودان القلوب
كل عام و أنت بخيــر
جمرني ابدفى من التجمير
وبفرح ولو النفس نقاده
يا شهر تسعة جعل ما بك ضير
بك يوم ميعادي بميعاده
جبه وجبني صب ذايب مير
معاه خاتم شوق وقلاده
ووجه رسايل دعوة وتحذير
لشياءنا إلي غير معتاده
لأحلامنا الواجد...عن التحرير
وقصة سجين يحب جلاده
ووسائل التشويق والتحذير
والشعر بوصوله وبأبعاده
والغيم وزخات المطروالطير
وبخار فم البردة وقناده
وسيد جنيد وسيد كارتير
وبكلات ليل يشقر اسواده
والقبعة والمعطف الحرير
والنادلة والقهوة الساده
والمرحباه إلي لها تخدير
وقلم ودفتر سلك ووساده
والنمل والنسناس والنوير
وأبو علي واجداد اجداده
وابو عمر والسايس الفقير
وجنايني الشتلات ابو غاده
والصبر والفراش والتقدير
وبنات كـــــل الحي وأولاده
في شارعه يتجمعون عصير
للتهنئة في عيد ميـــــــلاده
ولا خلص التصفيق والتصفير
من كل مجموعة طلع قاده
وقالوا رجاءا مانبي تأخير
ورددوا ورانا بذوق وإجاده
مع بعض ..كل عام وانت بخير
يا أغلا البشر يا سيد الساده
تكفى وسامحنا على التقصير
والله يزود في عمرك أعياده
وانا اللي أحبك محبة غير
من قلــــبي ومن فوده أفواده
كل عام وانت بخير وانا بخير
كل عام وانا أحبك زيــــــــاده
كل عام وانا كافح التغيير
كل ولا انتب على العــــــاده
وكل عام وأنا أموت التفكير
وأحبـــــك بأصــــرار وإراده
وكل عام ودموعي عليك تحير
وهذي السنة بالذات هداده
وكل عام تكبر به ترد صغير
كأنك تسوي لوجهك إعاده
يا كبدي إلي معك كبد بعير
مرددن غاربـــــــــه لشداده
ويا حب قلبي لقلبك الشرير
الأبيض إلي عناده عناده
سياسة التوطين والتهجير
ما خلت الفقـــير في بلاده
والله وكبرنا والأماني بير
مصادره يشـــــابه ميراده
سبعة وعشرينك عساه تصير
ميه على عز وعلى عباده
يا حبي الأول ويا الأخير
اللي قديمه ورث أجـــداده
كل عام وأنت بخير وأنا بخير
وآشيب وانا أحبك زيـــاده
الانســــكاب
بري حالي لانتهى العصر واعلن الانسحاب
وخلت الشمس الصدارة ومالت للغروب
اذن المغرب وساد الفضى مثل الضباب
ونتهى والليل لبس الاماكن لبس ثوب
وردت همومي على قلبي الصلب الخراب
وردة احيام القوامي على عدن الجذوب
كلها هانت ولا هنت ياهم الغياب
من محبة صاحبك صرت ياهم محبوب
وخذ ليلك بولة وخذوكل وشرب في رحاب
قلب من شدة طهارتة تجفاه الذنوب
اية والدنيا مساكن ورحلة واغتراب
والغلا في الوقت هذا مميز بالعيوب
اشمل بوجهي واعدي على روس الاهضاب
كل ماضيعت وجهي دريت انة جنوب
ويش اسوي فيك ياعم تلعات الرقاب
ونت واقعوالتمى عام في عيونك هروب
انت مجرم حب لا ويش جاب الي ويش جاب
انت عذبن عذب ارجيلي بشوك الدروب
صرت اهاب من التزاحم ونا ما كنت اهاب
ومشي بكيفك لواني على المشي مغصوب
صرت اجمع من جروحك وكلماتك عتاب
وقبل لا اقول وشفيك تجرحني استغفر وتوب
صرت احسب الناس ماكنت احسبلها حساب
وصرت اكذب لجل ترضى ونا ماني كذوب
شوف مهما صاربي انحنائي انتصاب
العب بعمري وبعثرة بيدينك ياللعوب
ادري ان الجاذبي تسبب الانسكاب
ودري اني منسكب ودري ان يديك كوب
