من بدايه شهر رمضان الكريم إلى اليوم 16 رمضان ماتابعت ولا مسلسل خليجي او عربي غير برنا

هلا فيكم
من بدايه شهر رمضان الكريم إلى اليوم 16 رمضان ماتابعت ولا مسلسل خليجي او عربي غير برنامج قرقيعان داوود حسين

ليش ؟

وشمعنى قرقيعان الي تابعته من بين كل البرامج والمسلسلات!

الحقيقه كل يوم اشوف حلقه جديده من هالبرنامج واصاب بذهول من السخافه والبياخه الي بهالبرنامج

وكل يوم اراهن نفسي على ان داوود حسين ماعنده سخافه اكثر من الي قدمها بالحلقات السابقه

واتفاجأ ان سخافه كل حلقه جديده تزيد عن سخافه الحلقه الي قبلها

والله ياجماعه فضيحه وعيب هالبرنامج هذا ينسب لتلفزيون دوله الكويت

مع العلم ان وزاره الاعلام الكويتيه صرفت ميزانيه لهذا البرنامج تزيد عن 400 الف دينار كويتي

اي مايعادل اكثر من مليون دولار امريكي

والنتيجه برنامج يسيء للفن الكويتي وللتلفزيون الكويتي ويسيء حتى للشعب الكويتي

اليوم اقول ان وزير الاعلام الكويتي فعلا يجب ان يستجوب في مجلي الامه على دعمه لمثل هذا البرنامج السخيف

لو انهم صارفين ربع هالميزانيه لزكيه زكريا ومنتجين برنامج ابراهيم نصر بإسم تلفزيون الكويت وايد وايد اصرف واحسن


تحياتي

هذا رأيك :rolleyes: ::مغتاظ:: !!

والناس اذواق :لقافة: !!

فيه منهم من تعجبه برامج مثل قرقيعان الي تريحه من قصت ( شفتو حلقة امس وش صار؟ يوووه فاتتني )

لأنها ماهي حلقات متصلة بل منفصلة وهي كوميدية ((احيانا))!!

وعلى العموم شكرا على موضوعك الجديد يا العضوة الجديدة ::جيد:: !!

صح الناس أذواق..ناس عجبهم وناس ما عجبهم

وأنا ما عجبني البرنامج بالمرة..بالنسبة لي..فعلا سخيف

أصلا بطلت أشوف أشياء حق داوود حسين لا مسلسلات ولا مسرحيات..يكرر نفسه وايد لدرجة الاستهلاك..الشي الوحيد اللي عجبني له في رمضان كان فضائيات..كان فعلا حلو..طبعا المخرج كان غير ::جيد:: !!

جان زين حطوا قطعة 13 في وقت قرقيعان

العفو حبايبي و صح الناس كل واحد عنده ذوق و انا موعاجبني داوود حسين لانه برنامج ماله سخيف و اقول اذا بطالعو داوود حسين على قنات mbs انا احسن عندي وقت الفطور اطالع mbs2 انه افلامهم وايد روعه