مشكلة عئدت حياتي ><"

بســم اللهـ الرحمنـ الرحيـمـ ,,
السلآم عليكمـ ورحمهـ اللهـ وبركآآتـه ..

بداية كل سنة والعالم الإسلامي والعربي ان شاالله بألف خير بمناسبة شهر رمضان الكريم ..
وينعاد علينا وعليكون سنين وأعوام كتيرة ..

أمــا عن الموضوع ..

عندي مشكلة من شي اسبوع:محبط:

يوم الأحد بدأ الدوام عنا ( المدارس) ومن الأساس أبل الدوام نحنا بالصيف غيرنا بيتنا وصارت مدرستي الأديمة بعيدة كتير علينا
وظروف شغل بابا ما بتسمحلو يوصلني سواء المدرسة حدنا ولا بعيدة .. طبعا ماما بتسوء الحمد لله وهي بتوصلني بس المشكلة ما أدرت موقفي إني صعب اتعرف على حدا جديد ( كانت هي وبابا بدون ينئلوني على مدرسة جديدة ::مغتاظ:: ) وانا بمدرستي كنت فيا من شي 10 سنين يعني من زمااان وانا متعودة عليها و بعرف كل اللي فيا وانا كتير صعب اني اندمج بسرعة مع الناس واتعرف وكون صداقات بالمرة ما عندي جرأة كبيرة ولأني مو متعودة غير من مدرسة لمدرسة ..
وحاولت كتير اني اقنع فيون بس بدون أي فايدة و بابا بيحكي إنو هي خطوة منيحة بلكي بصير جريئة أكتر مع أنو ما رح يصير هاد الشي ::مغتاظ:: ..
و بعد هيك بابا قررينئلني على مدرسة حد بيتنا والمصيبة فيا بنت رفيئو :نوم: ..
وهو مصّر إني اتسجل مع هالبنت .. المهم انا كنت ماكلة مئلب وصدمة لأني رح غير المدرسة و مو عبالي اتعرف على حدا إجباري ><"
وبعد خنائات كتيرة راحت ماما تتعرف على هالعيلة وأخدتني معا
دخلت البنوتة وأعدت حدي وبدأت الأسئلة ><" كأول لقاء ما خلت شي وما سألتو وانا ما بحب هيك بتلبك المهم مو هون المشكلة
بس بيني وبين البنت فرء كبييييييير كتير بكل شي حتى اني ما حسيت في شي بيجمعنا بنوب
لا اسلوب حياه ولا مستوى ما شاالله عليها نسبتا 100 % :eek:
وانا بالعافية بجيب 94 % >< وأنا لما بوئف حدا بطلع كأني بنتا :بكاء:
انا حكيت يمكن مع الوئت نتفاهم ومشان ما يزعل بابا مني كتير
طبعاً هاد ولسى ما داومت
إجا اليوم اللي تمنيت ما يجي و رحت على المدرسة الجديدة متل الطرشة بالزفة ما بعرف حدا وهي كبيرة وضعت وصارت البلاوي
المهم شفت البنت هي وجبرت حالي امشي معا يوم يومين وما عاد فيي اتحمل .. يعني هي عندا حركات يمين وشمال و وضعا ما بناسبني أبدا حتى اني ما بعرف كيف بدي احكي معا وكل ما بحاول اني إتجرأ وافتح موضوع بتئلي مو عاجبني هاد الموضوع وسكريه ومدري شو ولما حاولت إشرحلا انو في اختلاف بينا يمكن نتعود على بعض بعدين عصبت وفكرتني عم بتكبر عليها وانا والله مو أصدي احكي عنا نحنا برمضان بس كرهتني عمري بكفي اني تركت كل رفئاتي وانتئلت .. وبابا عطول بيسألني لو مشيت معا ولا لأ و بدو ما إتركا :(
يعني انا عمري ما شفت حدا بيجبور التاني على صديق

عنجد لو ضليت انا على هالحال يمكن ارسوب لأنو بالمرة ما إلي نفس اجي على المدرسة ..

انا حاولت اشرح للبنت وهي متنحة :mad: استغفر الله يعني هي بس بدا تحكي وانا لازم ضل عم بسمع حضرتنا وازا حكيت لازم اخود بهدلة منا .. مدري كيف كأني لعبة عندا
واهلي النقاش معون ما بينفع ><

والله اني كرهت هالسنة من أولا !

بتمنى تساعدوني واسمع رأيكون و انو شو بيطلع بئيدي اعمل :محبط:

واعزروني كتير على الإزعاج ..

تحياتي ~

أختي الصداقة مو بالسن ولا الحجم بالقلب والعقل

اذا انت ما دخلت قلبك يعني حاولي ما تجرحيها

حاولي تكون لديك شخصية مرحة لأني فهمت انو ماعندك شخصية مرحة بنووووووب
ماتفتحي أي موضوع معاها لا تتكلمو في مواضيع :اتكلمو في الألغاز في أشياء تافهة بضحك العبي معاها بلكلام
ماعرف شو بس حسسيها انها صديقة
حتى اذا كانت مو على قلبك بس

اذا شفتي أخلاقها منحطة لا تحاولي تتقربي منها كثير
ويكون في علمك انك انت لي بتحسني الوضع وانت لي بتكركبيه إن شاء الله تقدري تحسنيه
حاولي تحسني الوضع لأنو القضية بين يديك حاولي تحسني شخصيتك اذا انت تشوفي انو الخلل فيك
وان شاء الله أكون ساعدتك
لما أجد حل أبسط وأحسن رح أعطيهولك