سلت فرضك ورتوتبي وفاضتبي عذاب
لين حبتني قلوب وتعادتلي قلوب
فاعرف ان زولي غدير ون حكاياهم سراب
والمقادير الايادي وشين الخط طوب
يعني اليا رموني حقيرين الجناب
صارزولي عشرة ازوال وعيوني قروب
وتعدد لجل اداريك من طيش الشباب
وتوحد لين يطغى على وجهي شحوب
ماني استاهل منك كذا ياوبل السحاب
لاتبللني ونا ودي انك ما شروب
بيتني ودخل في قلبي ياقلبي باب باب
واخطر عروقي برجليك يسمر دوب دوب
جل من ولع عروقي بقنينة تراب
نوب تضحك من عذابي وتبكي منة نوب
لو لي دعوة وحيدة وهي تستجاب
قلت ياربي كل ما مر خلف الهبوب
زوي قلبي كل مازويت خصرك بنسياب
ووقف العالم يرد البحر من كل صوب
ياخلاصة شهد وعذوق مالذ وطاب
يامغلبني ونا مابعد ماصرت مغلوب
يامسفرني لوجهك ذهاب بلا اياب
يا معزز بالغلا يامقدر ويامحسوب
بيتني وذهبي بعيد يامالا الذهاب
ضمني بيديك وجمد على صدرك وذوب
انت لوضميت تمثال من ضمتك ذاب
كيف لوضميت صدرا على ذكراك يذوب
جِعل ريــــعاً
جعـل ريـع مـلا صـدري مهـبـه
يسـقّـى مــن مـهـبـه لا مـهـبـه
على هناك وهنـا وهنـاك واهنـا
إليـن يصيـر لـه شاطـي وغـبّـه
لـجـل لاشـانــت وجـيــه الأوادم
اجي وأشوف وجهي في مصبّـه
ياربـي أوقنـي مــن شــر بقـعـا
قبـل جـرحـي ودكـتـوره وطـبّـه
ولا تطرحـنـي بحـفـرة شبيـهـي
ولاتـبـلانــي بـفـاتــك وضــبّــه
مهي لحيـة شعـر لا وأحمـد الله
أمــوري فـيـه دايـــم مستـتـبّـه
حـداهـم لابـغــا يـاخــذ مـكـانـي
يبـي لـه مشيـه وحبـيـه وخـبّـه
لأنـــي كـــل مـاذابــت جـبـالــه
أسوي لي جبل مـن شـان أذبّـه
ممـيـز خلـقـه وشـاعـر مـفـكـر
ولي من شعـري أعـداء وأحبّـه
عمـومـا مـاهـو بهـمـي وهـمـي
أنـالـي عــام أغـمـض وآتـنـبّـه
كـأن الحـزن ينفـخ فـي عيونـي
ألـيـن تفـيـض بالـدمـع وتـكـبّـه
علـى وجــه مــلاه الله سمـاحـه
يشوف الضيف به غبقه وشبّـه
ماهو يستاهل الحـزن وشعـوره
لكـنّ الحـزن مــن ربــي وربّــه
خلق لي خالقي حـزن ازدواجـي
ودربــن فـيـه خمسمـيـة مطـبّـه
ياعزي لي وذا جرحك ياصاحب
أخـذ راحتـك فـي قـشـره ولـبّـه
على مايشهدون أغلى الجماعـه
إذانـي مخطـي فخشمـك وأحـبّـه
لـكـنـي داري مـانــي بمـخـطـي
ولا ادور علـى المشـروه سـبّّـه
تعاتبـنـي وانــا مـانـيـب مـثـلـك
أنا أشوف الهدف من قبـل أنبّـه
ولامـن مـر طـاري لأبـن عمـي
إذانـــي بـامـدحــه ولا مـسـبّــه
جعلـه أتـلا همـوم القلـب هـمـك
ياويحه ويح مـن هـم نشـب بّـه
لعـب بـه لعبـة السبـلـه حبيـبـي
لعب به أي وربي انـه لعـب بّـه
حبيـب لاضمـا تجمـد لــه أشـيـا
ويذوب أي شي لامنه شرب بّه
حـكـايــاه وتـبـسـامـه يــاربـــي
حكـايـا فـقـيـر وبـسـمـات بـبّــه
مجـسـم سـكـر ولامــن تـبــادى
يطـفـي كــل شــارع كــل شـبّـه
أحـس ان لومشـا والغيـم يمطـر
يصير مـن المطـر مليـون حبّـه
صداعـه عقـل وهــدوءه تـمـرد
وشموخه من شموخ هـلال قبّـه
أحبـه مــن وأنــا طـفـل آتخـيـل
فـراشـي غـيـم والقـمـرا مـنـبّـه
وكـبــرت وبـعــدوه وبـعـدونـي
