مساحة خاصة بالشاعر المتألق "سعد علوش"

رقصة اعجاب


يرقص مع قلبي الأمل رقصة أعجاب
لاقلت بسوّي وبسوّي وبسوّي

ياحلو باكر .. والأماني .. والأحباب
بموت لومــا كنت أفكّر وأنوّي

أنا رجل ... لاصكوا فوجهي الباب
أعامله مثل الخويّ المخوّي

العمر مرّه .. والقناعه لها أسباب
والسرج لو مايحترق؟.. مايضوّي

والعلم نور .. وذروة العلم الآداب
والآداب؟ ذروتها العفو .. والتروّي

فـ يـاصاحبي وإن كان للصحبه عتاب
ترى القوي .. اللي بربّي .. متقوّي

أن خنتني خانوني من قبلك أصحاب
أنا ما أعرف أمشي .. طريق التلوّي

بموت وبـ يـدفـن على راسي تراب
لا أخون فـ صاحبي .. ولا أظلم عدوّي

الحرمـــان

مع الأسف أعـــانـي الحـرمــان
مع إنّي ما أستاهــل الحـرمـان

اللي أحــبــه ؟ مــدري بـ أنّـه
خـلانـي أسـولـف بدون ألـسان

جـزّأني إقطاعـات .. الأقطاعي
وحـوّلـني من مجموع إلى شــتان

صرنـا كــذا إنــسان .. ونـحـبّـه
وكـل يـوم يـذبح منّـنا إنــسـان

الـــــرزق


يضيع رزق الحاذر بالمحاذير
والمتّكل ؟ ينرزق من حسن ظنّه

من لارغب فالحياه أتجيه تيسير
واللي طلبها حثيث ؟ تصد عنّه

ركاض الآمال ؟ عثّار المقادير
لكل شي خلقه الله .. سنّه

لو ما أننا غير وإن أطباعنا غير
ماكـان ربي خلق نار وجنّه

من يفعل الخير ؟ هو أفضل من الخير
ومن يفعل الشر ؟ هو أشر منّه

ملائكة الفـــجر



الله الله ... يالمفكر.. ليا خذك الدجر
تضحك ل دنين ب غرااات الانفس دارعه



الزمن هو هو ... وأحثالة العالم....؟.... غجر..
وللعسل ذايق وللسم الاسود.. جارعه



وللقصايد.. هجسي اللي ليامنه زجر..
صيح الدنيا .. وقال... أسكتي يابارعه..



والله أنه أقسى على الضلم.؟ من صم الحجر..
وللعدال.؟ ألين من الورد فيد الزاارعه



مبدعن تضحك لشوفه..؟ ملايكة الفجر
لاتمعن في عيون الهنوف الفارعه..



فارعن.؟ خلتني أأصاحب أوراق.. الشجر..
والطريق الشين والارصفه.؟.. والقارعه. .



كل مامريت.. حيه..؟ بكيت من الضجر..
دمعه ل بيته... ودمعه... لخاطر شارعه..

يا أغلى عروسة




يا أنيقـه آسـف بشـدهـ علـى هالــ ح ــوسـه
.. غرفتي تشبـه كثيـر أوضاعـي المحيوسـه

مـا توقعتـك أبـد بتجـيـن ! فاجأتيـنـي
.. ع العمـوم الله يحيّـي الطلّـه المحـروسـه

وقّفـي لحظـات بيـن عيـونـي التعبـانـه
.. لين أرتّـب لـك أريكـة قلبـي المشموسـه

واجلسي بيـن الزرايـر والـ ح ـشـا الافريقـي
.. وائذني لي للبكي .. بيذاكـر معـاكِ دروسـه

شاعـرك .. فوضـاه علّمتـه يرتّـب حـبّـه
.. أنتي .. ثمّ الحزن .. ثمّ دموعـه المحبوسـه

والدّموع اللي على وصلـي ووصلـك تنـزل
.. ترفـع بنزولـهـا أعلامـنـا المنكـوسـه

هذا إنتي؟؟ ماني مصدّق .. ولا ني مكـذّب !!
.. آهـ مـن بـرد الجفـا ورياحـه المتروسـه

