يالله انك لاتوااخذني

ابقولكم قصتن وقعت احداثها منذو مبطي من يوم اني بزر :D
كنا ذيتس الليلة معزومين في مزرعه عند وحدتن تعرفها اميمتي بس ماهنا ميانتن بالحيل
والحريم قاعدين بالمجلس يتفنجلن ويتقهون وسواليف وسعة صدر ووناسه ::سعادة::
وانا من وصلنا مااااش مستاحشتن من بزارينهم ومير اقوم اطلق رجيلاتي لحيلي
واشوف زريبتن مهيب بعيده مليانتن من الدبش خرفان وغنم وبقر مزّلجن عليهم الباب :confused:
وافتح الباب وادخل وانا فيني محارش ومادريت الا هالدبش اللي هم انتم يالخرفان منطلدزين :eek:
يجيلهم حول 20 غنمه وهالدبش تطارد وانا اطارد وراهم وقوموا انتم يالدبش ومير ينصون باب المجلس
عاد ماودكم تدورن وش صاااااااااااااااااااااااااااااااار :مذنب:
المشكلة ان المجلس كان زحمممممممة وصغير مدري وشلون يـيـزي هالحريم :confused:
انعفس المجلس فوق تحت الحريم قاموا يتراكضون ويتصاقعووون في بعض واللي طاحت واللي انكسرت :ميت:واللي زلقت وجاها تمزق والعجز اغشى عليهم من الروعه والطاولات تكسرت ويالله الواحد يشوف ماقع رجله من الحوسه والمشكله ان الخرفان متوهقه ماتدري من وين تطلع
وازعاااااااااااج معد نسمع الا صراخ هالحريم ويوم مرت هنينهات من الزمن ومير اشوى يعقل ربي عليهن
ويطمرن فوق الكنب ومير توقل راعية العزيمة لميمتي اقول ميب ذي بنيتس وحيشة اللي تراكض ورا الغنم ؟:مذنب:
ويوم شافتني امي تفشلت قالت لا الله مير يصلح حالتس بنيتي هالحين في البيت في سابع نومه ههه

عفوا !

هذا القسم خاص بحلقات الانمي المدبلجة باللغة العربية + مقاطع الانمي باي لغة كانت فقط لا غير ,,

* يرجى أهمية اختيار القسم المناسب للمواضيع التي تكتبها وسيتم حذف المواضيع التي في غير مكانها الصحيح .


الموضوع مغلق ,,
وشكرا ^^