المدرس ذكي فلا تستغل طيبته
السلام عليكم
طبعا في البداية ما حاوجع راسي بالسؤال اللي يقول : كيف حالكم؟
لانكم اكيد طيبين (لو منتوا طيبين ما دخلتوا على النت):D :D :D
بس حبيت اقول ان الموضوع منقول
وتخيل لو ان هذا الموقف حصل معاك او باختصار تخيل نفسك محمد او سعود
وهم اللي تدور عليهم القصة
--------------------------------------------------------------------------------------------------------------------
حبيت أقول لأي طالب جامعي لا لا لا لا لا تستغل طيبة الاستاذ مهما كان
يقول لك هذا انا وواحد من اخوياي متاخرين عن الاختبار ساعه وربع وجايين
بزعمنا بنكسر خاطر الاستاذ ويعيد لنا الاختبار
وش التصريفه يا ولد _-_-_-_- خلنا نقول له ان الكفر (الاطار) بنشر وهو دلخ بيصدق
صدق الاستاذ وخلاص يا محمد وخلاص يا سعود اختباركم يوم الاربعاء 9-1-2002
جا يوم الاربعاء وجات معاه المصايب
((طبعا الاختبار عادي لغه عربيه ))
جا الأستاذ وقال جوالك يا محمد وجوالك يا سعود اعطيناه الجوالات
رح يا محمد في قاعه ورح يا سعود في قاعه (( ابشر )) وزع الأوراق وكانت الصفحة الأولى فيها عشر اسئله وهو قايل لنا ان الاسئله
عددها احدعش اناظر الورقه كل سؤال من العشر اسئله عليه درجه وحده بس
شدعوه يعني السؤال الاخير عليه تسعين درجه ومن يكون هالسؤال وش حضرته
خلونا نتعرف على السؤال الاخير اللي حاطه الاستاذ في صفحه كامله لحاله
وعليه تسعين درجه
وين كان محل الكفر اللي بنشر؟؟؟؟؟؟؟؟؟
تخيلوا هذا سؤال
والاستاذ يقول ان كتبتوه نفس الاجابه انت وخويك بالغي السؤال واحط على كل
سؤال من العشره عشر درجات بدال درجه وان حليتوه مختلف راح تبقى نفس الدرجه
والله العظيم انه اصعب من الف معادله كيميائيه
مره تكتب اللي قدام على اليمين ومره تكتب اللي ورا على اليسار
وانااقول اخر مره غيرت الكفرات اللي ورا يعني يمكن يفهمها سعود ويحط الكفر
اللي قدام بس اي واحد منهم الايمن او الايسر
وسعود يقول في نسه محمد دايم يفحط يعني اكيد اللي بينفقع اللي ورا بس اي
واحد منهم اللي يمين او اليسار
اكتب وامسح واكتب وامسح واخر شي استلم الاوراق
محمد / 8 من 100 وكاتب اللي قدام على اليمين
سعود / 6 من 100 وكاتب اللي ورا على اليمين
حليت ثمان اسئله وسعود حل ست اسئله والنهايه رسووووووووووووب
--------------------------------------------------------------------------------------------------------------------
منقول
