بمناسبة العودة للمنتدى : Bleach
اوك انا اسف جدا انى بقالى كتير مدخلتش اخر مرة كانت 10 - 09 -2007 :D لوول و اسف برضه انى بختصر فى الكلام و ان الموضوع قصير بس للاسف الوقت هنا متاخر شوية و انا عاوز انام و ورايا امتحانات ( ادعولى )
اوك انا هكلم عن المسلسل دا باختصار و هدى لينك للمانجا بتاعته و الايبيزودز بتوعه كلهم بس الترجمة انجليزى للاسف ( احتمال احط ترجمة بعدين و احتمال لا ع حسب الظروف )
اوك الانيمى دا انا اتفرجت عليه و هو عجبنى جدا و انا م محبى ناروتو و اضمنلكم انه فعلا مثير جدا زى ناروتو بس اول حلقتين يمكن مش اوى معلش نستحملهم بس بعد كدا المسلسل هيولع ( معلش مصرى بقى و حكم العادة ف الكلام )
نبذة سريعة :
ف بداية المسلسل هنقابل كوشيكى روكيا (Kuchiki Rukie ) & ( Kurosaki Ichigo )
القصة كلها بتحكى عن حاجة اسمها Shingami او Death God او بالعربى كدا اله الموت و دا مجرد لقب ماشى مجرد لقب عشان محدش يفهم حاجة غلط لما تتقدم الاحداث قدام هتعرف ان معناها مش اله موت زى الترجمة الحرفية لا هيا معناها حاجة تانية
القصة بدور عن الشنيجامى ( اله الموت ) و الهالو ( Hollow ) و البشر الستورى لاين بيكلم عن ان البشر لما بيموتوا بيتحولوا لارواح لو الشنيجامى دا ملحقهمش و بعتهم لحتة اسمها (Soul Society ) الترجمة الحرفية مجتمع الارواح فالروح دى ممكنت تتحول لهالو و الهالو دا بيبقى شرير و ياكل ارواح تانية و يكبر و يقوى و كدا و كل روح بيبقى ليها قوى روحية كل ما القوة تزيد الهالو بيحس ان الروح طعمها لذيذ و يدور عليها عشان ياكلها و يقوى بسرعة شوية , لو ف هالو برضه دا واجب الشينيجامى انه يدمره و هو لما بيدمر بيرجع لارواح عادية جدا بتروح لسول سوسيتى
حلو الكلام
عمك و عمى و عم الناس كلها محبى بليتش كورساكى اتشيجوا دخله ايه ف الدنيا دى و هو مجرد انسان عادى
بص يا سيدى الواد دا الغريب فيه انه بيقدر يشوف الارواح بتاعت البشر اللى ماتوا خلاص و دى حاجة مش بتحصل الا للبشر اللى روحهم قوية او عندهم طاقة روحية عالية , فالهالو هييجوا يدوروا عليه و طبعا كوشيكى روكيا هيا الشينيجامى و هتروح عشان تحميه بس الاغرب انه هيقدر يشوفها و دى مستحيل اى بشر عادى يعملها برضه ( طبعا انا مش هوضح تانى اى حاجة عشان محرقش المسلسل و اشوقكم شوية )
حلو الكلام المهم ان و هيا بتحمى اتشيجوا هتتصاب و هو هيتضر انه يتحول لشينيجامى ازاى مش هقلك اتفرج ع اول حلقة دا كله ف اول حلقة ( مش عاجبك :مكر: ولا ايه لوول )
اوك دا حاجة كدا ف السريع و زى ما قلت هو ف الاول ممل شوية لكن هيبدا يتسحن و يبقى مثير جدا تابعوه و يا رب يعجبكم
دا الموقع عشان تقرا المانجا الاول لو النت عندك بطىء و عاوز تتاكد قبل الداونلوود و برضه الحلقات موجودة ع الموقع عشان لو حبيت تعمل داونلود بعدها :
www.Bleachexile.com
