صداقة أم إعجاب...}~

بسم الله الرحمن الرحيم
السلام عليكم و رحمته و بركاته

كيفكم ؟؟

اوكي بدي اليوم افتح نقاش عن مشكلة منتشرة بقوة في المدارس و الجامعات و الكل يعاني منها

و انا مابدي افتح النقاش الا الاني بصراحة عانيت من المشكلة دي من صحبات و معلمات
__________________

و من الأساس فكرة ان بنت تتعلق ببنت دي مشكلة عويصة و لها سنين و ما اتحلت لين دحين

و دا الشي اكيد مايبسط الواحد بالعكس ينكده بزيادة

على فكرة ان كان الموضوع سلبياته اكتر من ايجابياته فاضن انه لازم ينحدف

و انا اعمل اللي عليه يعني ممكن اكون غلطانة و ممكن اكون انا الصح

و اللي يشوف انه يقدر يفيدنا في الموضوع يتفضل معانا في النقاش ^^
__________________

اوكي ندخل في الموضوع على طول

ان بنت تعجب بولد دا الشي من فطرة الإنسان

و ان ولد يعجب ببنت دا كمان من فطرة الإنسان

بس ان بنت تعجب ببنت لدرجة العشق و الهيام دي جديدة

ممكن البعض يقول مو معقولة يحصل كدة

و البعض كمان ممكن يقول عادي ماوصل لحد الشذوذ

و البعض يقول عادي صداقة بس

لا حبيبي معقولة و الف معقولة لو ما كنت مصدق نعطيك بعض الأمثلة

و انتوا التانيين خليكم سامعين لين ما نخلص بعدين قولوا رايكم

*رجال يطلق زوجته بعد مايعرف انها هيمانة بوحدة تانية غيره و ان ماله مكان في قلبها

*بنت تنحت في يدها على شكل حرف معجبتها اما بالنار او بالمقص او اي طريقة تانية

*بنت تسجل صوت معجبتها على كاسيت عشان لمن تشتقلها او تبغى شي يخفف عنها تشغله

*بنت تبيع اغلى صحباتها و تذل نفسها عشان خاطر معجبتها و المشكلة تكون عارفة انها ماتحبها ><

*بنت تضيع مستقبلها و ترسب نفسها عشان تبقى مع معجبتها

*بنت تسرق من جيب ابوها فلوس عشان تشتري لمعجبتها هدية

*بنت تغير هويتها و كيانها انها بنت و تتحول لولد و زي مايسموهم البويات

*بنت تضارب مع بنت تانية عشان وحدة معجبين بيها و هية حق مين
لحد ان المضاربة توصل لشد الشعور و تشقيق الملابس و خروج الدم من الراس

و غير دا الكلام كتير

خلاص صدقت ان معقولة

دحين تجي على راسك علامة استفهام كبيرة

ايش الأسباب اللي تخلي الوحدة زي كدة يعني معقولة بس عشانها فترة مراهقة ؟؟

طيب اللي حوليني ليش مهم كدة ؟؟

انت اللي حولينك مشالله كويسين عشان كدة ماتشوف دي الأشكال

اما الأسباب انا اقلك الأسباب من وجهة نضري

*الإيمان عندها زيرو

*عندها فراغ عاطفي

*الصحبات الخربانين

*الشخصية الضعيفة و الآمال المحطمه

*مافي قدوة كويسة او القدوة بنفسها خربانة ابو كلب

*الترف الزايد بدون ضوابط

دحين تجي على بالك علامة استفهام تانية بس اصغر من الأولى

طيب ايش العقاب اللي ربنا ح يعاقب بيه الي يعمل زي كدة ؟؟

و ايش الاضرار الي تكون من نفس الإعجاب؟؟

*تكون في جهل

*ربنا يحرمها من الرزق

*ضيق في قلبها ممكن تكون ماتعرف السبب

*دايما حزينة و مال امها داعي للحياة

*حياتها تكون صعبة و مليانة مشاكل

*يقل العمر بسبب قلة البركة

*ضياع الوقت في شي مال ابوه داعي

*كره و بعد الناس عنها

و غيرها كتير

و كمان علامة استفهام صغيرة شوي
طيب كيف تتواصل مع معجبتها ؟؟

انا اقلك

اول وسيلة و الي هية الرائجة

الرســــــــائل الغراميه

الوساطة والمـــــــــلاحقة <<<<<<<اخس اسلوب تحس انك مرة مو مرتاح

مكالمات التلفون الي ممكن توصل للاربع ساعات او اكتر و قد حصلت

الملامسات الجسديه والصور التذكاريه

دحين مافي علامة استفهام دحين في علامة تعجب على راسك

يعني مافي حل لين دحين!