وايه حنّا نـاس غيـر النـاس يـا حوريّـه
.. روسنا ما هيب لضعـاف البشـر مريوسـه

لي افترقنا نبتسـم ! ولـي التقينـا نبكـي !
.. ويـا فديـت جنوننـا واشياءنـا المعكوسـه

مرحبـا .. ترحيبـة البـدو العزيـب الرحّـل
.. بالمطر .. لاوّل هشيـم الماحلـه المعبوسـه

صح هذا انتـي ! وهـذا عطـرك السمياكـي
.. وهذي بوهة وجهك اللي بالضحى محموسـه

وهذي ربطة شعرك البيضـا .. وذا خصلاتـه
.. كنّها في زيـت زيتـون الشفـق مغموسـه

وهذي الوانـك .. وهـذا المعطـف العنّابـي
.. وهذي ساعة يـدّك المحظوظـه المنحوسـه

لا هـي اللـي طالـت أصابعـك وتشابكهـا
.. ولا هي اللي قريبـه مـن عاتقـك وتبوسـه

وهذي مشيتك اللي من صغرك مـا غيّرتيهـا
.. هالبشـر يخجـل يضـر القـاع ولاّ يدوسـه

الـ ج ــمـادات الـرذاذ .. تهمـس لا مرّيـتـي
.. مرحبـا يالناعـس المحشومـه الطاووسـه

قولي والله انك انتي معي ! مانـي مصـدّق !
.. لا تلوميـن الحـواس الشـرّد المهـووسـه

كل ما غنـى لـي الغيّـد بصـوت مواصـل
.. شلّهـا قلبـي وركّبهـا عـلـى منكـوسـه

صـورةٍ فـي البـال لـك معامـد اتخيّلهـا
.. أقرب احيانـاً مـن المحسوسـه الملموسـه

وانتـي لـو مـا كنتـي فيـدّي ولا كنتي لـي
.. لحظتك عن عام .. كـل ليلـه مـع عوسـه

لانّـك الأفخـم إسـم .. والأبسـط انسانيّـه
.. ولانّك الوجه التقـي .. والطيبـه المغروسـه

ولانّي أحبك محبة عمق .. مـا هـي نـزوهـ
.. أسمى من حب الجسـد .. وللهوى ونجوسـه

يا أنيقه .. آسـف بشـدّه علـى هالـ ح ـوسـه
.. لهجتي تشبـه كثيـر أوضاعـي المحيوسـه

مـا سألتـك ليـه جيتينـي .. ولا ضيّفتـك
.. ما ابي أخرّب على جـو الوصـل وطقوسـه

ليه جيتي؟ أسألك .. وانا اعـرف وش جابـك
.. طاب شجر الـ غ ــاب والحطّـاب قـرّب فوسـه

لا تقولين اني أرخصتك .. وانا ما ارخصتـك
.. ولا تقوليـن اشتـراك المشتـري بفلـوسـه

ولا تقولين ان هـالمـرهــ .. هـي آخـر مـرهـ
.. اتركي لـي حلـم بعـد احلامـي الميئوسـه

انا شاعر .. ح ــلمه اللي سـوّا منّـه شاعــر
.. الذهـب والـ ع ـالـم الجديـد .. دم ضـروسـه

يا أنيقه .. لو خـذوك وسافـروا بـك عنـي
.. الارض صدري .. والسفر من قوسه ليا قوسه

ليت صيت الجد مـا ينفـع سخيـف احفـادهـ
.. وليتها هالحيـن وان الكـل شـارب موسـه

وليت .. نقطـه نقطـه نقطـه نقطـه نقطـه
.. ما ابي أغلط في الزمـن والعالـم المنفوسـه