إقتباس:

---

أختي الصداقة مو بالسن ولا الحجم بالقلب والعقل

---

أنا معك مية بالمية هي بنفس عمري على فكرة بس ما اتفئنا بنوب

إقتباس:

---

اذا انت ما دخلت قلبك يعني حاولي ما تجرحيها

حاولي تكون لديك شخصية مرحة لأني فهمت انو ماعندك شخصية مرحة بنووووووب

---

ليكي أمورة انا ما بعتئد اني جرحت مشاعرا بشي لو عملت كنت اعتزرت منا دغري وعلى فكرة هي ما بتسمعني حتى احكي بشي موضوع يجرحا وعطول بتخليني اسكوت
وبعدين من وين بدو يجيني المرح وانا بقمة التعاسة ><" عنجد مخنوئة بشكل :(

إقتباس:

---

ماتفتحي أي موضوع معاها لا تتكلمو في مواضيع :اتكلمو في الألغاز في أشياء تافهة بضحك العبي معاها بلكلام
ماعرف شو بس حسسيها انها صديقة
حتى اذا كانت مو على قلبك بس
اذا شفتي أخلاقها منحطة لا تحاولي تتقربي منها كثير
ويكون في علمك انك انت لي بتحسني الوضع وانت لي بتكركبيه إن شاء الله تقدري تحسنيه
حاولي تحسني الوضع لأنو القضية بين يديك حاولي تحسني شخصيتك اذا انت تشوفي انو الخلل فيك
وان شاء الله أكون ساعدتك
لما أجد حل أبسط وأحسن رح أعطيهولك

---

البنت عندا حركات يمين وشمال يمكن هي ما فهمتيا .. ما بعرف كيف بدي اشرح .. نمط حياتا فري زيادة عن اللزوم مع انو أهلا ملتزمين كتير يعني نحنا مدرستنا مختلطة وهي متحجبة لما بتدخول المدرسة عادي عندا لو شالت الحجاب ولما بيجوا اهلا بتلبسو ><
المصيبة انو عنجد أهلا ملتزمين ياربي انا مو أصدي اني احكي عنا بس فيا اشياء انا ما بحبا تكون برفيئتي ..
و بعدين الشغلة أخد وعطا لازم افهما وتفهمني احكي وتحكي وانا مجرد انو هي بتمشي معي حتى تحكي وسليا عم إلك متل اللعبة
ما فيني ئول انو اللي بينا صداقة انو الصداقة مو هيك

وانا بشكرك امووورة على تواجدك بكفي انك سمعتيني ..
وعنجد شكرا كتير لإلك ..
يعطيكِ العافية ..

تحياتي ~

بمعنى في هذه المدرسة ماعندك أصدقاء بنوب
؟؟؟؟؟؟؟؟؟؟؟؟

الله يكون في عونك
تعرفي على ناس او صديقات أخريات
المهم الله يكون في عونك على حل المشكلة
بصراحة "معقدة بعض الشيئ"؟المشكلة؟

لأ ما عندي بما إنو انتئلت جديد ><"

تسلمي حبيبتوووو ويكون بعون الكل يارب ..

يعطيكِ العافية عملتي اللي عليكِ وأكتر كمان ..

وشكرا كتير لإلك .. عزرينا لو اخدت من وئتك ..

تحياتي ~

بسم الله الرحمن الرحيم ......

أختي والله إنك بتعرفي ولا لأ أني بحبك بدون ما بعرفك ..

وزعلت كتيير على الموقف الصعب اللي أنت فيه .........

بس برأيي لازم يا حياتي تقنعي أهلك وتقولي لهم بأي طريقة .........

هيدا الحل الوحيد ........

والله يكون في عونك يا حبيبتي .......

وكل عام وانت بخير ......

إقتباس:

---

أختي والله إنك بتعرفي ولا لأ أني بحبك بدون ما بعرفك ..

---

يا حبيبة ألوبي انتِ.. ولك حبتك مكة ئولي آمين :) وكلو من زوئك يا أمورة

إقتباس:

---

وزعلت كتيير على الموقف الصعب اللي أنت فيه .........

---

ايه والله انو صعب بس يلا بعين الله والله اني احترت شو اعمل بحالي

إقتباس:

---

بس برأيي لازم يا حياتي تقنعي أهلك وتقولي لهم بأي طريقة .........
هيدا الحل الوحيد ........

---

ما هو هيك بدي ضل فوء راسون حتى يحسوا .. ئولي إصة المدرسة مع الوئت بتنهضم بس اني كيف بدي اشرح موقفي للبنت ولأهلي انو ما فيني ابدا استمر معا ><"

إقتباس:

---

والله يكون في عونك يا حبيبتي .......
وكل عام وانت بخير ......

---

تسلمي يارب وعنجد بكفّي مرورك الحلو
وإنتِ بألف خير وصحة وسلامة يارب ..
يعطيكِ ألف عافية حياتوووو على المرور والرد العسل متلك ..

