إدارة الوقت

بسم الله الرحمن الرحيم .

*اتمنى تقرون الموضوع كامل وعدم اللجوء لردود مثل مشكور ومثلياتها , شكرا ً .

ذاك الاسبوع بالتحديد يوم الخميس اللي طاف , وانا متملل خذت قلم وقعدت اشخبط واشخبط وبالغلط رسمت مثلث , المثلث مادري ليش اثار دهشتي , المثلث هاي ذكّرني بأحد قوانين الرياضيات القديمه إذا تذكرونة وهو مثلث لتسهيل الدراسه , فيه 3 اشياء مثلا ً إذا تبون هالشي اقسموا ذي على ذي , وإذا تبون هالشي اضربوا ذي في ذي الخ , تذكرونة ؟

هاي هو اللي جا في بالي لتقسيم الـ 24 ساعه لليوم الواحد !

لكن الطريقه تختلف شوي , فالبداية رسمت مثلث وكتبت فيه ::

- وقت فراغ
- استغلال الوقت
- رياضة

قعدت آكتب تحت اللي سويته فاليوم الكامل , طلعت اني مستغل اليوم بنسبة 3% بس .

باقي الوقت كله يمر ع الفاضي , فااا لجأت لشي ثاني ورسمت مربع ! وفيه التالي :-

- فراغ
- صلاة
- نوم
- استغلال الوقت

النوم الطبيعي للأنسان لازم يكون 8 ساعات , شيلوها من الـ 24 ساعه بيصير معانا 16 ساعة بس تحت تصرفنا !

ييبوا لكم الحين ورقه وقلم وكتبوا الاشياء اللي تسوونها فاليوم الكامل , بتلاقون نفسكم ماتسوون شي كلش , بس جي قاعدين او تستغلونه في شي بسيط مايتجاوز 4 ساعات والباقي كله فاضي .

فااا كتبت اشياء معيّنه وهي :-

- طلعة
- فيديو جيمز
- اكل
- سبوح
- انترنت

هاي كله يطلع معاي بس 5:30 من اليوم .

اما الاستغلال آقصد فيه شي مفيد مفيد مثل ::

- دراسة
- ممارسة هواية
- رياضة
-قراءة قرآن
- اذكار

وهاي كله ياخذ من اليوم تقريبا ً 5:00 بس

اما الشي الاخير مايصير نستغني عنه وهو الصلاة , كل الصلوات الخمس من الاذان إلى الاقامه تاخذ ساعتين بس من اليوم .

الحين تعالوا نحسب اللي سويته فاليوم من المذكور بنلاقي اني استغليت 12:30 من اليوم , استغلال في مكانه يعني مب اي كلام .

انا الحين شاسوي ؟ طول الوقت ع النت او آلعب وهاي غلط , حتى هالشي من زمان مب من الحين , لو باحسب في الـ 21 سنه ورى اشسويت بلاقي نفسي مستقل بس 4 سنوات من عمري او اقل والباقي كلام فاضي .

عشان جي قلت مابخلّي وقتي كامل للماسنجر نفس الحين , باخلّيه بس 4 ساعات فاليوم للماسنجر والوقت بيكون من الساعه 7 فالليل لين 10 ونص وبعدها نوم إلى الساعه 4 واقوم لصلاة الفجر وجي .

بالنسبه للأيام من الاحد إلى الخميس لكن يوم الجمعه لازم بيصير تغيير في الجدول لأنه نهاية الاسبوع وهو معروف بزيارة الاهل او الربع الخ .

بس ملاحظه مهمة , كل واحد عنده اشياء يسويها مب شرط اللي اسويه انا , اللي عنده هواية الرسم واللي عندة الرياضه الخ الخ , بس في اشياء لايمكن نتخلى عنها وهم ::

- الصلاة
- النوم

باقي الاشياء ممكن نتحكم فيها ونعدّل عليها , أما هالشيئين لايمكن تغييرهم .

وقتها بتحسون نفسكم " بشر " لكم اهداف خاصة تسعون لها , يعني في اليوم نفسه بتسوون كل شي !