ما اعرف شو اقول .. ولا اعرف ايش اسوّي
.. الحزن .. طلّت من ابـواب الليالـي روسـه

انسي كـل اللـي حصـل هاللحظة وضمّينـي
.. يا خسارة عمري اللـي راح ويـا ناموسـه

والله ان امه دعت لـه تحـت بـاب الكعبـه
.. واحـدٍ حطّـك فـي بيتـه يا اغـلا عروسـه

أخماس لأسداس


خلوها.. يا اهل الشعر واخماس الاسداس
قصيدتي هذي خطيرة مثيرة

لله.. وللتاريخ.. ولكل هالناس
ولهالحياة الزايلة والمريرة

واللي مهوب لذروة الفكر عساس
ينضم لأصحاب النفوس الكسيرة

الله الاول من قبل لفظ الانفاس
عز وجل من الظنون الصغيرة

ما مثل مثله مثل.. ولا له اجناس
يخلق مخلوقه ولا يستشيره

اذل له وانصاع له واحني الراس
اللي جعلني ما عبد رب غيره

عساه يكسوني من السندس ألباس
في يوم يعرابه الاميرة ول اميره

شاعر وذنبي غير وسكوتي اجراس
ونفسي على ما الله عطاها فقيرة

من كثر ما اعطي حب واخلاص واحساس
انا معاد اعرف وشلون اصيره

في عقلي الباطن عقيدة ونوماس
وفي واقعي خوف وتردد.. وحيرة

هل يا ترى؟ ببني على حلمي اساس
ام يا ترى ببقى على ه الوتيرة؟

والافلاس ما هو افلاس من حلم.. الافلاس؟
اذاك ما تملك لنفسك بصيره

ما خلق شي الا بقدر ومقياس
ما شي يغلب شي او يستعيره

اللي خلق خوف وخلق ضيقة وياس
خلق امن وافراح وحب وبريرة

لذلك الله لا يوليني انجاس
ويكسوني بفضله ومنه وخيره

الرب اذا تحتاج له صرت نبراس
والانسان اذا تحتاج له صرت اسيره

والناس ناتج ناس استلطفوا ناس
ابناء رغبة واستهامة وغيره

لولا التلاطف واللي ما بين الاقواس!!
ما شفت هالعالم شفوحه غفيرة

ندور ويدور بنا كل هوجاس
ومن اجل ذلك روسنا مستديره

الكل تايه في مصيره ومحتاس
وما هوب هو اللي يحدد مصيره

فياليت ما تنسى الذواليق غراس
وما ينسى مجرى المياه وخريره

اعلم اللي عاث من بعد ما جاس
ترى الجهل راس الامور الشريرة

الانسان لو يملك من الجن حراس
احقر ذبابة قادرة تستثيره

وين الملوك اللي على اقباب الافراس
راحو وخلوا المغريات الكبيرة

هالأرض ياللي برجل الناس تنداس
بواقي ابن دواد وابن المغيرة

الله يلعن كل مشرك وخناس
والله يلعن هالحياة القصيرة

صغير الادراك وصغير الباس
يشوف كل الناس مثله صغيره

يا قلب برد كل ما هب نسناس
ما دام هااليمنى ندية جديره

يفداك من رزقه قتات وتمراس
لولا رئتينه ما طلع زفيره

شفاه من طرد الملذات يباس
وهو على عد الرواة وغديره

حديثه فماقال حمزة فعباس
ما حدث لمسلم عن ابو هريرة

العمر فرحة وحده وعشرة اتعاس
ومن لا يجيره خالقه من يجيره

ومن عاش شاف وكل غبه بغطاس
والصدق خيرة مذخرته الذخيره

كل ما اكتشفت من الاصاحيب بلاس
اقول يالله جعل فالامر خيره