تحياتي ~

اختي يومي

إصتك بتشبه الأنمي الى حد كبير
أنمي كوميدي كمان
لكنها مش معئدة كتير

بدك نصيحتي

اولا البنت العملاقة صحبيتك فكك منا
انا عندي واحد صاحبي كان زي هيك بيرسل و ما بستأبل حلأتلو عالناشف
وازا ابوكي عصب اقنعيه انو البنت داشرة و بدا تمحي شخصيتك و كلمتك وانا متأكد انو ماراح يهون عليه فيكي

اما التكيف مع المدرسة فهاد سهل وانا جربتو اكتر من عشر مرات ههه
كل سنتين بصف

انتي شوفيلك بنت بصفك توالفي معا و احسن شي تكون اللي آعدة جنبك أو وحدة وحدانية زيك شوفي إزانها آدمية حاولي تأربي منا اكتر و تسيري صاحبتا
هاد اهم شي انك تكسري حاجز الوحدة بعدين شوي عشوي بتلائي الصف كلو صارو صحابك وانتي باين عليكي مؤدبة و حبابي وانا متأكد كل الناس رح يحبوكي عطول زي المدرسة الأديمة واكتر
‏
الله يوفئك

و عليكم السلام ..


الحل : حاولي أن تكوني إجتماعية لكي تنجحي في كل مكان
انا شخصياً كنت أستحي من الناس لكن الآن أنا إجتماعي
و حياتي صارت أفضل ، يعني بالخليجي : اطيح الميانة مع أي واحد :p
فما يهمني الاشخاص الي حولي ، لأني اقدر أتأقلم معاهم :)

أو ، أنك تقنعي والديك ، تقولين لهم أن مستواكِ الدراسي راح يتدنى
إذا إستمريتي و بجذي تقنعينهم .

ــــ

بالنسبة لصاحبتك فبصراحة ماعرف ، يعني حاولي تكلمينها بأي
طريقة حاولي توصلين لها بأي طريقة .

إقتباس:

---

اختي يومي

إصتك بتشبه الأنمي الى حد كبير
أنمي كوميدي كمان
لكنها مش معئدة كتير

---

هههههه عم تتمسخر مبين انك شمتان فيني .. بس بدون مزح والله بتصير فيلم هندي ><" بلاوي البنات كتيرة

إقتباس:

---

بدك نصيحتي

اولا البنت العملاقة صحبيتك فكك منا
انا عندي واحد صاحبي كان زي هيك بيرسل و ما بستأبل حلأتلو عالناشف
وازا ابوكي عصب اقنعيه انو البنت داشرة و بدا تمحي شخصيتك و كلمتك وانا متأكد انو ماراح يهون عليه فيكي

---

ليك يمكن انت سهل عليك انك بسهولة على ئولتك انفك منّا بس بالنسبة إلي والله ما عم بئدر لكل كلمة بدي احسوب مية حساب وبالزات انو هي ما بتتئبل مني أي موضوع .. وانا طئيت من هالوضع .. انا مترددة احكي للبابا عنا يمكن لأنو علائتو بأبوا " متل السمنة على العسل " انو كتير بيحترمو و متل ما حكيت العيلة منيحة كتير عم حس انو يمكن يفكرني عم بتهرب ::مغتاظ::بس انا رح غامر واحكيلو شكلو باللآخر رح يطلعلي ئرون .. مع انو اهلي مو خرج النقاش بنوب ><"

إقتباس:

---

اما التكيف مع المدرسة فهاد سهل وانا جربتو اكتر من عشر مرات ههه
كل سنتين بصف

---

الله يعينك منيح بعدك عايش ( مو تفكر عم فاول عليك طولة العمر إلك ) بس شي بعئد الواحد ما بيلحئ يتأقلم حتى ينتئل

إقتباس:

---

انتي شوفيلك بنت بصفك توالفي معا و احسن شي تكون اللي آعدة جنبك أو وحدة وحدانية زيك شوفي إزانها آدمية حاولي تأربي منا اكتر و تسيري صاحبتا
هاد اهم شي انك تكسري حاجز الوحدة بعدين شوي عشوي بتلائي الصف كلو صارو صحابك وانتي باين عليكي مؤدبة و حبابي وانا متأكد كل الناس رح يحبوكي عطول زي المدرسة الأديمة واكتر
‏
الله يوفئك

---

اللي آعدة حدي الأمورة هي :p ملزئة استغفر الله ><"
انا من كتر ما كنت ملبكة ما صحلي فكر اني اتعرف على شي بنوتة تانية .. كان كل تفكيري كيف بدي اتعود عليها وعلى تصرفاتا وكيف بدي اقنع بابا .. بس ان شالله مع الوئت بحاول اني اتأرب من شي وحدة مع اني خايفة وحاسة اني رح إبئى على نفس الوضع :محبط: ..
وتسلم والله كلك زوووء وشكرا على كلامك الأمور ..

ويسلمووو دياتك لأنك أريت مشكلتي عم حس انو لسى في حدا بسمعني وبيهتم !
يعطيك الف عااافية .. وشكرا كتيركتير لإلك

تحياتي ~

إقتباس:

---

الحل : حاولي أن تكوني إجتماعية لكي تنجحي في كل مكان
انا شخصياً كنت أستحي من الناس لكن الآن أنا إجتماعي
و حياتي صارت أفضل ، يعني بالخليجي : اطيح الميانة مع أي واحد :p
فما يهمني الاشخاص الي حولي ، لأني اقدر أتأقلم معاهم :)

---

مرة وحدة اني كون اجتماعية ما بتخيل بسهولة رح بئدر انتئل كل هالخطوة بس كبداية انا شايفة انو يمكن صرت أجرأ من أبل ..
ولا لأني ما حبيت المدرسة عم خاف واتردد والله ما بعرف نادراً حتى اتعرف على ناس جداد الناس اللي بعرفون ما تغيروا من زمان :p بس يعني إلا ما الواحد يتغير لو بعد سنة سنتين وخصوصا لو دخل الجامعة هون غصب عن عينو بدو يحاول يختلط بعدد كبير من الناس !