هواياتكم , ماسنجر سوالف , طلعه ماطلعه , أكل , نوم , سبوح , دراسه كـــــــــــــل شي بتسوونه فاليوم , بتحسون بإرتياح وحتى الصلوات الخمس مابتفوتكم اللي للأسف الشديد الكل امقصّر فيها الاّ من رَحم ربّي واتمنى اكون غلطان >_>

بس ترى حطوا في الاعتبار لاتقصون على روحكم وتكتبون اشياء لـ 24 ساعه كامله , لا , كتبوا بس لـ 15 ساعه على الاقل فاليوم لأن غصب عليكم في وقت بيروح على الفاضي .

واصلا ً مافي انسان يستغل وقته كامل ! لازم فيه اشياء اتخرّب , فاااا الـ 12 ساعه احسن من لاشي مثل الحين , وقتنا كامل للماسنجر والانترنت وهاي غلط , المفروض انمارس الرياضه , نقرى قرآن , انصلي , ندرس , انسولف , نطلع , ناكل , نرقد الخ الخ فاليوم الواحد .

هدفنا كلنا هو الجنة ورؤية وجه ربنا , ليش انضيّع وقتنا بتفاهات لا اساس لها !؟

يكفي !

مصيرنا كلنا القبر , ماينفع وقتها لاشهاده ولامنصب , لانسب ولا فلوس لقول الله ( كل نفس ذائقة الموت )

ختاما ً أذكّر بأهم مافي الموضوع :-

- تنظيم وقتكم باللي تقدرون علية
- استغلاله في أحسن وافضل الاشياء
- البعد عن الكمبيوتر قدر المستطاع لأنه مؤذي
- التركيز على هواياتكم

واتمنّى تسوون جدول لهالشي , راح يفيدكم وايد كبداية وبعدها بفتره بسيطه بتحفظونه عن ظهر قلب مثل مايقولون .

واتمنى بعد تنقلون الموضوع أو حتى تزيدون كلام من عندكم المهم ابي اشوف الناس تستغل وقتها في الزين مب في الشين .

واتمنى انكم استفدتوا في المقام الاول والاخير .

تحياتي .

مشكووووور أخي في الله
على هذه التنظيمات
للوقت وأشكرك كمان على
اهتمامك بالوقت
((فالوقت كأسيف أن لم تقطعه قطعك))

اشكرك اخي الكريم على اللفته الطيبه والتنبيه على الهمية الةقت

الكثير من الارشادات والتوجيهات الاسلامية
تحض على ادارة الوقت بشكل كبير
وهذا يجعلنا نفكر وننظم اوقاتنا كعبادة لله
الذي خلقنا في عمر محدد ومكتوب

{وَلِكُلِّ أُمَّةٍ أَجَلٌ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ} (34) سورة الأعراف

وجعل لنا اعمارنا تشكل اياما في هذه الحياة
وكلما ذهب يوم ذهب جزء من العمر.

اشكرك على الموضوع المميز .
اللهم اجعلنا ممن يسمعون القول فيتبعون احسنه .

السلام عليكم

أشكرك أخي على الموضوع

الوقت سلاح ذو حدين ..

فهو مفيد اذا استغللناه جيدا .. وفي اشياء مفيدة

ومضر إذا أضعناه وفرطنا فيه ...

وكل انسان سيأل عن عمره في ما افناه

فعلى الانسان أن يحسن استغلال أوقاته

حتى يفوز في الدنيا والآخرة

تحياتي لشخصك الكريم

جزاكم الله خير للي ردوا , حطيت في المرفقات جدولي اليومي الخاص وبديت اطبقه من فتره قصيره وبصراحه ارتحت نفسيا ً ومعنويا ً .

لاحظوا ان فيه 60% اذكار - صلاة - تلاوة قرآن .

اتمنى تستفيدون من الجدول لتصميم جداولكم الخاصه , بالتوفيق لكم ^^

واتمنى بعد اللي يصمم جدول خاص فيه ويجربه يقول لنا عن تجربته الشخصيه .

جزاك اللة خير....Jokeria