الا في انا اقلك الحل

اول شي و اهم شي اللي هو

*تقوي صلتها بربها

*و تغير الصحبات الخربانين

*تغير القدوة إلى قوة حسنة
و اول قدوة لازم نتبعها النبي عليه الصلاة و السلام
الخوف من سوء الخاتمة

*التوبة

و لازم على كل الأهالي يتقربوا من بناتهم خاصة الأمهات

يعني لاتقولي دي بنتي مالها أي فايدة انصحها ولا كاني اعمل شي
كاني باكلم الجدار او قربة مخروقة

كدة انتي اللي تكوني الغلطانة وقتها

انتي لا تنصحيها لانها اكيد ماراح تقبل النصيحة انتي كل اللي عليك تتقربي منها

و تكوني زي صحبتها بعدين وقتها يحلها الف حلال

و مو اول ماتسمعي شي على نياتك تقومي تنشريه بدون ماتحسي

خلي بنتك تحس انك بيرها اللي مستحيل احد يعرف ايش الي فيه

و ادا ماقدرتي في بديل

اخوها او اختها بس طبعا مو زي لمن تكون الأم بنفسها

دحين الي تقول مو معقولة خلاص فهم و عرفت

نجي للإتنين اللي يقولوا عادي و صداقة

ها كل دا و كمان عادي و صداقة انشالله تكونوا غيرتوا رايكم
__________________

انا ما اقول ان خليك منكبته على نفسك ولا تعجبي بشي من احد

لا اللي اقوله ممكن يعني الوحدة تعجب

بس مو تعملي هيلامان و تنشير دا الشي

مثلا عجبتك طريقة كلام وحدة من البنات او شكلها

مو تروحي و تقوليلها انا معجبتك

و توهمي نفسهك و تذليها عشان دا السبب

عجبتك وحدة ماله داعي تقولي لفلانة و علانة و زعطانة

خلي دا الشي في قلبك و امشي في حياتك تمام

لان اللي خلقها اكيد خلق في احلى منها

فلا توهمي نفسك على شي فاضيمهو حقيقي
__________________

و بكدة انا انتهيت من موضوعي

اتمنى تكونوا اخدتوا فكرة شاملة عن راي في الموضوع

و انا حابة اتناقش معاكم فيه يعني ايش الأسباب و الحلول برايكم ؟؟
__________________

*الموضوع بمجهودي الشخصي بليز لحد ينقله و الي يبغى ينقله يكلمني بليز

على فكرة انا كتبت دا الموضوع في منتدى تاني^_^
__________________

تحياتي :
Safi Naz

صراحةً انا خااف من ذي الظاهر بشكل ماتتصورونه :(

وبعد اليوم انا في مدرسه غير واشوف البنات احضان بشكل غريب وربي حسيت بقرف وخفت منهم

ايه انتِ مشتاقة لصحبتك من زمان ماشفتيها ايه احضنيها سلمي عليها بس مو كيذا !! ::مغتاظ::

من جد ابسط شيء يقال عنهم شاذات !!

هي لو كانت بس من البنات تقولين صغيره ماتفهم محد وعـآإها

لا المشكلة ابـلآآت ::مغتاظ:: معلمات ،، مربيات اجيـآإل ...

صراحة اليوم شفت منآظر يعني ما ابالغ انا بس سخاافه يعني لازم يكون في حدود ...

مانقول الا الله المستعان والله يهدي بنات المسلمين ^_^

و عليكم السلام ..

أعوذ بالله ، الله لا يبلينا بوحده جذي :p


طبعاً مثل ما تفضلتِ لو وصل الحب بين البنتين لدرجة مبالغ فيها
و تبدأ بالاعجاب بفتاة من مثل جنسها فأعتقد أنه هذا يسمى شذوذ

و السبب في الاغلب الفراغ العاطفي و المبالغة الكبيرة جداً في الصداقة
و أكيد البعد عن تعاليم الدين .


و الله يحفظكم و شكراً أختي على الموضوع التحذيري ::جيد::

السلام عليكم..