إقتباس:

---

أو ، أنك تقنعي والديك ، تقولين لهم أن مستواكِ الدراسي راح يتدنى
إذا إستمريتي و بجذي تقنعينهم .


بالنسبة لصاحبتك فبصراحة ماعرف ، يعني حاولي تكلمينها بأي
طريقة حاولي توصلين لها بأي طريقة

---

يلا منجرب كل الأساليب معون الأكشن والدراما وكلو وان شالله بيمشي الحال يمكن يملو مني ويتئبلو رأيي :مرتبك: ..

وان شالله بحاول اتئرب من بنوتة تانية يمكن هي تحس انو كانت طريئتا معي مو منيحة بنوب واسلوبا مو كتير منيح ..

يعطيك ألف عافية على مداخلتك .. عنجد شكرا كتير ..

ما حدا أصر تسلمولي :)

و الله يوفئكون ويحئئ اللي ببالكون ..

تحياتي ~

قد لا يكون هذا حلا , لكن لقد جربته و أراحني كثيرا ,.

إنتقلت مرة إلى مدرسة أخرى لإنتقال سكني , طبعا المدرسة الجديدة لم تعجبني , فكنت أنتقد كل شيء , عموما , فكرت أن أستغل وقتي في المدرسة , في الحقيقة لأن إستغلال الوقت في الأيام الدراسية يكون في غير الدراسة ,

لذا قررت أن أسهر طول الليل , و أأتي للمدرسة لأنام , حقيقة أحببت تلك المدرسة لذلك السبب , فقد كان المسجد مريح جدا و يساعد على النوم أكثر من بيتنا المزعج ,.

من هنا بدأ حبي لهذه المدرسة يزيد , بل في غضون 4 أشهر بت مشهور في هذه المدرسة ,, .

عموما, هي مسألة وقت , وسوف تعتادين على هذه المدرسة , أما بالنسبة لصديقتك , فأريها أنك سيئه جدا , لتكرهك و تتركك , أنا لم أجبر على صداقة أحد و لكني كنت أمل من بعض الأشخاص أحيانا فأفتعل مشكلة معهم ليتركوني ,.


لا تجربي أي من هذه الحلول , :p , إذا أردت أن تكون ناجحة و ترفعي رأس و الداك ,.

أما إن أردت أن تعيش اليوم بيومه فجربيها ,, فهي ناجحة ومضمونة جدا ::جيد::

~ السـ،ـلام عليكم

كيف حالكـ Choco yumi ؟؟؟ ان شالله بخير

مشكلتك صعبة >< وماراح يفهموها الأولاد بس ان شالله تنحل

بس سؤال هي البنت معك بالفصل ؟؟ اذا كانت لاء احمدي ربك :confused:

وساعتها انتي حاولي تتكلمي مع البنات اللي بفصلك في أوقات الفراغ ولسه السنة في بدايتها

وشوفي اذا في بنت صاحبتها غايبة احكي معها ابدئي بأي شي ولو صباح الخير :مرتبك:

حاولي تتحشري بالبنات وكمان شوفي اللي جنبك أو اي وحدة قريبة منك اذا كانت امورة ومؤدبة دردشي معها :p

وتأكدي مع جرجرت الحكي راح تسألك اذا بدك تمشي معها أو مع صاحبتها كمان وممكن بعد يوم أو يومين حتى مش مشكلة

وساعتها هديك البنت اهربي منها مرة مرتين راح تفهمها من نفسها وما بتكوني قلتي إلها شي
لكن بعدين صيري صبحي عليها >> يعني كلمتين ونص من باب المعرفة

وشي تاني احكي صحباتك اللي قدام واكيد راح يشجعوكي ويحمسوكي >> بكفي يرفعوا من روحك المعنوية ::جيد::

وبالأخير تفائلي شوي

وان شالله بتتعرفي على وحدة طيوبة وبتصيروا صحاب :)

~ يـ،لا سـ،ـلام

و عليكم السلام و رحمة الله و بركاته

كل عام و انت بخير أختي ^_^
كيف حالك ؟!

بصراحة قرأت موضوعك منذ يومين تقريباً لكني وجدتي نفسي أرد الآن فقط .. << احلفي :D:p
فيما يتعلق بما ذكرت فإنه من الطبيعي أن تشعر الفتاة منا بالرهبة عند انتقالها من مرحلة مدرسية إلى أخرى
و قد يزداد الأمر إلى التوتر و القلق حيال الوضع المدرسي خاصة عندما تكون في مدرسة مختلفة عن باقي صديقاتها اللواتي احبتهن ..
مشكلتك هذه طبيعية جداً فهي كثيرا ما واجهت غيرك من علاقات اصدقاء و غيرها ..
كنت سأطلب منك أخذ النصح من والدك لكنك تقولين أن النقاشقج لا ينفع معهما ..
لقد مررت بتجربة مشابهة لك سابقاً فلم تكن الفتاة التي اخترتها تشاطرني الأفكار و لا حتى الأخلاق
صدمت من افعالها بالفعل ! لكني لا اظن ان زميلتك التي تتحدثين عنها ربما وصلت لهذا السوء!
إن لم تكن في صفك فهذا يفتح مجالاً كبيرا لك لتكوين صداقة في نطاق فصلك الدراسي الخاص بك ..
هذه فرصة لا تفوتيها ! .. قد تجدين التواصل صعباً في البداية لكنك مع الأخذ و العطاء ستجدين نفسك
تنجذبين إلى داثرة الصداقة شيئاً فشيئاً .. فهي لن تكون في يوم و ليلة فقط !
أما بالنسبة لصديقتك التي تحدثت عنها فنصيحتي لك أن لا تتعمقي في العلاقة معها كثيراً إن كنت ترين
انها مختلفة عنك .. لكن هذا لا يعني أن لا تحسني معاملتها .. فعلى الأقل سلمي عليها و زوريها في الصف
أو قومي حتى بشراء شوكولا لك و لها من الكافتيريا :D