بـنــي عـمــه ونـزالــة مــربّــه
ولكن لوحصل لـي ماحصـل لـي
تـتــب ايديـنـهـم تــبــه وتــبّــه
فلا تحسبني أرخصتك ياطيشـي
تذكـر حلـف قلـب مـا كـذب بّــه
علـيّـه بـالـطـلاق انـــي أحـبــك
محـبـه مــا بعـدهـا مــن محـبّـه
ما عاد أنا مشتاق
ما عاد انا مشتاق ولا انت مشتاق
انا رقدت البارحه وانت ما امسيت
هذا انت دايم تقلب الصحبه اخناق
ودايم اتغلى ولا انا ما تغليت
صح انك الي لذة اوصاله فراق
وصح انك اللي كل ما رحت ما جيت
لكني احبك ومن كثر ما انساك
اشوفك بصوتك اللي اقبلت واقفيت
بدق ولا انا ترى ما انيب داق
انا لو اني الي مزعلك دقيت
تعوذ من ابليس وتزين الاخلاق
وتلفن وحاذر لا تلفن من البيت
شغل جهازك واشحنه بعد الاغلاق
ودق الجهاز ويعمل كلوز لليت
خل اتصالك يقول مشتاق مشتاق
والذبذبات اتقول مليت مليت
فــي ا نتــــــــظـــارك
كل حاجه يانبيله فـــ نتظارك
الوطن والناس وآ نا فــ نتظارك
والطريق العام والباب الرئيسي .. والممر وقبضه السلم ..
ودارك ....؟
كلبونا .. يانبيله فـــ نتظارك .......
&&&
لو تشوفيني شلون أ مشي ويديني فــ جيبي
وأنا... وأحزاني وطيبي ... كان ماخذيتي قرارك
كان مارحتي ولاقلتي تري .. منت بحبـــيبي
يـاخســارة قلبي المظلومـ ولا... ياإنتـصـاركـ
&&&
رحتي وخذتي معاك ابسط تفاصيل الحياة
يامزعلة البنات ...
سحقاً لكل البنات
انا ميت فيك ... ايش ميت فيك ؟
انتي فيك حتي الموت .... مات ...
ياجنونك ... ياأ نتشارك
&&&
مري فـ شارعك الاول يالغلا الاول وطوفي
بس شوفي ..
من وقف علي عيونه فــ نتظارك
من بعد ماخنتي وخانو كثير احباب يوفي
هـــم هـــم ...
رابطة جمهورك المتعصب لــ طلة نهارك
انا .. وطيور القفص..والباب .. واشجارك.. وجارك
انتي ام الحسن وام العاطفه واحنا صغارك
فــ لاتلومينا ليامنا وقفنا فــ انتظارك....
&&&
اطغي اطغي . . خلي الغابات تتسلف خضارك
بس تترك اصفرارك ..
لــ ابتسامات المجامل ولــ وقارك
واتركي لعشاقك الموتى حمارك
او بالاحرى ... احمرارك
&&&
لاتلومينا مجانينك نحبك طغيتي
لازعلتي .. لاحكيتي .. ولامشيتي
انتي مسكينه ومظلومه ومعذوره ليامنك نسيتي
لانك انتي اللي فقط...
ماشفتي نفسك لاحكيتي
ولانك انتي الي فقط
ماشفتي نفسك لامشيتي
&&&
يادمــارك
ياوقوف العالم الثالث علي شرفة زرارك
مـــادريــتي ؟
طيب ادري يانبيله كانك الياالحين فعلاً مادريتي ؟
انتي اكبر مشكله تواجه الشعب الكويتي
&&&
انتي مثل الظلم والا جــحــاف بس انتي لئيمه
هم طبيعتهم عدائيين بس انتي رحيمه
مابدر منك منك جريمه
انتي بالفطره بدون سلاح ومقاتل جريمه
وانا بالفطره بدون سلاح احبــــك ياعظيمه ...
بذبولك وازدهـــارك ... وانصهارك
***
يانبيله انا حالياً ترى ماني سعيد
ماعرف للعيد يوم
وماعرف لليوم ...عيد
غايب وروحي جوارك
انقذيني كل ماوزني نقص حبك يزيد
انقذيني صرت اكلم نفسي ونفسي تعيد
كنا اول فــ نتظارك انا .. وطيور والقفص .. والباب ..واشجارك.. وجارك
كلهم راحو وملوا.. كلهم راحوا وخلوني لحالي فــ نتظارك
انا حاليا وحيد ...