خيره تعرف ان به من اصحابك اخساس
خيره ولكن يا عساها الاخيره

اقسى جروح الناس تغلبه بنعاس
ما يذبح الانسان.. الا ضميره

بعض البشر مثل ابتسامات الاعراس
على كثر ما هي مثيرة.. ضريره

وحيد ولا عندك من الناس جلاس
اخير من شر الكلام وسعيره

والكل ما يخلو من اخباث وادناس
في كل نفس هناك حاجة حقيره

ف من قبل لا سوي مشاكل مع الناس
عندي مع نفسي مشاكل كثيره

احتيــــــــاج

الناس مع الناس .. قضّاية وطر
والكل قيمة ما يجيه من إحتياج


وأول سطر .. ما هو مثل آخر سطر
الأول أبدأ .. لكن الآخر نتاج


والماء من يدينك حلو .. لو هو قَطر
ونهراً على يداً ماهي بيدّك ؟ هماج


وكل شيء ممكن يسبّب لك خطر!!
لأنك اتعامل مبادئك .. بمزاج


والانثى للرجّال ؟ زجاجة عطر
واحد يبي العطر.. واحد يبي الزجاج


والشعر إذا ما شدّك من أول شطر ؟
كلام لا يكنى ولا فيه إزدواج


والآدمي على الأضاديد .. إنفطر
لذلك الله سنّ الناس .. بالزواج


من أجمل الاشياء في الدنيا .. المطر
ومن أبشع الأشياء في الدنيا .. العجاج

حي ذا الطآري

يجيب السفــــر طآريك يآحي ذاالطاري
وأنا بين تغميض العيون ومدامعها



غريب السفر والأغرب إحساسه الناري
ياكم ناس فرقها .. وكم ناس جمعها



فـ على الرغم من كمية الكبت الإجباري
يبّين شعـــــور النآس لما توآدعها



وانا لابكيت البكي جهدي وإصراري
أحس إني انظف خلق ربي وأروعهآ



ترىالشآعر ليا حب ينجـــــن ويمآري
مثل من معه ثروه ويبغى يوزعها



أحبــــــــك وإذا ماكنت داري انا داري!!
أنا كل يوم اقولهـــــا لو ما تسمعها


حبيبي .. حبيبي للوفــــــآء بايعوشاري
تخون النفوس مالقت شي يمنعهآ

هداياي كتبي..بآقي أغراضي..أشعاري
إذا انّا افترقنـــــــا طآلبـــك لاتقطعها



تبرعبها لو ما أنت راغب ولاضاري
لعل وعسى تلقى لها ناستنفعها

يا بــــردك




تقـولـّي .. مـرحـبـا مـلـيـون .. يـا بــــردك ؟
أنـا حـسـبـتـك بـتـأخـذنـي مــــن أحـضـانـي

شـكـراً على حـضـورك .. وشـكـراً على وردك
وشـكـراً على كل شـيء .. إلا على احزاني


أحـلامي أكـبـر من أحـلامك ومن وجـــدك
لــــذلـك أعـــــانــي .. لـــذلـك أعـــــانـــي


لـو إن مـشـاعـرك مــوقــوتــه على وعــــدك
يـمـدّيـه جــاهــا مــن الإجــرام مــا جــاني


تجرحني (آسفك) .. تقتلني (ما هوب قصدّك)
يالـيـتـك تـشـوف واش يـصـيـر فــ أشـجـاني


احبك .. اكرهك .. اشتاقلك .. افتقدك
كل شيء فيني على ما فيك وصاني



مــدري واش الـلـي خــذاني مـنـّي لـ عـنـدك
بـــه شــيء ودّانــي وبــه شــيءبــقــّانــي


أنــا رجــلـيـن في قـربـــك .. وفي بــعــدك
سـافـرمـعـك الأولــيّ .. وانـتـظـرك الثاني