لا أدري ان كان كلامي كافياً مع اني ارى اني اطلت الثرثرة كثيراً :لقافة:
أي اسئلة او مساعدة فأنا في الخدمة :D

في انتظار ردك ..
إلى اللقاء

إقتباس:

---

قد لا يكون هذا حلا , لكن لقد جربته و أراحني كثيرا ,.

إنتقلت مرة إلى مدرسة أخرى لإنتقال سكني , طبعا المدرسة الجديدة لم تعجبني , فكنت أنتقد كل شيء , عموما , فكرت أن أستغل وقتي في المدرسة , في الحقيقة لأن إستغلال الوقت في الأيام الدراسية يكون في غير الدراسة ,

لذا قررت أن أسهر طول الليل , و أأتي للمدرسة لأنام , حقيقة أحببت تلك المدرسة لذلك السبب , فقد كان المسجد مريح جدا و يساعد على النوم أكثر من بيتنا المزعج ,.

من هنا بدأ حبي لهذه المدرسة يزيد , بل في غضون 4 أشهر بت مشهور في هذه المدرسة ,, .

---

هههههههههههههههههه شو هالتفكير الرائع هاد :D ويلا ومنكم نستفيد
بس تخيل اني روح نام ولي مصيبة .. ما حدا شافك من أبل وانت بعز النوم ؟!
بس عنجد فكرة بتخليك تعشئ تجي للمدرسة :مرتبك:

إقتباس:

---

عموما, هي مسألة وقت , وسوف تعتادين على هذه المدرسة , أما بالنسبة لصديقتك , فأريها أنك سيئه جدا , لتكرهك و تتركك , أنا لم أجبر على صداقة أحد و لكني كنت أمل من بعض الأشخاص أحيانا فأفتعل مشكلة معهم ليتركوني ,.

---

ماشاالله على تفكيرك افحمتني هههه من أولا انا جديدة وعم بتصرف بهبل يعني انت بدك اني كون خبر كان ::سخرية::
بس عنجد انت مرح كتير وتفكيرك خطير ^^

إقتباس:

---

لا تجربي أي من هذه الحلول , :p , إذا أردت أن تكون ناجحة و ترفعي رأس و الداك ,.

أما إن أردت أن تعيش اليوم بيومه فجربيها ,, فهي ناجحة ومضمونة جدا ::جيد::

---

والله ما بعرف ما بتخيل انو فيني نام هههه بخاف ><"
ولا انو اعمل حالي مو منيحة مع اني عم حس انو رح يطلع خلئي عليها وانفجر بالأخير :محبط: مدري انا معئدة ولا شو !

وعنجد يسلمووووو إيديك على هي المداخلة الأمووورة :)

يعطيك ألف عااافية ..

تحياتي ~

إقتباس:

---

~ السـ،ـلام عليكم

---

وعليكم السلام .. اهلين امورة ..

إقتباس:

---

كيف حالكـ Choco yumi ؟؟؟ ان شالله بخير

---

انا منيحة الحمد لله كيفك انتِ حبيبتي :)

إقتباس:

---

مشكلتك صعبة >< وماراح يفهموها الأولاد بس ان شالله تنحل

---

ههههههههه شفتي التعئيد :rolleyes: آمين الله يسمع منك

إقتباس:

---

بس سؤال هي البنت معك بالفصل ؟؟ اذا كانت لاء احمدي ربك :confused:

---

لأ هي بصفي :محبط: راجعي الردود هههه وآعدة حدي كمان :نوم:

إقتباس:

---

وساعتها انتي حاولي تتكلمي مع البنات اللي بفصلك في أوقات الفراغ ولسه السنة في بدايتها

وشوفي اذا في بنت صاحبتها غايبة احكي معها ابدئي بأي شي ولو صباح الخير :مرتبك:

حاولي تتحشري بالبنات وكمان شوفي اللي جنبك أو اي وحدة قريبة منك اذا كانت امورة ومؤدبة دردشي معها :p

وتأكدي مع جرجرت الحكي راح تسألك اذا بدك تمشي معها أو مع صاحبتها كمان وممكن بعد يوم أو يومين حتى مش مشكلة

---

والله انا بخاف كون تئيلة دم أحيانا وكمان أحيانا بفكر انو ما حدا يعبرني واخجل مدري لشو بتلبك وبتجيني أفكار كتيرة :(
بئول لو حدا بدو يحكيني كان بدأ من زمان إلي اسبوع بالمدرسة هي ><"
بس يلا الشغلة بدا همة مستحيل إإدر ضل عطول لوحدي هيك ومع هي البنت .. بما انو هلأ عطلة رح بحاول نفسيا اني إبدأ مع شي وحدة ><
ادعيلي :بكاء:

إقتباس:

---

وساعتها هديك البنت اهربي منها مرة مرتين راح تفهمها من نفسها وما بتكوني قلتي إلها شي
لكن بعدين صيري صبحي عليها >> يعني كلمتين ونص من باب المعرفة

---

صح فكرة حلوة مو ضروري احكي معا بس إن شالله تزوء على حالا وتفهما

إقتباس:

---

وشي تاني احكي صحباتك اللي قدام واكيد راح يشجعوكي ويحمسوكي >> بكفي يرفعوا من روحك المعنوية ::جيد::

---

والله كتير اشتئتلون :محبط: رح بعمل طلة على المدرسة الأديمة بين فترة وفترة متل ما حكتلي وحدة من البنوتات :rolleyes:

إقتباس:

---

وبالأخير تفائلي شوي

وان شالله بتتعرفي على وحدة طيوبة وبتصيروا صحاب :)

---

إن شاالله .. ويسعدك ربي يا أمورة متل ما فرحتيني بردك اللزيز
ولا ننحرم من ردود :)

يعطيكِ ألف عافية ..

تحياتي ~

إقتباس:

---

و عليكم السلام و رحمة الله و بركاته

---

وعليكم السلام ورحمة الله وبركاته

إقتباس:

---

كل عام و انت بخير أختي ^_^
كيف حالك ؟!

---

وإنت بألف خير وسلامة أمورة :)
الحمد لله تمام .. كيفك انتِ ؟!

إقتباس:

---

بصراحة قرأت موضوعك منذ يومين تقريباً لكني وجدتي نفسي أرد الآن فقط .. << احلفي :D:p

---

هههه أهلين فيكِ بأي وئت ..

إقتباس:

---

فيما يتعلق بما ذكرت فإنه من الطبيعي أن تشعر الفتاة منا بالرهبة عند انتقالها من مرحلة مدرسية إلى أخرى
و قد يزداد الأمر إلى التوتر و القلق حيال الوضع المدرسي خاصة عندما تكون في مدرسة مختلفة عن باقي صديقاتها اللواتي احبتهن ..

---

ايه والله اكيد كتير صعبة وخصوصا من بعد ما تعودتي على جو المدرسة الأديمة وضليتي فيا من زمان :محبط: على كل شي بقارن بينون عم حس في اختلاف كبير >< نفسي ما فكر بالفرء بس لا إرادياً .. حتى انو متل الهبلة كل يوم برجع ببكي وبروح بغفى مشان ما فكر بهيك مدرسة.. نفسي ارجع عنجد رغم انو مستحيل

إقتباس:

---

مشكلتك هذه طبيعية جداً فهي كثيرا ما واجهت غيرك من علاقات اصدقاء و غيرها ..
كنت سأطلب منك أخذ النصح من والدك لكنك تقولين أن النقاشقج لا ينفع معهما ..

---

أبدا ما رح بينفع ماما وبابا مقتنعين بالمدرسة وداخلة مزاجون
ومصرين اني ضل فيا حتى اتعود بلكي فيني إتجرأ اكتر ..
حتى انو ازا شافو الشي عاجبون ما بياخدوا رأيي بمحمل الجدية يمكن يسمعولي بس بالآخر كلامون اللي رح يتنفز :نوم:

إقتباس:

---

لقد مررت بتجربة مشابهة لك سابقاً فلم تكن الفتاة التي اخترتها تشاطرني الأفكار و لا حتى الأخلاق
صدمت من افعالها بالفعل ! لكني لا اظن ان زميلتك التي تتحدثين عنها ربما وصلت لهذا السوء!

---

نحنا صح ما منتفئ ولا اسلوبا ونمط حياتا وتفكيرا متلي
وعندا اشيا بشخصيتا مو منيحة بنوب .. بس يعني مو لدرجة كتير كبيرة .. ومع هيك انا ما بحب تكون إلي رفيئة عطول ما منتفاهم صعب كتير .. ورانا سنة طويلة رح نئضيا مشاكل وخنائات

إقتباس:

---

إن لم تكن في صفك فهذا يفتح مجالاً كبيرا لك لتكوين صداقة في نطاق فصلك الدراسي الخاص بك ..
هذه فرصة لا تفوتيها ! .. قد تجدين التواصل صعباً في البداية لكنك مع الأخذ و العطاء ستجدين نفسك
تنجذبين إلى داثرة الصداقة شيئاً فشيئاً .. فهي لن تكون في يوم و ليلة فقط !

---

لأ هي معي بالصف .. بس انا رح اتهرب منا متل ما حكت matilda
اظن هاد الحل الأنسب لانو هي ما بتحب تسمعلي شي
حتى اني كتير بحس انو هي ماشية معي للتسلية مو اكتر ..
سبحان الله صرت اكره اجي على المدرسة مشان ما شوفا رغم انو كرهانة المدرسة من الأساس بس هي زادتا عليي !

إقتباس:

---

أما بالنسبة لصديقتك التي تحدثت عنها فنصيحتي لك أن لا تتعمقي في العلاقة معها كثيراً إن كنت ترين
انها مختلفة عنك .. لكن هذا لا يعني أن لا تحسني معاملتها .. فعلى الأقل سلمي عليها و زوريها في الصف
أو قومي حتى بشراء شوكولا لك و لها من الكافتيريا :D

---

أصلا ما فيني اتعمق ولا شبر حتى :مرتبك: ..
إن شاالله بحاول اني شوي شوي ابتعد عنا .. لحتى تنئطع علائتي معا ووئتا برمي عليها السلام رغم اني مو طايئة شوفا " استغفر الله " بس السلام لله
حلوة هي الشوكولا ههههه لا وحياتك بشتري إلي ولإلك احسن مو هيك :) ..
يا ستي الله يأدم اللي في خير ومنشوف شو بدو يصير ..