كييييييف الحال؟؟
ان شاء الله بخير...
يسلمو خيتو على فتحك موضوع رائع للنقاش..
بصراحه انا واحده من اللواتي تتكلمين عنهم :D
لكن وللاسف كل صديقه كنت احبها هكذا تركتها وسافرت :بكاء:
وعندما صادقت جديدات لم اتعلق بهن كثيرا حتى لا احزن لفراقهن :بكاء:

لكن لا اضن ان هناك حل لهذه المشكله :rolleyes:
احيانا لا اسميها ( حب)
لان الصداقه هي امتن واقوى.... ولا ننسى انها تتحمل اي مشكله ::جيد::
لن ازيد على الكلام غير ب ( الله يعافي الي هيك حالهم :D )

شكرا جزيلا لك على الموضوع الجميل
سلاموووووووووووووووز :cool:

..


واللهي شوفي ياصافيناز ..

هي المشكله منتشرهـ كثير ,,

لكن البنات اللي كذا تحتاج احد يساعدها .. <--- بتبداء تتفلسف .. :D

يعني انا لما كنت في ثالث ثانوي ..


كانت في وحده معجبه فيني لحد الجنون .. لدرجه انها تكلمني ع الجوال كم مره في اليوم ..

وبعدما تسكر ترسل لي مسجات ..

واذا سلمت عليها في المدرسه تتلعثم وتستحي .. :confused:


حسستني اني خطيبها .. مو بنت تعرفها !


بالبدايه عادي .. خليتها على راحتها ..

لكن بعدين ..


بينت لها ان اللي بيننا ,, شي عادي .. صداقهـ .. وبس ..

وماكنت اعاملها كـ معجبهـ .. ابدا ..

حاولت اشيل فكرهـ انها معجبه من راسها .. :rolleyes:


وبديت اساعدها ,, على نفسها ,,

كيف تعيش حياتها .. كيف تحب نفسها ..

والحين .. اللي يشوفنا يقول صاحبات لا اكثر ولا اقل ..



اسهل حل للمعجبهـ انك تصيرين صديقتها .. او زميله لها .. بس بحدود .. وانتبهي تجلسين انتي واياها لحالكم .. :D

لانها ساعتها .. :ميت:


<--- احسن لي اسكت .. :D


..


بس الشي هذا ما ينطبق على كل البنات .. لان في اغلبهم .. فضيعات ..

وانا اقصد هنا البويات .. يبغا لها وحده قويه .. تمسكها .. وتعقلها ..

.. بس الحمد الله ماجالي هذا النوع الي الان .. :D




واللهي موضوعك خطنطير يا ,, فتاة ..

عطينا من المواقف اللي صارت معاك .. :rolleyes:

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآخ أخيراااااااااااااااااااااااااااااااااااااااااااااا اااا من زمان وأنا أنتظر أحد يكتب عن هذا الموضوع :بكاء:
إيهئ إيهئ:بكاء::بكاء:<<<<<<<<دموع الفرحة..

والله إنتي كذا::جيد:: وكلامك صحيح مليون في المية..أنا كرهت المدرسة بسبب هذا الشي......بنات معجبات<<<<<<<<<<<لا تعليق:confused: معجبات اش يا جماعة خلوني أدرس اش إعجاب ما إعجاب أنا بنت زيكم!:mad:

أنا أمقت البنات إلي كذا<<<<مع إحترامي...شي غير مقبول دينيا واجتماعيا..:mad:

لا تعليييييييييييييييييييق عالبنات هذولي:confused:

مسوين قصص حب وغرام وكلام فاضي<<<<لا تعليييييييييييييييييييييييييييييييييييييييق...استغ فر الله العظيم الله يهديهم هالبنات إلي كذا...:(

تسلمي عالموضوع والله ارتحت نفسيا شوية :بكاء:

لا تعليق..:ميت:

كلنا انعاااااااااني من هذي الظاهره المب زيييييينه



وربك يعينا عليها

الله يهدي البنااااااات بس


امييييييييييييين

ليست موجوده عند البنات فحسب .. حتى عند التيوس .. اقصد الرجال .. تجد منهم مايسمى بولد الهوى ..
والاسباب تشبه الى حد كبير أسباب الحب والعلاقات المحرمه بين الجنسين من قلة الوازع الديني وهو ابرزها الىغير ذلك من الاسباب

السلام عليكم

تكلمنا كثيراً و كثيراً و كثيراً في هذا الأمر دون أي جدوى...!

هم لا يعرفون أن ما يفعلونه حرااااام ، لا يعرفون أنه يقود إلى أشياء أخرى...

المشكلة مشكلة جهل و براءة...

بنات الثانوي يلعبوا على بنات المتوسط>>>كده عندنا...

الله يهدي الجميع...

شكراً...