طريقة عمل تقرير انمي ناجح
بسم الله الرحمن الرحيم
السلام عليكم ورحمة الله وبركاته
اخبارك شبااب؟؟؟
تمام؟؟؟
الله من زماااان ما دخلت منتدى ميجا تون
بس انا دخلت وقررت اكتب هالموضوع
اليوم قلت احط موضوع مهم...عن كيفية عمل تقرير كامل(انا سويته بدون نقل بس بمساعدة بنت عمي:rolleyes: )
وعن اهم الاركان اللي تخلي التقرير مفيد جدا .
لازم يكون التقرير مرتب ومنظم لان كذا أسهل من انك تحط المعلومات يمين ويسار..طبعا كل واحد له طريقة في الترتيب تختلف عن غيره..ونا بعلمكم ترتيبي..ممكن يستفيد البعض ويحط لمساته الخاصة .
اولا
حط مقدمة تكون حوالي سطرين او ثلاثة من كلماتك الخاصة عن الانمي..يعني مثلا كيف عرفت هذا الانمي..وايش اللي جذبك له..ولا تنس تحط صورة توضح اهم ابطال الانمي في البداية .
ثانيا
معلومات عامة مثل:
اسم الانمي بالعربي
اسمه بالانجليزي
اسمه بالياباني "ان كان موجود"
اسم المؤلف
نوع الانمي(كوميدي او اكشن او رعب...الخ)
عدد الحلقات
سنة انتاج الانمي وشركة الانتاج
ممكن البعض يسال كيف اعرف كل هذي المعلومات..وهذا شيء بسيط .
اذا مثلا ما تعرف الا الاسم العربي للانمي..اسال اي احد يعرف عنه او حاول انك تطلع لك اسمه بالانجليزي ومنه تروح الى Google.com وتدور عن المعلومات .
ثالثا
القصة:
"تعطي القصة بشكل بسيط وسهل..بس لا تعطي معلومات كثيرة وتخرب على الكل المشاهدة..احسن طريقة هي رواية اللي يصير في الحلقة الاولى من الانمي بس..لان في العادة الحلقة الاولى تجيب اهم الاحداث" .
رابعا
الشخصيات "المهمة بس"
حاول ترتبهم بحيث ان يصير الابطال اولا والاشرار ثانيا..(واذا كان لازم تحط شخصيات اضافية بس مو كثير)
ولا تنس تحط صورة تحت الاسم(او فوقه) وتذكر مميزاته الجسدية و النفسية
واهم شي موقعه في القصة.."عادة اربع سطور تكفي وان كانت معلوماته قليلة فحط اقل من 4 سطور" .
خامسا
صور عامة
"حاول تلقى صور جميلة"
وطريقة الحصول على الصور..بس روح لـGoogle.com وحط اسم الانمي او اسماء الشخصيات بالانجليزي وراح تلقى صور كثير وكل اللي عليك اتك تختار بينها ما تكلمت عنه اعلاه هي اهم الاركان..بس ما في مانع من انك تخلي التقرير اجمل عن طريق البحث في المواقع.
اغاني
عشان تلقى اغاني الانمي. ابحث عن Themes
لما تكون اغنية البداية للانمي يكون اسمها Opening theme
لما تكون اغنية النهاية للانمي يكون اسمها Ending theme
اذا لقيت اغاني مختلفة غير اللي قلت عنهم فوق حط لنكاتهم مع اسماء الاغاني .
مقاطع فيديو
"اذا كنت تعرف مواقع تجيب بعض المقاطع او الحلقات الكاملة حطها في التقرير" .
العاب كمبيوتر
"معظم الانمي يحولوه لالعاب..فاذا كانت عندك معلومات عن اللعبة.. أحسن انك تحطها" .
واخيرا
شفتو ان كل شي بسيط بس شوية مجهود بسيط وبتستانس باللي سويته
ها شرايك مو عمل تقرير بنفسكم احسن واجمل من النقل.:)
وانتظر ردودكم