إقتباس:

---

لا أدري ان كان كلامي كافياً مع اني ارى اني اطلت الثرثرة كثيراً :لقافة:
أي اسئلة او مساعدة فأنا في الخدمة :D

---

لا حبيبتي بكفي وبوفي كمان ما أصرتي وكان كلامك كتير حلو ..
يا هلا فيكِ .. ويعطيكِ ألف عافية امورة ..
نورتي الموضوع ,, ومبسوطة بتواجدك ..

تحياتي ~

عُدنا

إقتباس:

---

لأ هي بصفي :محبط: راجعي الردود هههه وآعدة حدي كمان :نوم:

---

:ميت:
على هيك حاولي بأقرب فرصة تغيري مكانك أو حتى فصلك إذا بيسمحوا عندكم بالمدرسة

إقتباس:

---

والله انا بخاف كون تئيلة دم أحيانا وكمان أحيانا بفكر انو ما حدا يعبرني واخجل مدري لشو بتلبك وبتجيني أفكار كتيرة :(
بئول لو حدا بدو يحكيني كان بدأ من زمان إلي اسبوع بالمدرسة هي ><"
بس يلا الشغلة بدا همة مستحيل إإدر ضل عطول لوحدي هيك ومع هي البنت .. بما انو هلأ عطلة رح بحاول نفسيا اني إبدأ مع شي وحدة ><
ادعيلي

---

اذا ما حدا حكى معك ممكن بسبب انك عم تمشي مع هديك البنت فاذا بدك تحكي مع حدا حاولي ما تكون معك
>> اعملي حالك مثلاً بدك تكبي شي بالزبالة بعيدن عنك و روحي لاي حدى
واهم شيـ خلي عندك ثقة بنفسك :رامبو:

اذا ما تريدين البنت صديقه لك،، تقدرين تتعرفين على بنات ثانيات

مثلا في الصف، حاولي تتعرفي على البنت اللي جالسه جنبك، مع الوقت بتتفقون

ها حال اي وحده تنتقل لمدرسه جديده او الجامعة وما تعرف فيها حد..

اصبري شوي و بتتعودين على الوضع و بتلاقين صديقات جداد...

وعليكم السلام ورحمه الله وبركاته..

كيف حالك حبيبتي ان شاء الله بخير..؟؟

الصراحه انا حاسه فيك..

لاني مريت بالتجربه هذي..

انتقلت الى مدرسه جديده..

وتعرفت علي بنوته والصراحه انا ماحبيتها وكرهتها وكرهت المدرسه والسبب هي..!!!

لان سوالفها كانت ممله ولانها كانت اخت صديقت اختي الكبرى>>>سالفه خخخ

وانا مضطربه اني ابتسم لها من غير نفس..

لكن صبرت عليها كم اسبوع وافتحت قلبها لي ..

واذا واجهت مشكله تتصل علي وتشكيلي.


والله انا كرهتها لكن الحين حبيتها واهي من اعز صديقاتي..

ماتوقعت ابد اني احبها وتصير توأم روحي..

عرفت ليه كرهتها في البدايه لاني ماكنت عارفه طيبت قلبها

والحين مستحيل اتخيل المدرسه من دونها..

والله لو اتكلم عنها من هنا لباجر ماراح اخلص..

لكن اصبري حبيبتي عليها وحاولي انك تعرفين على البنات..

والله حاسه فيك قلبوووو..

لكن الحمد لله انا مرتاحه لصديقه عمري اللي كرهتها في البدايه..

واسفه على الاطاله حبيبتي^_^
.
.
.
.
دمت كما تحبين^_^

والله اختي من رأي ان تحاولين الاندماج وتكوين الصداقات بنفسك

لا احيانا الاهل يجدون ما لا يوالمنا وحتى تكونين حره في اتخاذ الاختيار

و اعطي البنت فرصه وتكلمي مع البابا واتمنالك كل خير

تقبلي مروري.

اهلين أمورة :)

إقتباس:

---

:ميت:
على هيك حاولي بأقرب فرصة تغيري مكانك أو حتى فصلك إذا بيسمحوا عندكم بالمدرسة

---

بس لينتظم الدوام أكتر وأكتر وتتئسم الفصول منيح ان شاالله رح بنتئل على غير شعبة هيك بكون احسن ما تكون عطول بخلئتي :نوم:

إقتباس:

---

اذا ما حدا حكى معك ممكن بسبب انك عم تمشي مع هديك البنت فاذا بدك تحكي مع حدا حاولي ما تكون معك
>> اعملي حالك مثلاً بدك تكبي شي بالزبالة بعيدن عنك و روحي لاي حدى
واهم شيـ خلي عندك ثقة بنفسك :رامبو:

---

هههههه ايه حلووووة الفكرة يلا قيد التنفيز :مرتبك:..
بالنسبة للثقة :محبط: .. مو كتير ثقتي كبيرة بحالي يمكن لانو ما في كتير ناس بتاخود برأيي ..
أظن الدافع الأساسي رح بكون من رفئاتي الأديمين رح بحاول اجتمع معون عطول واحكيلون عن المشكلة ..