انا حاليا معيد ..
لامزيد.. ولاجديد
الااني اسولف مع الاخ انتظارك
عند دارك ..
علي كرسي انتظارك..
فــي انتظارك
الأشجـــار
تهب الريح ولا ماتهب الريح يا الاشجار ..
انا لازلت اشوفك اثمن الاشياء وأعلاها
لأنك تفرزين الأكسجين الصرف والاثمار .
.وحنا نحول افرازك ..خبائث ونتحاشاها
يكبر الفرق من قاع الجحود لقمة الايثار .
.ويكثر اشياء نعرفها ولا ندري شمعناها
كليناك ولبسناك وجلسناك وشعلنا النار .
. " يفضحي " كم خذينا عمرها ولا شكرناها :")
انا آسف عن الحطاب والحمّال والنجار .
.انا آسف على كل الخطايا اللي خطيناها
تأسفت بلسان الشاعر اللي ممتلي ازهار .
.يقيس الكائنات بفعلها ماهو ب أسماها
خلقنا الله نكمّل بعضنا فالكون والصرصار .
.اكيد ان له فوائد بس حنا ماعرفناها
يجوز انه مفيد اكثر من الثرثار والغدّار .
.ومن كم النساء اللي تفاخرها ..بأعضاها
يبن آدم علاما الفخر والتكبير والاكبار .
.ترى اجدادك تحت هالارض هذي اللي انت توطاها
يجي يوم وتكون غبار او احجار او اسوار .
.قبل ربي يحشر الناس ويطلّع خفاياها
ويجي يوم اتمنى تكون غصن فعالم الاشجار .
.ويجي يوم اتمنى تكونها قبل اتمنّاها
النفس خزنة ملك
النفـس خزنـة ملـك.. والحـزن قاطـع طريـق
والجرح؟ .. يوجـر عليـه المسلـم اليـا أحزنـه
وأنا مـن العـام .. وآنـا أشعـر بيبسـان ريـق
يفـرج سجينـي مــع عيـنـي وأرد أسجـنـه
مـن بيـن طيّـات صـدرٍ شـل مـالا يطـيـق
لا جـاع حزنـه؟ .. تعشّـا جـروحـه المزمـنـه
مجسّـم أنسـان مـن داخـل رمـادة حـريـق
وقـودهـا المغـريـات .. ونفـسـي المؤمـنـه
أحيانـاُ.. أبكي مـن الخشـيـة لحـد الشهيـق
وأحيانـاُ أقـبـل عـلـى الآذان .. ولا أذّنــه
مـا عاد.. أنـا.. أيّـاي.. ياللـه لاتخلّي عويـق
عاقتبـه عـيـون روس مدلبـحـه .. وألسـنـه
كتل هـوامـش بشريّـه .. تـنـام وتفـيـق
رديـان وحتّـى الـردى .. بالظبـط .. ماتتقـنـه
لكـن علـى كل حـال الطلـق يبقـى طلـيق
لـو عاينتـه العـيـون .. وضـدّتـه الأزمـنــه
عـذر السنافـي معـه والعـذر حبـلـه وثـيـق
لـو حـس رعبوبـتـه .. والاّ جـفـا موطـنـه
رعبوبتـي ,,, يـا وجودي يـا غـلاك العتـيـق
عنـه مكـانٍ لقيـتـك فـيـه عـامـا .. عـنـه
يـوم الشجر صاير ..لوجهـك مشجّـع فريـق
مـن ويـن مـا أفتـرّ.. تتغيّـر معـه الأمكـنـه
للحـين باقـي بدربـه من رحيقـك رحيـق
وللحيـن أيتمتـم حكينا الـعـذب .. ويدنـدنـه
يوم أنّي أشّـر علـى صدري وعينك تويـق
وآقـول أنتـي هنـا .. وأتقولـي .. أنتـا هـنـه
الهاء .. فآخـر كلماتـك بـصوتٍ رقيـق
تشطـب علـى برمجـة سمعـي .. وتستوطـنـه
منتي بشر جعل مـن جابك .. ضحيّة زريـق
شارعـك يحسبـ لـك بالأمـتـار .. يا مفتـنـه
اليا أنتصفتيه؟ يضيـق .. وكل مالـه يضيق
كنّك ..كوكاييـن .. وأرصفتـه خشـم .. مدمنـه
رعبوبتي؟ .. ماخبرت أنّـه تحـرّك طويـق
شاعـرك مجـنـون خلـقـه والشـعـر جنّـنـه
قولي لهـم ينتـهـون ولا يطـول الزعيق
الميـسـرة ميـسـره .. والميمـنـة ميـمـنـه
وقولي لهـم للعراقة .. راس صبيٍ عـريـق
يـا كم سـرٍ يعـرفـه .. بــس ما يعلـنـه
نواخذ البحـر .. ولا أرسـي ..بجال المضيق
والشي بالـشـي؟ .. لا عيـبـه ولا أستحسـنـه