لا النوم هذا هو

لا النوم هذا هو و لا هذا اللحاف
و لا الوسادة هذا هو عطورها

يا وجد حالي وجد من جاته خلاف
الضربة اللي يبتلش دكتورها

اول دلالات الفشل و الانحراف
حلق الرجال اشنابها و شعورها

و اول دلالات التقشف و الجفاف
اكل العرب للحامضة بقشورها

فرق الرجالات الكبار من الضعاف
في فعالها و وجيهها و في نورها

انت ااتحلم يطلع اسمك عالغلاف
و انا احلم في الجنة و في حورها

بتسبنــــي؟؟

بتسبني ؟ هذي اكبر نعمة احمدها
انا كما الطير لا منه انرما يسمو

امثالك اتدور الوهبة و تجحدها
و امثالي يتبسمون ليا من انظلمو

للناس للشعر للدولة و قايدها
للي يعلمون و اللي ما بعد علمو

الى اسعد احزن جروحي و احزن اسعدها
للضمة اللي اللي تخلي المي المو

انام ملئ جفوني عن شواردها
و يسهر الخلق جراها و يختصمو

عـــــادي


عادي ليامن خسرتك ما هي بمشكلة
انا اساسا خسرتك من قبل لا اكسبك

تشوف بي معضلة و اشوف بك معضلة
خلاص يا بوي لا تتعبني و لا اتعبك

العمر دربين يا تقدير يا مهزلة
و القلب قلبك و ذي نارك و هذا حطبك

و ان كنت انا ما اعجبك ..يا طيب هالمرحلة
ايزيد اعجابي بنفسي اذا ما اعجبك

أنا غاية ماني وسيلة


تبي شاعر تشبعيه غرورك ؟
تبيه يغازلك في كل ليله

تبيه يغيب يستحضر حضورك
تبيه يكثر الاشياء القليلة

تبيه يضيف للتاريخ نورك
يسوي منك قصة مستحيلة

انا اسف و هذا الجور جورك
انا غاية انا ماني وسيلة

يا سيــــــدة

يا سيدة يا مفعمة يا منعمة
انا رجل ماني بغرفة للاجار

المسألة ماهي بعيب و همهمه
المسألة مافيه ..ياجنة يانار

و عنك و عن درب الغوى و السلهمة
ان ما ردعني دين يردعني وقار

في عالمي الابيض ..عفاف و عظمة
عندي قناعات و شموخ و ازدهار

الحب اذا ماهو عفاف و اسلمه
حمارة(ن) لقت مع الشارع حمار

رسالة من بنت

احاول اكون زينة بس ما اقدر
كل ما احاول يردوني صديقاتي

يا آنسات السهر و العالم الأحمر
انا ضحية صداقتكم ..و غلطاتي

عشرين عام انقضت من عمري الاخضر
و انا في بحر الضياع المظلم العاتي

كنت احسب البنت مظهر ماهي بمخبر
كنت احسب ان قيمتي قيمة عباياتي

اكلم ..اواعد ..اتكشخ ..واتعطر
مضيعة ذاتي ..و ابحث على ذاتي

ابي الكلام الحلو ..و العالم المبهر
بكسر حواجر تقاليدي و عاداتي..