شكرا كتير لمساعدتك .. واعزريني طولت عليك ِ ..
تحياتي ~

http://arb7.com/uploads/7d9b946287.gif

angel face

إقتباس:

---

اذا ما تريدين البنت صديقه لك،، تقدرين تتعرفين على بنات ثانيات

مثلا في الصف، حاولي تتعرفي على البنت اللي جالسه جنبك، مع الوقت بتتفقون

---

ايه معك حئ فيني اتعرف على غيرا بس ازا إدرت ابتعد عنا أكتر + إني إتجرأ و إبدأ مع شي بنوتة :)

إقتباس:

---

ها حال اي وحده تنتقل لمدرسه جديده او الجامعة وما تعرف فيها حد..

اصبري شوي و بتتعودين على الوضع و بتلاقين صديقات جداد

---

المشكلة انو انا دمي عطول محروء :مرتبك:
مافيني هالصبر ..
غير هيك عنجد انا ما تخيلت بشي يوم انتئل من مدرستي بعد ما ضليت فيا فترة كتير كتير طويلة ..
بس متل ما حكيتي مع الوئت ان شالله بتعود :محبط:

تسلمي حبيبتووو على المرور والرد .. ويعطيكِ ألف عافية ..
تحياتي ~

http://arb7.com/uploads/7d9b946287.gif

ريمو الأميرة

إقتباس:

---

كيف حالك حبيبتي ان شاء الله بخير..؟؟

---

انا الحمد لله منيحة .. كيفك انتِ :rolleyes:

إقتباس:

---

الصراحه انا حاسه فيك..

---

إقتباس:

---

لاني مريت بالتجربه هذي..

انتقلت الى مدرسه جديده..

وتعرفت علي بنوته والصراحه انا ماحبيتها وكرهتها وكرهت المدرسه والسبب هي..!!!

---

يعني صرنا تنين ههههه
انا على أكتر من هيك اني من الأساس كرهانة المدرسة واجت هي ::مغتاظ:: خلتني إإرف حياتي عنجد عئدتني بشكل

إقتباس:

---

لان سوالفها كانت ممله ولانها كانت اخت صديقت اختي الكبرى>>>سالفه خخخ
وانا مضطربه اني ابتسم لها من غير نفس..

---

شكلك انجبرتني عليا :(
انا المشكلة بآخر فترة ما عدت إإدر ابتسم وجاملا عنجد انخنئت كتير

إقتباس:

---

لكن صبرت عليها كم اسبوع وافتحت قلبها لي

---

إقتباس:

---

واذا واجهت مشكله تتصل علي وتشكيلي.

والله انا كرهتها لكن الحين حبيتها واهي من اعز صديقاتي..

ماتوقعت ابد اني احبها وتصير توأم روحي..

---

سبحان مغير الأحوال .. عنجد إصتك كتير حلوة :)
بس انا ما بتخيل ممكن يصير معي هيك ..
لأنو هي ما بتحب لا تسمع رأيي ولا افتح شي موضوع ::مغتاظ::
مجرد اني اسمعلا وخلص

إقتباس:

---

عرفت ليه كرهتها في البدايه لاني ماكنت عارفه طيبت قلبها

والحين مستحيل اتخيل المدرسه من دونها..

والله لو اتكلم عنها من هنا لباجر ماراح اخلص..

---

يمكن هي مسألة وئت .. ما بعرف لو انا حكمت من طرف تاني
بس عنجد هالبنت أكلت عئلي بعمري ما مر عليي هيك طبع
طبعا كتير غريب ولا عم بئدر افهم لشو بتدايئ لو انا حبيت احكي واتنفس

إقتباس:

---

لكن اصبري حبيبتي عليها وحاولي انك تعرفين على البنات..


والله حاسه فيك قلبوووو..

لكن الحمد لله انا مرتاحه لصديقه عمري اللي كرهتها في البدايه..

واسفه على الاطاله حبيبتي^_^
.

---

الصبر والصبر :نوم: انا ما فيني صبر ههههه
بس يلا متل ما بدك يمكن عنجد يعملا الحظ ومع الوئت حبّا :لقافة:
بالمقابل رح حاول ضم وحدة تانية إلنا على الأليل يمكن يتحسن الوضع أكتر من هيك
والله لا يفرء بينك وبينا يارب :)
لا ولو بالعكس انا كتير مبسوطة بتواجدك ::جيد::
اهلين فيكِ بأي وئت ..
وشكرا كتير لمرورك الحلو ..
تحياتي ~

happy boy93

http://arb7.com/uploads/7d9b946287.gif

إقتباس:

---

والله اختي من رأي ان تحاولين الاندماج وتكوين الصداقات بنفسك

---

اظن هاد الحل اللي كلنا اتفئنا عليه :rolleyes:
مسألة جرأة وشوية صبر وان شالله بصير كلو تمام ..

إقتباس:

---

لا احيانا الاهل يجدون ما لا يوالمنا وحتى تكونين حره في اتخاذ الاختيار

---

إقتباس:

---

و اعطي البنت فرصه وتكلمي مع البابا واتمنالك كل خير

تقبلي مروري.

---

هي لأن أهلا منيحين كتير البابا بدو ياني امشي معا مع انو هالبنت عكس أهلا ومو حابة احكي لبابا عن البنت ..
وان شالله بعطي البنت بدل الفرصة تلاتة .. والله يئدم اللي في خير ..
شكرا كتير لمرورك ومبسوطة بردك ..
يعطيك الف عافية ..
تحياتي ~