الاّ الرفيق اللّـي يستـغل طيـب الرفـيـق
هـذي اللّـي ما هيب مقبـولـه ولا .. ممكـنـه
يا صاحبي؟ كان لك مـال الشقيـق ال شقيق
والحيـن جـمّـع بقايـا ما مـضـى وأدفـنـه
ويا قلبي اللّي وساويسـك تنـجّـي غـريـق
الله لا يـصـغـر أبلـيـسـك .. ولا يلعـنـه
ما هو فخر في سنه .. تعرف لك مية صديـق
الفخـر ؟ تتعـرّف بصـديـق .. لمـية سـنـه
سافرت ما كلمتني يا خوي الراس
سافرت ما كلمتني يا خوا الـراس
وأنا من أغـلاط العلاقـات شابـع
أحسن لي أوصل من بعيته بقرطاس
موسوس بي قدلـي اليـوم سابـع
لاجيت أبا أتلفن على أحد من الناس
راحت على رقمك تدوس الاصابـع
محبتـك بيـن الحنايـا والانفـاس
ومفعولها بـن الـورق والمطابـع
فكتاب عشاق الغزل وأهل الاحساس
افتح على صفحـة حياتـي وتابـع
تلقاني من ابرز من أعدمهم اليـاس
وتلقاني أكثر من خذا الحزن طابـع
تلقاني بفرقاك مانـي قـوي بـاس
أخذ الصحيح اللي من القلب نابـع
أنت الغلا الأول والأول على ساس
وأنت الغلا ثانـي وثالـث ورابـع
صح الله لساني
مالي الا أقولك يغـلا البشـر سمـع وطاعـه
أنت سافر وأطلق الاقـدام وأتركنـي مكانـي
مالك الأ واحد لا رحت وقـف ربـع ساعـة
ولقا وجهه للجنوب وهل دمعـه فـي ثوانـي
تستحق البكي يا فرد الخطا وأجـر الجماعـة
وأستحق أنـك تذكرنـي وتسترسـل حنانـي
فلا طرالك صوتي المجروح يا روح أستماعه
شوف نفسك فالقزاز وحب لي ذيـك الاذانـي
جعلني ما عدم ذكرك فالوصـال وفالقطاعـه
والله أن كنـي فبعدك فاقـد أغـلا خوانـي
ممرض قلبي من أنواع التجفـف والمجاعـة
يا هلالي الاحمر اللي ما اعرفه قاصي ودواني
عوذ بلله يمكن أن قلبي لـو أعملـه أشاعـه
شفتك أتحسب خطا رجليك من بيـن المحانـي
جل من سواك يـا خلـط القسـاوه بالمياعـه
أشهد أنك مختلـف وأنشهـد أنـي عنفوانـي
خذتها من سرب جول ضاع في سكة ضياعـه
وكنهـا تقـول الله الله در مـن بيـده خذانـي
لا تحاتي والله أنهـا بيـن ضلعينـي وداعـه
الوصاه اللي تقـول الـزود لطـوال اليمانـي
كل قمـه فالشعـر أو فالكـرم أو فالشجاعـة
أعرف أن فيها ذكر ياهجـري والا أقحطانـي
هو كذا التاريخ من قبـل التصـور والطباعـة
ولا عليهـم زود ذربـي المبـادي والمعانـي
القنوع أيحاسبه ربي علـى حسـب القناعـه
ويرحـم الله المحـب ويلعـن الله الانـانـي
بس حبيتك تطمن يـا رضـا القلـب ومتاعـة
يالوحيد اللي قسـم بالله مـا عوضـك بثانـي
رح فمان الله وأتركنـي وأنـا عنـدي مناعـه
مـن كـلام مـا يجملنـي ولا يرقـا لكيانـي
ماني أقولـه علـى شـان أتناقلـه الاذاعـه
أدري أنـي مبـدع جـدا وصـح الله لسانـي
سوالف نــادية
لا تطاريتو بحلـو السوالـف والحكـى
والله أن أحلا السوالف سوالـف ناديـه
كنها لا قالت أرحب عل الـرا تركتـي
آتحفاهـا وخلـص وتـوهـا بـاديـه
مـن دلعهـا لا تحفتـك كنهـا تشتكـي
ومن ثقلها لـو يثـورون تبقـا هاديـه
تتقن البكى المضحك على الضحك البكي
بكي أمينه رزق يطلع بضحكـة شاديـة
وصوتها آخر شموخ الطراز المملكـي
وبحته تقمع ظهور الحـروف الغاديـه
ما يجيب من الحكي كون لولو الحكـي
وما يجـي اللولـو الا سوالـف ناديـه
تنوخذي في بحر فكري
تنوخذي في بحر فكري واسبحي
وباعطيك جوهرتي..وقولي:بقتها!!