بطير بين النجوم و بلعب و بسهر
بجاري الكل ..بمارس حركاتي

ما ادري ان الخطأ مهما كسب يخسر
في عالم الرجل ..قصو لي جناحاتي

آه(ن) على الحلم لا اتعثر و لا اتبخر
بالفعل تبا لي ..و تبا لنزواتي

خدعت نفسي كثير و كثير ..و الأحقر
خدعت ابوي ..امي ..اخواني خواتي

العمر مرة ومرة وحدة مو اكثر
خلاص خلاص ..توبة يا علاقاتي

بتغير اكيد لازم لازم اتغير
ابا اتطهر من ادراني ..و شهواتي

بغطي المظهر و بهتم بالجوهر
يا رب يارب يارب تقبل دعاتي

ابي اتغير ابي اتطهر ابي اتحرر
اغفر لي الماضي ..و هين لي الآتي

ابي اتوضأ على قول ..الله اكبر
ابي احافظ على نفسي و صلواتي

العمر مرة ومرة وحدة مو اكثر
خلاص خلاص ..توبة يا علاقاتي

برج الدلو

أنا رجل لا يؤمن ببرج الدلو
لكني أؤمن باحتقاري للبنات

التافهات اللي من العفه خلو
الناعمات الكاسيات العاريات

شعر حلو جسم حلو وجه حلو
لكن وين الباقيات الصالحات

الحــــزن

الحــزن مــا يقـرأ علشــان يكتـب
يسولفه وجـــه الحزين بطلاقه

تلقاه متأثر ولاهو مرتب
ومن وقت ما راح لصالون الحلاقه

يغلي الصباح وما يداني المغــرب
وشـــريــد والليل يتمنى فراقه

ياالحزن تأكل في خفوقي وتشرب
بس انك ما قدرت ملح الرفاقة

حقــي علي أنـــا مقصر ومــذنــب
رشيق حـــس وأمنياتي معـاقه

شاعر وحالم وأحسن الظن وأحـب
وأقبل سكاكين الغــرام بـرواقه

أحب من أحساس ومن روح ومن قلب
في وقت فيه الحب لبس وأناقه

وعلى الرجل ما فيه لاأقسى ولاأصعب
يعمل حماقه يعرف أنها حماقه

ياأعذب من أعذب شيء في الكون وأعذب
من الصباح الي على درب ناقه

أنـــاأتعـــذب فعــلاً أنا أتعــــذب
من أنتشاقي للهــوى وأختنــاقه

أنــا أحبك صـــدق وإذا بـــتعــلب
أرجوك أنا ما عاد عندي ليـاقه

حــدد مصيري معـــك ولا فجنــب
راحت افراق ولامواصل محاقه

بلاش غش وزيف ومخادع وكذب
يا أني أحبك يا بلا هـ العـلاقه

الصداقة يمكن تتحـول إلى حـــب
الحب ما ظني يتحول صــداقه

بالروح وبالدم

بالروح وبالدم وبالاحذيه
نقدر نحرّر أرضنا من الطغاه

بالروح وبالدم وبالاغنيه
نقدر نحرّر أرضنا من الطغاه

بالروح وبالدم وبالتسويه
نقدر نحرّر أرضنا من الطغاه

هذا خماسي مقاومتني المخزيه
ما فيه لا توحيد ولا به صلاه !!

من ينصر الله ؟ ينصره .. والادعيه
ما ترتفع لله ولا توصل سماه

لأن نتمنى من الـ إله الامنيه
وإليا خذيناها ؟ عصينا هــ الـ إله

يا طالبين من الضحايا تضحيه
الناس مقتولون من كل انجاه

مخدّرين بحلم عصر التنميه
ومحرّمين من الجريد والقناه

رعاة الاغنام .. ضغآر التوعيه
لو زوّروا التاريخ .. يبقون الرعآه

أبسط كثير من الصخب والتعريه
ما يملكون من الحياه .. إلا الحياه

صرآخ وجهاد وجنون وتعزيه
يجمعهم الطبل .. وتفرّقهم عصآه

الموتـــى

به من الموتى من يعيش بسلام
وبه من الاحياء واجد ميتين

كل فعل وله مقابل فـ الامام
وكل حين وله حسابه بعدين

ابتسم؟ يظهر عليك الابتسام
احزن؟ ويظهر عليك انك حزين

الظروف اللي اتعذرها اللئام
هي نفسها اللي سوت مبدعين

الحشام؟ الله يوفقهم حشام
وهكذاا , للساقطات؟ الساقطين

سيئين الذكر واطين المقام
هم من اختاروا يكونوا سيئين

لاسلام ولا كلام ولا ملام
للحقيقه نور مايحتاج عين

هذا هو المسجد وهذا هو الامام
وهذا هو البار ,, وهذولا التافهين

أنا جنوني


أنا جنوني و أفكاري جنونية
تخطي بي الناس و أستعذب خطاياها

إحساسي إني أسامحهم طواعية
يطير بي فوق هام السحب و أعلاها

حفظني أبوي معلومة أساسية
أكارم القوم تعفو عن دناياها

و علمني أنسى الردى و أزين النية
و لا أشوف الأوادم من زواياها

الوجة بالوجة و النية إلهية
و اللي بيدور عن الزلة بيلقاها

من تجربة عمر و أبحاث إجتماعية
تستحقر الناس من يكشف خفاياها

و من تجربة عمر و أبحاث إجتماعية
الناس ما تغلي إلا اللي يتحاشاها

أقولها و الخصومات إنتقائية
ناس اتحداني أنا ما أتحداها

ألعب معاها المباراة النهائية
منشان أجي من وراها و أتعداها

الهم كهــم ماهو ذات أهمية
إلا إذا كان في النفس و مزاياها

و على كثر ما تعبت من المثالية
ما أعشقهـــا و أتحــــلاها

و منشان أعيش الحياة بكل حرية
ركلت كل الأماني من مقفاها

الأمنية في خفوقي لا طبيعية
في كل مرة أغمض عيني ألقاها

يا ليت طولي شبر أو أصغر شوية
هذي أمنية عمري اللي انا اتمناها

بطب في شنطة اليد الرمادية
و بعيش من بين أشياءها و أشياءها

أفضل من متابعة أخبار العربية
و من تابع الناس تابع سواياها