تفلسفس يا فيلسوفه,و أشرحي
ii: كيف أنتي بقتيها..وكيف iiاشتقتها
سبحان من نزل على محمد وحي
وسبحان من مد الدروب iiوسقتها
نفسٍ ليا من سقتها iiماتنتحي
حتى لو إني ف البحور iiأغرقها
بس أذكري يوم ارتجافات iiاللحي
أصخيتي بيديك..وانا اعتقتها
أخاف لا تقولين:ذا iiمايستحي
وأخاف أطفيها وانا ما iiاحرقتها
مغمي على قلبي..ولكنه iiصحي
وغربتي العبره..وأنا iiشرقتها
ياكثر بوحة واحد بك منبحي
وأبشرك للحين ما فرقتها
الزلة اللي خسرتني iiمربحي
عز الله انها منك جت في iiوقتها
خلتني أدري ان حبك اسطر iiتنمحي
كذبه كذبتيــــها وأنا iiصدقتـــها
صديقي الرجل
صديقي الرجل والدنيا لها دوره
تجمع الناس وفي الغالب تفرقها
والناس بأخبار سو الناس مسعوره
وفي الطيب بكما ذكر وآذانها صقها
وحنا فضاءاتنا ضحله ومحصوره
نبي نطلع من السطحيه اعمقها
افضالنا ودنا انها دوم مذكوره
وعيوبنا مانحب احد يتطرقها
كأننا رعاع منهيه ومأموره
نحفظ شعارات لكن مانطبقها
جهال في عالم الانسان وشعوره
نستحقر اللي شنباته يحلقها
نقلد آبائنا بالصوت والصوره
وحتى خرافاتهم لازم نصدقها
نحب نحزن ولو الاوضاع مسروره
نعمل من الحزن غبه لجل نغرقها
يا مجتماعاتنا هشه ومغموره؟
يا ان لنا اعماق ما نعرف حقايقها
فالعاصفه اذكر البستان وزهوره
وان مااعطاك الزمن بسماتك ؟ اسرقها
وان انشدوا كيف حالك ؟قول مستوره
لو ان الاوضاع يوميا تشققها
النفس اذا ماهي بشرهه ومغموره
يطقها الشح وتروح انت تلحقها
صديقي الرجل واطراف الناس عوره
فما بالك بجرحها ولا مزارقها
اختارها خيرة المبلي لدكتوره
واتعب على عروق اهلها اللي تلاحقها
وركز على دينها والعقل وحضوره
وشفها وحاول تعرف اللي ترافقها
الزين غسل اليدين ولذته فوره
عليك باخلاقها اللي ماتخلقها
وان سهل الله وزان الحلم باموره
الغاربه في التعامل لا تشرقها
كن مبتسم مقتنع بالله ومقدوره
وشوف احلى مافيها من اشياء واعشقها
اشفق لها شفقة الشاعر لجمهوره
تحفظ حروفها قبل تنطقها
وان ضايقك شي خل عنادك وجوره
اهمس في اذنها عتب وانته معانقها
العمر قصير والايام معموره
ماتستحق انك تضيق واتضايقها
وان شفت مايظهر الرجال عن طوره
لاتكسر في نفسها وتعلقها
سامحها واقطع طريق الشر وشروره
او ردها لبيت شايبها وطلقها
مايضمحل الرجل في عيون غندوره؟
الا اذا عدد خطاياها وخانقها
ومايستزيد الرجل في عيون غندوره؟
الا لاطوف خطاياها وصادقها